Micah 6:2 - Ohiatonhseratokénti

² Sewatahónsatat, í꞉se ne tsi ionontahrón꞉nions, ne tehorihwakenhá꞉ton ne Roiá꞉ner, tánon ne iorihwaní꞉ron í꞉ken tsi kenskwáhere ne tsi ionwenhtsá꞉te; asè꞉ken ne Roiá꞉ner ne tehotirihwakenhá꞉ton ne rahonkweʼtashón꞉as, tánon kwáh thenhatirihwakénha nʼIsraerʼró꞉nons.

Micah 6:2 ပူးပေါင်းရင်းမြစ်များ

2 Samuel 22:16

Ehʼthóhʼne tsi kanatserathátsie ne kaniatarakhekó꞉wane waʼhokéntaʼne, tánon ne tsi kenskwáhere ne tsi ionwenhtsá꞉te iáh tetsoʼteró꞉ron. Tsi nenhatewenhnaién꞉tonwe ne Roiá꞉ner, ne tsi nikashástste rotónrion tsi tehanionká꞉ronte.

2 Samuel 22:8

Ehʼthóhʼne nonhón꞉tsa ontʼtsinonwaténiaʼte tánon watewatkarénron; ne tsikkenskwáhere tsi karonhiá꞉te wahówake tánon watsiowísonkwe, tsioríwa tsi nihonhakwénhen.

Psalms 104:5

Í꞉se sitsʼkwáhere ne tsi ionhontsáte, ne káti ne tó꞉sa nonwénhton ahiówaʼke.

Proverbs 8:29

wahshakóhnhaʼne ne ohnekaʼshón꞉ʼa ne kaniataraʼkehkó꞉wa tóhsa sénha aontakahnekakará꞉tate tsik niió꞉re wahshakoríhon. Tho ié꞉keʼskwe ne shahrón꞉ni tsi nón꞉we nontoríshen nonhwéntsa.

Isaiah 1:18

Káts kíʼ ó꞉nen, ánion tewahriwasherónhni kí꞉ken oriwasón꞉has, rá꞉ton ne Roiá꞉ner: èʼthohsáne ne sewarihwaneraháktshera thóh nahonshokothénhake tsi ní꞉ioht nonekwénhtara, thóh nenhsewashokothénhake tsi ní꞉ioht nóniete; èʼthohsáne tsi onekwénhtara niwashokóten tsi ní꞉ioht ne tetsonekwenhtarákaras, thóh nenskarákenhne tsi ní꞉ioht ne karáken ohnonwéron.

Isaiah 3:13

Né Roiá꞉ner tonhtahátaʼne ne taharihwakéna ne raorihwasónhas; tethátas nasakoríwenhte nonkweshónhas.

Isaiah 43:26

Takeriwárho, ánion tehiehiatoretákwah niehéteʼne; iahásrek ne sarihwashón꞉has, né kí nahisateriwaníratʼtse tsi teshíe꞉rits.

Isaiah 5:3

Tánon ó꞉nen ne Jerusalem sewahnákere tánon ne tsiónkwes ne Judah, teskwahiatoréhtas ní꞉i tánon tsi wakatenenhárhare.

Jeremiah 2:9

“Tánon káti Í꞉i, ne Watiá꞉ner, shé꞉konh enskenikonhrahiénthaʼte nakeriwahshón꞉a tsi nòkwah nakonhkwetahshón꞉ʼa. Kwáh enkherihwahróh tsi nòkwah ne iesehshakotiʼienhokónha.

Jeremiah 25:31

tánon ne kawènnote kwáh iaʼtenkawennaʼnihárahne ne tsi iehionthonhontsiotʼtahníhon. Asèken ne Roiá꞉ner róien nahshaʼkoriwáhroh nonhkweshón꞉a. Kwáh onhkwetaʼkwékon tsi tenshkohiató꞉rehte tánon ne ronnonhkweʼtahétkens enshaʼkononhwahrhiákon. Ne Roiá꞉ner rothatíhon.’”

Jeremiah 31:37

Tó꞉ka katkesón꞉ʼa ne tsi karonhiáte ahiotónʼon nahontheniéntenhke ó꞉ni ne tsitʼkenskwáhere ne tsi ionwenhtsiáte ahiotáshionʼke, thóh ne khók enshaʼkokénron nonhkweshón꞉a ne Israerʼró꞉nonhke tioríhwah norihwahkwékon tsi nihonahtiéren. Ne Roiá꞉ner wahatáti.

Hosea 12:2

Ne Roiá꞉ner ró꞉ien nasakorihwáro ne Judahró꞉nons; tánon ó꞉ni enhoré꞉wate ne Jacob ne entsoianénhawe tsi nihaweienó꞉tens, tánon ne enshokariákten tsi nihahiothenseró꞉ten.

Hosea 12:3

Ethò꞉ne tsi watewiraráhkwa wahateʼnién꞉ten ne tahonatákwen ne iatateʼkénha Esau, tánon ó꞉nen rónhkwe sihotónhon Rawenni꞉io wahiaterí꞉io.

Hosea 4:1

Sewathóntet ne raowennaó꞉kons ne Roiá꞉ner, O tiónkwe Nisraeró꞉nonke; asèken ne Roiá꞉ner sakoriwaros ne ratinakere tsi ionwentsaien. Ne thóh nón꞉we iáh teká꞉ien ne tewetákwen iáh ò꞉ni naioriwatokenhake, iáh oni ne raʼtokhatsera ne Ní꞉io.

Micah 6:1

Sewaʼtahón꞉satat tsi nahó꞉ten ne Roiá꞉ner rá꞉tons: Tesewaʼtan, sewaʼnikonraiéntat ne sewarihwaʼshón꞉a ohén꞉ton ne tsi ionontahrón꞉nions, tánon sewarí꞉hon ne tsi ionhniarónh꞉nion ionatónhteh ne sawén꞉na.

Deuteronomy 32:22

Nakhenakwáhtshera kwáh tenwanitonkwahnékare tsi ní꞉ioht nó꞉tsire tánon enwaʼtsaháthe akwé꞉kon ne tsi ionwenhtsà꞉te. Ienhwá꞉we nó꞉thake tiohontsá꞉te tánon enwatsaháthe ne tsi katerahthénions ne tsi iononhtarón꞉nions.

Deuteronomy 4:26

Nón꞉wa wenhniserá꞉te kheriwanonhtón꞉nis ne tsi karonhiá꞉te ó꞉ni ne tsi ionhwentsá꞉te nahontenhnikónhraren tsi nisewatié꞉ra, tó꞉ka iáh taskwawenhnarà꞉kwe, kwáh ki iostó꞉re ensewahiaʼtáton ne tsi ionwenhtsà꞉te. Iáh thaiónhnise thahitsónhnheke nonhontsà꞉ke ne tahisewahià꞉iake ne Jordan tsi ó꞉nenh thóhwa iahisewatié꞉nawatste. Kwáh ki thóh kén꞉en tsi ensewahiatà꞉ton.