Micah 1:7 - Ohiatonhseratokénti

⁷ Akwé꞉kon nahoiatonhnishón꞉as kwáh tenkarihtón꞉ke kennenwáskes, akwé꞉kon nahokarhiák꞉tsheras ne wahthonwisentsherát꞉sen kwáh ki enwatsahá꞉tonke otsirá꞉ke, tánon akwé꞉kon nahoiatonhnishón꞉as eʼtá꞉ke enkaién꞉taʼne enkaiésha; asè꞉ken ne kí꞉ken aorì꞉wa nahotikarhiá꞉tsheras ne tionatakwahkaré꞉nis wakaró꞉rohke, tánon ki nahotikarhiák꞉tsheras ne tionatakwahkaré꞉ni kwáh ki tentkonwénhnon.

Micah 1:7 ပူးပေါင်းရင်းမြစ်များ

2 Chronicles 31:1

Shiaʼhontókʼten ne katkhwárahkwe, onhkwetaʼkwé꞉kon Nisraeʼró꞉nonke kwáh tsi niaʼtekaná꞉takes né Judah nonhtahónneʼte tánon waʼthatirihthánions nonénhias kanawahathóthonhkwes, tahón:tahasenhthánion tsi kahiatarónh꞉nions ne kaní꞉io Asherah, tánon waʼthatirihtánions ne ietienharáhkwahs ó꞉ni tsi nonwéhsons ne kahiatonhnisónhas konwasennaienhthákwas. Kwáh ó꞉ni éhtho nahatiʼieráhnion tsikʼnonwéhsonhs ne Judah nón꞉we, tánon ne kanakerahseráhkons ne Benjamin, ó꞉ni ne Ephraim, tánon ne Manasseh; ethóhʼne kíʼ ó꞉nen ratikwé꞉kon sahonhténhti.

Isaiah 2:18

Ne kahiatonhnisónhas kwáh akwékon tsi enhkariwatón꞉thonke.

Isaiah 23:17

Né ienwatók꞉ten ne tsáta niwáhsenh niʼioseràke, ne Roiá꞉ner kwáh ensanatarénase ne Tyre, tánon kwáh thensewatkaraténi ne iesewaterihónten tsi nitsioiotenseró꞉tenhne, tánon nahónha kwáh ne enwatsʼwátaʼkwe ne tsotakwahkaré꞉ri akwé꞉kon ne tsi kanakeraserakérons ne tsi ionwénhtsaien thóh tsi kakónshonte nonwenhtsá꞉ke.

Isaiah 27:9

Né꞉tho í꞉ken neh ne raonhí꞉tsera ne Jacob kwáh kíʼ éhren enkahawí꞉tonke, tánon né kí kí꞉ken né kwáh enkaná꞉nonhake tsi enkariwanirate tsi eren enskahawitonhke ne raorihwanerahát꞉tshera: né nó꞉nenh neh enrón꞉niate nó꞉nenhiaokons ne tsi wát꞉tsenharakwahs tsi ní꞉ioht ne ohsawé꞉ta oneniá꞉okon tekarí꞉ton kenknihwas, iah kaneka ne iotó꞉kenti kanawahatásonhas kes nahontsienkwahronhniate ne ietsienharaʼkwà꞉ke ne shé꞉kon akatá꞉ke.

Ezekiel 6:6

Kwáh tsi nónhwe nenhsenáhkerehke tsi iáh othènenh takariwasthátonhke. Kwáh enkeriwáhthonte tsi nónhwe nikonhwatisenhnhaienthákwah ne kahiatónhnis, ne shá꞉wenhk ietsienharáhkwahs, shahiathonnishón꞉has, tsi shatienkwahronhniathákwahs, tánon akwékon ne oiásons nihiothánions ne kariwiʼiosthóntsheras shasahánions.

Hosea 2:12

Kwáh enkerihwéntʼtho tsi ioientʼthon ne watenenharí꞉seres tánon ne ahoronhtaʼshón꞉as ne tionhnionwaronhtonhakó꞉wa, ne tsi niiá꞉wen, “Ne kí꞉ken natkarhiá꞉tsheras, ne tsi nihionká꞉wi naskareshón꞉as.” Kwáh karakonkó꞉wa enkonhniáte, tánon né꞉ne kontírios enkontekwí꞉sa.

Hosea 2:14

Ne káti aorì꞉wa, kwáh thenkerenhkénni, tánon iahonwenhtsathénhake nientsiathénhawe, tánon entkateweiénton tsi entʼtharase.

Hosea 2:5

Asè꞉ken ne konhwanisthénha ne iotswátonhne ne kanakwaiesátshera; tsi niká꞉ien ne iakawenhnakerátston atehenserákon tsi nihiotié꞉ren. Asè꞉ken iáwenh, “Kwáh kí enkheséhreson naskareshónhas; ronónha ionkenataranónhtens tánon ionkhenanóntens, ne teiotinaʼkarontónha ononwé꞉ron tánon nakeniatarahashónhas, nakénhie iakeiewáthas tánon ne katonhwesenhtákwah ohnekashón꞉as.”

Hosea 8:5

Í꞉k shóns tí꞉ken owistanó꞉ron tionhnónskwahron Sahiatón꞉ni O Samaria. Tsió꞉tets nakenakwáhtshera tsi nokwáh ní꞉se. Thóh nikarì꞉wes iatahatikwé꞉ni ne thé꞉nen ahontonhníhien?

Hosea 8:6

Asè꞉ken Israerʼró꞉non nahahiató꞉ten ne rawistón꞉nis, ne rahón꞉ni; iáh Rawenni꞉io tehahón꞉ni. Ne tionhnónskwahron owí꞉ra aohiatón꞉ni ne Samaria kwáh ki kenk nenséwaske tsi thenkarihtónhke.

Joel 3:3

rontsánake wahónste ne kanenhiatokenhá꞉tons onhontsà꞉ke wahonatséseron né꞉ne akatókenhne ónhka ienhonwatihiaʼténhawe ne ronwatihiénen. Ratitsahokón꞉as ó꞉ni kontitsahokónhas wahonwanatkéron né꞉ne shonatakwahkaréni nahónton, akonhwatikarhiase oni ne ahatininonhthákwe nonenharákeri, nahontonwesénhtakwe.

Leviticus 26:30

Kwáh enkerihwenhthó꞉sehron tsi nonhwésons nishaterenhnaienthákwas ne tsi iononhtharónhnions, tentʼrhithánion ne kanetanó꞉rons tsi tienharákwas, tánon thóh ienwakatiésehron ne sewahierónhtas é꞉nekens tsi tehiotáhrons ne sewahiatonhnisónhas. Né꞉ne kwáh íken hioterihwatéha

Deuteronomy 23:18

Káti ó꞉ni, nónhka ne thóh ní꞉ioht tsi iakokwistonhníhon iáh tehiówenk nahonthaiéhawe ne Roiá꞉ner saNí꞉io raononhsatokenhtí꞉ke iawerohátien thóh ní꞉ioht tsi ahonwarahratstén꞉ni. Ne Roiá꞉ner saNí꞉io rasons onka neh niionkwetotens.

Deuteronomy 9:21

Iahá꞉khawe né꞉tho kariwaneraháktshera ne sewáhson—né꞉tho karístatsi ne tionónhskwaron rátsinn owí꞉ra—tánon otsirà꞉ke iakʼkatesenhniate. Ethò꞉ne waʼtekritánion, kwáh okénra waʼkón꞉ni, tánon nokénra tsi kahionhatátie iahonká꞉ti né꞉ne tsi tionónhte nitiotnawí꞉non.

Revelation 18:3

Asè꞉ken ratikwé꞉kon ne ronnonhontsakeró꞉nons rotinonwaratónhon ne rotinekí꞉ren naoné꞉ka otsí꞉tsa né꞉ne aterhiatitkhóntshera nahó꞉wenk kentétshera, tánon ne roʼtinontí꞉ios ne tsi ionwenhtsá꞉te ne wahonteriwathentsiá꞉te kentétshera skátne naón꞉ha, tánon ne ronatenhninonseró꞉tons ne tsi ionwenhtsá꞉te kwáh í꞉ken tsi waotikwahtshéne thóh nontá꞉we ahoshatstenhserá꞉kon naó꞉wenk iorá꞉ses.”

Revelation 18:9

Tánon ne rotinontí꞉ios ne tsi ionwentsá꞉te, ronón꞉ha ne teonatnérenh ne kentéhsera tánon kwáh í꞉ken tsi iókwats tsi thóh rononhetiè꞉ne skátne naón꞉ha, kwáh kíʼ tenhonséntʼto tánon tenkonwasentʼtose nó꞉nen enhontkáto noièn꞉kwahra ne konwatsataʼtsahathákwen;

1 Samuel 5:4

Nók shonsaontkétsko nó꞉ia saióhrhenʼne, Dagon tsioreniénhhen tsekakónshoʼte ohontsá꞉ke ohén꞉ton ne raoʼneró꞉kwa ne Roiá꞉ner, tánon tsi roʼnontsistóhare ne Dagon ó꞉ni tetsá꞉ron ne ratsanáke thóh ká꞉ien kaiá꞉kon tsi tekanoháronhwe; ne khók ne raiakaráke ne Dagon iaʼtetsotatén꞉ron.