Micah 2:1 - Ohiatonhseratokénti

¹ Kwáh í꞉ken tsi ionikonráksat tsi nihiá꞉kon ionteʼnikonrón꞉nis ne kariwahneraháktshera tánon ne kariwahetkénhsera ne rotiiò꞉tens ne rahotináktakes! Nó꞉nen ienhiórenhne, thóh nenhatí꞉iere, tiorì꞉wa tsi ronónha ratishatstenhserénhawe.

Micah 2:1 ပူးပေါင်းရင်းမြစ်များ

Genesis 31:29

Wakeʼshatstenhserá꞉ien nakonkaré꞉wahte; ók ne Raoní꞉io ne iaʼníha wahaktháhrhahse tshioʼkaráhsha, ratónnions, ‘Seʼnikón꞉rarak nétho tsi entstháhrhahse ne Jacob né naioianeréhake khehs naonhetkén꞉take.’

1 Kings 21:7

“Tiakariwakénniaʼte, í꞉se kén sanonhtí꞉io ká꞉ton kén iáh?” né Jezebel watʼkarihwaseráko. “Satkétsko, Sanikonhranirónhak, tánon teshastsʼkáhon. Í꞉i thenkonrihotharíhshiaʼse ne Naboth tsi rotenenhá꞉raʼre!”

Esther 3:8

Haman wahohró꞉ri ronontí꞉io: “Tsi kwató꞉ken nihatihwatsirò꞉ten kén꞉en tehonarení꞉on tsi nisanakeráhsera tánon tsi kanataké꞉ron. Ó꞉ia nihotiianerenhserò꞉ten ne iáh ónhka nakó꞉ren nón꞉kwe thó teiakoianerenhserò꞉ten. Iáh ó꞉ni tehontewennaráhkhwa tsi nikaianerenhserò꞉ten ne sanakerahserá꞉kon, iáh ká꞉ti í꞉se thahshatshennonniáhthahkwe nahsherí꞉wawaʼse.

Esther 5:14

Ró꞉ne tánon rontenroʼshón꞉ʼa wahonwatenʼnikón꞉ron, “Iáh kenʼ téhsehre iontatniaʼterénktha ahsón꞉ni tsá꞉ta niwáhsen wisk niwahsì꞉take nitiótte? Enióhrhenʼne ohrhonʼké꞉ne enhtsheriʼwanón꞉tonhse ronontí꞉io ne Mordecai eʼthó ahonwahnià꞉terenke, thó꞉ne ó꞉nen enhsatonhnhá꞉ren tsi enhsatekhwahrá꞉na.” Haman waharihwanón꞉weʼne nahò꞉ten wahonwatenʼnikón꞉ron, sók ki wahaténhnhaʼne wahonnón꞉ni iontatniaʼterénktha.

Esther 9:25

Sók ne Esther eʼthó niahá꞉ʼen tsi thén꞉teron ronontí꞉io, tánon ne ronontí꞉io iahaténniehte tsi nahò꞉ten rohià꞉ton waharí꞉wenhte tsi ní꞉ioht tsi enrènheie ne Haman, tsi ní꞉ioht tsi rorihwíson ne Sitaeró꞉non tsi enhshakóhtonʼte. Haman tánon shakoioʼokón꞉ʼa wahonwatihnià꞉terenke tsi nón꞉we shakotihniaʼterenkstáhkhwa.

Job Tánon ne Raoronhiakensera 15:35

Ne ratiiénthos ne ioterihónkonk tánon thatíhas ne karihwát꞉sen tánon ne raonerhiá꞉ne wathateweienénhtas kakikonrá꞉ton.”

Job Tánon ne Raoronhiakensera 24:14

Ne sakonashé꞉tha shé꞉kon naʼtetiò꞉karas enhontkétsko ne nashakotinonwarià꞉kon ne iakothenthénion tánon ne tehionkáriaks, tánon ne tsi tetiò꞉karas thóh nihonatá꞉tseren kwáh né꞉ne ratinénskwas.

Psalms 36:4

Karihwaʼhetkénsera ratenikonhrón꞉nis tsi nikaríhwes rohthoríhsen; tsi nihatséra kwáh iáh othènen tehiohiánere, tiotʼkonhónwe né ken niehaiéra ne karihwaʼhetkénsera.

Psalms 36:5

Né iorihwaʼtóken sanoronkwáhtshera, Ó Saiá꞉ner, né thiʼtiorohrókston ne tsi karonhiáte, ne sarihwaʼtokentítsera iéhwas ne tsi iotsiatarón꞉nion.

Psalms 58:3

Né ronhnonkwetahétkens kwáh shontahonhnákerate shihonhnonkwetahétken; shontahonhnákerate satehonterientawénries, ronhnowenhthánions.

Proverbs 12:2

Roiá꞉ner rawerienʼtí꞉ios nón꞉kwe tiakorihwaié꞉ri, enhshakohré꞉wahte nónhka ionteʼnikonhrón꞉nis ne karihwáksen.

Proverbs 14:22

Tenhsatén꞉tsha ne aiesaniáhese tánon aiesakwénienhste nakorèn꞉shon tókaʼ ne ensaióʼten ne tkarihwaié꞉ri. Tókaʼ ne ensaióʼten ne ioʼtáksen, kwáh tokén꞉ʼen tenhsaterienʼtawénrie.

Proverbs 3:27

Nó꞉nen ensatehshennaién꞉taʼne sheiaʼtakéhnha nónhka teiotonhwentsóhon.

Proverbs 4:16

Rotirihwanerenʼákskon iáh thahatikwé꞉ni nahotí꞉taʼwe tsik thé꞉nen nenhóntiere ne iáh tetkariwaié꞉ri. Ratiiaʼtión꞉ni tánon iáh tehotí꞉taʼs ne tsi iáh ónhka tehshakotikarewáhton.

Isaiah 29:20

Asèken ne ranatakárias iáh kanèka tahonsaré꞉sehke, tánon ne thiʼsakoiéron kwáh thenhonwátaste; ratiʼkwékon ne ronathateweienhnenhtáʼon kenhniahatí꞉iere ne karihwahetkénhsera tsi enhonwatíʼiakʼse—

Isaiah 3:14

Ne Roiá꞉ner iahatáhweiaʼte nasakoriwenhtánion ne thohtí꞉ions tánon ne sakotihénthense rahonkweʼtashón꞉ʼahs: Kwáh í꞉se iesewasaháton ne tsi kanenharaientʼtóhseron; tsi nahoténsons ietsinenskwenháton ne iakothenténion sewanonskónsons ieskakérons.

Isaiah 32:7

Né iakonkwetaʼheténskwah né꞉ne ratiʼnikonrá꞉tha kwáh rononkwetaʼhétken; né rontenikonrónhnis ne kwáh kariwahétken tsi nahatí꞉iere nasakotikarónhni ne iakóten tsi nisakonanowenhténhnis, iawerohátien nónho꞉wen tsi iakorihwaʼnéken ne iakóten tsi tseiériʼtse.

Isaiah 5:8

Entsisewathateriwásten í꞉se ne iathiʼsewatenonshá꞉ieste wé꞉so kanonshasónhas, ní꞉se sewashonterátie ne kahentashón꞉ʼahs, tsi nió꞉re kwáh nakorénhshons iáh thahonsahiakonatʼtaiéntake kwáh nek khók ne shonháhak, tánon í꞉set khók iatetsisathaténhron nasenákereke nonhontsá꞉ke!

Isaiah 59:3

Asèken né satshanáke kwáh tesanekwenhshó꞉hare, tánon teshasʼnonshátions né꞉ne sarihwaneraháktshera iorihónhni; né tiá꞉kes iotatíhon nonówenhs, né senhnasáke tehiotiénhon ne karihwahetʼkénhsera.

Jeremiah 18:18

Ethóhʼne nonhkweshón꞉a wahéron, “Ánion khiʼtewáhier tsi nòkwah ne Jeremiah! Tiókonhte né rotikháres enhiontsionkweʼthaiéntahke naʼionkhirihónnien, ne rontenikonhratʼtóhkhas enhionkhiʼhiatennikónhron, tánon ne rotitokénhse enhonterihwanóten ne Rawenni꞉io raoterihwanotátshera. Ánion etʼtsitewahrihwáhro tánon tekátann tsi ionkwahtahónshaʼte tsi nahoténsons ratónnions.”

Ezekiel 11:2

Rawenni꞉io wahakénhase, “Rónhkwe iaiénha, kí꞉ken ronónhkwe kariwahétken ronhtenikonhrónhnis tánon wahétken tsi nishakonahtenikonhráhwis ne kénʼen kanatowáhnenh.

Ezekiel 33:26

Sehwahsarekówahs sehwahniahésen. Iotéha tsi nisehwaweiennhótens. Sehwahkwékon sewahtenahkwaiesáhtha. Onh ní꞉ioht tsi ísewere nohóntsa tsi í꞉se sehwáhwenhk?

Ezekiel 38:10

Kénh kíʼ nahó꞉ten ne Ronhnontí꞉io Roiá꞉ner shakoróris ne Gog: “Nónenh nèʼtho ienkáhewe, enteshatásahwenh nahsanonhthónhnionwe ne kanikonhráksen.

Ezekiel 46:18

Né rotkhoráston iáh thehiówenk nónhka akoienthátshera ashakhókwa. Né thènen ohóntsa ashakáwen ne sakohiohokónhas nek khók ne raónha rasénhnare, ne káti ne tó꞉sa tashakonikonhkharáhthe nakonkwetashón꞉ʼas nashá꞉kahontsákwa.”

Micah 6:12

Ne raotikwahtsénions kwáh titkáhere ne iáh othé꞉nen teioianerés; ne skátne sewanakerénion rotinó꞉wenhs, ne nawenhná꞉sons ne kanikonrá꞉tha ne tsi ratisaká꞉rontes.

Nahum 1:11

Í꞉seke tioientákwen tieiá꞉ta ieiakoiakénen akaónha iakoterístaien ne kariwahetkénhsera nahonwaʼtkónten ne Roiá꞉ner, akaónha sakotitsenhaién꞉nis ne iakoriwanéren.

Zechariah 7:10

Tó꞉sa shetensté꞉ten ne ionahteréhons, ne tehiontonnhakárhias, ne thihononhontsá꞉te ne skátke sehwanáhkere, tó꞉ka ó꞉ni nónhka thé꞉nenh tahiakothonwenhtsó꞉nike. Tánon ó꞉ni tóhsa thé꞉nen sehwateʼnikonhrón꞉ni ne tahisehwatatʼkahré꞉wahte.’

St. Mark 15:1

Akȣa neok saorhenne, Sahatitsienhaientakȣentho ne ratitsihenstatsi, ratiianerenseronni nok oni ne ratiiatons, ȣahonȣanerenke ne Iesos nok Pilat ne niiahonȣasarine.

Luke 20:19

Ratitsihenstakȣeniios oni ne ratiiatons, ȣahontenienten nok saok ahonȣaiena: aseken ȣahotinikonraientane tsi rononha ȣatesakoriȣakentonkȣate: onkȣeokon ki sesakotistsaniskȣe.

John 19:11

Tontaenron ne Iesos: iah se othenon taesakȣeniatseraientake nii kiatatake ne iah ehneken taontaiesaȣi; nese ȣaonni senha koȣanen ronnhikon ne rakatenninon.

Acts 23:12

Nóia sahiórenʼne ótiakes ne Sitaeró꞉nons wahontʼkennísa tánon nahontenikonrónni. Kwáh wahonráraste tsi iáh thènen tathahonskáʼon iáh ó꞉ni tahatinikíra tsi nío꞉re ienhonwanonwariákʼkon ne Kór.

Acts 23:15

Ónen káti, í꞉se tánon ne sewatsiénhaiens iatsisewateriwanié꞉ten ne ratiokwakweʼní꞉io ne Roman sewahénton nithoʼhiaténhaf ne Kór, tsi neh akénhake ne kwáh oriwihiohónwe tesewathonʼwentióni ne tkaiéri tsi ní꞉ioht tsi ahisewariwatʼtsiénri tsi nòkwa ne rahónha. Nók kíʼ ionkwatateweiennentáʼon nahsakwanonwariákʼkon nohénton kén꞉en árawe.”

Romans 1:30

tánon tehontathanowenténis; ronwásons neh Rawenni꞉io, rothiʼianerenseráksen, rontatónni, tánon rathináie; sénha ne é꞉so rononthonniónkwa onhnahatíʼiere ne wahétken; iáh tesakothiwenʼnarákwa neh ronwathiʼienhokónhas;

Deuteronomy 28:32

Ne shanekenteronhtieraʼshón꞉as ó꞉ni ne shahiathasehtieraʼshón꞉as né꞉ne ienhonwatihiaʼténhawe ne thihononhontsá꞉tes nahonwanatenaskonhniáthe né꞉ne tsi nikarì꞉wes teskánere, Kwáh niatewenhniserá꞉ke tsi ensatkharakwísron, tsehiorihwákon nashaterá꞉rahte ne sheienhokón꞉as ne tahonthahón꞉ne.