Micah 4:3 - Ohiatonhseratokénti

³ Kwáh rahónha tesakohiatórete tsi natehóntere ne iakotiohkowá꞉nen onkweshón꞉as. Ensakotewenhnaiéntonwe ne ratiʼshátstes nonkweshón꞉as nahí꞉nonh nió꞉re í꞉tken; né enhononhniate ne raonasareʼkó꞉wa ne ietarakarathós꞉tha aotsiweiónhtha, tánon ne raonahshí꞉kwahras iontkwirhiá꞉tha né꞉e enhononhniáte; nonkweshón꞉as iáh ó꞉nen thatahonsahónhnekwe ne raonasareʼkó꞉wa niasakonatsatónhti nonkweshón꞉as, iáh ó꞉ni ó꞉nenh thahonsahontéweienste naterihió꞉seras.

Micah 4:3 ပူးပေါင်းရင်းမြစ်များ

Psalms 46:10

“Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

Psalms 46:9

Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

Psalms 72:3

Wakaterénhnaien ne tsi ionwénhtsaien ne ahontakáhawe nonkweshón꞉has akosniétsera. Aiáwenhs ne akarihontáko ne ioiánere akénhake.

Psalms 72:7

Waʼkaterénhnaien ne tsi rotenhniseraténions ne karihwakwahrihshón꞉tshera nahioianeréhake (ahiokwástonhke) tánon skénnonk thaʼkénhake, tsi nió꞉re iáh thatahonthakarakwinekénsehke.

Psalms 82:8

Sateriwathéntsiat, Ó Sewenní꞉io, serihwénhtas ne tsi ionhontsáte; asèken onkwetaʼkwékon í꞉se shonkwetaʼshónhas!

Psalms 96:13

raohénton ne Roiá꞉ner; asèken tarèse, asèken tá꞉re nahá꞉rihwenhte ne tsi ionhontsate. Kwáh né enharihwénhthakwe ne tsi ionhontsáte ne karihwaʼkwarihshióntsheras, tánon tsi nòkwah nonkweshón꞉has neʼnéʼe ensakorihwénhthakwe noriwiʼiohónwe í꞉ken.

Psalms 98:9

né꞉ne tsi nón꞉we níres ne Roiá꞉ner, asèken taré꞉se ne naharíhwenhte tsi ionhontsáte. Kwáh kí karihwaʼkwahrishiontserákon tsi enharíhwenhte ne tsi ionhontsáte, tánon tsi nòkwah nonhkweshón꞉has kwáh kíʼ nonʼnéʼe sathehiotónhake.

Isaiah 2:4

Kwáh tensakohiatórehte tsi natehónteres nonhkweʼó꞉kons, tánon ensakoteriwaʼshónterase ne iakotsokowáhnen ónkwe; ne rahonasarekówa ne sahonónhniate ne ietarakarahthóstha otsiiewéiontha, tánon ne raotishiʼkwáhras iontkwiraseronhniátah ne ohnió꞉kwas sahonnónhniaʼte; nonkweʼó꞉kons iáh shé꞉kon nonhwénhton tahonshahionterí꞉io, iáh ó꞉ni nonhwénton tahonshahatiweienʼtétonke nahonterihiosehrónhni.

Isaiah 25:3

Ne káti né꞉ne ratiʼshátstes onkwehókons kwáh eniesahiatanerákwahte; né kannatowánens ne iáh tehonanitenrátskon onkwehókons kwáh enhieshatsánike.

Isaiah 51:5

Kwáh iostó꞉re ákta entékhaʼwe nakatesenhniéntshera, naká꞉wenk kaiatakenhá꞉tshera iehiohiaʼkénʼen tánon ne kenenhtsháke kwáh ne enhiakokʼkó꞉raste nonkweshón꞉has; ne tsi kawenhó꞉tons í꞉i wakèrare, tánon né꞉ne kenenhtsháke ronská꞉neks.

Isaiah 60:12

Asèken né ronhnonhontsakeró꞉nons tánon né kanontiʼiótsheras né iáh tahiesahiótenhse kwáh kí enhatiʼiatáton; nétho ronhnonhontsakeró꞉nons kwáh thóh kénʼen tsi enhatiʼrihwahiésha.

Isaiah 65:25

Nokwáho tánon né teiotinakaronhtónha owí꞉ra kwáh kí skát꞉ne tsi thenonatskahontiéseʼke, né kénreks kwáh thóh ní꞉ioht tsi enkawahetseráke tsi kí ní꞉ioht né tionónskwahron teonákares; ók nóniare—naókwha okénhra nenhnéʼe enkénhake! Kwáh iáh tahiakotikaréwaʼte khés naiakonátonhte ratiʼkwékon nakenontatokentíke, rá꞉ton ne Roiá꞉ner.

Isaiah 9:7

Né raʼoshatsténhshera kwáh enwahtehiá꞉ron ienhiokontákwen, tánon kwáh iáh tsahontókthen tsi skénnónk enkénhake ne raonitskwáhra ne Táwit tánon ne raonontiʼiótshera. Kwáh kí enhakwahtáko tánon entátswanónhna skát꞉ne ne kaiáneren tánon ne karihwakwahrihshión꞉tsheras kwáh kénhen ienwatáhsawen tánon tsi nénhwe enkénhake. Ne Roiá꞉ner Roshatstenseʼrowanenkówa iateorihwaién꞉tase ne thóh kíʼ ken nenhá꞉iere.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Hosea 2:18

Kwáh enkonhiónhnien naterihwaseronhniá꞉tshera né꞉tho enwenhniserá꞉teke skátne ne kontírios, notsitenokónhas ne tsi ió꞉werare kontí꞉tses, tánon ne onhontsá꞉ke kontéseres; tánon kwáh enkátonhte nahén꞉na, nasareʼkó꞉wa, tánon nateriióhsera ne tsi ionhontsá꞉te; tánon ne enkonhniá꞉te ní꞉se kwáh skén꞉nonk tsi ashenákereʼke.

Hosea 2:20

Kwáh karihwatokentitserá꞉kon tsi ienkonhiathénhawe ní꞉se ne tethenitéron ahsá꞉ton; tánon kwáh entsienterá꞉ne ne Roiá꞉ner.

Joel 3:2

kwáh enkhehiaʼtaró꞉rohke ratikwé꞉kon ne niateiakahontsiákes tánon ienkhehiaʼténhawe nahonráhkwakon Jehoshaphat, tánon thóh nón꞉we naʼthenkhehiatórete, tsi ronónha nakonkweʼtashón꞉as í꞉ken nʼIsraerʼró꞉nons, tiorì꞉wa tsi nateshakonareniáton tsi ratinákeres nonkweshón꞉as. Tehotihiakhónhnion nakonhóntsa,

Micah 5:15

Tánon thóh kanhakwahtserá꞉kons tánon aterhiatitkontserá꞉kon kwáh ne enkaterihwathentiá꞉te ne karewathá꞉tshera rononhà꞉ke ne ronhnonhontsakeró꞉nons ne iáh tehontewenhnaráhkwa.

Zechariah 14:3

Ethò꞉ne ne Roiá꞉ner ienhahiá꞉kenhne tánon enhonterí꞉io nonhkweshón꞉ʼa, tsi ki ní꞉ioht tsi rohterí꞉io ne tiotohesthánion.

Zechariah 8:20

Ne Roiá꞉ner Roshatstenhserowá꞉nen ráton, “Ienkáhewe nó꞉nen iakotiohkowá꞉nen tsi kanatowá꞉nens nón꞉we nénhtien Jerusalem niénhien.

Zechariah 9:10

Ne Roiá꞉ner ráton, “Ahé꞉ren entʼkhá꞉wite ne otiónhkwas ne Israerʼró꞉nonhke ó꞉ni é꞉renh enkhehiatenhá꞉wite ne koshá꞉tens ne Jerusalem; ne ahén꞉nas wátstons ne tsi waterí꞉ios kwáh enkariwahthón꞉ton. Ne tsi Sehwanonhtí꞉io kwáh skén꞉nonh enrón꞉ni tsi natehontérons nonkweshón꞉ʼa. Kwáh raónha enthaniarotárohke tsi tiotáhsawe ne kaniatarakeʼkó꞉wa tsi nió꞉re iehiotókte, tsi tiotáhsawe ne Euphrates kaniataratátie tsi nió꞉re ne tsi iehiothonhontiókʼte.”

Acts 17:31

Asèken rawenniseraráhkwen tsi kwáh niaʼtehionkwétake ne tsi ionwentsiáte tsi tensakohiatórete kariwakwarishiontserákon tsi nihohiatarákwen nètho rónkwe neh tehahiatórete. Neh kí꞉ken sakonesténni kwáh tsi niaʼtehionkwétake tsi nishokétskwe nètho rónkwe ne kenheiátʼne!”

Revelation 19:11

Eʼthó꞉ne wakatkáto onteronhianhotónko, tánon thóh nón꞉we ní꞉res kanaskwará꞉ken! Ne roʼshá꞉tentse ne ronwanaʼtónhkwa Roʼriwatóken tánon Oriwí꞉io í꞉ken, tánon thóh kariwakwarishontserá꞉kon tsi tehaiatoréhtha tánon rateriioserónhnis.

1 Samuel 2:10

Ne Roiá꞉ner ronwáswenhs kwáh kiʼ enhionthatá꞉tonhte; ne kwáh éhʼneken thót꞉te kwáh entʼtáwere thóh karonhiáke. Ne Roiá꞉ner kwáh enharíwente tsehionhontsakwé꞉kon; raón꞉ha enhoshaststénseron ne raonnontí꞉io, tánon enhoshastsʼtenserowaʼnénhake ne rohiatarákwen.”