Micah 7:10 - Ohiatonhseratokénti

¹⁰ Ethò꞉ne kʼi ne ióntswens enhontká꞉to, tánon atehénsera entioró꞉roke tsi niká꞉ien ne wakén꞉ni, “Kaʼní꞉res ne Roiá꞉ner Saní꞉io í꞉ken?” Ne kahráke enwatká꞉to tsi nenkonwashén꞉ni; ó꞉nenh kiʼ thenkonwaskwáhseron kwáh tsi ní꞉ioht nonawástha ne tsi tekanatokenhá꞉tons.

Micah 7:10 ပူးပေါင်းရင်းမြစ်များ

2 Samuel 22:43

Wakhewá꞉heke kwáh ne nokènra ne tsi ionwenhtsá꞉te, Waʼtekhenienstsiá꞉kon tánon waʼkheratatiéson kwáh tsi ní꞉iot onawásta ne tsi tekanatokenhá꞉ties.

Psalms 109:29

Aiáwens ne hiónksons né ahotiʼiatóronhke natehénsera; aiáwens né tahotiwaʼnénhke ne rahonatehénsera tsi ní꞉ioht natserónhnia.

Psalms 115:2

Nontié꞉ren nonkweshón꞉has tsi iónhton, “Kaníres ne Raotiní꞉io í꞉ken?”

Psalms 18:42

Kwáh ioiánere tsi waʼkhenonwenhserário, tsi ní꞉ioht nó꞉nen iokenró꞉te ne tsi iahó꞉te; Waʼkhehiátonte tsi ní꞉ioht ne ionawatstanótes tsi tekanatokénhseron.

Psalms 35:26

Aiáwenhs ratikwé꞉kon ne roʼnatonnáhere tsi nòkwah nakateraswatsenhéntsera ahonwaʼnatéhate tánon tahontenikhonratkhashiónko; aiáwenhs tsi nihá꞉ti ne ionhkatatkowanaténhni atehénsera tsakoróhrok tánon kaʼkenronhniátsera.

Psalms 42:10

Iekaníhare nastsienshón꞉has waʼkakararénhsehrons, né iónkswenhs tehionkaterienhtakariá꞉tha, iehothikonhtákwen ionkerihwaʼnonhtonniónhnis, “Kanón꞉we ní꞉res ne sahʼNí꞉io?”

Psalms 42:3

Natkháseri thó꞉khok ní꞉ioht tsi waʼkeniatanawésthaʼkwe ne tsi niwenhnísehres tánon ne tsi niwasónhtes, thóh ná꞉he ne iónkswenhs ionkerihwanontónhnis, “Kaʼníres ne Saní꞉io?”

Psalms 58:10

Né tiokwetaiéris enhontonhnáren nó꞉nen enhontkátho skakarhiákon; kwáh thóh enhonrashitóhare raotinekwenhsáke ne hionkwetahét꞉kens.

Psalms 79:10

Onhniʼiohtséren ne thiʼiakahontsátes nahionkhirihwanón꞉tonhse, “Kanón꞉we níres ne tsi Sewawenní꞉io?” Takwaríhon nahiakhíken nonkweshón꞉has nahatironhiáken ne karewathátshersa tsi ronhwatinekʼkwáhton ne sanhatsheraókon Kwáh nekénhnis naiakwatkátho.

Psalms 92:12

Né tionkwetaiéris rotiʼianerasthénhnis tsi ní꞉ioht ne ioneratésons ioronhtótons, tánon ronhtehiárons tsi ní꞉ioht ne onenhtakwenhtétshera ne Lebanon tioteronhtonhniánions.

Isaiah 26:11

Ó Saiá꞉ner, ne satsianàke iotharatáhton, ók iáh kí tehontksatos. Sheríhon nahontkátho tsi nisateriwaién꞉ni ne shonkwetaʼshónhas, tánon ronhtéhen. Serí꞉hon nótsire ne iesáskwenhs ne ahonátonhte.

Isaiah 41:25

Saiá꞉ta wahiʼiatorhiá꞉neron nothorèke nonkáhti, tánon kí wáh꞉rawe, kwáh tsinentʼkarakwínekenʼne ienhakenáton Kwáh kí tensakoskwahserón꞉kwahte ne ratikoráshons tsi ní꞉ioht nonawástha, tsi ní꞉ioht ne ratʼtsetónhni teonawatsʼthawénrie ne ionawastʼthakarí꞉io.

Jeremiah 49:15

Ne Roiá꞉ner ne enhateriwahténtsiate nahiatsihióhaʼte, tánon iáh ónhka tahieshaʼkweniénsthaʼke.

Jeremiah 51:24

“Tsi nenh shaʼteróhroke, kwáh ensetʼkhárhiaʼse ne Babylon ó꞉ni nonhkweshón꞉a ne Babylonia nónhwe ne tsi niwahétken tsi nishaʼkonahtiérahse nakonkwetaʼshón꞉a ne Jerusalem nónhwe,” ráton ne Roiá꞉ner.

Jeremiah 51:51

“Hionkihiateháthon,” rónhton nonhkweshón꞉a, “Hionkinikonhraksáhton tánon hionkihiatéhaton tioríhwa ne Roiá꞉ner Raononhsatokentikówa tsi thekentiónston ne꞉ne tihononhontsáte eh nihotiʼiéren.”

Ezekiel 7:18

Káhiare enhontierónhniate tánon kwáh enhothihiatishónkwaʼke. Ne rathinonhtsínes kwáh akwékon enhonwathinónhkare, tánon kwáh rathikwékon tsi enhonwanatéhate.

Daniel 3:15

Ó꞉nen káti, tsi niiohstó꞉re ensewathón꞉teʼne nenwatewennó꞉ten ne iehonrawátstha, ne oná꞉kare, oʼnówa, ne oʼnowaʼkó꞉wa, ne karensotarahrónnion tánon oiáʼshon niiohtánions ne ionterennotahkwaʼshón꞉ʼa, tesewatshá꞉ket tánon sewahsénnaien ne kaiaʼtón꞉ni. Tánon tókaʼ iáh eʼtho thaeʼsewá꞉iere, kwáh kiʼ óksaʼk ienietshiiaʼtón꞉ti tsi tiotékha. Í꞉sewehre ónhte ken tókaʼ seʼnón꞉wa oknahaniiohseró꞉ten nahakwé꞉ni nahʼtshisewaʼniá꞉kenhte?”

Joel 2:17

Tsi naʼtetiátere ne tsi iehiontawehiaʼtáhkwa tánon ne ietsienharáhkwa áhnion ne ratitsihénstatsis, ne ronwaterihwatsterístase ne Roiá꞉ner, tehonsénhto. Áhnion ronhní꞉ron, “Shenónstat ne shonkweʼtashón꞉a, O Saiá꞉ner, tánon tó꞉sa tashé꞉hion ne shonkweʼtashon꞉ahs atehenserá꞉kon ne ronhnonwenhtsakeró꞉nons ne nahonwanatkóraste, Ne káti nahonhní꞉ron ne tsi ratinákere nonkweshón꞉as, ‘Kaní꞉res né Sewaní꞉io?’”

Obadiah 1:10

Asè꞉ken tsi iáh oh thé꞉nen tekaianerenhserá꞉ien tsi nihonwaierá꞉se ne tsatateʼkén꞉ʼa Jacob, kwáh kiʼ atehènhsera entisaró꞉roke, tánon kwáh kiʼ eniesónhnhiaʼke.

Obadiah 1:12

Né꞉tho tewenhniserá꞉tehkwe iáh tesaterihwaièn꞉nihkwe naesatkáhthonhke ne tsatateʼkén꞉ʼa tsi nahoteraʼswáksenʼne, khehs iáh tesaterihwaièn꞉nihkwe naesatonhnhá꞉rake tsi naonateraswatsenhne ne sewatatenonkwes ne Judahró꞉nons raonatkaronniáhtshera; khehs naesatatkowanáhton neʼthó wenhniserá꞉tehkwe ne shahatiíehsha.

Micah 4:11

Ó꞉nenh kwáh ohontsakwé꞉kon ronatsataróhron niaiesatsatón꞉ti, rontónhnions, “Ánion tewahsenhnát꞉sat, tánon ánion tethewatkaróhten ne Zion.”

Micah 7:8

Tó꞉sa sewatonhná꞉re tsi takwátʼkonte; nó꞉nen entsatienénhne, kwáh kíʼ thensét꞉thane; nó꞉nen tsi tetiò꞉karas nón꞉we nenhkátsien, ne Roiá꞉ner kwáh kíʼ rahónha thenhatswathénhten.

Zephaniah 3:15

Ne Roiá꞉ner éhren rohawí꞉ton ne karewathátshera ne shonhà꞉ke; sehsakoktháton ne iesásons; ne Ronhnontí꞉io Nisraeró꞉nonke, né꞉ne Roiá꞉ner, sewanenhrí꞉hen í꞉res tánon iáh shé꞉kon tahonsehsewatkátho ne karihwahetkénhsera.

Zechariah 10:5

Ne nonhkweshón꞉ʼa ne Judah nón꞉we kwáh enhonatʼkwénionke tsi ní꞉ioht ne ronterí꞉ios ne teshakonaskwasheronkwáhton ne ronwahthí꞉sons nonahwásthakes ne tsi tekanatokenhá꞉tons. Kwáh enhonterí꞉io tiorì꞉wa ne Roiá꞉ner tsi ratikwekonháties, kwáh ó꞉ni enshakothishén꞉ni ne tehontátʼtsions ne rohtishá꞉tens tsi ronterí꞉ios.

Malachi 1:5

Tánon kwáh í꞉se tsonkweʼtatshón꞉ʼahs enhontkáhtho kí꞉ken, kwáh kiʼ ensewèn꞉ron, “Iekaníhare ieiotehétston ne tsi karistatátie ne Israel, tsi naʼtehotenonhianíhton ne Roiá꞉ner!”

Malachi 4:3

Tánon enietshiratatiéhshon ne iakonkweʼtahétkenʼs, aseʼkénh waʼkenhrontákwen ronatón꞉ʼon tsi kéntskaron ne sewahsiʼtó꞉konʼs, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Matthew 27:43

Niio rohniahesen; ne kati nahonoronkȣake ne Niio roiatakennha kitanon nonȣa: raȣenȣahi Niio rakienha.

Joshua 7:9

Ne Canaanites ó꞉ni onhkweʼtakwé꞉kon ne tsi kanakerahserá꞉ien enhatirihwà꞉ronhke. Kwáh tenhionkiwá꞉nake tánon kwáh iakwahkwé꞉kon enhionkinonhwarià꞉kon! Tánon ethò꞉ne onhónenh nenhséhshiere nahontásehne ne sharenhsarónhtsera?”

Revelation 18:20

Satonhná꞉heras, o karonhiá꞉ke, í꞉se ne sewaiatatokéntis tánon ne sewateriwanhótha tánon ne iesewahriwákens! Asè꞉ken ne Ní꞉io thokáwen ne kariwenhthátsera ní꞉se ahisewatʼkónten naón꞉ha.”