Micah 4:7 - Ohiatonhseratokénti

⁷ Tánon ne iontsinokhátha ne enkheionniáte ne iatahonathátere tánon ne teiakorenion enhonatiokowanenhke tánon enhatishátsteke. Tánon ne Roiá꞉ner kwáh kíʼ ensakonontí꞉ioke ne tsi tionónhte ne Zion ne nón꞉wa tánon né꞉ne tsi nén꞉we enkénhake.

Micah 4:7 ပူးပေါင်းရင်းမြစ်များ

Psalms 2:6

“Ríh꞉teron nakenontí꞉io ne Zion nón꞉we, né nakenonthatokentíke nón꞉we.”

Isaiah 16:5

eʼthó꞉ne anitskwáhra enkakwatákwenhke tsi nón꞉we ne iorihwató꞉ken kanoronhkwáhtshera nikáien thóh rahothohserákon ne Táwit, tánon thóh nón꞉we nenhanitskwáhren ne raoʼrihwatokentitsherákon né꞉ne rakóra ne ré꞉saks kaiáneren tánon rahiatastó꞉re ne thóh naháiere ne tkarihwaiéri í꞉ken.

Isaiah 24:23

Eʼthó꞉ne nasontʼthenhnékha karákwah kwáh enhioneráko, tánon nentsekhenékha karákwah enwatéhen; asèken ne Sakoiá꞉ner ne ronterí꞉ios ratironhiakeró꞉nons kwáh kí enhatenontí꞉ioste ne tsi Ionónte ne Zion tánon ne Jerusalem nón꞉we, tánon raotihénton ne rahonkwetashón꞉has ne rotiʼtstenhokónhas kwáh kí enréhneste ne raoʼhiatanerakwáhtshera.

Isaiah 6:13

Iekaníhare ne shé꞉kon tionkwéta ne oiéri nihionkwétake thóh iatahonsahiakotaténhronhke ne tsi ionwenhtsá꞉te, kwáh kí shé꞉kon ensewát꞉tsa, kwáh tsi ní꞉ioht ne karíhton khéhs ne kwáh karontashastste nah otsináhara thóh kàniote nónenh iorieniénhen.” Naotsinaharákon ne ne iotokénti kànenh enkénhake.

Isaiah 60:22

Né kwák kénk nenhatíhake né kenhtiókwah ienhónton, tánon né kénk nenhá꞉tike né enkanenhrasátsʼteke; Í꞉i ne Watiá꞉ner; thóh nenhkaháwiʼke kwáh kí enkerihwaié꞉rite iostó꞉re.

Isaiah 66:8

Ónhka kén iakorihwarónhken né thóh ní꞉ioht? Ónka iakotʼkáton né thóh ní꞉ioht? Ahónton kén nonwénhtsa ahonná꞉kerate né sewenhniserákok akénhake? Ahónton kén né iakahontsaʼkeró꞉nons ahonsahiontateniákente né kénk nakariwésonhke? Eʼthohʼsàne né kwáh tsi niʼiosnó꞉re né Zion wakaroniáken wahakonákeratsʼte nakoiohʼokónha.

Ezekiel 43:7

“Rónhkwe iaiénha, kenhʼnónhwe nikáien nahkhanitskwáhra. Kén nónhwe nenhkiterónhthake skátke nonhkweshón꞉ʼas ne Israerʼró꞉nonhke tánon tsi nénhwe tsi entkhehiatkórasthe. Iáh ó꞉ni nisraeró꞉nonhs iáh ó꞉ni ne raotinonhthihiótsheras kwáh shé꞉kon tahonsahiontsenhnáksathe naksenhnatokénti né꞉ne akonwahsenhnaien ne kahiatonhnisónhas tó꞉ka ó꞉ni nahatihiathá꞉ta ne raothihieronhtashón꞉ʼas ne ronhnenhehiónsehrons ne raothinonhtí꞉ios.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Daniel 4:34

“Shontóhetste ne tsá꞉ta niiohserá꞉ke,” wahén꞉ron ne ronnontí꞉io, “Iaʼkatkáhtho ne tsi tiohtsíkerare, tánon kwáh ionsakeʼnikonhraié꞉riʼne. Wahihsénnaien ne Roshatsthenhserowá꞉nen Rawenni꞉io ó꞉ni wahikwénienhste tánon ne raoiaʼtanehrakwáhtshera tsi niká꞉ien ne ronnheʼón꞉we. Kwáh tsi nén꞉we enhawenní꞉ioke, tánon ó꞉ni ne raonakeráhsera tsi nén꞉we enkátake.

Daniel 7:14

Kaʼshatsténhsera tahónion, kakwenienstátshera, ó꞉ni ne kanontiióʼtshera aoʼshatsténhsrera, ne káti kwáh tsi niaʼteienekwénhsake ne ón꞉kwe, tsi niionhsohkó꞉tenʼs, tánon tsi niiewennó꞉tens ne ahonterihwahtsterístaʼse. Ne raoʼshatsténhsera tsi nén꞉we, enkátake, tánon ne raonakeráhsera iáh nonwén꞉ton thiaontókten.

Daniel 7:27

Ne kaʼshatsténhseras ó꞉ni ne iorihowá꞉nens kwáh tsi niaʼtekanakerahserá꞉kes né tsiionhontsá꞉te ne entiontá꞉ton ne Roʼshatstenhserowá꞉nen Rawenni꞉io raonkweʼtaʼshón꞉a. Raotinontiióʼtshera raoʼshatsténhsera iáh nonwén꞉ton thiaontókten, tánon ratikwé꞉kon ne ratikoráhshons ne tsi ionhontsá꞉te enhonwarí꞉wawaʼse ó꞉ni enhonwawén꞉narahkwe.

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Joel 2:32

Eʼthò꞉ne tsi nihiá꞉kon nenhienáton ne raoshén꞉na ne Roiá꞉ner kwáh kí enhionthatenónsthate; asè꞉ken ne tsi Iononte ne Zion tánon ne Jerusalem kwáh thóh nón꞉we nenhieniá꞉kenhne, tsi kí ninihá꞉wen ne Roiá꞉ner, tánon thóh nón꞉we tsi nihiá꞉kon ne iateiakotathénhron né꞉ne ronónha ne Roiá꞉ner sakoiatará꞉kwen.

Joel 3:17

Káti kwáh ní꞉se ensaterientá꞉rane tsi Í꞉ih, ne Watiá꞉ner Saní꞉io í꞉ken, thóh Zion nón꞉we nikená꞉kere, nakenontatokenhtí꞉ke. Tánon ne Jerusalem kwáh kí enhiotokenhtí꞉ke, tánon ne thihiakahontsá꞉te kwáh iáh nonhwén꞉ton thóh nón꞉we tahonsahontohestà꞉ke.

Obadiah 1:21

Tánon tsi niiá꞉kon ne sehshakoʼniakénhton kwáh kiʼ ienhatinontá꞉raʼne tsi Ionón꞉te ne Zion ne ne tahatiiaʼtoréhthake tsi ionón꞉te ne Esau; tánon ne tsi kanakerahserá꞉ien kwáh Roiá꞉ner enhowenkhón꞉weke.

Micah 2:12

Kwáh orihwiiohón꞉we tsi enskwahiataró꞉roke sewakwé꞉kon, O Jacob, kwáh ensehkhehiataró꞉roke ne niatehonathaténhron Israerró꞉nonhke; kwáh skátne enkhè꞉teron tsi ní꞉ioht ne teiotinakaronhtón꞉a ne Bozrah nón꞉we, tsi nón꞉we nikonhwatiʼteronhtáhkwa tánon tsi nikowá꞉nen teiakonitonhniathén꞉nis nonkweshón꞉as.

Micah 2:13

Ne nón꞉ka nenhsaniá꞉kenhne kwáh raotihénton énhre; kwáh kíʼ thenhonhnótkawe tánon enhontóhetste ne tsi iothenhenraká꞉ronhte, kwáh thóh nón꞉we nenhontóhetste. Ne ronwanontí꞉io ensakotohétsthen raotihénton nienhénre né꞉ne Roiá꞉ner raotihénton énrenh.

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Zephaniah 3:13

Ne niateonathaténhron ne Israerró꞉nonhke kwáh iáh othé꞉nen thatahonterienʼtawénhrie, khés ne thé꞉nen ahontá꞉ti nonhó꞉wen; iáh ó꞉ni ne kaʼnikonhráthon nawenhnáson thakaktséronhke ne tsi ratisakáronhte; tsi thenhonskáhon tánon enhontsiatiónhnite, tánon iáh ónhka tahonwatiʼterónhkwen.”

Zephaniah 3:20

Né thóh nenhkahá꞉wike, kwáh tentkwahiathénhawe tánon skátne tsi enskwahiaʼtaró꞉roke, asè꞉ken kwáh enkwasenhnowánate tánon thenkwarenhsarónhnion tsi ratinakerénion nonkweshón꞉as ne tsi ionhontsá꞉te; ne nó꞉nen satontakwáhion ne sewathatewenhnihiósera ne ohénton tsi natesewakanérakwe, ráton ne Roiá꞉ner.

Luke 1:33

Nok enhonontiioke tsiniienhenȣe tsi henhaȣatsiratatie ne Jacob; nok iah nonȣenton tiiaontokten ne rahonakerasera.

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”