Micah 7:17 - Ohiatonhseratokénti

¹⁷ Kwáh enhatikanón꞉ton nokénra tsi ní꞉ioht nó꞉niare; kwáh tsi ní꞉ioht nonhontsá꞉ke kontésehres; entkontiiá꞉kenhne tsi ionattionhionton; kwáh enhotiiatíshionkwe raohén꞉ton ne Roiá꞉ner Onkwaní꞉io, kwáh enhotiʼterónhne í꞉se enserihón꞉ni.

Micah 7:17 ပူးပေါင်းရင်းမြစ်များ

Isaiah 49:23

Rontinontí꞉ios kwáh né thensakotísnieʼne ne kanísera enhónton, tánon né iotinonhtí꞉ios né thenkóntsniene né kanisténhsera enkónton. Onhwenhtsáke nienhontserá꞉te tsi thenhontʼtsakéte ne sewahénton, tánon eniesasitakànonte tsi enhonkenrarónhko ne sasitàke. Ethó꞉ne ensateriéntarane tsi I꞉i ne Watiá꞉ner í꞉ken; tsi niʼiákon ne ionkerá꞉re kwáh kí iah tahonwanatéhate.

Psalms 72:9

Wakaterénhnaien ne ronwashóns tsi niháti ne iahonwenhtsiatʼthénke ratinákere rahohénton tahonttsákete, tánon ne ronwáshons tahonwanakenróhiente.

Psalms 18:45

Thiʼononhontsá꞉te tahón꞉ne ronattókeri nakkénton; kwáh tsi niiostó꞉re wahonkewenhná꞉ronhke, tsi wahonkewenhná꞉rakwe.

Revelation 3:9

Ní꞉i kwáh enkeiónhnien tsi nihiá꞉kon ne thóh nón꞉we niiehiá꞉tare ne Ótkon raotióhkwakon tsi nihiá꞉kon né꞉ne iónton ratisitaheró꞉nons tánon iáh thóh tehatiiató꞉ten, ók ronhnowénhtha—ní꞉i kwáh enkheiónhnien ethò꞉ne tánon tenhontenʼtsó꞉ten sahén꞉ton ne shasità꞉ke, tánon enhatiweientè꞉thaʼne né꞉tho ní꞉i tsi konorónhkwa.

Zechariah 14:5

Tsi ensheniá꞉kenhne iatensoʼhéste kí꞉ken ahonráhkwakon né꞉ne tékeni tsi ní꞉ioht tsi tehiotó꞉ren tsi iohnonhtáhere. Enshá꞉teko tsi nihotihié꞉ren ne sehsothonkonhkén꞉en nó꞉nen satsahontsí꞉sonkwe né꞉ne Uzziah shihononhtí꞉io ne Judah. Ne Roiá꞉ner á꞉ke Ní꞉io kwáh éntʼre, rathikwé꞉kon ne ratironhiakeró꞉nonhs enteshakohiaʼténhawe.

Lamentations 3:29

Taihtewatʼtshákete tsi ahitewatewénnarakwe, thóh kasenónwa sékon káien naskanéktsera.

Jeremiah 33:9

Tánon kí꞉ken kanatowáhnenh Jerusalem nakonháke né enkonhwahiátʼtseke atonnharáhtshera, kahnonhwehrahtóntshera ó꞉ni ne kahiatanerahkwáhtshera rahotihénton rahtikwékon nonhkweshón꞉a ne tsi ionwenhtsiáte kwáh rohnónha enhónronʼke akwékon ne ioiáneres tsi nikheʼhiatiérahse; káti kwáh enhonhateroniénten ó꞉ni enhotiʼhiatísonkwe tsioríwah akwékon tsi nihiohiáneres ó꞉ni akwékon ne kahkwahséhtseras tekhehiatʼkahwénhni.”

Jeremiah 16:16

Ne Roiá꞉ner ráton, “Iakhehiateniéthaʼne kwáh ronatiokowáhnen ne ronrhiokawínes nahonthahónʼne tánon ashakotiʼiéna kíʼ onhkweshón꞉a. Ethónʼne kwáh ronatiokowáhnenh rontó꞉rats ienkhehiaténieʼte nahonwahnató꞉rahte kwáh tsi niaʼtehionónhtake ó꞉ni ne tsi hionniarónnion ó꞉ni tsi ionsonwéhnions ne ostenráhkes.

Isaiah 65:25

Nokwáho tánon né teiotinakaronhtónha owí꞉ra kwáh kí skát꞉ne tsi thenonatskahontiéseʼke, né kénreks kwáh thóh ní꞉ioht tsi enkawahetseráke tsi kí ní꞉ioht né tionónskwahron teonákares; ók nóniare—naókwha okénhra nenhnéʼe enkénhake! Kwáh iáh tahiakotikaréwaʼte khés naiakonátonhte ratiʼkwékon nakenontatokentíke, rá꞉ton ne Roiá꞉ner.

Isaiah 64:2

kwáh tsi ní꞉ioht nó꞉nen nó꞉tsire enwatékhaʼte noniénhkwires tánon nótsire né enkarihónhni noné꞉kanos tahionekónhti— né nasónhni né shaʼsénhna nahonateriénhtaraʼne ne iesás꞉wenhs, né káti né ronhnonhontsaʼkeró꞉nons nonhtiérenk ahotiʼiatíshonkwe ne shahénton!

Isaiah 60:14

Né sakotiʼiohokónhas ne tsi nihá꞉ti ne iesaronhiakénthaʼkwe kwáh kí entón꞉ne thenhonahtsaktonhátie né sahénton, tánon ratiʼkwékon ne iesakenronníhaʼkwe kwáh kí thenhontsaʼkéte ne tsi iatesashí꞉taien; né eniesaná꞉tonhkwe né꞉ne raoʼnatowahnénhke ne Roiá꞉ner, né꞉ne Zion né khók nénskak Iotokénti í꞉ken NʼIsraerʼronónke.

Isaiah 59:19

Káti tsi nihiá꞉kon né tsi iatewatshéntos nókwahti iakoʼtohetstákwen tsi enhieʼkweniénstake ne raosénhna ne Roiá꞉ner, tánon tsi nihiá꞉kon ne tsitʼkarakwínekens iakoʼtohetstákwen né nenhʼné꞉e enhiekweniénstake ne raoʼiatanerakwáhtshera; asèken thóh ní꞉ioht tsi éntre tsi ní꞉ioht ne iawenhó꞉tonhtse né꞉ne raonhniséhra ne Roiá꞉ner iorehátie.

Isaiah 25:3

Ne káti né꞉ne ratiʼshátstes onkwehókons kwáh eniesahiatanerákwahte; né kannatowánens ne iáh tehonanitenrátskon onkwehókons kwáh enhieshatsánike.

Psalms 9:20

Shetherónkwen, Ó Saiá꞉ner; Sehríhon nonkweshón꞉ha nahonateriénhtarane tsi ónkwe khók í꞉ken. Selah

1 Samuel 14:11

Káti tenitsá꞉ron iahiatotási rononháke ne Philistiaró꞉nons ronterí꞉ios; tánon ne Philistines wahonníron, “Sewatʼkátho, ne Hebrews thontahotiʼiakenhenhátie ne tsi ioshonwakaróntons tsi nón꞉we nihonatasehtánionkwe.”

Joshua 9:24

Tsi wathatirihwaʼserá꞉ko, “Thóh nahakwáiere, shén꞉shion, tiorì꞉wa tsi wahakwarihwà꞉ronke tsi kwáh tósken í꞉ken né꞉tho Roiá꞉ner Saní꞉io tsi rohró꞉ri ne raonhátsera Mahís tsi ohontsakwé꞉kon ahontáhion tánon nashakononhwariaʼkónhnion nonhkweshón꞉as tsi nihatinakeré꞉nions tsi nienhénse. Thóh nahakwáiere tiorì꞉wa tsi kwaʼtsá꞉nis; hionkwatéronskwe tsi nihiatsionhnhiénion.

Deuteronomy 32:24

Kwáh ne enhothirió꞉the ne athonkarià꞉kons ó꞉ni tsi enhonthithonkwáhro; kwáh ne enhothiriò꞉te ne tehiotenonhianì꞉ton kannrathariné꞉tsheras. Kwáh konhtí꞉rio ienkhehiaʼténiehte niahonwanatiaʼtón꞉ti, tánon ne kanhniaratʼsenhs nahiakotikarí꞉kon.

2 Samuel 22:46

Né thihononhontsáte waʼhonnikonhrók꞉ten, tánon rothiʼiatisónkwa tsi taʼhatiʼiákenʼne nostenhró꞉kon tsi nón꞉we nihonathaséhtonʼne.

2 Chronicles 17:10

Né Roiá꞉ner kwáh akwé꞉kon niaʼsakahónhnien ne aktónhties kanakeraserakérons nahonwatsanísehke ne Jehoshaphat né꞉ne tó꞉sa iahonwatsatónhti nahonterí꞉io.

Psalms 72:11

Waʼkaterénhnaien ratikwékon ne rontinontí꞉ios tahontsákete raohénton, tánon onhkwetaʼkwékon enhonwahiótenhse.

Isaiah 7:19

Tánon kwáh ratikwékon entón꞉ne tánon enhontenatónhni ne tsi nihiotstenhrakárenhre ne teióhnitstenró꞉ren, tánon ne tsi tehionitstenhrorénhserons, tánon akwékon ne tsi iokwiró꞉tons ne ohíktas, tánon kahentakwékon ne tsi konwatiʼteronhtákwah ne raotiʼtsenenhó꞉kons.