Micah 2:12 - Ohiatonhseratokénti

¹² Kwáh orihwiiohón꞉we tsi enskwahiataró꞉roke sewakwé꞉kon, O Jacob, kwáh ensehkhehiataró꞉roke ne niatehonathaténhron Israerró꞉nonhke; kwáh skátne enkhè꞉teron tsi ní꞉ioht ne teiotinakaronhtón꞉a ne Bozrah nón꞉we, tsi nón꞉we nikonhwatiʼteronhtáhkwa tánon tsi nikowá꞉nen teiakonitonhniathén꞉nis nonkweshón꞉as.

Micah 2:12 ပူးပေါင်းရင်းမြစ်များ

Genesis 36:33

Bela wahrènheie, tánon Jobab ne roièn꞉ʼa ne Zerah ne ne Bozrah nón꞉we ráonha sahatenontí꞉iohste ne raonaktá꞉ke.

Isaiah 11:11

Né thóh enwenhniseráte ne Roiá꞉ner kwáh kíʼ iaʼthensanéntseste ne tekeníhaton ienwàteratsʼte nahonshaʼsakohiataróhroʼke ne iatehonathaʼthénron ne rahonkwetaʼshón꞉has, né꞉ne Assyria, Egypt, tánon ne Pathros, Ethiopia Elam, Shinar, Hamath, tánon ne kawenhnokwátʼtonhtses ne kaniataraʼkhekowàʼne natentʼtónhne.

Isaiah 27:12

Né thóh entewenhniserateke ne Roiá꞉ner kwáh enhá꞉waheke tho tsi kanatserathá꞉tse ne Euphrates tsi nió꞉re tsik kahionhá꞉tatse ne Egypt, tánon ní꞉se kwáh enhietsiiá꞉tarohroke tsi sewahiá꞉tatʼtions, Ó tionkwe ne Israerʼronónke.

Isaiah 34:6

Né Roiá꞉ner raosharehkówa; kwáh ionekwenhsarón꞉nion, né iawerónhnion ne iorénhsen, né꞉ne raotinekwénhsa ne teiotinakarontónhas owirasónhas tánon ne kaiatákeras, né iawerónh꞉nion ne ioréhsens raotistiéseris ne teotinakaronhtón꞉has owirasónhas. Asèken ne Roiá꞉ner rateskóntane ne Bozrah nón꞉we, né꞉ne teiotenonhianíton tsi nenhionthatenonwarhiakónhnion ne tsi ionhontsáien ne Edom.

Isaiah 5:17

Eʼthòne ne teiotinakaronhtónhas owirasónhas kwáh thóh nón꞉we nenkonhtihontáke tsi ní꞉ioht ne tsi konwatiterontáhkwa, ne konwanaresénhston ne teiotinakaronhtónhas owirasón꞉ʼahs thóh nón꞉we nathenhonskáhon tsi nikariwentʼthóhseron.

Jeremiah 23:3

Ensheʼkhehiataróhroʼke nakonhkwetaʼshón꞉a tsi nonhwésons niʼkanakerahsehrakérons iaʼtekhehiareʼniáton, tánon tenthekheʼhiaténhaʼwe tsi nónhwe nihonahnakeráhton. Wéso enhotiwirahiénthaʼne ó꞉ni enhonatiokowáhna.

Jeremiah 3:18

Israel enhiotiatáhrahse ne Judah, tánon skátʼne tsi nentʼkéne nahonshatianahkeráhko tsi kanahkerahsehráhien ne othoréhke tánon thóh niénskehʼne tsi tiohontsiáien nètho thekhehiáwi ne ietʼtsisotʼtkonkonhkénʼen né tsi rahonahwenhkónhwe enkénhake.”

Ezekiel 34:11

“Í꞉i, ne Wakenonhtí꞉io Watiá꞉ner, kwahró꞉ris tsi iatenwahtsiátisthe ensekʼkhehiathisáhke nakhitshénen tánon enkhehiatenhnikonhráhren

Ezekiel 34:13

Tenthekhehiatínekenhwe ne ákte nónhwe tkanakerahserahkérons, ensehkhehiataróroʼke, tánon tentekhehiaténhawe tsi nónhwe ne roʼnónha rahononhontsáke. Iesekʼkhehiasárihne tsi tiononhtarónhnions ó꞉ni tsi nónhwe nikahionhatáties ne Israerʼró꞉nonhke tánon thoʼnónhwe nenhsekʼkhéteron tsi nónhwe ne iotenekerónhni kahentáhke nahthakonhskáhon.

Ezekiel 34:22

Ók kwáh ensehkheniákente nakhitshénenh teiotinakaronhtónha tánon iáh takheríhon ne shé꞉kon ahonsakonhwateweienhnatsáten. Kwáh satihiatátʼtion tsi tenkheiató꞉rethe nakhitsenenhókonhs teiotinahkaronhtónha tánon tenkhekháshion ne iotihiánere tánon ne konhnonhkwetahétken.

Ezekiel 34:31

“Í꞉se, nakhitshénenh teiotinakaronhtónha, ne kentiókwah ne khenónhtens, í꞉se nakonhkwetashón꞉ʼa, tánon Í꞉i ne sewah Ní꞉io,” ráton ne Ronhnontí꞉io Roiá꞉ner.

Ezekiel 36:37

Ne Ronhnontí꞉io Roiá꞉ner ráton, “Kwáh shé꞉kon ensetkheríhon ne Israerʼró꞉nons nahonsahionkeriwahnónhtonhse nakhehiénawase, tánon kwáh enkheríhon nahonatiokowáhna tsi ní꞉ioht ne teiotinahkaronhtónha katshénenhs.

Ezekiel 37:21

Ethòne sehró꞉ri tsi Í꞉i, ne Wakenonhtí꞉io Watiá꞉ner, iensetʼkhénonhke nakonhkwetashón꞉ʼa ne tsi kanahkerahserahkéronhs iehoné꞉nonh, enhsetʼkhehiataróhroʼke skátke, tánon tenthekhehiaténhawe ne rahononhóntsiake.

Hosea 1:11

Nonkweshón꞉a ne Judah ó꞉ni nonkweshón꞉as ne Israerró꞉nonhke skátne tsi enhonwatiiaʼtaró꞉roke, tánon kwáh saiá꞉ta enhonwaiatará꞉ko nonónhtsi ahaton; tánon enhontié꞉nawatste nonhóntsa, asè꞉ken enwenhniserowá꞉nenhke enkénhake ne Jezreel raorihwá꞉ke.

Amos 1:12

Ká꞉ti kwáh ó꞉tsire ienkatenniéhten ne Teman, tánon ó꞉tsire enwátshaʼhte ne tsi watenʼenhró꞉tons ne tekanatahnáktons ne Bozrah.

Micah 2:13

Ne nón꞉ka nenhsaniá꞉kenhne kwáh raotihénton énhre; kwáh kíʼ thenhonhnótkawe tánon enhontóhetste ne tsi iothenhenraká꞉ronhte, kwáh thóh nón꞉we nenhontóhetste. Ne ronwanontí꞉io ensakotohétsthen raotihénton nienhénre né꞉ne Roiá꞉ner raotihénton énrenh.

Micah 4:8

Tánon í꞉se, O ohniká꞉ta í꞉ken tsi kentióhkwaien, tsi ionontá꞉here ne nakoién꞉ha í꞉ken ne Zion, shonháke kwáh nón꞉we enté꞉we, nohén꞉ton tkanakerahseraién꞉takwe kwáh éntewe, ne ahoiatakwenihiósera nakoién꞉ha Jerusalem.

Micah 5:7

Ethò꞉ne ne niatehonathaténhron ne Jacob, kwáh kí raotinenrí꞉hen enhenteróntake, kwáh thóh nenhatiiatothénhake tsi ní꞉ioht ne iohawé꞉ien né꞉ne Roiá꞉ner tesakoteniethénhni, tsi ní꞉ioht ne iotsatará꞉ties nohontá꞉kes, ne ne iáh tehoterá꞉rats ne rónkwe iáh ó꞉ni tehiakoteráhrats nonkweshón꞉as.

Micah 5:8

Tánon ne ronhnonhontsakeró꞉nons niatehonataténron ne Jacob, kwáh kí raotinenrí꞉hen enhenterón꞉take, thóh nenhiotónhake tsi ní꞉ioht ne kénreks raotinenrí꞉hen í꞉res ne kontitshé꞉nens ne karakónhas, thóh nenhiotón꞉hake tsi ní꞉ioht ne ken nithoiónha kénreks thóh í꞉res tsi kontì꞉teron ne teiotinaʼkarontón꞉ʼa. Nó꞉nen ienhatáweiaʼte, iathensakonitionkwáhkwe tánon wasakohiataratiónko, né꞉ne iahónka tetkonhwaʼtiné꞉hon.

Micah 7:14

Sehiathenhnikónhraren ne shonkweʼtashón꞉as né꞉ne sathénhnits í꞉satst, ne teiotinakarontón꞉a í꞉se shatsenenhó꞉kons í꞉ken, tsi ohnonhatsí꞉wak khók kontinákere ne kará꞉kons thóh sahtekahentí꞉hen tsi ionwenhtsá꞉ien; Sehrí꞉hon thóh iateiontská꞉hon ne Bashan tánon ne Gilead, ne tsi nihiotón꞉ne ne wahón꞉nise tkénhne.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Zephaniah 3:20

Né thóh nenhkahá꞉wike, kwáh tentkwahiathénhawe tánon skátne tsi enskwahiaʼtaró꞉roke, asè꞉ken kwáh enkwasenhnowánate tánon thenkwarenhsarónhnion tsi ratinakerénion nonkweshón꞉as ne tsi ionhontsá꞉te; ne nó꞉nen satontakwáhion ne sewathatewenhnihiósera ne ohénton tsi natesewakanérakwe, ráton ne Roiá꞉ner.