Micah 3:2 - Ohiatonhseratokénti

² Í꞉se ne sewáhsons ne ioiánere tánon ne sewanón꞉wes ne karihwahétken, ietsiwarahratiónkwas nakonhkweʼtashón꞉as, tánon sehwawarahrónkwas ne tsi rotistiénhtare;

Micah 3:2 ပူးပေါင်းရင်းမြစ်များ

1 Kings 21:20

Nó꞉nen ne Ahab sahó꞉ken ne Elijah, wahénron, “Waseʼnónhteraʼne, tetiatátʼtsons?” “Hen, thóh nahá꞉wenhne,” ne Elijah wathariwaseráko. “Kwáh sateriwathokénston iehiokonhthákwen tsi thóh nishié꞉ra tsi nahó꞉ten ne iáh tetkarihwaiéri rahohénton ne Roiá꞉ner.

2 Chronicles 19:2

Rotó꞉kenhse, Jehu né roʼníha né꞉ne Hanani, iahá꞉re ne tahiatátken ne ronnonhtí꞉io tánon wahawénhase, “Í꞉sere onhtèken tkarihwaiéri nahonwatiʼiénawaʼse ne ionhkwetahétkens tánon né ahonwatirihwá꞉wahse tsi nihá꞉ti ronhwá꞉sons ne Roiá꞉ner? Tsi nishatiéren né takáhaʼwe ne Roiá꞉ner raonhakwáhtshera né shonháke.

Psalms 15:4

Shakokenrónhni tsi nihiákon ne ionthatsatonhtákwen, ók shakokweniénstha tsi nihiákon ne ronwahtsánis ne Roiá꞉ner. Rarihwanírats tsi nihorihwaniráton iekaníhare ne rahónha ahokarónhniate.

Psalms 53:4

Iáh kén tehonatʼthokhatseráien, ratikwékon né꞉ne rotihióthens ne kariwahetkénhsera, tsi niháti ne sakotiiataratsiónkwas nakonkwetashón꞉ha tsi shí꞉ken ní꞉ioht naotinatárakon, tánon iáh tiehonhwanátons ne Rawenni꞉io?

Proverbs 28:4

Tókaʼ iáh tehskweniénhstha ne kaianerénhsera, tho kiʼ nonkwá꞉ti tisaiatén꞉ton tsi nonkwá iáh tetionkweʼtaié꞉ri; tókaʼ enhsatewèn꞉narahkweʼ, enhserihwáiaʼke kiʼ.

Isaiah 3:15

Nahóten sewéntons tsi watsetsinenstsákon nakonkwetaʼshónhas, tsi wahetsikonsakénhrieh ne iakotenténion? Ráton ne Roiá꞉ner Sakoní꞉io ne ronterí꞉ios ratironhiaʼkeró꞉nons.

Isaiah 5:20

Ensesathateriwásthen, í꞉se ne senahtón꞉kwa ne kariwahetkénsera ioiánere tánon ne ioiánere karihwahekénsera ne senahtónhkwah, ónka teshaténies ne tetsiókaras ne tahioswát꞉thene, tánon ne tehioswát꞉the nahontahiókarawe, ónka teshaténies ne iotskárat ne tahiotsiʼkhétarane tánon ne teiotsiʼkhétare ne ahiotskáraʼne!

Isaiah 57:12

Iáh thaʼtakerihwakènha ne sarihwakwarihshiónhtsheras tánon ne sahioténseras, ók iáh kí né thènen tahiʼsahiatakènha.

Ezekiel 11:7

“Káti ne kí꞉ken tsi nahó꞉ten ne Í꞉i, ne Wakenonhtí꞉io Watiá꞉ner, konhrorhiánions níse. Kíʼ kénʼen kanatowáhnenh tóhske ne꞉ne iekhnonniátha ónhtak í꞉ken, ók nahó꞉ten káti nowáhronh í꞉ken? Né꞉ne ohieronhtashón꞉ʼas ne ietsinonhwahrhiakónnion! Iáh kénʼen tahisehwésheke—kwáh enkwahiatínekenwe ne kanatowahnénhke!

Ezekiel 22:27

Ne kakorahsehráhkon ronahterihónton thóh nihatihiathótens tsi ní꞉ioht nokwáho ratiwahrahratiónkwas ne kárhio konhwáhrhio. Sakonahséhtha onhnahiáwenhne nahothikwátsene.

Ezekiel 24:4

Tánon thóh sèhtah ne kwáh kawahrí꞉io— né꞉ne kanensà꞉ke tánon ne oshínas— ne ó꞉ni thontásrat ne tekaiestháshion óstsiens.

Ezekiel 34:3

Onónhta sehwahnekírah, né sewatʼtseronhniátha ne okénha ionhniáton, tánon ietsihiawénhtʼtos ne kwáh tionahrésenhs teiotinahkaronhtónha. Ók iáh kíʼ nonhwénton thateietʼtsiriwasniéseh ne teiotinahkaronhtónha.

Amos 4:1

Sewatahónhsatat kí꞉ken owennaʼshón꞉ʼahs, í꞉se ne tiohnhónskwarons nisewaiaʼtó꞉tens ne Bashan nón꞉we ne ne tsi ionón꞉te ne Samaria nón꞉we ní꞉sewes, í꞉se ne teietshiionhnharíkhons ne iakotenhténions, í꞉se ne teietshinènhstiaʼks ne teiontkáriahs, ietshihró꞉ris ne sewaniákkhons, “Taskwahnekenhawíhten!”

Amos 5:15

Sehriwáshon nahó꞉ten ne kariwáksen, ne sehnó꞉ronk nahó꞉ten ne tkarihwaié꞉ri, tánon serihwaní꞉rat ne kaianéren ne tsi iothenhenrakáronhte; ne naiawenskénhen né꞉tho Roiá꞉ner, ne Sakowenní꞉io ne ratironhiakerononhs, kwáh enhontahorihwaié꞉rihke ne iatehonatathénron rahonhà꞉ke ne Só꞉se.

Micah 2:8

“Hiasehiatsiatónhti nakonkweʼtashón꞉as kwáh tsi ní꞉ioht ne tesehwataʼtions; washeiatawitáshi ne tsi nihá꞉ti ronhnatohestonhátie tseshetákwen; iáh né tehonhnonthónhnions naterihió꞉sera.”

Micah 7:2

Ne rotirihwató꞉ken kwáh rotiiathatónhon ne tsi ionwenhtsá꞉te, tánon iáh ónhka tsiatetsakotaténhron nahontakarihwaié꞉rihke; ratikwé꞉kon ratiiatión꞉ni ne rotiráhre nonekwénhsa, tánon tehonthatórats tsi nihontaharaién꞉tons.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.

Zephaniah 3:3

Ne rathirihwakweʼní꞉ios nahonkweʼtashón꞉as kwáh né꞉ne kénreks ronatonhriáien, nahonkweʼtashón꞉as ratirihwéntha kwáh né꞉ne oʼkarasné꞉ha nokwáho rotistsiokánon tsi nió꞉re ienhiórenhne

Luke 19:14

Kenh kaien ne thatinakere ronȣasȣanskȣe, nese ȣaonni iaonȣateriȣanietase ronȣarorihatie, rontonne: iah tateionkȣatonȣentsioni ne raonha kehiken asonkȣaststeriste.

John 18:40

Nok akȣekon ok are tontahotihenrete ȣahonniron: tosa rahonha kenhak, Barabas niha, onkȣetaksenskȣa kenhne ne Barabas.

John 7:7

Iah teietshiȣens nonkȣeokon, nok tanon ionksȣens, neh tsi kheriȣasȣase tsini ieȣeiennaksen.

Romans 1:32

Ronateriéntare tsi niwáton ne Rawenni꞉io rahoianerénseras nónka kí꞉ken thóh ní꞉ioht tsi iakonʼnhétie teiakoténtion naiaiéheie. Tánon kíʼ iáh nek tèken tsi sékon thóh ní꞉ioht tsi nihatiʼieránions, nók kíʼ iehióhe sakothiretsárons nakorénsons neh nihatiʼiérah.

Romans 12:9

Kanoronkwátsera ónenk tsi ienhiokontákwen enhioriwatokénhake. Sewáson ne kariwáksen, neh sewatienawasthónhak ne iohiánere.

2 Timothy 3:3

iáh tahontahotirihwaiériʼke, enhoneriasaníronke, enhotihianerenseraksénhake, enhonnonkwetaʼtsénhake, enhatiniakátsʼtheke; enhatisónʼsheke ne ioiánere;