Micah 5:13 - Ohiatonhseratokénti

¹³ Kwáh enkatón꞉te ne sahiatonhniʼshón꞉as tánon ne satenawaható꞉tons, tánon ní꞉se kwáh iáh tathahonshasatʼtsá꞉kete tsi nihioiothén꞉en ne shatiánakes.

Micah 5:13 ပူးပေါင်းရင်းမြစ်များ

Isaiah 2:18

Ne kahiatonhnisónhas kwáh akwékon tsi enhkariwatón꞉thonke.

Isaiah 2:8

Ne raononhontsákes titʼkaiatonhniseráhere; né konwasénhnaiens tsi nahó꞉tens ne rontsanákes ioshaʼhánion, óni tsi nahó꞉tens ne ratisnonhsákes ioshahánion.

Isaiah 27:9

Né꞉tho í꞉ken neh ne raonhí꞉tsera ne Jacob kwáh kíʼ éhren enkahawí꞉tonke, tánon né kí kí꞉ken né kwáh enkaná꞉nonhake tsi enkariwanirate tsi eren enskahawitonhke ne raorihwanerahát꞉tshera: né nó꞉nenh neh enrón꞉niate nó꞉nenhiaokons ne tsi wát꞉tsenharakwahs tsi ní꞉ioht ne ohsawé꞉ta oneniá꞉okon tekarí꞉ton kenknihwas, iah kaneka ne iotó꞉kenti kanawahatásonhas kes nahontsienkwahronhniate ne ietsienharaʼkwà꞉ke ne shé꞉kon akatá꞉ke.

Ezekiel 16:41

Kwáh enhontenonhkwénthawe ne tsi sanónhsohthe tánon kwáh ionahtiokowáhnen ne konhnónhkwe enkhontkátho ne sharehwahtátshera. Tenhkóntasthe tsi sariwahiathathónhon tánon tenkhóntasthe tsi nisehʼhiawíhons ne saskarehókonhs.

Ezekiel 36:25

Kwáh tenhkonhiatsʼtaróhkwahthe ne kanhekí꞉io tánon enskonhiató꞉hare tsi naʼtehiesahiatatsiónston ne sahiatonhnishónhas tánon ne oiásonhs naorihoténsonhs ne tehiesahiathatiónston.

Ezekiel 37:23

Kwáh iáh shé꞉kon thaʼtahonsahonthatsathátionsthe né ioteriwahtéha kahiatonhnisónhas tó꞉ka ó꞉ni nahatihétkente tsi ronhnónnhe nahatiriwáhnerahke. Kwáh ensetkhehiathatewenhní꞉iosthe oriwahkwékon tsi ní꞉ioht tsi rotiriwahnerahʼákskon tánon ionkatenhnínon. Kwáh enshekhehionnhaserónhni; ronhnónha nakonhkwéta enkénhake, tánon Í꞉i ne raotiNí꞉io enkénhake.

Ezekiel 6:9

Ethòne nónenh ienhonwahnahnakerahkwáhthon tsi ienahkerénions nonhkweshón꞉ʼa ne tsi ionwenhtsáte, kwáh entionkehiárahne. Kwáh enhatiʼiénterehne tsi niwahkenikonhráksens tsi iáh tehonerhiashaʼtóken tánon titkáhere natehénsera ne ratikaráhkes ne tsi nikonhwahnaskáneks nakorénsons kahiathonnisónhas. Ethòne nonàken enhiahónniaʼte kwáh enhontátstion tsewahkwékon ne rahotiriwahnerahháktshera.

Hosea 10:2

Ne raoneriá꞉ne iáh tehiorihwató꞉ken; ó꞉nen kí enhontkéthate ne raotinhí꞉tshera. Ne Roiá꞉ner kwáh thenharihtánion ne tsi ratitsenharáhkwas, tánon enharihwenthóhsehron ne raotinawahataʼshón꞉as.

Hosea 14:3

Ne Assyria iáh ne nonwénhton tahkakwé꞉ni nahionkwanónsthate; kwáh iáh nonhwén꞉ton tahionkwsáhthen ne koshá꞉tens; kwáh iáh í꞉si nón꞉we tahonsahiakwénhron, ‘Ónhkwah Ní꞉io,’ tsi nihionkwahiò꞉thens ne iakwahtsánakes. Shonhà꞉ke ne tehontonhnakárias ratitsénhries ne kenténhron.”

Hosea 14:8

O Ephraim, onhnahó꞉ten á꞉kaste ne kahiatonhnishón꞉as? Í꞉i seh ne tekonrihwasehrakwén꞉nis tánon konhnikónrare. Thóh nitiató꞉then kwáh né꞉ne óhonte nikaronhtóthen cypress nón꞉we niwatonhniá꞉tha; ne sarihwatokentí꞉tshera i꞉i nonwe nitewetha.

Nahum 1:14

Ne Roiá꞉ner kwáh wahaianerenhserí꞉sa ní꞉se sarihwà꞉ke: “Ne sashén꞉na iáh nonhwén꞉ton tahonsakathá꞉tse; thóh tsi rotinonshó꞉tons ne saní꞉ios kwáh entsiá꞉kons ne wakaratakwahniónkwens kaiatonhnishón꞉ahs ó꞉ni ne kontiiatarónhnions. Ní꞉i kwáh enkonhiatʼtsiatonhkónhnien, asè꞉ken ní꞉se iáh ohté꞉nen teseriwástha.”

Zephaniah 1:4

Kwáh Iathenkanentséste tsi nokwáh ne Judah; tánon enkhehiatʼkónhten ne thóh nón꞉we nihatinákere ne Jerusalem; tánon kwáh enkhehiákse ne ken nón꞉we niwatená꞉taien ó꞉ni ne konwashén꞉naiens ne Baal, ó꞉ni ne raotisenhnashón꞉as ne kahiatón꞉ni ó꞉ni ne ratitsihénstatsis;

Zechariah 13:2

Ne nenhkahá꞉wike kwáh ahè꞉ren enhkhá꞉wite ne raothisenhnaʼshón꞉as ne kahiatón꞉nis ne tsi ionwenhtsá꞉te, tánon kwáh iáh ónhka tahonshahonwenhnehiá꞉rahke. Kwáh éhren enkhehiatenhá꞉wite nónhka ihénreh iakohtó꞉kenhse tánon éhren enkahawí꞉ton naskanéktsheras nahonsahkonwahthishén꞉naien ne kahiatón꞉nis.

Revelation 9:20

Ne ken iotsétons nonkwehó꞉kons, iáh nenhné꞉e ne teiakononhwarià꞉khon kí꞉kens kariwaiesátsheras, iáh teshonatatrewáton naoioʼténhseras ne ratitsá꞉nakes khéks nahonatsakwahrí꞉shion tsi konwasenhnaiénskwe ranikonra꞉sen ó꞉ni kaiatonhnishón꞉as ó꞉ni owistanó꞉rons tánon kawistará꞉kens ó꞉ni nowásas ó꞉ni nonénhias ó꞉ni noién꞉te, né꞉ne iáh tekontí꞉kens iáh ó꞉ni teionathón꞉te khéks takontekhá꞉hakwe.

Judges 18:17

Ne wísk niháti ronhterihwató꞉rats kwáh iahontʼthakwahríhshiaʼthe kanónskonh niahónhne tánon iahatíko ne óienthe kahiatónhni ne kawistaráken ioteróhron, ne ó꞉ni nó꞉ias kahiatonhnisónhas, ó꞉ni ne tehiontetʼskwenanátʼtha, tsi nikaríhwes ne ratsihénstatsi tsi iotenhenrakáronhte iéres skát꞉ke ne iá-iak tewenhniáwe niháti ne ratihonrénhawes.