Micah 7:14 - Ohiatonhseratokénti

¹⁴ Sehiathenhnikónhraren ne shonkweʼtashón꞉as né꞉ne sathénhnits í꞉satst, ne teiotinakarontón꞉a í꞉se shatsenenhó꞉kons í꞉ken, tsi ohnonhatsí꞉wak khók kontinákere ne kará꞉kons thóh sahtekahentí꞉hen tsi ionwenhtsá꞉ien; Sehrí꞉hon thóh iateiontská꞉hon ne Bashan tánon ne Gilead, ne tsi nihiotón꞉ne ne wahón꞉nise tkénhne.

Micah 7:14 ပူးပေါင်းရင်းမြစ်များ

Psalms 100:3

Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse.

Psalms 143:5

Kéhiare ne wahónhnise tsi niʼiohtónhne, skanonhtonhniónkwas akwékon tsi nisatseránion, skatatehiarakwénhni akwékon ne sahiothénhseras.

Psalms 28:9

Ó sehnónstat né shonkwetaʼshónha Saiá꞉ner; tánon sehiathatérist né í꞉se sonhkwetaʼshón꞉has; ʼi꞉se sehiathenhnikonhráhren, tánon sehnikonhraratiések.

Psalms 95:7

Asèken rahónha nonkwahʼNí꞉io í꞉ken, rahónha rahonkwetaʼshón꞉has ionkwahtón꞉on rahónha teshonkwahriwásnieʼse, tsi kíʼ natesakoriwásnieʼse ne teiotinakaronhtónha. Sewatahónsatat nón꞉wa wenhniseráte tsi nahoténsons ratónhnions!

Exodus 33:16

Ónh ní꞉ioht tsi ahiakoteriéntarahne tsi serientí꞉ios tsi nókwah kí꞉ken onhkweshón꞉ʼa ó꞉ni ní꞉i tó꞉ka iáh tahítewe? Tsi skátke entewésehke né ienhionkiʼienterésthakwe nó꞉ia nihionkwetó꞉tens ne tsi ionwenhtsiáte.”

Song of Songs 4:1

Ah, tsi nisatʼkathotserí꞉io, konhnonrónkwah, ah, tsi nisatʼkathotserí꞉io; ne skarákes kwáh ne ne orìte nonákens ne tsi sataharó꞉ron. Ne sanónwis kwáh ne ne ronatiokowanens kaiatákeras, Roʼnanontatsnentonhátie tsi ionontakáʼrenre ne Gilead.

Isaiah 27:13

Tánon nètho entewenhniserate kowanenh iehonrawátsta enwatatiston, tánon tsi nihiakon ne iakotsiá꞉thatonhon ne tsi ionhontsaien ne Assyria tánon tsi nihá꞉ti ne ronwatihiatinekenhen ne tsi ionhontsaien ne Egypt kwáh tentonhne nahonwasenhnaien ne Roiá꞉ner nètho nón꞉we tsi iononhtató꞉kentike ne Jerusalem.

Isaiah 35:2

kwáh í꞉ken tsi enkatsitsónten, tánon né enwatonnáren natʼtsenhnonhniátshera tánon tenhkaríhwaʼkwe. Né naoiatanerakwáhtshera ne Lebanon kwáh entʼkonhwénhnon, né nahonatkweʼnienstátshera ne Carmel tánon ne Sharon. Kwáh né entsiatʼkátho ne raoʼiatanerakwáhtshera ne Roiá꞉ner, né nah ne rahotʼkwenienstátshera nonkwahʼNí꞉io.

Isaiah 37:24

Sanhá꞉tshera nón꞉we nontá꞉we tsi thatsiéron ne Roiá꞉ner, tánon í꞉sen, “Né tsi wé꞉so wakeserethá꞉ien nó꞉tionkwas Iewakenontaráhon né kwáh tiotenontatón꞉nions, né kwáh ahí꞉non ít꞉ken ne Lebanon; Wakerontsenénhton ne kwáh tkaronhtésons nonenhtaʼkwenhtétshera, ne kwáh tkaʼronhtí꞉ioskwe ne cypress; Iewáko né kwáh ahí꞉non ítʼken ne tiótʼte, né kwáh ioteratóhon.

Isaiah 40:11

Kwáh ensakónonʼte ne raotsiókwas tsi ní꞉ioht ne teotinakarontónha sakónonʼne; kwáh ensakoiataʼróhroʼke ne teotinakarontónhas owiraʼsónhas tsi ensakokitároʼke, tánon ensakohiaʼthenhawíson thóh ranáskwahkon, tánon kwáh skén꞉nonk tsi enhahéntenhse ne teiotinakarontónha kanisténsera.

Isaiah 49:10

kwáh iáh tahontonkárhiake khés nahotiniatákʼthen, iáh ne iowerataríhen khés ne kará꞉kwah thaʼtahiakowisenhéiate, asèken tsi nikáien né tesahkoró꞉ton kwáh né ensakohéntenhse, tánon ákta tsi kaionhatáties nonèkanos nón꞉we nenhsakohénthenhse.

Isaiah 65:10

Sharon nón꞉we athenhénrakon enkonwatiʼteronhtákwahke né raotiʼtshenenʼókons teiotiʼnakaronhtónhas tánon né kaiatákeras, tánon ahonrákwahkon né Achor nón꞉we né raotiʼtshenenókons tionhnóns꞉kwahrons enkontenaskwáhkeron, asèken nakonkwetaʼshón꞉has ronón꞉ha iontiaʼtisákhon.

Jeremiah 49:31

Wáhs tánon iahitsiʼiatsiatónti tí꞉ken ronnonhháhak khók tihontatʼthá꞉wi rotinahtenháwis kentiókwah, ráton ne Roiá꞉ner. Rononhatsíwak khók tihatináhkere ne karáhkon iáh thènenh tewahtenhénrahien iáh ó꞉ni kanèka tehiotenhenrahkáronhte ne rahothináhtakonhs.

Lamentations 1:7

Kwáh nék khók ne ietsahonthónnia, Jerusalem sewatatehiarakwénnis tsi niʼionatanerakwathón꞉ne tsi nitsawénon. Sakonwasénni ne konwásons, iáh ónka tehiotetʼtsénrion nakonwasniénonke; Né konwasénnion wahkonwastériste tsi nihiótion.

Lamentations 5:21

Sonháke nionsaskwahiaténhaf, Saiá꞉ner! Nionsaskwaiaténhaf! Saskwatáko nonkwáwen noksʼténha kaiataterítsera.

Ezekiel 36:11

Kwáh enkhehiónhnien nonhkweshón꞉as ó꞉ni ne konhthitshénenhs nahionatiokowáhna. Sénha í꞉se ensewenhtiokowahkénhke tsi nitiothónhne, tánon wéso ensewahwirahiéntahne. Kwáh enkwahríhon thóh nónhwe nahisewahnáhkereke tsi nisewahrenhnáhonhne, tánon kwáh sénha enhkwahkwasétsten tsi nitiotónhne. Ethòne ensewahteriéntarahne tsi Í꞉i ne Watiá꞉ner.

Leviticus 27:32

Skahiáta ne oiéri niháti ne ienáskwahiens Roiá꞉ner kíʼ rahotshénens. Nó꞉nen enhonwanásehte ne katshénens, tiókonhte noieríhaton ié꞉ken Roiá꞉ner kíʼ rahotshénen íken.

Amos 9:11

Ne thóh entewenhniserá꞉teke kwáh kí ensetkétsko ne tsi rotaskwahkárenhre ne Táwit ne iorieniénhen, tánon ensetkwahtáko tsi natehiorí꞉hon, tánon ensetkétsko ne iorihwenhtáhserons, tánon enskenonsónhni kwáh tsi nitsotónhne ne wahón꞉nise tkénhne;

Obadiah 1:19

Tsi nihá꞉ti ne Negeb kwáh enhontiénawahste ne tsi ionón꞉te ne Esau, tánon tsi nihá꞉ti ne Shephelah neʼne tsi ronnonhontsá꞉ien ne Philistines; kwáh neʼ enhontiénawahste tsi ronnonhontsá꞉ien ne Ephraim tánon tsi ronnonhontsá꞉ien ne Samaria tánon ne Benjamin ronnónha enhontiénawahste ne Gilead.

Micah 5:4

Tánon kwáh thóh tenhá꞉tane ensakonón꞉te thóh raoshatstenhserá꞉kon ne Roiá꞉ner, ó꞉ni rasoiatanerakwahtserá꞉kon ne Roiá꞉ner Raoní꞉io. Tánon enhiorihwí꞉ioke tsi enhonhnón꞉nheke, asè꞉ken nón꞉wa kwáh í꞉ken tsi enhasennowá꞉nenke né꞉ne kwáh tsi iehiotonhontioʼtaní꞉hon nió꞉re ienkanihá꞉rane;

Zephaniah 3:13

Ne niateonathaténhron ne Israerró꞉nonhke kwáh iáh othé꞉nen thatahonterienʼtawénhrie, khés ne thé꞉nen ahontá꞉ti nonhó꞉wen; iáh ó꞉ni ne kaʼnikonhráthon nawenhnáson thakaktséronhke ne tsi ratisakáronhte; tsi thenhonskáhon tánon enhontsiatiónhnite, tánon iáh ónhka tahonwatiʼterónhkwen.”

Zechariah 10:10

Tsi nió꞉re ne Egypt tánon Assyria tsi kwáh tethekhehiaʼténhawe tánon ensehkhéteron ne rahothinakerahserá꞉kon. Kwáh ó꞉ni Gilead tánon Lebanon nón꞉we nenhkhetéron; kwáh owenhtsakwé꞉kon ónhkwe enhienáhne.

Zechariah 11:7

Tsi nihá꞉ti ne rothinaskwaní꞉nonh ó꞉ni ne ronatenaskwahní꞉nonh ne teiotinakarontón꞉a wahonké꞉nhane, tánon ne wahkhehiaʼtennikónhrahren ne teiotinakarontón꞉a ne konhwanawenhʼthóhsere. Tekahnahkárahke wahkatʼtháwah: nénhska ne wahkenáhthonkwe “Ataniténron” tánon nó꞉ia “Skarihwakʼiken.” Tánon wakhehiatenhnikónhrahren ne konhtiʼtshé꞉nen.

Malachi 3:4

Eʼthó꞉ne tsi nithatiiéhsthaʼs ne Judahró꞉nonʼs ó꞉ni ne Jerusalemró꞉nons kwáh kiʼ enhawerienʼtí꞉iohsteʼ ne Roiá꞉ner tsi kiʼ nitiohtón꞉ne ne tsi nitewenhniseraténionhskwe ne wahón꞉nise tkén꞉ne tánon ne tiotohserohetstánionʼs.

Numbers 23:9

Tsi nitsiotenitsténhrate wátons nakhénen; Entkwéni nakhehiatenhnikonhráren ne tsi ionhniarónhnions nónhwe. Né nonhkweshón꞉ʼas thiʼhononhwáhak khók thíʼken tsi ní꞉ioht tsi ronhnónhnhe; Ronateriéntare tsi sènha ronhwatiʼhiatateríston tsi ní꞉ioht nakorénhsons nonhkweshón꞉ʼas.

Numbers 32:1

Né rahotiʼtsiókwahs ne Reuben tánon ne Gad wèso ronhtiʼnaskwahiénthakwe. Nónen shahiatʼkátho tsi nenhiotihiaʼnerásten ne khontiʼtshénenhs ne tsi ionhontsáien ne Jazer tánon ne Gilead,

Matthew 2:6

Iah teionatakenrat ne Bethlehem Konȣanntonkȣa Sitaeronon rahonatenata, enhiakotoheststen ne kanatoȣanens, aseken enthaiakenne ne Raȣenniio enhonȣennakeraton rahotiokȣa Israerronon.

John 17:16

Iah se tehotinikonranentakon nonȣentsiake tsi ki nii niiot iah teȣakenikonranentakon.

Deuteronomy 33:28

Káti tsi nienhatwatsí꞉rine ne Jacob skén꞉nenk tsi ronhnónhnhek, ioriwí꞉iot ne rahononhontsà꞉kes ne ahiotón꞉nike ne kwáh wé꞉so onátsa ó꞉ni ne onenharataʼsehontsherákeri, ne tsi iohaweieiástha né꞉ne tsi karonhiá꞉te ionekanóntens nonhóntsa.