Micah 4:13 - Ohiatonhseratokénti

¹³ Téstan tánon tesasakwaserón꞉kwat, O akoién꞉ha ne Zion, asè꞉ken ne enkonhniá꞉te ne tsi tesanakáronhte karístatsi nahiotónhake; tánon ne tsi tesatsinenrentónte kwé꞉nis nenhné꞉e nenhiotónhake; tánon kwáh iakotiohkowá꞉nen ensenonwenhserá꞉rio nonkweshón꞉as ken nenknenshónnaske, tánon kwáh enteshá꞉we akwé꞉kon kí꞉ken nahorihoténhsons rahonhà꞉ke ne Roiá꞉ner tánon ensethátse ne raotikwahséhtsheras rahonhà꞉ke ne Roiá꞉ner ohontsakwé꞉kon í꞉ken.

Micah 4:13 ပူးပေါင်းရင်းမြစ်များ

Psalms 24:1

Né tsi ionwenhtsáte Roiá꞉ner sèh raówenk tánon akwé꞉kon tsi nahoténhsons né thóh í꞉wa, tsi ionwenhtsáte, tánon tsi niʼiákon né nón꞉we niʼienákere;

Psalms 68:29

Né karihónhnis né Sanonsatokentiʼkówa ne Jerusalem né rontinontí꞉ios thatíhas nathatawítseras naiéshon.

Psalms 72:10

Wakaterénhnaien ne rotinontí꞉ios ne Tarshish tánon ne tsi kawehnó꞉tons ohwísta ronwaʼkarhiáksehek, Waʼkaterénhnaien ne rotinontí꞉ios ne Sheba tánon ne Seba thonwaʼhawíten nathatawí꞉tsheras.

Isaiah 18:7

Né thóh nenhkaháwiʼke nathatawítsheras kwáh kí entonhwahawítaʼse ne Sakoiá꞉ner ne ronterí꞉io ratiʼronhiakeró꞉nons né thoʼnatkháwen ne ratiʼnenhiéshons tánon ne ratinhí꞉ios, né nonkweshón꞉has ne ronhwatiʼtshánis aktónties tánon nahinónhsons nió꞉re ít꞉kens, ne nonkweshón꞉has ne ratiʼshátstes tánon sakotisénhnies, né꞉ne rahononhóntsas ne tsi kaniataratáse tehiotʼkháshion, ièhio ne tsi Ionontáhere ne Zion, né nón꞉we ne konwanatón꞉kwah ne Sakoiá꞉ner ne ronterí꞉io ratironhiakeró꞉nons.

Isaiah 21:10

Ó ne wákʼwahe tánon ne wakáshewen, tsi nahó꞉ten wakatonhtéhon tsi nitsawénon rahonhàke ne Sakoiá꞉ner ne ronterí꞉ios ratiʼronhiakeró꞉nons, ne Sakoní꞉io NÍsraerʼronónke, Waʼkonrihowanáthen.

Isaiah 23:18

Nahotkeronhtátshera tánon tsi natewaténtsahas kwáh kí Roiá꞉ner enhonwatonhnahéraʼse; tsi nikará꞉kwas kwáh iáh tahontewenhientónhake khés nahonshétonhke, ók kí nahotkeronhtátshera kwáh iawethatsáni enhiakoiéritʼtse ne kákhwa tánon natʼtserónhnia né꞉ne tsi nihiákon thóh ienákere rahohénton ne Roiá꞉ner.

Isaiah 5:28

né raotiʼiénkwires iohiotí꞉ies, akwékon ne raonahénhas waserihiotarókʼkhons, ne raoʼtitsenenhókons iakosátens ne aotitsinarenhtákes kwáh né꞉ne onénhia í꞉ken, tánon ne raotiʼkawénhtas notsiónkwas kwáh né꞉ne ioʼtsiskaiónhni tsi teioweratáseh.

Jeremiah 51:20

Ne Roiá꞉ner ráton, “Babylonia, i꞉se nahkenekonhrèstha, naʼkateriʼiostáhkwah tsi wahterí꞉io. Í꞉se wakonhiásʼthe ne thaʼkhenénhstsake nonhkweshón꞉a ó꞉ni ne tsi kanahkerahserahkéronhs,

Jeremiah 51:33

Asèken ne Roiá꞉ner Roshastsʼtenserowáhnenh, ne sakoʼNí꞉io ne Israel, ráton: ne Babylon thóh nikahiató꞉ten tsi ní꞉ioht nonátsa ne tsi iewahétʼta oskwenhkaráhke káien, ónenh tóh꞉wah takonwaskwáhsehron. Iáh teskaríwes nahoientkwahkwáhtshera entewahtásahwenh.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Hosea 10:11

Ne Ephraim né꞉ne karihonnienhníkwe tionhnónskwaron owí꞉ra ne niahonweskwahníhakwe nakawáheke nonátsia, tánon sakenónsthate ne kaniásake; ók kwáh kí enkónhnien ne Ephraim ne tahontonhontsárihte; ne Judah ó꞉nenk tsi enkentarakaráhtho; né Jacob ó꞉nenk tsi rahónha thenhatatenonhonrhiák꞉se.

Micah 5:7

Ethò꞉ne ne niatehonathaténhron ne Jacob, kwáh kí raotinenrí꞉hen enhenteróntake, kwáh thóh nenhatiiatothénhake tsi ní꞉ioht ne iohawé꞉ien né꞉ne Roiá꞉ner tesakoteniethénhni, tsi ní꞉ioht ne iotsatará꞉ties nohontá꞉kes, ne ne iáh tehoterá꞉rats ne rónkwe iáh ó꞉ni tehiakoteráhrats nonkweshón꞉as.

Habakkuk 3:12

Nó꞉nen sisanakwénhen, waʼtesathekháhawe tsi waʼteshonhontsí꞉iake ne tsi ionwenhtsá꞉te, ne tsi sanakwénhen waʼtesehiaskwáseron nonkweshón꞉as.

Zechariah 12:3

Ók nó꞉nenh ienkáhewe, kwáh ne enkonhiá꞉te ne Jerusalem tsi ní꞉ioht ne ionenhiáste—nakentiokó꞉ten ahonteniénten tahónhnekwe enhothikaré꞉wahte. Kwáh kanenrahkwé꞉kon ne tsi ionwenhtsá꞉te enʼthonténrohwe ne iakonhwatiaʼtón꞉ti.

Zechariah 12:6

“Ne nenhkahá꞉wike kwáh enkhehiónnenh ne rothitahrahién꞉tons ne Judah nón꞉we tsi ní꞉ioht nahiothékhake karáhkon tó꞉ka ó꞉ni tsi ní꞉ioht ne onátsia ionoráhri kahentà꞉ke—kwáh akwé꞉kon enhonwanahthón꞉te nonhkweshón꞉ʼa ne ákta rahthinákere. Nonhkweshón꞉ʼa ne Jerusalem kwáh nenhné꞉e sak tenkénhake ne kanathakónhson.

Zechariah 4:14

Ethò꞉ne wahèn꞉ron, “Ne kí꞉ken ne tehnihiá꞉se tsi niká꞉ien ne Rawenni꞉io shakohiatahrákwen tánon ne tahonwahriwasniéhse, raónha ne Roiá꞉ner rashá꞉rine nowenhtsiakwé꞉kon.”

Zechariah 6:5

Watharihwaʼserá꞉ko, “Ne kí꞉ken ne kaié꞉ri nikahwerá꞉kes; né꞉ne Roiá꞉ner rashá꞉rine nonhwenhtsiakwé꞉kon né꞉ne rahohén꞉thon kaienthákwe tánon ónhwak thóh nahthonhtahkón꞉ne.”

1 Corinthians 16:2

Kwáh iaʼteiawentatokentiʼtsheráke ónenk tsi ákthe nensewáhien nowísta, ne entiohianénhawe tsi nahtesewahthéntion, tánon sewahteweiénton, ne káti ne tóhsa tahiontonhontiohónhake nahisewahwistaróhroke nónen téntke.

Deuteronomy 33:25

Aiáwens ne rahothinathákons ne ahioiatanónsthate ne karistátsis iotenhenrenthón꞉nions, Aiáwens tió꞉konte tsi ahiorihwí꞉ioke tsi ahotenhniserathénionhke.”

Joshua 6:19

Akwékon tsi nahó꞉tensons né꞉ne ionhniatons ne kawistarákens, owistanoronhs, tehiotʼtsinokwaronhte notsinekwar karisthatsi, tó꞉ka ó꞉ni karisthatsis né꞉ne Roiá꞉ner ronhwarahkwenhni. Roiá꞉ner tsi rahwisthaienthakwa ienkaienthake.”