Micah 3:7 - Ohiatonhseratokénti

⁷ Ne rotitokénhse kwáh enhonwanatehá꞉te, né ronthiatonserátkenhse kwáh enhonwanateháte; kwáh ratikwé꞉kon rontsá꞉nakes enhónste tsi enhatiró꞉roke ne tsi ratisaká꞉ronhte, tsiórih tsi iáh tehatiié꞉nas ne tekarihwasehrá꞉ken ne Ní꞉ione nahontá꞉we.

Micah 3:7 ပူးပေါင်းရင်းမြစ်များ

Psalms 74:9

Iáh teiakwatʼkáthos nonkwaniataráha; iáh ónen ónhka tesénhteron ne rotó꞉kenhse, tánon iáh ónhka tehioteriénhtare thóh kíʼ nenhkariwésonhke tsi thóh nenhiotónhake.

Exodus 9:11

Né tehontierónhnions iáh tehotiʼkwénion nahonahthotaʼshionʼke rahohénton ne Mahís, tsoríwa tsi nihoʼnatkwaroʼtakwarónhton, kwáh tsi kíʼ ní꞉ioht ne ronáhtsiaʼkes ne Egyptró꞉nons.

Isaiah 44:25

ónhka sakonikonrá꞉rhios tsi nihontewenhnakaʼrátats ne rotinó꞉wenhs, tánon sakononwarorihtón꞉nis ne tehontkónsthas; ónhka tesehsakoʼkaraténies ne rontiʼnikonratʼtókas, tánon ne ronhniá꞉tha ne raonatʼthokhátsheras noʼnonwaroʼríhtha;

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Ezekiel 24:17

Tó꞉sa iakoʼthónthen tsi nahteshasénhtos. Tó꞉sa sanonhtsistós꞉konk tikénhak tó꞉sa ó꞉ni saskawetós꞉konhk kenhak né꞉ne awénesthe tsi satʼtshónhnion. Tó꞉sa sehró꞉rok ne skonhsáhke tó꞉sa ó꞉ni ne ísek tsi nahóten ne ronhtsiónhnions rónhneks.”

Ezekiel 24:22

Ethòne étho nenhsehwáhiere tsi niwahtiéren. Kwáh iáh tahisehwahróhrohke ne sehwakonhsákes iáh ó꞉ni tahísehwake ne kákʼkhwa ne rónhneks ne ronhtsiónhnions.

Leviticus 13:45

Tó꞉kaʼ né sannhrá꞉re ne iotennhrát꞉theron ne sané꞉honkʼne, ónenk tsi né ensatʼtserónhniaʼte ne ioteratiónhkwen, tó꞉sa ensatkorót꞉thiʼwe, shaʼteskonhsí꞉hen seró꞉rok, tánon teshahénret, “Iáh tewakatʼkwéniens, Iáh tewakatʼkwéniens!”

Amos 8:11

Ne tsi nikawistáhets kwáh orihwiiohón꞉we tsi tá꞉we, rá꞉ton ne Roiá꞉ner Rawenni꞉io, ne nó꞉nen kwáh entkaténiete natonhkarià꞉kon ne tsi ionhontsá꞉te; iáh ne nahiakokʼkwahnorónsthen, khés naiakonekanorónsthen, ók ne nahiakotónhtene ne raowenhnaó꞉kons ne Roiá꞉ner.

Micah 3:4

Ethò꞉ne iathenhonsénhtho raonhà꞉ke ne Roiá꞉ner, ók iáh kíʼ tathasakorihwaʼserá꞉kwahse; enshakoʼkonsaséhthen né nenhkahá꞉wike, tiorì꞉wa tsi nihatiweienaksénhskwa.

Micah 7:16

Ne ronhnonhontsakeró꞉nons kwáh enhontkáto tánon enhontéhen kwáh raotishatstenhserakwé꞉kon; kwáh thenhontatsanarónnion tsi ratisakaróntons; tenhonhontákweke.

Zechariah 13:4

Nó꞉nenh ne kawistáhets enwáhwe, iáh ónhka ne rotokénhse thataharenshá꞉ron ne rahoteʼtsénhsera tó꞉ka ó꞉ni thonahronnhoténhake tsi ní꞉ioht ne rotokénhse tó꞉ka ó꞉ni ne ahatʼtseronhniá꞉te ne iohnonhwérahre ne nahónton ashakonikonhráten nonhkweshón꞉ʼa.

1 Samuel 14:37

Káti ne Saul wahoriwanóntonʼse Ní꞉io, “Iahiakiʼiaʼtsatónhti kén ne Philistines? Kwáh onhtèken iensehiátʼkawe thóh ronhtshanákes NʼIsraerʼró꞉nons?” Ók ne Ní꞉io iáh kiʼ tatehoriwaserákwenhni nètho siwenhniserátekwe.

1 Samuel 28:15

Ehʼthóhʼne ne Samuel wahawénhase ne Saul, “Ónhʼnontsiéren tsi wateskenikonrá꞉ren tsi tontastiatarákʼtenste?” Ne Saul wathariwaserá꞉ko, “Kwáh í꞉ken tsi kowáhnen tewakenikón꞉rare, asèken ne Philistines kwáh ionkaronkaténhnis nahontahionkatiatónhti, tánon ne Ní꞉io éhʼren ne rawé꞉ton nakonháke tánon iáh ó꞉nen thateshakeriwaserakwénhnis, khéhs tsi nòkwah ne rotitó꞉kense khéhs tsi nó꞉kwah natetʼtsenserákons; káti í꞉se iakón꞉nonhke nasekró꞉ri onnátiere.”

1 Samuel 28:6

Nó꞉nen ne Saul sahoriwanóntonhse ne Roiá꞉ner, nr Roiá꞉ner iáh tahtehoriwaserakwénhni, iáh naʼtetsenhsehrákon, khéhs ne ratsihénstatsi, khéhs ne rotitó꞉kenhse.

1 Samuel 9:9

(Nohén꞉ton tkènʼne ne Israerró꞉nonhke, ón꞉ka ién꞉hien neh thé꞉nen ahieriwísake tsi nó꞉kwah ne Ní꞉io enhiaʼiéron, “Káts, áhnion thóh nienhé꞉tene tsi thénteron ne iehariwákenhs”; asèken raón꞉ha ó꞉nenh ne shonhwanatón꞉kwa rotokén꞉se nohén꞉tonn tkènʼne ne ronwanatón꞉kwakwe iehariwáʼkenskwe.)