Micah 4:4 - Ohiatonhseratokénti

⁴ Ók ratikwé꞉kon aonenhró꞉kon enhóntien tsi watenenharí꞉seres tánon ne tionnionwarontonhakó꞉wa, tánon iáh ónhka tahonwatiʼterón꞉kwen; asè꞉ken né꞉ne Roiá꞉ner Sakoronhiakeró꞉nons kí꞉ken rothatí꞉hon.

Micah 4:4 ပူးပေါင်းရင်းမြစ်များ

1 Kings 4:25

Kwáh tsi nikaríhwes rónhnhekwe, nonhkweshón꞉as ne Judah ó꞉ni Nisraerʼró꞉nonke kwáh skénnonhk tsi ní꞉ioht tsi ratinákerehkwe, sathiwatsirátʼtsons tsi rathinaharaiéntʼtoskwe ó꞉ni ne wisonhkówa ronatʼkwiró꞉thonkwe.

1 Kings 5:5

Ne Roiá꞉ner roʼraratsʼthénhni ne rakeʼníha Táwit, ‘Ehʼtshiénha, rahónha enshíiʼnonhtí꞉iosʼthe ne tahonsahianakʼthákwen, kwáh kíʼ enhakenonhsónhnien nononhsatokentiʼkó꞉wa.’ Tánon káti ónenh iaʼtewakerihwaiéntaseh nakenonsónhni nètho ononhsatokentiʼkówa ne nahonwasenhnaienthákwahke ne Roiá꞉ner Nakení꞉io íken.

Job Tánon ne Raoronhiakensera 11:19

Ní꞉se ensatsiatiónhnite, tánon iáh ki tahisaterónh꞉sheke; iakotiohkowá꞉nen thentsiontsátate ne sahiathaterí꞉tshera.

Psalms 72:3

Wakaterénhnaien ne tsi ionwénhtsaien ne ahontakáhawe nonkweshón꞉has akosniétsera. Aiáwenhs ne akarihontáko ne ioiánere akénhake.

Proverbs 3:25

Tóhsa tesatateʼnikonhrhá꞉ren ne thaʼontaiawénhstsi ne atkaronniáhtshera aontá꞉we tsi ní꞉ioht ne takaweratá꞉se ne ahotí꞉raʼne ne rotirihwanerenʼákskon.

Isaiah 1:20

Ók tó꞉ka ensaterahiátaʼkwe tánon enskatkónten, kwáh kí asarekówa ensanonwaríhakon; asèken ne Roiá꞉ner rotatíhon.

Isaiah 17:2

Ne kanatowanénke ne Aroer kwáh iakotewenhtéton ne tsi nènhwe enkénhake; thóh nón꞉we nehionatʼtótake ne kontiʼtshénens aotiʼrihwàke, thóh nón꞉we nenhkonʼtenaskwahientáʼkwahke, tánon iáh ónhka takonwatiʼterónhkwen.

Isaiah 22:25

Né èhʼthoh entewenhniseràte, rá꞉ton ne Sakoiá꞉ner ne ronterí꞉ios ratiʼronhiakeró꞉nons, nètho ohwàste tsi nón꞉we nikanérenhne hiorihwaníron enhionétskane; kwáh kí enkahiákonke tánon enkaréniene, tánon noriéna ne thóh iorentónhakwe kwáh enwaterihwáton, asèken ne Roiá꞉ner rotatíhon.

Isaiah 26:16

Ó Saiá꞉ner, aterientakariahtserákon tsi wahesahiatíshaʼke, tahonwéron naʼterenhnaientátshera nó꞉nenh ne sáwenk karehwatátshera sahotíraʼne.

Isaiah 32:17

Tsi niʼiáwenhs ne karihwaʼkwahrihshióntshera kwáh skénnonk thenwá꞉ton, tánon tsi nenhiáwenhne ne karihwaʼkwahrihshiónhtshera, sák thenkénhake tánon entsiaʼkawethakwénhake tsi nénhwe enkénhake.

Isaiah 36:16

Tó꞉sa tsi sewatahónshatat ne Hezekiah! Asèken ratónhnions ne ronnontí꞉io ne Assyria: ʼÍ꞉i tewaterihwaserónh꞉ni ne skén꞉non í꞉ken tánon akonhàke nontásewe; eʼthó꞉ne kwáh tsi sewahiatátʼtshons ensewanénharake né sewanénharas ó꞉ni ne kwáh í꞉se sewahiashónhas ne tionhnionwaronhtonhakówa ne tsi sewateronhtótons tánon ensewanekíra nonékanos ne tsi sewatnaweró꞉tons,

Isaiah 40:5

Eʼthó꞉ne ne raoʼiatanerakwáhtshera ne Roiá꞉ner enkarihotáshionʼke, tánon onkwetaʼkwékon tsi skát꞉ne enhiontkátho, asèken ne tsi rasakáronʼte ne Roiá꞉ner rotatíhon.”

Isaiah 54:14

Karihwaʼkwarishiontsherákon ní꞉se nón꞉we nenhsarihwaníronhke; ní꞉se ahí꞉non nió꞉re enteshé꞉seke naʼiesanikonraronhiákente, asèken ní꞉se iáh tahisaterónhseʼke; tánon nahontáwe ne katerontserowánen, asèken iáh tsatákʼta tahontáhwe.

Isaiah 58:14

eʼthóhne kí kwáh ensatonnháren rahonháke ne Roiá꞉ner, tánon kwáh né enkonhiónhnien thóh nón꞉we nahiʼsahonhwísere ne kwáh eʼnekènhs í꞉kens ne tsi ionwenhtsáte; Kwáh né enkonhnón꞉te tsi nahó꞉ten í꞉ratsʼkwe ne iasotʼkénʼen Jacob, asèken né꞉ne tsi rashaʼkáronhte ne Roiá꞉ner rotatíhon.

Jeremiah 23:4

Enkheʼhiatarahkwenʼháton ne ratikóras nashaʼkonatennikonhráren. Naʼkonkwetashón꞉a iáh ónenh tahonshaʼhotiterónsehke iáh ó꞉ni tahontahonátonnhe, tánon iáh shé꞉kon tahonsatkheréwahʼte. Tánon iáh ne shahiáta tahotiathaʼtónhake. Í꞉i, ne Watiá꞉ner, wakatáti.”

Jeremiah 30:10

Nakonhkwetahshón꞉a, tó꞉sa sehwáhteronh; tsiónkwe ne Israerʼró꞉nonhke, tó꞉sa sehwahteronʼniénten. Kwáh enskwahniákenʼte nètho ahínonh nióre tionhontsáien, nètho ionhontsáien ne sehwahtheʼnothónston. Entsisehwáhwe tánon skénnenh tsi entsisehwanákerehke; kwáh ensehwahriwahníronke, tánon iáh ónhka thaʼietʼtsiterónkwen.

Ezekiel 34:25

Kwáh entsianerensehrónhni tsi natehiakwáhtere né꞉ne enkariwahnírahte ne rahotihiatanonhstátʼtshera. Kwáh è꞉ren enkhehiatenháwite ne konhtisehró꞉hens katshénenhs ne tsi ionwenhtsáte, káti né nahónton nakhitsenenhókonhs teiotinakarónhtonhs skénhnonk tsi akonhnónhnheke ne kahentákes ó꞉ni nahiotíthawe ne karahkónhsonhs.

Ezekiel 34:28

Ne iáh tehiakoriwiʼióston iáh ónenh tahonsahonwahtinenhskwenháton, tánon ne karhiotátʼsenhs iáh tahonsahonwatinonhwahrhiakónhnion nahonwatiwáhrahke. Kwáh skénnenhk tsi enhonónhnheke, tánon iáh ónhka tahonshahonwahtiterónhkwen.

Ezekiel 38:11

Kwáh iatensariwahiéntase ne asehnenhrénhten ne iáh othènenh tehatístha kanahkeráhsehra tsi nónhkwe nonhkweshón꞉a skénnenhk thiʼienáhkere tánon kaiatanonhstatʼtsherákon né꞉ne iáh othènenh tatekanahthanákʼthon nosténras ne kanátakonhs né꞉ne iáh othènenh tehiónen nahonthontáteʼne.

Ezekiel 39:26

Nónenh shé꞉kon ensatináhkereke rahotinonhsthatsherákon ne rahononhontsáke, ne kwáh iáh ónhka tahonsahonwahthiterónhkwe, enhathikwéni nahonsahotinikónhren tsi ní꞉ioht tsi ronhwahnateháton ne tsi hionkahtewenhthéton.

Leviticus 26:6

“Entkwáhion ne skénnen íken ne tionhontsáke, tánon enwáton nahisewénhtawe ne kwáh iáh ónhka tahietsitsanísehke. Kwáh éhren henkhehiatenháwite ne konhtisehró꞉hens katshénens ne tsi ionhontsáien, tánon iáh shé꞉kon tahonsakaiénthake naterihióseras né nónhwe.

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Zephaniah 3:13

Ne niateonathaténhron ne Israerró꞉nonhke kwáh iáh othé꞉nen thatahonterienʼtawénhrie, khés ne thé꞉nen ahontá꞉ti nonhó꞉wen; iáh ó꞉ni ne kaʼnikonhráthon nawenhnáson thakaktséronhke ne tsi ratisakáronhte; tsi thenhonskáhon tánon enhontsiatiónhnite, tánon iáh ónhka tahonwatiʼterónhkwen.”

Zechariah 3:10

Nó꞉nen enwáhwe né꞉tho enhní꞉sera, kwáh tsi sewahiatáttion enhiettsihónkaron ne tesehwanonhshanéken nahontahón꞉ne tánon nahontónnharen ne skén꞉non ó꞉ni ne ioriwahní꞉ron, ne tehiowá꞉nenh ne onénhare ó꞉ni ne wisonkó꞉wahs karontaʼshón꞉as.”