Micah 7:6 - Ohiatonhseratokénti

⁶ asè꞉ken ranekénhteron tsi nenhoié꞉rase ne roʼní꞉ha enhokénron, ne kaiá꞉tase tetká꞉tane niahiakotiatónti nonisténha; ók ne sáhka ne tiatastsáfa; ne ieshá꞉sons né꞉ne kwáh í꞉se sawá꞉tsire.

Micah 7:6 ပူးပေါင်းရင်းမြစ်များ

Genesis 49:4

Kwáh iáh thaʼtehsató꞉tats tsi ni iáh teiorihwató꞉ken tsi ní꞉ioht nohné꞉ka, iáh kiʼ ní꞉se thahsonkweʼtowá꞉nenke tiorí꞉wa tsi skát꞉ne wetsà꞉rate ne ión꞉kwe ne thaʼteiakeniiáhse Tánon ne wahsónniaʼte ne iaʼníha raó꞉nakte naiohsennáksenʼne!

2 Samuel 16:11

Ne Táwit wahawénhase ne Abishai ó꞉ni ratikwé꞉kon ne raʼonhatseraókons, “Neh kwáh í꞉i riʼiénha teotonhontsóni nahakenonwarhiákon; Tó꞉sa othènon tsiatstérists, tánon tserí꞉on nahatewenhnát꞉sathanion; asèken Roiá꞉ner roʼrihwáhwi.

Psalms 41:9

Iekaníhare ne kwáh waʼkateroserí꞉ios ne kheniahé꞉sen, né꞉ne skát꞉ne tehiakwáhtontskwe, waʼhonkatkónten.

Proverbs 30:11

Ótiaʼke nón꞉kwe enhshakotikenhrenʼserón꞉ni ne kaʼníhsera tánon iáh tehshakotikweniénhstha ne kaʼnisténhsera.

Proverbs 30:17

Tókaʼ thentshié꞉ron ne iaʼníha tókaʼ ó꞉ni enhshéhswen saʼnisténha nó꞉nen eniontiaʼtísa, kwáh orihwà꞉ke wenheión꞉taks én꞉wake tsi sónhnhe tókaʼ ó꞉ni tsokaweʼkó꞉wa aiesakahratàhko.

Isaiah 3:5

Nonkweʼó꞉kons kwáh kíʼ tenhontatenikonraronhiáʼkente, tsi natehóntere tánon ratikwéʼkon ne tehionhnonsanekʼkhánions; ne kén nitotihiónsas kwáh iáh thahonwatiʼkweʼniéstahke ne thotí꞉ions, tánon ehʼtàke enhonwenhnónhni ne thonattsenhnatónhnions.

Isaiah 9:19

Ne ne raonhakwáhtshera ne Sakoiá꞉ner ne ronterí꞉ios ratiʼronhiakerónons nohón꞉tsa otonhontsákʼtsa, ne nohóntsa wahó꞉teke, tánon nonkweshónhas ne wahonwanatsatatʼtsahátaʼkwe notsiráke; iáh ónhka ne tahtesonaʼthateniakénton.

Jeremiah 12:6

Shé꞉kon ne sehwathaténʼon, ne rahtihiátare ne kwáh í꞉se shakwátsire, waheshatenní꞉non; wahontiáthare tsi iaheshatiatónti. Tó꞉sa thasehiétat, iawerohátien tsi ateróh꞉sehra tsi ní꞉ioht tsi rotíthare.”

Jeremiah 20:10

Kwáh tsík ónhka wakhathónte tsi tehiakotiénhon, “Kateronkwáhtshera tsík nónhwe níhres! Ánion káti rahtiríhton ieietʼthiró꞉ri!” Shé꞉kon ne kwáh onhkwahtenrohshon꞉a rotiráhre kíʼ nahonkeriwahnhóron. “Tó꞉ka nónhwa enwáhton ne tahonwahnikonhrahkénni,” né rónton; “Ethóhʼne entewahkwéni nahtsitewahiéna tánon ahonsehtewahkárhiaʼke.”

Jeremiah 9:4

Kwáh tsi niaʼtehionkwétahke tsi enhonthatennikonhráhren tsi nòkwah ne rontenroshón꞉a, tánon iáh ónhka thahónton nahontahonwenhnéthaʼkwe ne rahothiwáhtsires; asèken rathikwékon ne rahothikwáhtsires thóh nihathinikonhráhtha tsi ní꞉ioht ne Jacob, tánon kwáh onhkwetahkwékon sahkotinikonhrahkareʼwáhtha ne rontenroshón꞉as.

Ezekiel 22:7

Kwáh iáh tsi nítsion ne kanatowahnénhʼne sehwanáhkere teietʼtsikweniénstha ne iesaiénha. Sehnikonhrahténhnis ne thihononhontsátes tánon tesehiatotʼthakwénhnis ne ionateréhons ó꞉ni ne tehonthonhnakárhias ratitsahokónhas.

Obadiah 1:7

Ne sewatenroʼshón꞉ʼahs iaesaiaʼténhawe ne tsi tkaristatátie waesaʼnikonhrá꞉ten; ne tisewatenrohón꞉ne waesaʼshatstenhserakén꞉ni; Tsi nihá꞉ti ne rotinaʼtará꞉kon ne sanà꞉taro waesaterístaien; iesèn꞉nis, “Nétho iáh oh thé꞉nen teioʼnikonhraièn꞉tat?”

Matthew 10:21

Ienkaheȣe nʼok ne neh teiatennontere enhoriȣente kenheiatne, Roniha ne roienha, ratiksaokonha ensesakohnatkarhateni ne ronȣatiienha nok ensakotirio.

Matthew 26:23

Tontahenron, ne nonȣa ne kenh teiakiatonts enhakatenninon.

Luke 12:53

Roniha enhoteȣentete ne roienha nok ne roienha enhoteȣentete ne roniha; Onistenha enhioteȣentete nakoienha, nok nakoienha Onistenha. Ok neh sahkat ne tiatastsafa.

Luke 21:16

Ok oni ok neh ne ietsinihokon, ietsinistenhokon, teseȣatennontere, seȣatatenonkȣe, nok oni ne seȣatenrookon enhietsiiatenninon; kentiokoȣanen oni tsinitsion nenhonȣatirio.

John 13:18

Iah ki tanon tiiekȣakȣekta, aseken kheienteri ki nonka kheiatarakȣen; Nok ki tanon iatekakonte tsi enkahnane tsinikaiaton, tsi ȣaton; nehne teiakiatonsts ȣahakatkarhateni.