Micah 7:7 - Ohiatonhseratokénti

⁷ Ók kíʼ ní꞉i, kwáh kíʼ iatenhikanérake ne Roiá꞉ner, kwáh kíʼ enhihiateráhrate ne Roiá꞉ner, rahónha natiatakená꞉tshera í꞉ken; náhke Ní꞉io enhakaʼthón꞉tehne.

Micah 7:7 ပူးပေါင်းရင်းမြစ်များ

Genesis 49:18

“Enkatehrhá꞉rate naonsahstià꞉tako, O Saiá꞉ner.

Psalms 109:4

Né iatewatkaraténies nakenonronkwáhtshera hionkerihwáʼros, iekaníhare kehiaterenhnaiénhnis.

Psalms 130:5

Ní꞉i Roiá꞉ner rihrá꞉re, nakatónnhets iohrá꞉re, tánon raowénhnake nónh꞉we nikáien nakaskanétʼtsera;

Psalms 25:5

Tatʼkéntes thóh nónh ne sarihwatokentitserákon, tánon takerihónhnien, asèken í꞉se ne ní꞉io í꞉ken natiatakenatiéra; asèken í꞉se kónrahre ne tsi niwenhnísehres.

Psalms 37:7

Sák tasahthatón꞉ni raohénton ne Roiá꞉ner, tánon sanikonkáts꞉te tsi tsiateráhrat tsi nenháiere; Tóhsa sehiaskanétsek tsi niháti ne rotihianerasténni tsi nihatiweienhnóten, Tó꞉ka ní ó꞉ni tsi niháti né꞉ne raʼtihá꞉wi tsi nihonatenikonríhshon ne karihwaʼhetkénsera.

Psalms 38:15

Ók kwáh kíʼ í꞉se Ó Saiá꞉ner, konrá꞉re; kwáh í꞉se, O Saiá꞉ner, tenskerihwaʼserákwahse.

Psalms 50:15

Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

Psalms 65:2

Ó í꞉se ne teserihwaʼserákwas naterénhnaien! Kwáh tsikʼnonwéson nénhtsien nonkweshónha shonháke nón꞉we nenhionterénhnaien.

Psalms 85:5

Kwáh ken tsi nénhwe askwahnákwaseʼke? Kwáh ken tsi nénhwe ensenákwahseʼke ne tahatinekwenhsatátse?

Isaiah 12:2

Oriwiʼiohónwe ne Ní꞉io tsi né natsatakeʼnátsera í꞉ken; kwáh kí enhini tánon iáh kí tahónteronhne, asèken ne Roiá꞉ner rahónha rakeshatstenhseráwis ó꞉ni ne nakerénhna; rahónha ne rotónhon natsatakeʼnátsera.

Isaiah 17:7

Né thóh enʼtewenniseráteʼke nonkweókons iathenhonwatkáneren ne sakohiatí꞉son, tánon ne ratikará꞉kes iaʼthenhonwakánerake ne Rohiatatokénti khók í꞉ken NʼIsraerʼronónke;

Isaiah 25:9

Kwáh enwahʼtsá꞉tonke ne thóh entewennhniseráte, tiaʼtkátho, né kí꞉ken nónkwah Ní꞉io í꞉ken; asèken raón꞉ha ne tsi tewarhárekwe; ne káti ne raón꞉ha ahón꞉ton ashonkwanónsthaʼte. Né kí꞉ken ne Roiá꞉ner rahónha tsi tewarhárekwe; Ánion kíʼ tewatsenhnónhni tánon tewatonhnáren thóh raoʼiatakenahtsherákon.

Isaiah 45:22

Akonhàke nontashátserat tánon enshaʼtatenónsthate, tsewakwé꞉kon ne tsi iehiotonhontsioktaníhon! Asèken I꞉i ne Ní꞉io í꞉ken, tánon iáh tekáien nakó꞉ren akénhake.

Isaiah 8:17

Kwáh kí enhiʼiateráraʼte ne Roiá꞉ner, ne raón꞉ha thóh thotʼkonsashé꞉ton tsi thóh nónshó꞉te ne Jacob, tánon rahonháke nón꞉we nikáien nakahraráhtsera.

Lamentations 3:24

Thokʼkhók níkon wátsien ne:ne Roiá꞉ner, ne káti aoríhwa rahonháke non nikeniahésen.

Daniel 3:17

Tókaʼ ne Rawenni꞉io tsi niká꞉ien ne shakwaioʼténhse rokwénion ne aonsahshonkwaiaʼtatáhko tsi tiotekhaʼkó꞉wa tánon ó꞉ni tsi nonkwá ne í꞉se saʼshatsténhsera, thó katiʼ nenhá꞉iere.

Hosea 12:6

Ók kí ní꞉se, Saní꞉io nón꞉we nionsáse, ne satienawastónhak ne raʼonoronhkwáhtshera tánon ne kaianéren, tánon tasakontakwénhak tsi tsiaterá꞉rat ne Saní꞉io.

Joel 1:19

Íse꞉ke, O Saiá꞉ner, watkasénhto. Asè꞉ken nó꞉tsire onhtsahá꞉te ne kahentá꞉kes; tánon notónhkwas onhtsahá꞉te akwé꞉kon ne karonhtaʼshón꞉as ne kenhentá꞉kes.

Habakkuk 2:1

Kwáh ienhkerát꞉then tsi nón꞉we nahtekenenhraientháhkwa, tánon thóh tentʼtane natenhénrake; kwáh enkathenhnikónhrahren nahonktókenhse nahó꞉ten enhakró꞉ri ne Roiá꞉ner, tánon onhní꞉ioht tsi kwáh thenharihwaʼserá꞉ko tsi nihirihwakwén꞉ni.

Habakkuk 2:3

Kahiatónhak, tiorì꞉wa tsi iáh aré꞉kho tsehióhe ne naiá꞉wenhne nahón꞉we norihwí꞉io; ók ne tsi nikawistáhets iostó꞉re tsi tá꞉we tsi nahorihothénsons ne konhnatónhnionhnis kwáh kíʼ thóh nenhá꞉wenhne. Ethó꞉sane kíʼ nahorihoʼthénsons ioiatakenhé꞉ion ne naiá꞉wenhne; ó꞉nenk tsi ensateráhrate, kwáh orihwiiohón꞉we tsi enwáh꞉we, kwáh iáh tahionísko.

Numbers 5:28

Ók tó꞉ka iáh tehionhí꞉kon, iáh kíʼ othènen thaʼhiohiátawen tánon kíʼ enwáton nahiowiraiéntaʼne.