Micah 1:6 - Ohiatonhseratokénti

⁶ Kwáh ne enkonhniá꞉te ne Samaria akentoniótake ne karihwaieshá꞉tsheras ne kahentá꞉kes; thóh nón꞉we niieienthótha ne watenenharí꞉seres kwáh tsateionarénion; kwáh ienkáweron naonenhiaó꞉kons thóh ahonráhkwakon, tánon enkéneste ne tsit kenskwáhere.

Micah 1:6 ပူးပေါင်းရင်းမြစ်များ

2 Samuel 17:13

Tó꞉ka kanátakon niahonsáre, ehʼthóhʼne kíʼ akwékon NIsraerʼronónke kwáh enthatisiriʼieténhawe nètho kanatowahnénhke, tánon entewatatisere thóhh nientewáhawe ahwenhrá꞉kwakon, tsi niʼió꞉re iáh ne skanénhia tsatahonsahiothaténhronke nètho nón꞉we.”

2 Kings 18:10

Nasénhaton siʼioserakehátie siʼhaié꞉nen ne Samaria wakonwasénhni; né꞉ne ia-iákkhaton siʼioserakehátie ne Hezekiah shiʼhonontí꞉ioʼkwe tánon né꞉ne tiotónhaton siʼioserátekwe ne Hoshea shiʼhonontí꞉ioʼkwe.

2 Kings 18:9

Né kaieríhaton niʼioserakehátie ne Hezekiah shiʼhonontí꞉ioʼkwe—né꞉ne tsatákhaton siʼioserakehátie ne Hoshea shiʼhonontí꞉ioʼkwe ne Israerʼró꞉nonke—ne rakóra Shalmaneser ne Assyria washakonenhrénhten Nisraeʼró꞉nons tánon wahaiéna ne Samaria.

2 Kings 19:25

“Iáh kén nonwénton tesatʼthonté꞉on tsi thóh kíʼ ní꞉ioht tsi tewakatenikonronhníhon ne wahónhnise tkènhne? Tánon kíʼ ó꞉nen éhthoh nátiere. Khonhiáwi ne kashastsʼténsera né꞉ne asónhniaʼte ne tsi tekensthorótatse ne tekanathanátʼtons ne kanatowanénhke né ashanitonhiónhniaʼte nononhwénhsera iotónhon.

Isaiah 17:1

Ne tsi niwataʼtíhon ne aorihwàke Damascus. Satʼkátho, Damascus kwáh ienwatótʼtaʼkwe tsi kanatowánen í꞉ken, tánon né enhiotsʼtokó꞉taʼne nononwénhseras.

Isaiah 25:12

Tsi nitsiótʼtes tsi naʼtekanatanátʼtons ne rahosontasónhas kwáh kí ehʼtàke enwátionke, ehʼtàke iónhni, iewátion nonhontsá꞉ke, iekaníhare nokenhràke nón꞉we.

Isaiah 25:2

Asèken né wasónhniaʼte ne kanatowanénhke naiotsʼtohkótane, tánon ne watenhenraiénʼtakwe ne tekanatanákthonhkwe ioriwénhtahon; ne tsi rotinonsó꞉ton ne kenkthithonénon né꞉ne thóh kanátakon iáh kí ó꞉nen teskahnátaien, kwáh iáh nonwénhton thahonsahionhníhake.

Jeremiah 31:5

Shé꞉kon kíʼ á꞉re ensehsenenharahiéntʼtho ne tsi ionnonhthaʼrónnions ne Samaria, tánon tsi nihiákon ne rohthiʼiéntthon ne enhónniaʼke tsi nontahkáhaʼwe ne kanenharahiéntʼton.

Jeremiah 51:25

“Satkátho, O shastsʼtenserowáhnen ionónhte, sonhontiéntʼtos! Í꞉i ne tetsiatátʼtions” ráton ne Roiá꞉ner. “Kwáh ienkonhiéna, tenkonhionhontsoʼiénhten, tánon ne wahkenrontáhkwen ne iotetʼkháhon nónhwe ienkonhiatónti.

Jeremiah 51:37

Ne Babylon thóh nenhiáwenhne tsi ní꞉ioht ne ioheshastsʼtó꞉koʼte tsi nónhwe ne konhtírhio khók konhtináhkereh. Kwáh tehiótion nahiontkátho; iáh ónhka né nónhwe tahonshaʼienáhkerehke, tánon tsi nihiákon nenhiontkátho kwáh enhiakóteronhne.

Jeremiah 9:11

Ne Roiá꞉ner ráton, “Kwáh enkónhnien ne Jerusalem nahiothonhióthonke ne ioriwahiesáhsehrons, thóh nónhwe ne érhar nenhathináhkerehke; ne tsi kanahtowáhnenhs ne Judah karhákonh enwáhthon, thóh nónhwe ne iáh ónhka tahienáhkerehke.”

Lamentations 4:1

Tsi natehiostarátʼthekwe nonkwáhwenk nowistanóron iáh ó꞉nen tatetsiostarát:te; Ne tekaneniaserónnionʼkwe nononsatokentíke kanatakónsons tehiotáron.

Ezekiel 13:14

Ne Wakonhniáton ne akeréhnienthe nasóntha ne katenrahkeríhton rotíronh, takatʼthókwahte, tánon nék khók ne tekenstorohthákwen iatahonsahiothaténronhke. Kwáh tenhioterónhthoste tánon sehwahkwékon ne ensewahnonhwarhiákonkwe. Ethòne onhkwetaʼkwékonh enhiakoteriéntarahne tsi Í꞉i ne Watiá꞉ner.

Hosea 13:16

Ne Samaria ó꞉nenk tsi enwatháwa nahonhí꞉tshera, tiorì꞉wa tsi nihowenhnón꞉tion nahoní꞉io í꞉ken; asareʼkó꞉wa ki enhiakowéntʼtho, nakohiohokónhas ken nihonhnásas kwáh kí kenk ní꞉was tsi enhonwatihiaʼtaratiónhko, tánon ne kontíhawe nahiotiwiraiéntane kwáh kí enkonwatihiatarátion tsi thenkonwatihiatatʼkháshion.

Amos 5:11

É꞉tho káti né tsi ietsiratátses ne iakóthen tánon ietsinénhskwas ne raotinátsias, né sewatenonhsonhniáton ne kwáh tsoiánere kanenhiaserón꞉ni, ók iáh kí thóh tahisewenhterónhtake; ne sewahientʼthóhserons ne kwáh tkanenharí꞉ios, ók iáh kí tahisewanekí꞉ra ne onenharákeri.

Amos 6:8

Né Roiá꞉ner Rawenni꞉io kwáh rothaterihwaniráti (rá꞉ton ne Roiá꞉ner rotokénti): Ít꞉sons tsi nihontatónhni nonhkweshón꞉as Nisraeró꞉nonke tánon ít꞉sons tsi nihotinonsí꞉ios; tánon kwáh enkatsakwaríhshi ne kanatowá꞉nen tánon akwé꞉kon ne nón꞉we niká꞉ien.

Micah 3:12

É꞉tho káti í꞉se sarì꞉wa ne Zion kwáh tsi ní꞉ioht ne kahentà꞉ke tsi enhathitarakarát꞉tho; né Jerusalem né꞉ne ienhwá꞉ton enhiontohiótane ononhwénhsera, tánon Nononsatokentikó꞉wane karakonʼkó꞉wa enwá꞉ton.

Habakkuk 3:13

Iashiá꞉kenhne nasehnóns꞉thate ne shonkweʼtashón꞉as, natsenónsthate ne tsatarákwen ronhnontí꞉io. Waseronhkwenoróksi ne tsi rotinón꞉shote ne ionkwetatʼsenhokón꞉as, waʼsehnésthe ne tsitʼkenskwáhere kwáh tsi nió꞉re tsiosthenrakwénhtare. Selah

Matthew 24:2

Nok ȣahenron ne Iesos; Akȣa ȣahikenh seȣatkathos tsiniiotanion? Oriȣiio tsi kȣarori, tsi iah oni nenskat nonȣa tatekanenhiasere taiotatenron ne iah takarision.