Micah 7:18 - Ohiatonhseratokénti

¹⁸ Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Micah 7:18 ပူးပေါင်းရင်းမြစ်များ

Genesis 4:7

Tókaʼ aontesaierí꞉tonke, iáh ken takonienenke? Tánon tó꞉ka iáh tahontaserihwaiérite, karihwanéren ioniʼtsonhkón꞉ni ne kaʼnhohát꞉ta; í꞉se kí saskáneks, ók ónenk tsi ensatiaʼtakweʼní꞉iohste.”

1 Kings 8:23

tánon wahaterénhnaien, “Saiá꞉ner Sewenní꞉io NʼIsraerʼrónons, kwáh iáh othènen nó꞉ia tekaniʼiosehráien tsi níse ní꞉ioht ne é꞉neken ne tsi karonhiáte khés nehthàke ne tsi ionhwenhtsáte! Sheʼiateweientónhni ne sateriwaseronhniátshera skát꞉ke ne shonkwetaʼshón꞉as tánon shenatónhnis ne sanonhronhkwáhtshera nó꞉nen thóh ní꞉ioht tsi enhonhnónh꞉nheke kwáh ronhnerhiasakwékon tsi eniesawénhnarakwe.

2 Chronicles 30:9

Tó꞉ka Roiá꞉ner nòkwahti nienhtsísewe, ethóhʼne kíʼ tsi nihá꞉ti ne sewathátenonhkwes iehonwahtihiaténha nahonwatinó꞉ton kwáh kíʼ enhonwatiténhren tánon enhonwatiríhʼon né tahonhtahónh꞉ne. Né Roiá꞉ner Sewaní꞉io í꞉ken tsi torihwaiéri ó꞉ni rotanitenhrátsʼton, tánon tó꞉ka rahonháke nienhtsísewe, kwáh kí enhtsihtsisewaiéna.”

2 Chronicles 6:21

Sathóntet nakwahterénhnaient ó꞉ni ne raonaterénhnaient ne shonkwetashón꞉as Israerʼró꞉nons nó꞉nen tenhontkáneren kí꞉ken nón꞉we tánon nenhonterénhnaien. Né thóh nón꞉we tsi tesí꞉teron ne karonhiáke takwahthóntek tánon shaskwahnikónhrens.

Nehemiah 9:17

Iáh tehonathontháton nahonthahonsáthate, khéhs nahonehiá꞉rakes ne iorihwanerakwahténions tsi nahoʼténhsons tsi nisehiatié꞉rahse ne ronónha; ók wahontenontsistahní꞉rate tánon iathotirihwaién꞉tahse thóh niahonsahón꞉ne ratináskwa ahonsahónton thóh tsi ronatenontistahní꞉raton; ók í꞉se ne Ní꞉io ne sheseʼnikonrénhse, thisarihwaié꞉ri tánon sanitenhrátskon tánon iáh tesenhakwástore tánon titkáhere kanoronhkwátshera; tánon ní꞉se iáh teseiatewenhtétha.

Psalms 103:13

Tsi kiʼ ní꞉ioht ne kanísera tsi natesakoró꞉tons ne sakoiohokónhas, káti ne Roiá꞉ner thóh kíʼ natesakoró꞉tons tsi nihiákon ne ronwaʼrihwakweniénstha.

Psalms 130:4

Ók káien ne kanikonhrénhtsera ne shonháke. Né ká꞉ti í꞉se akwahsénhnaien.

Psalms 35:10

Kwáh akwahtonnhetierakwékon tsi enkí꞉ron, “Ó Saiá꞉ner, ónhka nahonsaiesaiérenhke? Sesehʼniakéntha ne iakothenté꞉nion tsi nòkwah ne sahkotishaststenhserakénhnies ne iakothenténion, né iakothenhténion ó꞉ni ne teiontkárhias tsi nòkwah ne sahkotitesthénhni.”

Psalms 65:3

Eʼthohʼsáne nonkweriaʼnéshon titkáhere ne rarihwáʼneren, Í꞉se tsiʼsahrá꞉kewe nonhkwaʼrihwanerahák꞉tsheras.

Psalms 65:4

Iakotáskats tsi nihiákon ne sehiatará꞉kwen tánon tesehiaténha ákta né niahontáwehiaʼte ne sanonsatokentiʼkówaʼne ne taiesanonweráton tánon naiesahsénhnaien, ne kahiathateríhtseras nonkweshón꞉ha iehiénas ne sanonsatokentiʼkówaʼne nónwe nitewètha, né꞉ne kaiatateríhtseras teskwáwis thóh kanónskon ne Sanonsatokentiʼkówaʼne.

Psalms 71:19

tánon ne sarihwakwahrihshón꞉tsheras, Ó Sewenní꞉io, iéwas tsi nón꞉we ne kwáh tioteronhiátes. Í꞉se né iorihowá꞉nens tsi nisahtseránion, O Sewenní꞉io, ónhka nahonsaiesaiérenhke?

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Psalms 89:6

Asèken ónhka ne karonhiáke naiekwéni tahontahonwaʼteniénthenste ne, Roiá꞉ner? Iáh ónhka ne ratironhiakeró꞉nons ne thatahontesewát꞉theke,

Psalms 89:8

Saiá꞉ner Sewenní꞉io Sashaststenhseroʼwanenhkówa, iáh ónhka né naʼiesahásteke tsi ní꞉se ní꞉ioht; sarihwaʼtokentítshera tesatsatáton.

Exodus 15:11

“Saiá꞉ner, ónhka nó꞉ia ne niʼiohokónhas tahontahieʼsateʼnienténhste? Ónhka ahonsaʼhiesahié꞉renke, ioriwanerákwat iotoʼkénti? Ónhka ahiekwéni nahiakohióten ne ioriwanerákwat ó꞉ni ne kashatsʼtenseroʼwánens tsi nahiéʼiere tsi níse nishié꞉ra?

Exodus 34:9

Wahénron, “Saiá꞉ner, tó꞉ka kwáh tókenske serientí꞉ios nakonhàke, Konriwanonhtónhnis nahitewaʼteró꞉shen. Kíʼ onkweshón꞉a ne rotinonhtsistanírons, ók shaʼsanikónhren nonhkwariwahetkénsera tánon nonhkwahriwanerenháktshera, tánon takwahiéna tsi í꞉se shonkwéta akénhake.”

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Isaiah 33:24

Tánon iáh ónhka ne thóh ienákere nahiaiéron, “Wakenonwákʼtani”; nonkweshón꞉has né nón꞉we niʼienákere kwáh kí enskanikonrénhenke ne raoʼtirihwaneraháktshera.

Isaiah 38:17

Oriwiʼiohónwe né natiaʼtakenáhtshera kènhne né꞉ne teiotenonhianíton tsi kí wakenikonhráksenhskwe; ók thontasónhneke ne tsi kónnhe ne tsi tsiosónwaien ne atkaronhniátshera, asèken akwékon í꞉she ieshá꞉tion nakerihwaneraháktsheras tshónnhe nón꞉we nisáien.

Isaiah 40:18

Ónhka ká꞉ti tahontatsiaʼteniénhtenste ne Rawenni꞉io, khés onhnahiotón꞉hake tsi tashé꞉ron ne rahónha?

Isaiah 40:25

Ónhka ká꞉ti né kénʼen kwáh ní꞉se taskwáhron ní꞉i, ónhka né sahtahontahiontsiát꞉teke akénhake? rá꞉ton ne rahonháha khók né roʼiatatokentíʼonwe í꞉ken.

Isaiah 43:25

Í꞉i, Í꞉i ne rahónha í꞉ken Í꞉i skeriwathón꞉tha ne saterihwatewahtóntshera né꞉ne kwáh Í꞉i akerihonhniát, tánon iáh tahonsakeiáraʼke ne sariwaʼnerahák꞉tsheras.

Isaiah 44:22

Wakonhèwen éhʼren watʼkhawíton ne sarihwanerahát꞉tshera tsi ní꞉nioht ne tsi iotsatarónh꞉nion, tánon ne sarihwaneraháktsheras kwáh né꞉ne iahonhaʼwínon í꞉ken; akonhá꞉ke natonhtáse, asèken I꞉i skhonʼhiatákwen.

Isaiah 55:7

Ánion ne ronhnonkwetaʼtsénhkwa rontiakwahríhsi tsi nihatiʼweienhnióten, tánon ne iáh teotirihwaʼkwaríhshion tsi nihonanonhtonhnthiontseró꞉tens; Sheʼríhon rahonháke ne Roiá꞉ner nieshón꞉ne, ne ká꞉ti nahónton ashaʼkóthenre, tánon rahonháke nón꞉kwah Ní꞉io꞉ne, asèken kwáh enkananónhake tsi ensheʼsakonikónhrenhse.

Isaiah 57:10

Waʼteswisénheie tsi nió꞉re tsi tesatawerienháties, ók iáh kí tésenh, “Iáh othènon tekarihwástha.” Shasekʼtsénhri ne saskanék꞉tshera thonʼtahióteke, tánon ká꞉ti iáh theʼsatesatsʼtenhserokʼtáhon.

Isaiah 57:16

Asèken iáh tsiahontʼkhontákwenhke tsi akherihwarósehke, khés né tsiókonte ahonkenakwénhenhake; asèken eʼthó꞉ne kí nonikónra enwatakénheʼie nakʼkénton, iekaníhare natónnhets ne kwáh Í꞉i wát꞉son.

Isaiah 62:5

Asèken kwáh tsi ní꞉ioht ne kentiʼthohiónha rónkwe wahatateniát꞉then ne kén nitsohiónha iónkwe, né kí nón꞉neʼe ó꞉ni ne iesanonsonhniénhnis wesewaniáke, tánon tsi ní꞉ioht né roniákon rotonnáhere ahonhàke ne rotiʼniá꞉kon, káti né Rawenni꞉io enhiaʼtonhnahéraʼse nonníse.

Isaiah 64:9

Tó꞉sa né kwáh í꞉ken tsi ahiʼsanakwenhénhake, Ó Saiá꞉ner, tánon tó꞉sa sehiá꞉rak né karihwaneraháktsera né tsi nènwe ahkénhake. Nón꞉wa tetsató꞉ret, iakwahkwé꞉kon í꞉se shonkwéta í꞉ken.

Isaiah 65:19

Kwáh enkatonnháren ahonhá꞉ke ne Jerusalem, tánon wakatonhnáhere rononháke nakonkwetaʼshón꞉has; iáh shé꞉kon tahonsahioronkatónhake ne tahionhséntʼtho né nón꞉we naiakotónhteʼke khés né kasentʼthó꞉tshera né kanikonrahronhiakénhsera.

Jeremiah 3:12

Wahakró꞉ri ne iáke tánon nakró꞉ri ne Israel, “Iáh tehiorihwahtó꞉ken Israel, íh nòkwa nahthétewe. Wahkahthanitenrástskon tánon iáh tahonkenáhkwen; iáh tsi nénhwe thakonhnáhkwahse.

Jeremiah 3:5

Iáh seh tiókonhte tahisahnahkwénʼen; iáh tsi nénhwe taskenáhkwahse.’ Israel, thóh nísenh, ók tsi naskwéni orihwahkwékon ne wahétken thóh náhsehre.”

Jeremiah 31:20

“Israel, í꞉se ne kwáh tkonorónkwah konhiénʼa, tsi nikáien ne kwáh tiohiánereh riʼnorónkwah. Ne nónen enkonnáhton, tsi enkonhianonhtónnionʼse ne ne kanoronkwáhtshera. Nakwéri sakáneks; kwáh enwahtsiénthake naʼthaniténron.

Jeremiah 31:34

Iáh ónhka tsi niháti nashakotirihónnien ne ronahténros tóka ó꞉ni ahshakotiʼrórih ne tehonnonsanéken, ‘Tsienteríhak ne Roiá꞉ner,’ tsioríwah tsi ratiʼkwékon enhiontienteríhake, ne ne kwáh kenk nahiesénnasʼke tsi nióre ne kwáh tsiaʼkotsénnahthe. Ensehkhenikónhrenseh ne raoʼtirihwahneraháktsheras tánon kwáh iáh tahonshaʼkehiárahke tsi naʼthahonahterenthaʼwehréhon. Í꞉i, ne Watiá꞉ner wakatáti.”

Jeremiah 32:41

Kwáh akatʼtsennionniatseráhkon tsi nenhkhehiatsiérahse ne iohiáneres, tánon kwáh iehiokonhtákwen tsi enkhétheron ne kén nónhwe nihionhóntsaien.

Jeremiah 33:8

Kwáh ensheʼkherahkéwahse tsi nòkwah ne karihwáhneren nètho tsi nihothiníkonh tsi nòkwah Í꞉i, tánon ensheʼkhenikónhrenseh ne rahotiʼriwahneraháktshera ó꞉ni tsi naʼtehothirihó꞉ron.

Jeremiah 38:8

Sók kíʼ ne Ebedmelech thóh wáhrehthe tánon wahawénhase ne Ronnonhtí꞉io,

Jeremiah 50:20

Ne thóh enwenhniserahtéhnionhke, ráhton ne Roiá꞉ner, iáh thahóten ne kariwáhneren thaʼkatʼtshéronhke ne Israerʼró꞉nonhke iáh ó꞉ni ne Judah nónhwe, asèken ensetʼkhenikónhrenhse nonhkweshón꞉a ne iatehonahthaténron. Í꞉i, ne Watiá꞉ner, wakatáti.”

Jeremiah 9:24

Tóh꞉ka ónhka í꞉ienreh tahiontaʼterénsahron, ne ahówenk tahierénsahron tsi hiontsentéri tánon hionkenikonrahiéntas, tioríhwa nakenoronkwátshera tsi ioriwató꞉ken, tánon ethóh nitiérah nahó꞉ten ne kaiáneren tánon tkariwaiéri. Ne kí꞉ken nahorihoténsons ne wakerientiʼióstha. Í꞉i, ne Watiá꞉ner, wakatáti.”

Ezekiel 18:23

Ísereh onhtèken ne katʼtsennonhniátha nakhèken hionkwetahétken ahiaiéheie?” tieriwahnónhtons ne Ronhnontí꞉io Roiá꞉ner. “Iáh, ne ahonthakeráhko ahonshahiontatréwahthe tánon ahiakónhnheke.

Ezekiel 33:11

Sehró꞉ri tsi nihioriwí꞉io tsi Í꞉i, ne Wakenonhtí꞉io Watiá꞉ner, Í꞉i ne konhnhehónwe Ní꞉io, iáh tekatʼtsenhnónhnis tahikánerahke ne rohriwáhneren ahrénhieie. Ne ahonthakeráhko tatkhekánerahke ahóntkaʼwe tsi rohtiriwahnerenháties tánon ronhnónhnhek. Israel, sátkaf tsi nikariwáksen tsi nishá꞉tierah. Onhʼnonhtséren tsi ísereh ashí꞉hehie?

Ezekiel 33:16

Kwáh enshinikónhrenhse ne kariwáhneren tsi nahotiérenhke, ók enhrónnheke tsioríwa tsi ne rohióthe ne tkariwahiéri ó꞉ni ne iohiánere.

Daniel 9:9

Í꞉se ne satanitenrátskon ó꞉ni tsisaʼnikónrhehns, iaweronhátien tsi iáh tekwawennaráhkwen.

Hosea 14:2

Iasewáhaf nowén꞉nas tánon rahonhà꞉ke ne Roiá꞉ner nionshá꞉sewe; tsi sewénhas, “Akwé꞉kon é꞉ren sáwit ne kanhí꞉tshera; ne tséna nahó꞉then ne ioiánere, tánon kwáh kí ienhiakwáhthate tsi nitsakwahtateriwastá꞉ni.

Hosea 14:5

Kwáh thóh nenhtiatothénhake kwáh né꞉ne iohawé꞉ien ahonhà꞉ke ne Israel; kwáh thenhatsitsanékare tsi ní꞉ioht ne katsitsará꞉kens, kwáh enhioteréshonkes tsi ní꞉ioht tsi ioronhtó꞉tons ne Lebanon nón꞉we.

Joel 2:32

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.

Amos 1:11

Ne kí꞉ken aorí꞉wa Rá꞉ton ne Roiá꞉ner: Asè꞉ken áhsen nieioterátston iorihwanéren ne Edom, tánon ki ne kaieríhaton, kwáh ki nenʼneʼeh iáh thaʼtaonsonkaterihwaténien ne karewahtáhtshera; tiorí꞉wa tsi aʼshareʼkó꞉wa wáhonste tsi wahonwanató꞉rate ne rontatekoʼokón꞉as tánon akwé꞉kon wahatirihwáhtonʼteʼ natanitèn꞉ron; onterihwató꞉kenhste tsi wahatháwa ne raonaʼkwáhtshera tánon iáh nonwén꞉ton tshaʼtetsoientá꞉ʼon.

Amos 7:8

Tánon ne Roiá꞉ner wahakénhase, “Amos, onhnahó꞉ten satʼkáthos?” Tánon waʼkí꞉ron, “Ieserihiethenthákwa,” Ethò꞉ne wahèn꞉ron, “Satkáto éntsen ne ieseriiethentáhkwa raotinenhrí꞉hen nakonkweʼtashón꞉as Israerʼró꞉nons; kwáh iáh nonhwén꞉ton shé꞉kon thahonsakhenikonhrénhse;

Amos 8:2

Wahèn꞉ron, “Amos, nahó꞉ten satkátos” Tánon waí꞉ron, “á꞉there titkáhere nakenhnakékha kahiksónhas.” Ethò꞉ne ne Roiá꞉ner wahakénhase, “Ne tsi iehiotót꞉te iahónwe rononhà꞉ke nakonkweʼtashón꞉as nʼIsraerʼró꞉nons; kwáh iáh shé꞉kon nonhwénton tahonsatkhenikonhrénhse.

Jonah 4:2

Sók ki Roiá꞉ner iahorihwakà꞉tatshe, “Iáh ken tewá꞉ken ne ohén꞉ton shontakahtén꞉ti tsi kwáh kiʼ eʼtho nénhshiere, Saiá꞉ner, ne waʼkarihón꞉ni Spain nón꞉we iaʼkateʼkwáshen! Wakaterién꞉tarahkwe tsi sá꞉ien ne kanoronhkhwáhtshera ó꞉ni satanitén꞉ron Sewenní꞉io, saiaʼtakenhé꞉ion ne aesanà꞉khwen ó꞉ni kanáhnon ne iáh teiorihwanó꞉ronʼs kanoronhkhwáhtshera. Wakaterién꞉tarahkwe tsi niwatié꞉sen ne taonsahstá꞉ton ne sarihwaʼshón꞉ʼa ne tóhsa ahsheiá꞉tonʼte kí꞉ken onkweʼshón꞉ʼa.

Micah 2:12

Kwáh orihwiiohón꞉we tsi enskwahiataró꞉roke sewakwé꞉kon, O Jacob, kwáh ensehkhehiataró꞉roke ne niatehonathaténhron Israerró꞉nonhke; kwáh skátne enkhè꞉teron tsi ní꞉ioht ne teiotinakaronhtón꞉a ne Bozrah nón꞉we, tsi nón꞉we nikonhwatiʼteronhtáhkwa tánon tsi nikowá꞉nen teiakonitonhniathén꞉nis nonkweshón꞉as.

Micah 4:7

Tánon ne iontsinokhátha ne enkheionniáte ne iatahonathátere tánon ne teiakorenion enhonatiokowanenhke tánon enhatishátsteke. Tánon ne Roiá꞉ner kwáh kíʼ ensakonontí꞉ioke ne tsi tionónhte ne Zion ne nón꞉wa tánon né꞉ne tsi nén꞉we enkénhake.

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Micah 7:14

Sehiathenhnikónhraren ne shonkweʼtashón꞉as né꞉ne sathénhnits í꞉satst, ne teiotinakarontón꞉a í꞉se shatsenenhó꞉kons í꞉ken, tsi ohnonhatsí꞉wak khók kontinákere ne kará꞉kons thóh sahtekahentí꞉hen tsi ionwenhtsá꞉ien; Sehrí꞉hon thóh iateiontská꞉hon ne Bashan tánon ne Gilead, ne tsi nihiotón꞉ne ne wahón꞉nise tkénhne.

Zephaniah 3:17

Né Roiá꞉ner sah Ní꞉io sewanenrí꞉hen í꞉res; roshatstenhserowá꞉nen tánon énthion natesenhniétshera; kwáh shonhà꞉ke nón꞉we nenhatonhnáren, kwáh atsenhnonhniatsherá꞉kon tsi á꞉se enshiónhni ne raonoronhkwahtsherá꞉kon, tenhohénrehte tsi nihotsenhnón꞉ni ne shonhà꞉ke tsi natehorihwákwen,

Numbers 23:21

Tsi iekatkáthos nètho Isaraerʼró꞉nons tsi niahonenonhátie Kwáh iáh othènen tahonateraskwakʼsenhne khès ne tahonhnikonhráren. Ne Roiá꞉ner Raotiní꞉io tsi ratiʼkwékon; Rontró꞉ris tsi rahónha Sakonontí꞉io í꞉ken.

Luke 15:32

Teiotonȣentsiohonne ki aiontennioten oni aiontonnharen, neh kehiken ehtsekenha raȣenheionne, nok shotonnhetonhatie; rotiatatonhonne, nok onen saraȣe.

Luke 24:47

Nok raonha raosennakon aionteriȣanoton aiakohnikonkararen, nok tsi entsiakoterakeȣase ne kariȣaneren akaonȣentsiakȣekon nonkȣe, kentho Jerusalem ienȣatasaȣen.

Romans 11:4

Onh ní꞉ioht tsi wathoriwaserákwaʼse neh Rawenni꞉io? “Tsiátak tewenʼniawehetʼtserásen niháti ronʼnónkwe kehiatsenawásthonʼne nehʼne iáh tekonwasénʼnaien neh iotokenthitserákʼsen Baal.”

Deuteronomy 33:26

Tsónhkwe ne Israerʼró꞉nonhke sewanákere, iáh nó꞉ia ne ní꞉io teká꞉ien ne thóh nahahiatoténhake tsi ní꞉ioht ne sewaNí꞉io, kwáh iorá꞉se tsi ní꞉ioht tsi rohonwí꞉seres ne tsi karonhiá꞉te, tsi iotsikerarón꞉nions nón꞉we nenhthonhonwí꞉sere nahonthahiaiathakenásera.

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

Judges 10:16

Sók kíʼ é꞉ren shahatihawithánion ne rahotihiatonhnisónhas tánon wahonwasénhnaien ne Roiá꞉ner; tánon waʼtathatenikonhráhren tsi nòkwah ne nʼIsraerʼró꞉nons rahotironhiakénsera.