Micah 1:4 - Ohiatonhseratokénti

⁴ Ethò꞉ne ne tsi ionhnontarónnions kwáh enkawistaná꞉wen tsi nón꞉we ní꞉res tánon nahonráhkwakons kwáh tenwateraneká꞉re tsi enwatenhotón꞉ko, kwáh tsi ní꞉ioht ne ohtsinaʼkontahkwaʼne otsikhé꞉ta kwáh enkawistaná꞉wen ákta ká꞉ien tsi iotékha, kí꞉ken otsikhé꞉ta enkanahó꞉ten kwáh tsi ní꞉ioht nohné꞉kanos tsi nón꞉we nihiotenontsá꞉kon.

Micah 1:4 ပူးပေါင်းရင်းမြစ်များ

Psalms 46:6

Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

Psalms 68:2

Tsi ní꞉ioht nó꞉ienkwahra tsi hiotsienkwahrenhawiton, ká꞉ti sehʼiatékwat; tsi ní꞉ioht ne otsinakontákwahne raotiʼtsikhéta tsi kawistanáwenhs ne otsenhát꞉tha, ánion ne ronhnonkwetahétkens ratihiatháton rahohénton ne Rawenni꞉io.

Psalms 97:5

Né tsi ionhnontarónhnions waʼkawistanáwenhne tsi ní꞉ioht notsikhéta aiewistanawénhte, raohénton ne Roiá꞉ner káien né tsi rahónha ohontsakwékon tesakoniarótaron nonhkweshónhas ne tsi ionhwenhtsáte.

Amos 9:5

Ne Roiá꞉ner, Rawenni꞉io rotokénti í꞉ken, raónha niehaié꞉nas ne tsi iohontsá꞉te tánon kawistaná꞉wens, tánon onhkweʼtakwé꞉kon ne nón꞉we niienákere ahontiónhnion, tánon akwé꞉kon ne kaniatarakésons wahenhnóten tsi ní꞉ioht ne nile, tánon eʼtake niónsawe, kwáh kí tsi ní꞉ioht ne nile kaniataratátie ne Egypt nón꞉we;

Nahum 1:5

Watsionontishonkwánion ne raohénton, tánon ne tsi ionhniarónhnions wakawistanawénhseron; watsiahontsíshonkwe ne raohén꞉ton, ne tsi ionwenhtsá꞉te ó꞉ni ratikwé꞉kon ne thóh nón꞉we niiená꞉kere.

Habakkuk 3:10

Nó꞉nen ne tsi ionontahrón꞉nions wahesá꞉ken waʼtsiowí꞉sonhkwe; nohné꞉kanos thonwerónhtane ne tsi karonhiá꞉te. Nohné꞉kanos ne nà꞉kon tsi ionwenhtsá꞉te waʼhonekákare, tánon ionontowá꞉nens ionontakwahronhtónhtses;

Habakkuk 3:6

Nó꞉nen thenhá꞉tane tsi teotekhahakwenhátie tenhiahontsí꞉shonhkwe; tsi natehakánere, akahontsakwé꞉kon nonkweshón꞉as waʼhakohiatísonhkwe. Ne kwáh onontakáhions waʼtewanitsthenróko; tánon ne tsi ionhniarón꞉nions eʼtà꞉ke niaháhe né꞉ne tsi nón꞉we natehatekhaʼhákwakwe ne wahón꞉nise tkénhne.

Zechariah 14:4

Ne thóh nenhkahá꞉wike tsi ionónhte ne Olives nón꞉we natenhátahne, né꞉ne tsitkarahkwí꞉nekens nokwá꞉ti ne Jerusalem. Ethò꞉ne ne tsi iohnónhte ne Olives tenwahtó꞉ren tsitkarahkwí꞉nekens tsi nió꞉re ne tsi iaʼtewatséntos kowá꞉nenh ahonráhkwakon enwá꞉ton. Sahtehionnonhtí꞉en othorè꞉ke nienkaié꞉rahte nenhiotáhtere entiè꞉ne ne nienhkaié꞉rahte.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.

Judges 5:4

Saiá꞉ner, nó꞉nen é꞉renh sathonthásehte ne tsi ionónhte ne Seir, nó꞉nen shathonthashiákenʼne ne tsi ionhontsáien ne Edom, watsahonhontsísonhkwe, tánon nóken norésehra ostharaténi tsi karonhiáte nonhtáwe. Hén, thakanekawerónhtaʼne ne tsi iotsikeraronhnions.