Micah 2:13 - Ohiatonhseratokénti

¹³ Ne nón꞉ka nenhsaniá꞉kenhne kwáh raotihénton énhre; kwáh kíʼ thenhonhnótkawe tánon enhontóhetste ne tsi iothenhenraká꞉ronhte, kwáh thóh nón꞉we nenhontóhetste. Ne ronwanontí꞉io ensakotohétsthen raotihénton nienhénre né꞉ne Roiá꞉ner raotihénton énrenh.

Micah 2:13 ပူးပေါင်းရင်းမြစ်များ

Exodus 14:19

Ne rahoronhiaʼkeró꞉non ne Rawenni꞉io, tsi nikáien ne ohénton í꞉rehne ne lsraerʼró꞉nons rahoʼtiʼtiókwah ronhteríios, onàhken nòkwah nionsáre. Tánon ne iotsikero:tatse ontoʼrhiáʼneronh nónhneʼe thóh niaháhe

Isaiah 42:7

né꞉ne tahonsahiontkakwahrísi ne teieronhwé꞉kon, né nahonsahiontaʼtsatínekenhwe ne ienhó꞉ton ne tsi ionthaʼtenotónhkwah, né tsi iontaʼtenhotónkwa tsi niháti thóh ratíteron ne tsi tetiókaras.

Isaiah 51:12

Í꞉i, Í꞉i ne konhnikonranírats; nontiéren ká꞉ti tsi asetʼtshaníseke nonkweshónhas ronónha ónenk tsi ronhniheiónhsere, né nonkweshón꞉has ne ronatashokwénhnis tsi ní꞉ioht nóhonte?

Isaiah 52:12

Asèken kwáh iáh tshiaʼhonsehsewaʼiákenʼne ne kasterihénke, tánon kwáh ó꞉ni iáh tahiʼsewatèko; asèken ne Roiá꞉ner sewahénton enhaténhti, tánon ne raotiʼNí꞉io NʼIsraerʼró꞉nons sewaná꞉ken énh꞉re.

Isaiah 55:4

Satʼkátho, rahónha rihiónhni nahariwaníraʼte nonkwé꞉ne, asakohénthense tánon ahontasakoniarotárohke nonkweʼshónhas.

Daniel 2:44

Né꞉ʼe nenkahá꞉wike né ratikoráhshon tsi ionhwentsiá꞉te né Rawenni꞉io ne karonhià꞉ke enhanakerahserón꞉ni né ne iáh nonwén꞉ton thiiaontókten. Iáh ó꞉ni nonwén꞉ton thiiakonwaʼshén꞉ni, nok kwáh ienkakóntahkwe tsi eniakotkóntenʼ né ó꞉ia raotinakeráhsera tánon eʼthó꞉ne tsi nén꞉we tsi enkatátie.

Hosea 1:11

Nonkweshón꞉a ne Judah ó꞉ni nonkweshón꞉as ne Israerró꞉nonhke skátne tsi enhonwatiiaʼtaró꞉roke, tánon kwáh saiá꞉ta enhonwaiatará꞉ko nonónhtsi ahaton; tánon enhontié꞉nawatste nonhóntsa, asè꞉ken enwenhniserowá꞉nenhke enkénhake ne Jezreel raorihwá꞉ke.

Hosea 13:14

Ahonsakhehiatotaríhsi ken tsi nokwáh nahoshatsténhsera ne Sheol? Ahonsakheniá꞉kente ken tsi nokwáh ne kenheiát꞉ne? O Kenhé꞉ion ká꞉ne sanratarihnétsheras? O Sheol, ká꞉ne sáwenk atkaronhiátsheras? Ne kenthénrat iotasehthénhni ne kát꞉rake.

Hosea 2:2

Tesenirihwakénha ne saʼnisténha— asè꞉ken iáh ne tehionkeniniákon, tánon ne raónha iáh ne tehionkeniniákon— tesenirihwakénha né꞉ne taká꞉taʼne tsi niwatenakwahiesátha tsi niwatkontonhonstánions ne kanónsake, tánon tsi nihiotenaiéston ne tsi tekanontó꞉kens,

Hosea 3:5

Onakénhke ne Israerʼró꞉nons rahonhà꞉ke ne Roiá꞉ner Raotiní꞉io niensónhne tánon enhonwaiatísake, tánon ne Táwit raotinontí꞉io í꞉ken; ethò꞉ne enhothiteronhníhake rahonhà꞉ke ne Roiá꞉ner tánon kwáh enhatiié꞉na ne raoianerétsheras noná꞉ken tewenhniséronhte.

Micah 2:12

Kwáh orihwiiohón꞉we tsi enskwahiataró꞉roke sewakwé꞉kon, O Jacob, kwáh ensehkhehiataró꞉roke ne niatehonathaténhron Israerró꞉nonhke; kwáh skátne enkhè꞉teron tsi ní꞉ioht ne teiotinakaronhtón꞉a ne Bozrah nón꞉we, tsi nón꞉we nikonhwatiʼteronhtáhkwa tánon tsi nikowá꞉nen teiakonitonhniathén꞉nis nonkweshón꞉as.

Micah 3:1

Tánon waʼkí꞉ron: Sewatahónsatat, í꞉se nonón꞉tsi í꞉ken tsi nokwáh ne Jacob tánon sewaʼkó꞉ras ne tsi ronón꞉shote ne Israel! Iáh ken tehiówenk naisewaterienhtárake ne kaiá꞉neren?—

Micah 4:7

Tánon ne iontsinokhátha ne enkheionniáte ne iatahonathátere tánon ne teiakorenion enhonatiokowanenhke tánon enhatishátsteke. Tánon ne Roiá꞉ner kwáh kíʼ ensakonontí꞉ioke ne tsi tionónhte ne Zion ne nón꞉wa tánon né꞉ne tsi nén꞉we enkénhake.

Zechariah 10:12

Kwáh enkhéhion nahkonhkweʼtashón꞉ʼa nahathishátsteke; kwáh enhiontsén꞉nahien ó꞉ni enhionkewenhnaráhkwake.” Ne Roiá꞉ner rothatí꞉hon.

Hebrews 6:20

Í꞉i onkwarihwàhke ne Ié꞉sos tsi thóh iehotawehiáton rohénton tánon tsi nénwe rahtsihentowáhnen rohtón꞉on tsi ne nihatsihenstoténhne kenʼne ne Melchizedek.

Joshua 3:6

Ethò꞉ne wahohró꞉ri ne rokhá꞉res ieháhaf Nateriwaʼseronhniá꞉tshera Oneró꞉kwa tánon rahotihén꞉ton nonhkweshón꞉as niére. Tó꞉ki nahá꞉iere tsi nahénron.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”