Micah 4:10 - Ohiatonhseratokénti

¹⁰ Kwáh saronhiakénhak tánon shonhséhnak, O akoién꞉ha Zion, kwáh tsi ní꞉ioht ne iónkwe ioronhiá꞉ke tsi iowiraientásere asè꞉ken ó꞉nenh kwáh ienshiákenʼne ne kanatowanénhke kahentà꞉ke nienhénse; ní꞉se kwáh tsi nió꞉re Babylon nienhéseh. Thóh nón꞉we ne Roiá꞉ner nenhshiaiatáko thensehsakoshotarísi ne ieshá꞉sons.

Micah 4:10 ပူးပေါင်းရင်းမြစ်များ

2 Kings 20:18

Sewáʼtsakes ne kwáh thó nón꞉we niʼtisewatwatsiríhnon kwáh ienietsiʼiatén꞉haʼwe tánon ténʼietʼtsineniatáko né naisewatenaʼtserónhni né꞉ne raonnontiʼiotserákon ne Babyloniaró꞉non ronnontí꞉io.”

2 Kings 25:4

né tsi watenhenró꞉te né tekanathanákton tsathonʼnótkaʼwe. Iáh othènen tetsiorá꞉kwen ne Babyloniaró꞉nons tsi tehotinathánenʼne, ratikwé꞉kon ne ronterí꞉io tsi niwaʼshón꞉tes shonatékwen. Eh ronathohétston ne kanontiʼiótsera ahohéthakon, iathonʼnót꞉kaʼwe ne tiotenhenrakáronʼte né tekákʼken ne tewaʼthenhénrakes, tánon thó nòkwah niahontekwáhsen tsi nieʼiawénon ne Jordan Ahonráhkwahkon.

2 Chronicles 33:11

Sók kíʼ ne Roiá꞉ner waʼsakoríhon ne ratisenhnowánens ne Assyriaró꞉nons ronhterí꞉ios niashakotinenhrénhten ne Judah. Wahonwaiéna ne Manasseh, tánon waʼthonwaʼnionshó꞉heste tsi wahatiʼkakwenhtanihiónhten, tánon waʼhonwaronhkwahsánerenhke, tánon Babylon niahonwaiaténhaʼwe.

2 Chronicles 36:20

Raʼtikwé꞉kon Babyloniaró꞉nonke niashaʼkoiaténhaʼwe ne niaʼteonathaténhron, thóh nón꞉we nahonwaiótenhse tánon ne tsi ienhontwatsiríhne tsi enshakonaskónhni tsi nió꞉re tenhtʼthátaʼne ne Persiaró꞉non Rakóra.

2 Chronicles 36:23

“Kén nahó꞉ten ráton ne Cyrus, né꞉ne Rakóra ne Persia. Né Roiá꞉ner, né꞉ne Raní꞉io tsi karonhiáte, wahakónhnien nakatʼkóraste kwáh ohontsakwé꞉kon tánon thakáwi naʼkaterihwatsʼtérisʼte tsi akanonsonhníhake nononsatokentiʼkó꞉wa né rahónha raorihwá꞉ke né꞉ne Jerusalem né Judah nón꞉we. Ó꞉nen, né sewakwé꞉kon í꞉se ne Rawenni꞉io rahonkweʼtaʼshón꞉a, wáhs thóh iaháseʼwe, tánon aiáwens ne Roiá꞉ner Sewaní꞉io í꞉ken aisewakweʼkónhake.”

Psalms 106:10

Káti waʼsakoiatanonsthá꞉te thóh ronhtsaná꞉kes tsi nó꞉kwah ne tehontatʼtions, tánon sashakoniákente tsi thonshasakoshiotarísi ne tehontátʼtions.

Isaiah 43:14

Né kí aoríhwa rá꞉ton ne Roiá꞉ner, Né shiaʼiatákwen, né꞉ne Rotokéntiʼt í꞉ken ne Israerʼronónke: Asèken í꞉se sarihwá꞉ke tsi kwáh ienkaténiete ne Babylon nón꞉we tánon tentʼrihtánion akwé꞉kons ne tekaristarenhwá꞉nion, tánon tsi natehotihenré꞉tha ne Chaldeans kwáh né iathenwakʼkaraténi ne kanikonrakʼsénhtshera.

Isaiah 45:13

I꞉i riʼkétskwen ne Cyrus thóh karihwaʼkwahrishiontsherákon, tánon kwáh ne enkónhniate ne tsi rohatá꞉tie nahiotʼtahakwahríhshionʼke; rahónha enhakenatónhnien ne kanatowánens tánon ensakorihwakwahtákwaʼse nahonsahontaʼtewenhní꞉ioʼne nakonkwetaʼshónhas, iáh né nahotʼkárhiakse khés ne tahonwarihwaserasákwahse, rá꞉ton ne Sakoiá꞉ner ne ratironhiakeró꞉nons.

Isaiah 48:20

Thonʼtatsiákenk ne Babylon, thonʼtasatèko ne Chaldea, satʼró꞉ri kí꞉ken tsi naʼtenhsahénreʼte natʼtsenhnonhniátshera, serihó꞉wanat, iaʼsaténiet ne tsi ieiotonhontioktaníhon; tsíronh, “Né Roiá꞉ner shoʼhiatákwen ne raonhá꞉tshera Jacob!”

Jeremiah 13:4

“Wáhs Euphrates tsitʼkaniataratátie niaháse tánon tsi iotstenrahkáronte iashá꞉sek nètho oniatará꞉a.”

Jeremiah 15:21

Kwáh enkonhniákente tsi nòkwa ne rahotishastsʼténseras ne ionkwetahétkens ó꞉ni ne ratinahthakárias. Í꞉i, ne Watiá꞉ner, wakatáhti.”

Jeremiah 29:20

Sehwahkwékon ne tsi nítsion ne kwahnakerahkwáhthonʼne ne ne Babylonia nónhwe niaʼhísehwe, sewahthahónshaʼtat tsi nahó꞉ten ne Í꞉i, ne Watiá꞉ner, káhton.’

Jeremiah 4:31

Onhkatʼthónteʼne tehionsénhtos, tsi ní꞉ioht ne iónkwe ioronhiáken tsi iowirahienthásehre, tehiakohenréhtha tsi ní꞉ioht neiónkwe thontiérenhte wahowirahiéntahne. Né꞉ne Jerusalem tewahsénhthosʼkwe tsi niwathonrhióthaʼkwe, hiatehiótiathe tánon wahthónnionskwe, “Wakatrehwáhthon! Tahónne nahionkenonhwahrhiákon!”

Jeremiah 48:41

Nahonahtowáhnenhs ó꞉ni ne tekenhstenrotáhkwen ne tekanahtaʼnákʼtons enhathiʼiéna. Ne thóh enwenhniseráhteke ne Moab ahonkwetaʼshón꞉a ne ronterí꞉ios thóh nenhotiʼterónhsehke tsi ní꞉ioht ne iónkwe ioronhiáken tsi iowirahientáhsehre.

Jeremiah 52:27

né꞉ne tsi wahthonwénhtsaien ne Hamath. Éhtho nónhwe ne Ronnonhtí꞉io wahaténnhaʼne nahonwahtiʼnonhwenhsehrhiárhio tánon nahonwahtiʼnonhwahrhiákon. Káti ne Judahró꞉nons iahontiiathénhawe tsi wahonwanenhnakerakwáhte ne rahononhontsá꞉kes.

Hosea 1:10

Ethó꞉saʼne tsi nenhonatiohkowá꞉nenke nonkweshón꞉as Nisraeró꞉nonke kwáh tsi ní꞉ioht tsi tekanesaronhkotáron ne kaniatarakeʼkowáhne, né꞉ne iáh thahónton nahionshé꞉ʼte khés ó꞉ni naiekontserihárenh; tánon thóh nón꞉we nihonwanén꞉ni, “Sewakwekon iáh í꞉i tewakonkweʼtashón꞉as tèken,” kwáh kí enhonwanénhase, “Ne sakoiohokón꞉as ne ronnheónwe Rawenni꞉io.”

Hosea 13:13

Ne tehowehesthánion ne sarenhnakerá꞉te sahohiató꞉renhne, ók iáh kí tehatenikonraʼthókha ranekénteron; asè꞉ken ne tkarihwaié꞉ri tsi nikahá꞉wi iáh tehathatenéstha ne tsi kasakáronte ne watewiraráhkwa.

Hosea 2:14

Ne káti aorì꞉wa, kwáh thenkerenhkénni, tánon iahonwenhtsathénhake nientsiathénhawe, tánon entkateweiénton tsi entʼtharase.

Micah 5:2

O ní꞉se, O Bethlehem ne Ephrathah, í꞉se ne kwáh kenk nitesewentará꞉sas ne Judah, tionhà꞉ke nón꞉we nenthaiá꞉kenhne éntre akonhá꞉ke rahónha enhatkóraste Israeronónke, ne tsi tahawatsirathátie né꞉ne owatsiratsthénha, né꞉ne wahón꞉nise tkénne.

Micah 5:3

Ne Káti aorì꞉wa kwáh kí enshakotsakwarísi tsi nió꞉re ienkáhewe ne nó꞉nen tsi niká꞉ien ne ioroniáken enhiowiraién꞉taʼne; ethò꞉ne ne ronátiaʼkes ne raowá꞉tsires ienshón꞉ne niatahonsahontiéste nonkweshón꞉as Nisraeró꞉nonke.

Revelation 12:14

Ók ne iónkwe ne tkonwá꞉wi tekanerahontsá꞉ke nakwekskó꞉wa raonerá꞉ontsa, ne káti nahón꞉ton taká꞉ten é꞉ren awé꞉te aonhá꞉ke noʼniáre ahonwenhtsaténhake niakátie, thóh nón꞉we tsionát꞉te ne takonwasniéne nikariʼwésa, né꞉ne áhsen niʼioseráke nikarì꞉wes.