Micah 6:4 - Ohiatonhseratokénti

⁴ Asè꞉ken tetkwahiathénha ne tsi tiohontsá꞉ien ne Egypt, tánon skwahiathákwen ne tsi kanónhshote ne iakonaskón꞉nis; tánon iekheiateniéton sahén꞉ton ne ne Mahís, Aaron, tánon ne Miriam.

Micah 6:4 ပူးပေါင်းရင်းမြစ်များ

2 Samuel 7:23

Ónka nahonsahonwatiʼiéren ne shonkwetashónʼahs, tsi ní꞉ioht Israerʼronónke? Ónka kén nakóren akénhake nón꞉kwe ne tsi ionwenhtsá꞉te tsi niká꞉ien ne Ní꞉io sakohiatanónsthaton ne raonkwetashón꞉ha ahónton, tánon ní꞉se atsenhná꞉tatse, ioriowáhnen tsi nishé꞉ra ó꞉ni ioriwanerakwahténions ne raotirihwáhke, ne tsi shaseiatínekenwe raotihénton ne shonkwetaʼshón꞉ʼahs,

Psalms 77:20

Waʼsehénhthense ne shonkwetaʼshónhas tsi shí꞉ken ní꞉ioht ne kattsénen sakó꞉nonhne né꞉ne Mahís tánon Aaron ronaterihwatsteríston.

Exodus 12:51

Thóh wenhniseráteʼkwe ne Roiá꞉ner thasakohiaʼtí꞉nekenʼwe ne lsraeró꞉nons rahoʼtiʼtiókwas ne Egypt nónwe.

Exodus 20:2

“Í꞉i ne Watiá꞉ner Sewaní꞉io tsi nikáien ne tethiaiathinekènʼen ne Egypt, tsi nónhwe tshieʼsanaskonhníʼne.

Exodus 3:10

Káti ó꞉nen wahkonhiaʼteniéte ne tsitʼthénhteron ne Ronhnonhtí꞉io ne Egypt nónhwe né káti nʼaskwéni nahsehhéntenhse nakonhkwetashón꞉ʼa tahontasehiatíʼnekenhwe ne raoʼnakerahserákon.”

Exodus 4:10

Ók ne Mahís wahénron, “Iáh, Saiá꞉ner, tó꞉sa iaskató꞉ri. Iáh nonhwénhton tehioiánere tsi tekatátis, tánon iáh ó꞉ni tewakeweienʼtetáʼhon tsi náhe tisathásawe takʼthaʼráhni. Kwáh íken tsi wahkíten tsi ní꞉ioht tsi katátis, wakewenhnaʼkenhéion tánon tethewakenikónhrahke.”

Exodus 4:16

Kwáh rahónʼa enhiatáʼtsiaʼse tánon ensahkoʼthárahse nonhkweshón꞉ʼa ne sariwàhke. Ethóne ní꞉se kwáh né꞉ne Rawenni꞉io enkénhake, tsroʼrihátie tsi nahoténsons ahénron.

Exodus 6:27

Ronónha kí꞉ken tenònhkwe ne wahonwaró꞉ri ne Egypt ronhnonhtí꞉io nahonsahsakótʼkaʼwe ne lsraerʼró꞉nons.

Jeremiah 32:21

Iorihwahʼnerahkwahténions wáhsasʼte tsi thonʼthasehiatínekenʼwe ne shonkwetahshón꞉a ne Egypt nónwe. Hén ne kashastsʼténsera ó꞉ni ne kashástsʼte wáhsaste wahotiʼterónkwen ne tehontátʼtions.

Amos 2:10

Kwáh ó꞉ni tetkoniaʼtinekénhen ne tsi tiohontsá꞉ien ne Egypt, tánon waʼkonhén꞉teʼse kaié꞉ri niiohseráhsen nikarí꞉weʼskwe ne iaonhwentsathenhá꞉ke, ne naesawenkhón꞉weke tsi rononhontsá꞉ien ne Amorʼró꞉nons.

Numbers 12:1

Ne Mahís né rotaʼteniakʼtenhníhne ne Cushite nakahiató꞉tenhne, tánon ne Miriam ó꞉ni ne Aaron wahonwarihwákwaʼse.

Numbers 33:1

Né kí꞉ken tsi nihotisenhnoténsons né waʼtenathaiéntons NʼIsraerʼró꞉nons tsi nonhwéson nihonathatosehró꞉takwe tsi nonhtahontʼthahíne ne Egypt shaʼthontahonténhti né rahotitiókwas né꞉ne Mahís tánon ne Aaron waʼshakotihéntenhse.

Acts 7:36

Wasakohéntense nonkwesónha tsi tahathihiáken꞉ne ne Egypt, roteriwatentiathonhatie nʼóriwanerakwaténions ó꞉ni ionerakwaténions neh nónwe Egypt ó꞉ni neh tsi Tkaniatáro ne Onekwéntara tánon ne kaiéri-niwásen nihioseráke nikaríwes thóhnon ne Egypt ranákereʼkwe.

Deuteronomy 15:15

Sehwehiárak tsi í꞉se ó꞉ni sewanaskwahkén꞉ne ne Egypt nón꞉we tánon ki ne Roiá꞉ner sewaNí꞉io sehtsisewahiatotaríshion; ne káti aorì꞉wa nón꞉wa tkwá꞉wis kí꞉ken kariwatà꞉tshera.

Deuteronomy 24:18

Shasewehiáren tsi sewanáskwa kén꞉en ne Egypt nón꞉we tánon ne Roiá꞉ner sewaNí꞉io sehtsisewahiatotaríhson; ne káti aorì꞉wa takwá꞉ion kí꞉ken kariwatà꞉tshera.

Deuteronomy 4:20

Ók í꞉se kíʼ ne tsónhkwe ne tsi tsiʼsewaniakénton ne Egypt nónhwe, né꞉tho tehiotonʼkwanònhiani ioté꞉kha. Thatsisewahiaʼtínekenhwe natsiʼtsiónhnien ne raónha rahonkweʼtashón꞉a ahisewá꞉ton, tsi ki nónhwa ní꞉ioht nónhwa wenhniserá꞉te.

Deuteronomy 4:34

Ónhkak kén ne ní꞉io nonhwénton roteʼniénten niá꞉re tánon iashakoʼnónhke nónhkwe ne thihononhontsá꞉te tánon raónha rahonkwè꞉ta ashakaʼón꞉ni, tsi né nihoié꞉ren ne Roiá꞉ner sewaNí꞉io ne Egypt nón꞉we? Kwáh tesewakaʼnerá꞉kwe tsi wà꞉ratste ne raoshatstenhserowaná꞉tshera ó꞉ni ne kaʼshatsʼténshera; tahá꞉hawe ne kanaratarinétsheras ó꞉ni aterihiósera, tsi wahohiò꞉ten neioriwaneraʼkwaténions ó꞉ni ne ionerákwahs, tánon wahronhniá꞉nion ne kaʼteróntsheras tsi naiawénhseron.

Deuteronomy 5:6

‘Í꞉i ne Watiá꞉ner sewaNí꞉io, Í꞉i skwaʼniakèn꞉ton ne Egypt nón꞉we, tsi nón꞉we tisewanáskwakwe.

Deuteronomy 7:8

Ók ki ne Roiá꞉ner tsi sewanorónhkwakwe tánon tehotonhontsóni nahakwénienste tsi nishakorahratstén꞉ni ne sewasotʼtsherahokonhkén꞉en. Ne ki tiorí꞉wa waʼtsisewanónhstate ne wà꞉ratste ne raoshatstenhserowaná꞉tshera tánon shatsisewatatewenhní꞉ioste tsi nitsisewanaskón꞉niskwe ne ronhnonhtí꞉io ne Egypt nón꞉we.

Deuteronomy 9:26

Tánon ki rahonhà꞉ke ne Roiá꞉ner iakaterénhnaien, ‘O Saiá꞉ner Ní꞉io, tó꞉sa sehiá꞉tont ne kwáh í꞉se shonkweʼtashón꞉a, tsi ronónha sheseniakénhton thóh sashatstenʼserá꞉kon, ronónha tethesehiaʼtinekénhen ne Egypt ne wáshatste ne kaʼshatsténhsera ó꞉ni ne sashatstenhserowaná꞉tshera.

1 Samuel 12:6

Samuel wasakawénhase nonkweʼókons, “Ne Roiá꞉ner ne roʼriwaniráton, tsi raónha saʼkoiatarákwen ne Mahís ó꞉ni ne Aaron tánon theʼtesakoiaʼtínekenʼen ne sewashotʼtseraokonhkénʼen tsi tewatonhón꞉tsaien ne Egypt.