Micah 2:4 - Ohiatonhseratokénti

⁴ Ne thóh entewenhniserá꞉teke kwáh thenhiesarihwákwahse ne naiesatkónten, tánon tenhiakohén꞉rehte ne ioʼnikonraktsenhtserowá꞉nen, tánon eniaié꞉ron, “Kwáh kanánon tsi ionkwatkaronhní꞉hon; ne Roiá꞉ner shashontionhontsákwa tánon ionkiié꞉nen! Tánon ne waʼteshakonaríhthen nonhtionhóntsas tsi ratinákeres ne iáh tetehotirihwató꞉ken.”

Micah 2:4 ပူးပေါင်းရင်းမြစ်များ

2 Samuel 1:17

Ne Táwit watahrihwaʼkwáhnion kí꞉ken kanikonraksénhtshera ne ne Saul raorihwáke tánon ne roién꞉ha Jonathan.

2 Chronicles 35:25

Né rotokenséhakwe Jeremiah waʼharenhnárasʼte né ionhtionhniónhkwah né Ronnontí꞉io Josiah raorihwá꞉ke. Tánon né iahontʼkón꞉takwe ne Israerʼró꞉nonke tsi tiókonte né tenhatiríhwakhwake, né꞉ne ronhnón꞉kwe tánon ne konhnón꞉kwe kwáh tetsarón꞉kwen tsi thóh ní꞉ioht tsi tehatirihwákwah, né kí꞉ken tenhatirihwákwahke nó꞉nen enhonwatsónhnionhse. Né karénh꞉na thóh nón꞉we nenhkatsénhronhke tsi nitkaró꞉ron ne tsi nihiontsiónhnions.

Job Tánon ne Raoronhiakensera 27:1

Job shé꞉kon ionsahatashón꞉teren tsi natehorihwaké꞉ken tánon wahèn꞉ron:

Isaiah 14:4

kwáh í꞉se tènhsekwe kí꞉ken kaierónhsera ne thatséron ne ronnontí꞉io ne Babylon: Tsi ní꞉ioht ne sakoronhiakéntha tsi rotʼkáwen! Ne raonhakwátshera tsi teiotáhon!

Isaiah 24:3

Ne tsi watonwenhtsá꞉te kwáh í꞉ken tsi enwatsesátonhke tánon kwáh í꞉ken tsi sén꞉ha enhontsaʼtakwení꞉ioste; asèken Roiá꞉ner kí꞉ken thowenninekénhen kí꞉ken owénhna.

Isaiah 6:11

Eʼthó꞉ne wakíron, “Tóh nikaríhwes kíʼ thóh naiotónnhake, Ó Saiá꞉ner?” Tánon wahénron: “Tsi nió꞉re ne kanatowánens éhʼtake enkaiéntane iotkaronníhon kwáh iáh ónhka tahonsaienákereke, tánon ne tsi kanonsó꞉tons iáh ónhka taieterónhtake, tánon ne tsi ionhontsáien kwáh enkaieshah;

Jeremiah 14:18

Nónen kahentháke nienhénke, katkáhthos ne rohnónkwe rahotihierontahsóna tsi nihonwahtírhio ne tsi wahterí꞉io; nónen kanahthakónsons nienhénke, khèkens nonhkweshón꞉a athonkarhiákon rotirhiótha. Ne rothitó꞉kense; o꞉ni ne rotikháres rohtihiotáties ne rahotihioténsehra, ók iáh kíʼ tehothinikonhrahiéntas tsi nihontiérah.”

Jeremiah 4:13

Satkátho, ne tehontátʼtions tsi nonhtahonehnonhátie kwáh tsi ní꞉ioht ne otsátahs. Ne wahterí꞉ios ne raothísehres ne otsiónkwas kwáh tsi ní꞉ioht ne wahtsiskahionniátha, tánon ne raothitsenenhókonhs kosáhtens sénha tehiothíkas tsi ní꞉ioht ne ákweks. Hionkwahiathatónʼon! Hionkwariwahiesá꞉hon!

Jeremiah 6:12

Ne rahotinonhsahsónhas akóren tentʼthonwénhnon, tánon ne sáka ne rahothihenʼthasónhas ó꞉ni ne rothiniátʼkonhs. Kwáh enkheréwahte nonhkweshón꞉ʼa ne kénʼen ionwenhtsiáte.

Jeremiah 8:10

Káti kwáh ahonkwetahsehsónhas tentetʼkhéhion ne rahotihentahsónhas tánon ne rothiniákons né nonhnè sá꞉ka. Kwáh onhkwetahkwékon, ahiakonkwetowahnénhke tánon kénk nahiesénnaske, hionteniéntha kanikonhráhton tsi ní꞉ioht tsi ahiontʼwistónni. Akwékon ne rothitó꞉kenhse ó꞉ni ne rothikháres sahkothinikonhrahténnis nonhkweshón꞉a.

Jeremiah 9:10

Wakíron, “Tenkaséntʼthoseh ne tsi iononhtharónʼnions ó꞉ni tenkasénthoseh ne tsi konwathiʼteronthákwahs nahtenhenráhkonhs ne katshénenhs, tsioríhwah tsi akwékon iostatʼténhen, tánon iáh ónhka éhtho nónhhwe tetionthohénstha. Tsi nahionatʼtsiarokwáhtonke ne katshéʼnenh iáh ónenh ónhka tetsiakóthonʼte; otsitenokónhas ó꞉ni ne konhthitshénenhs kák tiehionénonh.”

Jeremiah 9:16

Tenkhehiaré꞉niaʼte tsi rahthinakeréhnion nonhkweshón꞉ʼa né꞉ne ronónha ó꞉ni ne sahkothisotthokonkénʼen iáh tehonwatisennarónken, tánon ienkhehiaténieʼte ne ronterí꞉ios ne ronnonháke tsi nióre ne kwáh enkhehiáthonʼte.”

Ezekiel 16:44

Ne Roiá꞉ner wahénron, “Nonhkweshón꞉a né kí꞉ken atʼrohrhiátshera énhionsthe tsi nòkwah ní꞉se, Jerusalem: ‘Tsi nihiakorihó꞉ten ne kanisténsehra thóh kíʼ nònhʼne nihiakorihó꞉ten ne akoiénha.’

Ezekiel 2:10

Notsána watkahiathonserakwáhrithe, tánon wakatkáto tetsarónhkwen nokwàhti tsi kahiatónhnion—otsitó꞉wa ne kanikonhraksénhtshera thóh nónhwe nikahiatónnion, ó꞉ni tahiakohénrehte tánon nahiakahonsehnánion.

Joel 1:13

Ká꞉iare sewatierón꞉niat tánon sewaʼnikonráksen, i꞉se ne sehwatsihénstatsis; tesewahénrét tsi nisewariwaié꞉wes ne sehwateriwatsterístons ne tsi ietienharáhkwa. Ká꞉sewe, sewasonhtí꞉iak ká꞉iare sewatstónhak, í꞉se ne tsi sewateriwatsterístase naʼkeNí꞉io! Tiorí꞉wa ne káhkhwa tánon ne ienekiráhtha ne ieshewátats iáh tsesewahióntha raononsatokentikó꞉wane ne Sewaní꞉io.

Joel 1:8

Sewanikonrát꞉sen, tsi ní꞉ioht ne kawí꞉nonh ká꞉iare iotserón꞉niaton tsi iotʼtiónhnion asè꞉ken tsi niká꞉ien ne rotiniakkhene rawenheion

Amos 5:1

Ne Amos wahèn꞉ron sewatahónsahtat kí꞉ken karén꞉na tsi nathenkwahrihwáhkwahse O tiónkwe Nisraerónons:

Amos 5:17

akwé꞉kon tsi nón꞉we nikanenharaienthóhserons thóh nón꞉we nathenhionsentʼtóseron, asè꞉ken kwáh thóh enkatóhetste ne sewanenhrí꞉hen, rá꞉ton ne Roiá꞉ner.

Micah 1:15

Shé꞉kon ó꞉ni enskwahwatsirónhnien, i꞉se ne tiónkwes ne Mareshah sewanákere; naoiatanerakwáhtshera ne Israel kwáh ienwáwe tsi nió꞉re ne Adullam.

Micah 1:8

Asè꞉ken né kí kí꞉ken aorì꞉wa kwáh í꞉ken tsi tenkasénhto; tánon kwáh í꞉ken tsi enkatsarókwahte; kwáh akaská꞉we tánon akenhó꞉oskont thenkénhake; kwáh enkatewenhó꞉ten tsi ní꞉ioht ne kahentaʼkéha érhar, tánon enkatión꞉nion tsi ní꞉ioht ne skawirowaneʼkó꞉wa.

Micah 2:10

Téstan tánon wás; asè꞉ken iáh teká꞉ien nahiontoríhsen ne ken nón꞉we, tiorì꞉wa tsi iáh tehiotkwéniens tánon nahothatewenhnihió꞉sera enkonwáhkwa tánon enwatkarónhni né꞉ne tehiotenonhianì꞉ton kaʼnikonhratsénhtsera natkaronhniá꞉tshera í꞉ken.

Habakkuk 2:6

Ne raononhontsashón꞉as nonkweshón꞉as ne thinonhwanahnonhtón꞉ni ne Babyloniaró꞉nons tsi ronhwenhnonhontsákwen kwáh enthontáhsawen ne tashakotiiéron tánon enhonhné꞉neste tsi nisakotikenrón꞉ni, ensakonénhase ne Babyloniaró꞉nons, “Iawetatʼtsani iesewá꞉ha ne iáh í꞉se tesewá꞉wenk, káti ne Rawenni꞉io entsisewaʼréwate!” Tonikarì꞉wes ní꞉se kwáh ensatatʼkwaséststen tsi nishé꞉reh tsi nihiá꞉kon noʼwísta sehkarotá꞉ni né í꞉siknónk thahonsaiesakarhiákse?

Zephaniah 1:2

Kwáh orihwakwé꞉kon tsi enkerihwaʼthón꞉te ne tsi ionhontsá꞉te, rá꞉ton ne Roiá꞉ner.

Numbers 23:18

tánon ne Balak wahatróri kí꞉ken iekarihwáken: “Káts, Balak ne roʼní꞉ha né꞉ne Zippor, Tánon sathahónsatat tsi nahó꞉ten wátienh nakíron.

Numbers 23:7

Ne Balaam wahathárakwe kí꞉ken iekaríhwaken: “Balak ronhnonhtí꞉io íken ne Moab nónhwe thaʼtiaténha ne kénʼen Syria tsiotásawe, tsi nióre ne Ná꞉kon nòkwah ne tsi iononhtharónhnions. ‘Káts taktháras,’ wahénron. ‘Seréwat nonhkweshón꞉ʼas NÍsraerʼró꞉nonke.’

Numbers 24:15

Ethòne wahatróriathe kí꞉ken iekarihwáken: “Ne raoterihwanotátshera ne Balaam né roʼní꞉ha né꞉ne Beor, Né꞉ne rahowenhnahókons ne rónhkwe ne rakwénhnies nahatkátho ne wé꞉ne íken

Numbers 24:3

tánon waharóri kí꞉ken iekarihwáken: “Ne raoterihwanotátsheras ne Balaam né roʼní꞉ha ne Beor, Né꞉ne raowenhnahó꞉kons ne rónhkwe ne rakwénies nahatkhátho ne wé꞉ne,

St. Mark 12:12

Ethone ȣahontenienten nahonȣaiena, aseken ȣahatiienterene tsi rononha ȣatesakoriȣakentonkȣakȣe, nok onkȣeokon ionsasakotitsanike; nese ȣahonni ok ehren tonsahonnete.

Deuteronomy 28:29

Kwáh enshonsehrón꞉ko nó꞉nen kwáh tehioswáthe nenhtsékene tsi ní꞉ioht ne teierón꞉wekon, tánon iáh thaskwé꞉ni naseʼtshén꞉ri kaniahisenonhátie. Kwáh iáh thahó꞉ten tahisahianerásten tsi nenshá꞉tiere. Kwáh ienhionkonhtaʼkwénhake tsi enhiensaronhiákente ó꞉ni enhiesanenskwenhá꞉ton, tánon iáh ónhka tahonteʼtshén꞉ri nahiesasniénon.