Micah 2:7 - Ohiatonhseratokénti

⁷ Aówenk ken ne kí aiaié꞉ron, O tsi ronónshote ne Jacob? Né raonikonhratokentí꞉tshera ne Roiá꞉ner ne ken iewatehiá꞉ron iáh thakaʼnikonkatstékete? Raónha ken kí꞉ken thóh nihaieránions? Iáh ken nakewenhnaó꞉kons thé꞉nen tekarihonthákwas ne nónhka thóh nón꞉we nihiakothaí꞉thake ne tkarihwaié꞉ri?

Micah 2:7 ပူးပေါင်းရင်းမြစ်များ

Psalms 119:65

Ní꞉se satsenawáston tsi nisarahráts꞉ton, Saiá꞉ner, tánon tisarihwaiéri tsi nòkwah ní꞉i, né꞉ne sanhátsera í꞉ken.

Psalms 119:68

Tsi nisahiá꞉neren tsi nitisarihwaiéri! Takerihónhnien ne sahtsiawenhráhtseras.

Psalms 15:2

Ónhka ne iakonʼnhétsie ne iáh othènon tehiakonitseráien, thóh niʼiehiéra, tánon orihwiʼiohónwe tsi iontátis nakaweriáne.

Psalms 18:26

Tsi nòkwah ne ierahkonró꞉non waʼsahthaténeste tsi nitisahrihwaiéri; tánon tsi nòkwah ne ienikonráhtha í꞉se nenʼné꞉e ne satenikonratthókha.

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Proverbs 10:29

Roiá꞉ner shakoiaʼtanónhstats ne iakorihwakwaríhshion, nok enshakorihwáhtonʼte nónhka iáh tetierihwaié꞉rits.

Proverbs 10:9

Ón꞉kwe tiakorihwaié꞉ri skén꞉nen tsi ronnonhtónnions tánon enhotiiaʼtahnirónhake nok ne iáh tethotirihwaié꞉ri enhatiiaʼtató꞉kenʼne.

Proverbs 14:2

Sarihwakwarihshiónhak tánon wé꞉ne són꞉ni tsi tsherihwakweniénhstha Roiá꞉ner; tókaʼ iáh tesarihwakwaríhshion wé꞉ne són꞉nis tsi iáh tetsherihwakweniénhstha.

Proverbs 2:7

Ráonha thatká꞉waʼs kaiaʼtakehnháhtshera tánon enhshakonónhstate ne ronwarihwakweniénhstha tánon ne tiakorihwaié꞉ri.

Proverbs 28:18

Sarihwakwarihshiónhak tánon enhsheʼniá꞉kenʼne. Tókaʼ iáh tesarihwakwaríhshion thontaiawénhstsi enhsatkarón꞉ni.

Isaiah 50:2

Onhnontiéren tsi iáh ónhka thóh tèienskwe ne sháʼkewe? Nontiéren tsi iáh ónhka thaʼieiakorihwasehrá꞉kwen shaʼthontonkhénrete? Niskaʼtianésa kén, tsi iáh takakwéni nahonsahiakoniá꞉kente? Khés iáh tesewakeshatsʼtenhseráien nahonsakʼkhenónsthate? Né tsi wakatewenhnaiéntonʼwe wasthátʼthate ne kaniatarakhekó꞉wane, Né wakónhniaʼte ne tsi kaniataraténions iahonwenhtsaʼthénhake iahónton; nahotiʼtionʼshón꞉has waʼkentsakérane ne tsi iáh teskanekáien, tánon wahonhníheʼie ne tsi nihotiʼniatáʼthens.

Isaiah 58:1

Tesewahénret, tó꞉sa sewatatiéna! Sewaʼtewenhnakétsko tsi ní꞉ioht ne iehonrawáts꞉tha! Serihowanáthen nakonkwetaʼshón꞉has tsi nihonteriwiʼioseranónhwe, thóh rahonónskon ne Jacob tsi nó꞉kwah ne raoʼtirihwaneraháktsheras.

Jeremiah 15:16

Wahsekthárahse, tánon kwáh tsi niaʼtekawénhnahke tsi wahkathahonshá꞉thaʼte. Ní꞉i i꞉se sonkwétha, Saiá꞉ner Sewenní꞉io Shaʼshastsʼtenserowáhnen, tánon káti ne shaʼwénhna wahkánhaʼne nakwerhiáne natʼtsennónhnia ó꞉ni natnonnharáttsera.

Jeremiah 2:4

Sewahtahónsahtat ne Roiá꞉ner raoteriwahnothátshera, ne Jacob nónhwe nithisehwatʼwatsirínonh, ne sehwenhtiókwas ne Israerró꞉nonhke.

Hosea 14:9

Tsi nihiá꞉kon ne iontenikonraʼthókha iakonikonraiéntas kí nahorihothénsons; tsi nihiá꞉kon ne ieierihwákens iakoteriènhtare. Asè꞉ken ne raoweiénhnas ne Roiá꞉ner tkariwaié꞉ri í꞉ken, tánon ne tionkweʼtaié꞉ri thóh nón꞉we nihiakothaí꞉take, ók ne rotiriwanerahátskon né꞉ne tonasitsiátstha.

Micah 3:9

Sewatónhtet kí꞉ken, í꞉se ne sewaʼkóras tsi ronónshote ne Jacob tánon ne sewaterihón꞉tons ne raotinóns꞉kons ne Israerʼró꞉nons, tsi ratí꞉sons ne kaiáneren tehatiwátases nahò꞉ten ne ioterihwakwaríhshion í꞉ken,

Zechariah 4:6

Ne raronhiakeró꞉nonh wahakró꞉ri ne Zerubbabel ahontahíhion kí꞉ken ateriwahnhothátshera né꞉ne Roiá꞉ner nón꞉we nitsawè꞉non: “Iatensotkáwe, iáh ne tahkarihón꞉ni ne ronterí꞉ios rahothishatsténhsera tóka ó꞉ni ne shonháhak sashatsténhsera akénhake, ók ne nahkeʼnikòn꞉ra.

Numbers 11:23

“Iehiotók꞉the kèn nakeshatsténshera?” ne Roiá꞉ner watharihwasehráko. “Kwáh iosthó꞉re ensatʼkátho tó꞉ka kèn tsi nahó꞉ten wáken thóh nenhiáwenhne khès ne iáh!”

Matthew 3:8

Tioseret Kati ne tkariȣaieri tsi saseȣatatreȣat.

John 8:39

Tontahonȣaȣennaȣeron, nok ȣahonniron: Neh nakȣa Abraham sakȣaniha, Iesos tontahenron: Toka nonȣa Abraham etsiseȣaienhokonha akenhake, eh ki oni nise naheseȣaiere tsini hoieren nʼAbraham.

Romans 7:13

Nók neh kén kéntons tsi nahóten ne ioiánere ne wakarihón꞉ni onkéʼrhiote? Iáh neh tekéntons! Kariwáneren thoʼnakásha; neh wakaniáhese ne ioiánereh, kariwáner en takáhawe ne kenhéion nakonháke, ehʼnahontáwe tsi niʼiorenʼnáhon ne kariwáneren nahiotáshon, Tanon káti, tsi nikéntons natsawenréhtsera kariwáneren wakonwéneste tsi sénha tehiotenonʼianíthon ioriwahtsáni.

2 Corinthians 6:12

Iáh ní꞉ʼi thaʼtekwanonhianí꞉ekhon ne onkeninoronhkhwáhtshera. Kwanorónhkhwa, ók ní꞉se iáh tetisewatká꞉was ne sewanoronhkhwáhtshera ne onkenirihwà꞉ke.

2 Timothy 3:5

Kénk tsienhatiʼiérate nonkwariwiʼiostóntsera, nók enhatikénron ne kwáh kasatsʼténsera íken. Sehiatiatontákwas neh nihionkweʼtóten.