Micah 6:7 - Ohiatonhseratokénti

⁷ Kwáh onhtéken ne Roiá꞉ner ahawerienhtí꞉ioste ne thó꞉ka tewenhniawehetsheráhsen niháti teotikakaronhtón꞉a ratítsinn, né oié꞉ri tewenhniawehetseráhsen nakónhake kaniataratátie iorésen? Né onhtéken aontatiéste ne thakowá꞉nen rièn꞉ʼa ne aorihwà꞉ke nakerihwanerahák꞉tsheras, ne naoshatsténhsera ne tsi kónnhe asè꞉ken ne nahorihwaneraháktsheras nakatónnhets?”

Micah 6:7 ပူးပေါင်းရင်းမြစ်များ

2 Kings 16:3

tánon ne wahá꞉sere tsi tontahotenákerasʼte ne ronnontí꞉io Nisraeʼró꞉nonke. Kwáh ó꞉ni wahotsatátʼtsahate ne roiénha notsiráhke né nashakoteskóntʼthase ne kaiatonhnisónhas, tontahatenákerahte ne ioterihwatéhas tsi nihatiʼiéra nonkweʼshón꞉ʼas tsi nikáien ne Roiá꞉ner sakoiatinekénʼen ne tsi iohontsáien ne Nisraeʼró꞉nons tsi niahónhne.

2 Kings 21:6

Tánon roiénha waʼhoteskónten né iahót꞉kaʼwe tsi tahá꞉ieste. Né ken niehaʼiéraʼkwe niaharihwáken tánon natahennarátshera tánon shakorihwanontonhniónʼniskwe ne sakonathiathonhserátʼkense ó꞉ni ne ronhnenhéions. Kwáh í꞉ken tsi kowánen waharihwánerake tsi nòkwah ne Roiá꞉ner tánon wahonakón꞉ni.

2 Kings 23:10

Né Ronnontí꞉io Josiah kwáh ó꞉ni wathéntionste ne Topheth, né꞉ne tsi ratisén꞉naienskwe ne kaiatónhni né Hinnom ahonrákwahkon nón꞉we, né ká꞉ti ne tó꞉sa ahónton ne roiénha khés ne sakoiénha ahonwanateskóntʼthaʼse ne raní꞉io Molech.

2 Kings 3:27

Sók kíʼ né꞉ne thakowánen roiénha iahohiathénhawe, tsi rahónha thensohnatʼthákwen nahonsahatenonhtí꞉iosthe, tánon thóh iahohiátaren tsi thenhkensthenrothátse ne wathenhénraien tekanathanátʼthone ne kanatowanénhke né nahotheskontʼthase ne raní꞉io ne Moab. Nisraerʼró꞉nons kwáh í꞉ken tsi wahonateronhniénhthen tánon káti onàken sahónhnethe ne kanatowaʼnénhke tánon rahotinakeraserakónhson nionhsahónhne.

Job Tánon ne Raoronhiakensera 29:6

Nó꞉nen ne shiwaʼkwá꞉tsene, tánon né kénhie thóh tionahó꞉te osténrakes nakerihwà꞉ke;

Psalms 50:9

Iáh thatiéna tsi niteshésta iáh thatehihiatonhontsóni ne sahtsénen tionhnónskwaron rátsinn ne sanekérike thénteron, khés tsi nitsiateskónhtha ne kaiatákeras ní꞉se satshénens í꞉ken.

Psalms 51:16

Iáh né thatesatonhontsóni ne kariwiʼiosehokónhas; tó꞉ka né iakontátʼtse ne watéskonte, iáh né tahisehrenhtí꞉ioste.

Psalms 51:18

Ó Sewenní꞉io, tasarihwaiérik tsi nòkwah ne Zion tánon tiénawas; sahshathenhenronniánion ne Jerusalem,

Proverbs 15:8

Roiá꞉ner rotonhnháhere nó꞉nen tionkweʼtaié꞉ri ronaterén꞉naien, nok ráhswens ne thatíhas karihwiioseʼokón꞉ʼa ne rotirihwanéren.

Proverbs 21:3

Tho ná꞉tsehr tsi nahò꞉ten ne tkariwaié꞉ri, ne sénha enhawerienʼtí꞉io ne Roiá꞉ner ne aontahtshawíhten ne karihwiioseʼokón꞉ʼa naterennaientatsherá꞉kon.

Isaiah 1:1

Tsi nihoterihothashiénhni ne Isaiah ne roién꞉ha ne Amoz, ne tsi wahatkátho tsi niʼtsioterihwatséren ne Judah tánon ne Jerusalem nón꞉we ne sihoʼnahtenhniseraténionsʼkwe ne Uzziah, Jotham, Ahaz tánon ne Hezekiah, né rotinontí꞉iosʼkwe ne Judah.

Isaiah 40:16

Né Lebanon kwáh iáh tsatekaiéri nahontakáiesʼte ne kénhie, iáh ó꞉ni tsatekaiéri tsi níhkon ionáskwahiens naʼiakoteskónten.

Jeremiah 19:5

tánon Baal wahonhiónnien ne ientsienharáhkwa né꞉ne nahonwanahtsiatátʼtsaʼahte ne sahkotiʼienokónha tsi ahontsienkwaronniáthaʼkwe. Iáh nonhwénhton kí꞉ken tetetkheró꞉ri ne etʼnahatí꞉iereh; kwáh iáh nonhwénhton ne tethewakanonhtonniónʼon.

Jeremiah 6:20

Nahó꞉ten katsteristhákwa ne wenhnekeráhkon tionhkhawitenni ne Sheba nónhwe, ó꞉ni ne iekhwá꞉konhonsthákwa ne ahinónhson nióres tionhontsiaténion? Iáh thatiéna ne rahonahthatawítsheras iáh ó꞉ni tahonkherientí꞉io ne rahothiriwiʼiosehokónhas.

Jeremiah 7:31

Nahonráhkwakon ne Hinnom ronnónhni ne ietsienharáhkwa ne konwanahthónkwa Topheth, ne káti nahonwanahtiatatʼtiáhaʼte ne shá꞉kothiienhokonhas ne tsi iotékha. Iáh thekheró꞉ri kíʼ ne thóh nahathí꞉iere—akwékon iáh ne tewahkanonhthonniónʼon.

Ezekiel 23:37

Ionahtenahkwahiesáhton tánon iakonahséhton—kanahkwahiesáhtshera skátʼke ne kahiatónhnis tánon iakonahséhton ne ratiksahokónhas ne ionkenahkeratsʼténhni. Iakonahtiaʼtatsaháton ne kheienhokónha rahotihénton ne kahiatónhnis.

Hosea 5:6

Skátne ne raotitshenenhó꞉kons teiotinakarontónhas tánon ne raotitsenhó꞉kons tionhnónskwarons kwáh é꞉ren enhonhné꞉te ne nahonwaiatísake ne Roiá꞉ner, ók iáh kí tahonwaiataʼtshén꞉ri; é꞉ren rawé꞉ton tsi nón꞉we nihón꞉nes.

Hosea 6:6

Asè꞉ken ne wakaskanékon ne iorihwató꞉ken kanoronkwáhtshera iáh ne kariwiioseokónhas, né꞉ne raothokhá꞉tshera ne Rawenni꞉io tsi ní꞉ioht ne wateskónte ahiontʼtatʼtse.

Leviticus 18:21

Tó꞉sa ienseiát꞉kaʼwe ne seʼienhokónhas nahonwánatsʼte tsi akonhwasénhnaien ne Molech ní꞉io, tsioríhwa tsi ne entkáhaʼwe nahonwasenhnák꞉saʼte ne Rawenni꞉io, ne Roiá꞉ner.

Leviticus 20:1

Ne Roiá꞉ner wahoró꞉ri ne Mahís

Amos 5:22

Iawerohátien tsi takwahtá꞉ti ne tsi sewateskóntʼtha tánon nonátsas tsi nitisewaiéstha, kwáh kí iáh thatié꞉na; tánon tsi nitisewaiéstha ne kwáh ionatakarí꞉tes ne ietsiiarehsénston sewatsenenhó꞉kons kwáh kí iáh takhehiatkáto.

Philemon 1:12

Ó꞉nen ki sonhà꞉ke nón꞉we ienshiiaténiethe, tánon akwé꞉ri énhʼne.

Judges 11:31

Enkhehiatsatátsahathe tsi né enhkhonʼtátie nenhtewatsérenhte nónhka enhtieiákenhne nakenónskon ne tahiatiatátken, nónenh énskewe tsi wakatkwehionhátie. Né enkontátʼtie nètho ónhkwe tsi akhehiateskónhthen.”

Judges 11:39

Shiaʼkáhewe ne tewenhníthake ronhwaniné꞉ha sahiónhwe. Thóh kíʼ nahá꞉iere tsi kíʼ nihoraratsthéni ne Roiá꞉ner, tánon tsi wahahé꞉heie á꞉re khók tehiakoniákonkwe. Ne ki aoriwà꞉ke thóh nikarihoténhne Israeronónhke

1 Samuel 15:22

Tánon ne Samuel wahén꞉ron, “Ne Roiá꞉ner tóh kénh nihatsennonniátha ne watʼtsaháhtons iaiéthate ó꞉ni ne watéskonte, tsi naiontewennará꞉kwe ne raowennaó꞉kons ne Roiá꞉ner? Oriwiʼiohónwe, naiontewennará꞉kwe sénha ne ioiá꞉nere tsi ní꞉ioht ne kariwiʼiosehokónhas, tánon ahiontahón꞉sathaʼte tsi ní꞉ioht ne ronarésens teotinakarontón꞉ʼahs owirasón꞉ʼahs.