Micah 7:8 - Ohiatonhseratokénti

⁸ Tó꞉sa sewatonhná꞉re tsi takwátʼkonte; nó꞉nen entsatienénhne, kwáh kíʼ thensét꞉thane; nó꞉nen tsi tetiò꞉karas nón꞉we nenhkátsien, ne Roiá꞉ner kwáh kíʼ rahónha thenhatswathénhten.

Micah 7:8 ပူးပေါင်းရင်းမြစ်များ

Job Tánon ne Raoronhiakensera 31:29

“Tó꞉ka ahonkatonhná꞉rake tsi nahontkarón꞉ni tsi nihá꞉ti ne ióntswens, khés nahonkaʼtsenhnakaratá꞉tonke nó꞉nen ne karihwát꞉sen wahakononhté꞉raʼne;

Psalms 112:4

Kaswatʼthétshera teiakoswatʼtheʼténhnis nó꞉nenh tetsiókaras ne tionkwetaiéri; thóh tirihwaʼiéris, ronatanitenhráskon, tánon rotiʼiánere.

Psalms 143:3

Asèken ne iónkshons ionkahtó꞉rats ohontsáke tehionkaskwahseronhkwáhtha, ionkonhniénhnis nakáhtsien ne tsi tetsiókaras nón꞉we kwáh tsi ní꞉ioht ne wahónhnise ahontonhkenhéionhke.

Psalms 20:8

Kwáh enhatiʼiathakwenhtarane tánon enhatihiatsénenhne, ók kwáh kíʼ thentsitewátane tánon entsitewatsathakwahrísi.

Psalms 27:1

Né Roiá꞉ner rahón꞉ha nakswatthétshera í꞉ken ó꞉ni natiatakenhátsera; ónhka ká꞉ti atkhetshánike? Né Roiá꞉ner rahón꞉ha thá꞉nes ne tsi kónnhe; ónhka ká꞉ti akhetshánike?

Psalms 35:19

Tó꞉sa sehríhon ne iónkswenhs, nètho rotinówenhs, ne ahonthatohárahkwe tsi ionhkesénhnion, khés nahionkatkarokérikse tsi tiwakstónston tsi ionkswénhon.

Psalms 37:21

Ne ionkwetaʼtsenhokónha ronwahtiwistaníhas, tánon iáh tehatikwénies nahonsahatí꞉ien, nók ne tionkwetaiérih kwáh ne íken tsi totirihwahiéri tsi nahoténsons sakonawíʼons.

Psalms 37:24

Tó꞉ka enhatihiatiénenne iáh kí tiahontʼkóntaʼkwe, tsoríwah ne Roiá꞉ner enshakosniénon ne tahonsahatítaʼne.

Psalms 38:16

Asèken waʼkaterénhnaien, “Nék khók tó꞉sa sehríhon ne iónkshons nahontatiatanerákwahte ní꞉i thóh nát꞉sa, tsi niháti tehonataterénhsaron tsi nihionkát꞉konhte nó꞉nen waʼkateraswaksénhon.”

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Psalms 97:11

Né Rawenni꞉io ne tsi nithorihwaʼiéri teiakoswatʼthethénhnis kwáh tsi ní꞉ioht ne kahásehra ronónhake ne rahonkwetashón꞉has ne ronathonkwetaʼkwahríhshions, tánon né tsakohawithénhnis natsenhnonhniátsheras ne thotirihwaʼiéris.

Isaiah 2:5

Ó tsi ronónshote ne Jacob, káts, áhnion thóh tewathénhti rahoswathetserákon ne Roiá꞉ner!

Isaiah 49:9

sakawenhníhaʼkwe ne ratinó꞉ton, “Tasewahiáken,” né tsi nítsion ne tetsiókaras nón꞉we sewénhteron, “Sewathaté꞉nest.” Kwáh enhonwatinón꞉te tsi niʼiohá꞉hes, akwékon nentʼthón꞉nete ne éhʼnekens ionhniaʼrónhnions kwáh thóh nón꞉we naʼthenhontskahónsehke;

Isaiah 50:10

Ónhka ne tsi nítsion tsiʼsewakweniénstha ne Roiá꞉ner tánon sewatewenhnará꞉kwah ne raoʼwenhnaókons ne raonhá꞉tshera, ónhka thóh nón꞉weh niien ne tsi tetiókaras tánon iah teiakóien ne kaswathétshera, né kí tsakétat thóh raosénhnakon ne Roiá꞉ner tánon ne ronhwaniá꞉hes ne akoʼNí꞉io?

Isaiah 9:2

Né onhkweʼshón꞉ʼa ne thóh nón꞉we nihiakotahitákhene tsi tetsiókaras kaswathetserowánen waontká꞉tho. Né꞉ne tsi nihiákon ne thóh nónwe niʼienákerekwe ne tsi ionhontsáien ne kwáh tetsiókaraskwe— akahonháke watsioswát꞉thene.

Jeremiah 48:27

Moab, sehʼhiáranh tsi ní꞉ioht tsi thisehhierónhʼon ne Israerʼró꞉nons? Ehniseʼierahséhaʼkwe tsi shí꞉ken ní꞉ioht ne rahtinénhskwas ahonwahtiʼiénenhke.

Jeremiah 50:11

Ne Roiá꞉ner ráton, “Í꞉se ne Babyloniaró꞉nons nesewahiató꞉tens, wahitsiʼnenhskwenháton nakonkwetahshón꞉a. Satʼtsenhnónhni ó꞉ni sathonnáhereh, thóh nishaʼtatiéren tsi ní꞉ioht tionónhskwahron kahentáhke tehioskáhon khés ne tsi naʼtehaniónhkare ne kosáhtens,

Jeremiah 8:4

Ne Roiá꞉ner wahakró꞉ri nakʼkheró꞉ri ne rahonkwetahshón꞉a, “Nónenh ónhka enhahiatiénenhʼne, iáh kén tahteshá꞉tas? Nónenh ónhka ensatʼthahatéwahthe, iáh kén tehsátʼthons?

Ezekiel 25:6

“Kén kíʼ nahó꞉ten ne Ronhnontí꞉io Roiá꞉ner rathónhnions: Wathisehwahsárohke tánon iaʼtisehwahnitiónhkwahkwe tsi nesewatʼtsenhnónhni. Skenrónhni tsi ionwénhtsaien ne Israerʼró꞉nonhke.

Ezekiel 35:15

kwáh tsi ní꞉ioht tsi wahshá꞉thonnharen sahkariwahiesa ne Israel, né꞉ne kwáh Í꞉i akawenhk. Tsi iononhtáhere ne Seir, hén, ohontsakwékon ne Edom, kwáh enkaiésʼsa. Ethòne onhkwetaʼkwékon enhiakoteriéntarahne tsi Í꞉i ne Watiá꞉ner.”

Ezekiel 36:5

“Í꞉i, ne Wakenonhtí꞉io Watiá꞉ner, wahkathatíhon né kwáh shiʼwahkenhakwénhen ne aktátsies kanakerahserahkéronhs, tánon sénha tsi nóhkwa ne Edom. Kwáh ronatʼtsenhnónhni tánon tsewáhtion tsi wahatiʼiéna nakonhóntsa tánon wahontʼtháwa ne tsi konhwahthiteronhtákwah ne katshénenhs.

Amos 9:11

Ne thóh entewenhniserá꞉teke kwáh kí ensetkétsko ne tsi rotaskwahkárenhre ne Táwit ne iorieniénhen, tánon ensetkwahtáko tsi natehiorí꞉hon, tánon ensetkétsko ne iorihwenhtáhserons, tánon enskenonsónhni kwáh tsi nitsotónhne ne wahón꞉nise tkénhne;

Obadiah 1:12

Né꞉tho tewenhniserá꞉tehkwe iáh tesaterihwaièn꞉nihkwe naesatkáhthonhke ne tsatateʼkén꞉ʼa tsi nahoteraʼswáksenʼne, khehs iáh tesaterihwaièn꞉nihkwe naesatonhnhá꞉rake tsi naonateraswatsenhne ne sewatatenonkwes ne Judahró꞉nons raonatkaronniáhtshera; khehs naesatatkowanáhton neʼthó wenhniserá꞉tehkwe ne shahatiíehsha.

Micah 4:10

Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

Micah 7:10

Ethò꞉ne kʼi ne ióntswens enhontká꞉to, tánon atehénsera entioró꞉roke tsi niká꞉ien ne wakén꞉ni, “Kaʼní꞉res ne Roiá꞉ner Saní꞉io í꞉ken?” Ne kahráke enwatká꞉to tsi nenkonwashén꞉ni; ó꞉nenh kiʼ thenkonwaskwáhseron kwáh tsi ní꞉ioht nonawástha ne tsi tekanatokenhá꞉tons.

Zechariah 12:8

Ne nenhkahá꞉wike ne Roiá꞉ner enteshá꞉kone tsi nihiá꞉kon ne Jerusalem nón꞉we nihienákere, shé꞉kon ne kwáh tiakotsihióha thóh nenhieshátstehke tsi nihiothónhne ne Táwit. Tsi nienhontwatsirí꞉ne ne Táwit rahowá꞉tsire enshakothihenténhse tsi ní꞉ioht ne Roiá꞉ner rahoronhiakeró꞉nonh, kwáh thóh nenhiothónhake tsi shí꞉ken ní꞉ioht ne kwáh raónha Ní꞉io akénhake.

Malachi 4:2

Ók kiʼ ní꞉se ne tsi nítson ne sewakweniénhstha nakhsèn꞉na ne karáhkwa ne karihwakwarihshiónhtshera kwáh entkarahkwínekenʼne, ne ne iakotsèn꞉tha enkará꞉tie kanerahontshá꞉keʼs. Ní꞉se kwáh iensewaiá꞉kenʼne tensewaniʼtsonhkwahkwánion tsi ní꞉ioht ne tiohnhónskwaron owí꞉ra ieioiakén꞉ʼen ne tsi tekatáhstha.

Matthew 4:16

Tohiken asatakon iakonnhetiene, kasȣathetseroȣanen ȣaontkatho; nehoni nakȣa tiakononkȣisenne ne kenheiatne, ȣatiakosȣathene.

John 16:20

Oriȣiio akȣa oriȣiio tsi kȣarori, tsi tenseȣasenthoseron, nok entsionsenanion; nok enhiontonnharonnion nonkȣeokon: katon enseȣanikonraksenseron, nok ki tanon atonnharatsera tenstiatteni ne seȣanikonraksentsera.

John 8:12

Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.

Acts 26:18

Tensekakwarísi ó꞉ni tonsashekaraténi tsi non natetiókaras tsi teioskwátʼte niehónne tánon shèkwa ne Raneshonrónon rahosatsténsera nók Rawenni꞉io rahosatsténsera tontashéhion, káti tsi entionkétakwe ne rahothiriwanerahákʼtsera enskanikonrén꞉en tánon enhatiʼiéna neh skátʼke ahonnéseke tsi niháti ne Rawenni꞉io sakohiatarákwen.’

2 Corinthians 4:6

Ne Orihwatokénhti wá꞉ton, “Rawenni꞉io tahanónhton tsi waʼtioswá꞉theʼne tsi nón꞉we tetiokaráskwe.” Nón꞉wa ne Rawenni꞉io tehoswathé꞉ton ne onkwerià꞉ne nakwahronká꞉ten ne raoiaʼtanehrakwáhtshera tho weʼnéston raonhà꞉ke ne Ié꞉sos Kerístos.

2 Corinthians 4:9

Nó꞉nen thé꞉nen tekaʼnikónhrhare, Rawenni꞉io shonkwahriskó꞉ton, ne káti nó꞉nen tenhionhkhiʼniotá꞉ko, shé꞉kon kiʼ tentsitewá꞉taʼne.

Revelation 21:23

Tánon ne kanatowanenke iáh othenen thateiotonhontsioni ne kará꞉kwáh khehs nasónt꞉thenhnekha kará꞉kwáh ne takaswát꞉thete, asé꞉ken ne ne raoiá꞉tanerakwahtshera ne Ní꞉io ne nahoswát꞉thetsera í꞉ken, tánon ne wathaseranihionthá꞉kwah ne ne teiotinakaronhtón꞉ha owí꞉ra.

Revelation 22:5

Tánon ne nón꞉we iáh ó꞉nenh thatahonthaioraráhseke; iáh thateonatonhontsó꞉ni ne kaswathétshera khéhs ne iahaserotákwah khéhs ne karáhkwa, asè꞉ken né꞉ne Roiá꞉ner Ní꞉io ne raotiswaʼthétshera enkenhá꞉ke, tánon kwáh enhontkoraste tsi ní꞉ioht ne rotinontí꞉ios tsi nienhén꞉we tánon tsi nenhweh enkenhá꞉ke.