Micah 2:6 - Ohiatonhseratokénti

⁶ “Tó꞉sa iaserihwá꞉ken”—nek kík sáka iehatirihwákens— “Iáh tehió꞉wenk ne iahatirihwà꞉ke kí nahorihoʼténhsons khés ne natehénsera entionkwahró꞉rohke.”

Micah 2:6 ပူးပေါင်းရင်းမြစ်များ

Psalms 74:9

Iáh teiakwatʼkáthos nonkwaniataráha; iáh ónen ónhka tesénhteron ne rotó꞉kenhse, tánon iáh ónhka tehioteriénhtare thóh kíʼ nenhkariwésonhke tsi thóh nenhiotónhake.

Isaiah 29:10

Asèken ne Roiá꞉ner thowèron shonhá꞉ke ne wahientásten ne teioserenhtanó꞉tes; watetsisewaronwéke, í꞉se ne sewatókenhse, tánon watsiʼsewanontsistóroʼke, í꞉se ne tesewatkónstha.

Isaiah 30:10

Ronnónha sakonénhni ne iehatiʼrihwákens, “Tó꞉sa sewatkátho”; tánon ne rotitó꞉kense, “Tó꞉sa iasewarihwáken tsi nahó꞉ten tkariwaiéri nonkwahrihwàke; né takwahtháras ne waterihwatiéʼsens í꞉ken, ne iaʼsewarihwàke ne tekarihwarastánion,

Ezekiel 20:46

“Rónhkwe iaiénha,” wahénron, “Iasatkátho ne entiéne nòkwahti. Iasehiatewenhnaiénthonf nenhtieró꞉nonhs tánon iasehriwáhken tsi nòkwah ne karáhkonhs nenhtiéne nòkwahti.

Ezekiel 21:2

“Rónhkwe iaiénha,” wahénron, “Sahtewenhnhaiéntonf ne Jerusalem. Seronkáhten tsi nonhwésons nónhkwe nihionterénhnaiens. Sahronhkàten ne tsi ionhwenhtsáien ne Israel.

Ezekiel 3:26

Kwáh enkonhianenhsahʼnénhtakʼte ne tshákon ne꞉ne tó꞉sa ahishateriwahténtsaseh nasehiatokáten tí꞉ken iáh tehontewenhnahráhkwah onhkwesónha.

Amos 2:12

Ók waʼetshiiónnien ne nazirites nahatihnekí꞉ra noʼnenharákeri, tánon waʼetshihnhaʼne ne rotitokénhse, sewatónnions, “Tóhsa iaʼsewarí꞉waken.”

Amos 7:13

Ók tóh꞉sa shé꞉kon nonhwén꞉ton niahonsaserihwáken ne Bethel nón꞉we, asè꞉ken Ronnonhtí꞉io raononsatokentihkó꞉wa í꞉ken, tánon ne nahonhnonsatokentihkó꞉wa ne tsi kanakeráhsera.”

Amos 7:16

Káti ó꞉nen satahónsahtat ne raowenhnaó꞉kons ne Roiá꞉ner. Sáton, ‘Tó꞉sa iaserihwákens nʼIsraerʼró꞉nons, tánon tó꞉sa sehiaterihwanót꞉tas nonkweshón꞉as Nisraeró꞉nonke.’

Micah 3:6

Ne káti aorì꞉wa ne sarihwà꞉ke thóh nienhiotónhake tsi nahtetiò꞉karas ne tsi niwasónhtes, iáh othé꞉nen thatahonshesatierónhnionse, tánon thentsokaráseke ne sarihwà꞉ke, iáh othé꞉nen tahonsaiesarihotháshien; Ienkará꞉kwenhne rononhà꞉ke ne rotitokénhse, tánon ne tsi niwenhní꞉seres thentsiokaráseke ne raotirihwà꞉ke.

Micah 6:16

Asè꞉ken ne sateweiénton ne raoianerénhseras ne Omri tánon akwé꞉kon tsi nikahiothenseróhthens ne raonónskon káien ne Ahab, iaskóntakwe ne waʼtsere tsi nihatiweienó꞉tens. Né kíʼ aorì꞉wa kwáh kíʼ karihwaieshá꞉tshera enkonionniáte, tánon ne skátne sewanákeres ne enhieshón꞉niate taiesahtienhónhase; káti í꞉se ensatkéthate ne kakenronhniá꞉tshera nakonkweʼtashón꞉as raotirihwà꞉ke.

Acts 4:17

Neh kíʼ neh tóhsa sénha isiʼnónwe naʼtahonteriwaréni nonkwéʼnes, ánion iethironkáten kí꞉ken tenónkwe kwáh tóhsa óhnka ahonshasakothitarákwen thóh rahosénʼnakon ne Ié꞉sos.”

Acts 5:28

“Kwáh ioníron tsi nih hionkwariwáston ne tóhsa ahonsaietʼtsirihón꞉nien thóh rahosénʼnakon kí꞉ken rónkwe,” wahénron; “nók satkátho tsi niseníʼiere! Kwáh watiʼtiaréniaʼte tsi waʼheʼtsirihónʼnien ne Jerusalem, tánon í꞉seneʼre i꞉i ahontaskwáraʼse tsi rawenhéion!”

Acts 5:40

Ionsahonwathihiatíʼnionte ne ratikweʼkónʼne, wahonwatinonwáreʼke, tánon sahonwanatiawénratʼtse tóhsa nonwénton sékon nahonsahathitháraʼkwe ne Ié꞉sos rahosén꞉na; Ehʼthóhʼne sahonwanátʼkaʼwe.

Acts 7:51

“Tsi nisanontsistaníron!” ne Stephen hiahatasónteren tsi róhtare. “Tsi niseweriasák꞉sens, tsi naʼtesewahontakwékon tsi nòkwa ne Rawení꞉io rahoteriwanothátsera! Kwáh tsietʼtsiʼiéren ne ietʼtsisottonkonkén꞉ens: í꞉se ó꞉ni iáh nonwénton thetsisewawenʼnarhákwen ne Ronikonratokénti!