Micah 2:8 - Ohiatonhseratokénti

⁸ “Hiasehiatsiatónhti nakonkweʼtashón꞉as kwáh tsi ní꞉ioht ne tesehwataʼtions; washeiatawitáshi ne tsi nihá꞉ti ronhnatohestonhátie tseshetákwen; iáh né tehonhnonthónhnions naterihió꞉sera.”

Micah 2:8 ပူးပေါင်းရင်းမြစ်များ

2 Samuel 20:19

Í꞉i ne énska ne sakʼthíken tánon wakerihwatóken ne Israerʼronónke; ní꞉se í꞉sehre nashenatént꞉tho ne kanatowanénhke ne ne konwanisténha í꞉ken Israerʼronónke; nontsiéren ní꞉se tsi asheriwèntho ne raowenhkhónwe ne Roiá꞉ner?”

Psalms 55:20

Né tiontsatenhró꞉honʼne iasakotsatónhti ne ronténros; wathaiáke tsi nihoraratsthánion.

Isaiah 9:21

Ne Manasseh wasakowáhrake ne Ephraim, tánon ne Ephraim ionsahonwanahtsatónhti ne Manasseh, tánon tonhtahiaʼthénrowe tsi iahonwanatsatónhti ne Judah. Asèken akwékon kí꞉kén raonhakwáhtshera iáh kí tatetsiotkaraténion; shé꞉kon kí iatehó꞉tsate.

Jeremiah 12:8

Ne khehiatharáhkwen nónhkwe wahonkatkarahténi; tsi ní꞉ioht ne kénreks karhákon íhwes wathotihénreʼte nahkonháke, tánon káti wahkhéson.

Micah 3:2

Í꞉se ne sewáhsons ne ioiánere tánon ne sewanón꞉wes ne karihwahétken, ietsiwarahratiónkwas nakonhkweʼtashón꞉as, tánon sehwawarahrónkwas ne tsi rotistiénhtare;

Micah 3:3

ietsiwáhrats nakonkweʼtashón꞉as, ietsiiénhserons, teieʼtsitientsá꞉kons; tánon enieʼtsihiátsowe kwáh tsi ní꞉ioht noʼwá꞉ron kwáh tsi ní꞉ioht nontakʼne kawaʼrá꞉re.

Micah 7:2

Ne rotirihwató꞉ken kwáh rotiiathatónhon ne tsi ionwenhtsá꞉te, tánon iáh ónhka tsiatetsakotaténhron nahontakarihwaié꞉rihke; ratikwé꞉kon ratiiatión꞉ni ne rotiráhre nonekwénhsa, tánon tehonthatórats tsi nihontaharaién꞉tons.

Micah 7:3

Ne ronhtsánakes ne iorenhnàhon ne wahétken tsi nahóntiere; ne ronaterihón꞉tons tánon ne ratirihwénhthas ratirihwanón꞉tons ne khahó꞉tenk ahonwatikáriakse, tánon ne thonatsénhnates ronónha rontá꞉tis nahotkaronhniátshera ne raonatónhnhets; káti tehatisehrí꞉ies ne kaiáneren.