Micah 1:2 - Ohiatonhseratokénti

² Sewatóntet, í꞉se ne tiónkwes, sewakwé꞉kon; satenhnikòn꞉raren, O onwénhtsa, tánon akwé꞉kon né nón꞉we niká꞉ien; tánon tsi sewarí꞉hon ne Roiá꞉ner Ní꞉io rahrihwaní꞉rat tsi entsisewatkónten. Natiá꞉ner thóh nitré꞉tha ne raononsatokentikowáhne.

Micah 1:2 ပူးပေါင်းရင်းမြစ်များ

1 Kings 22:28

“Tó꞉ka skénnonk khók thenhshé꞉seʼwe,” né Micaiah watharihwaseráko, “né káti enwathená꞉thonhkwe ne Roiá꞉ner tsi iáh akonháke tehothatíhon!” Tánon iahathasónhteren, “Sewathahónsatat, sewakwékon, tsi nakíron!”

2 Chronicles 18:27

“Tó꞉ka skénnenk khók tenhséhsewe,” né Micaiah wahanikonhraiénhthaʼte, “Né kí꞉ken tons ne Roiá꞉ner iáh kíʼ tehattharáhni!” Tánon iahá꞉ieste, “Satahónsatat, sewakwé꞉kon, tsi nahó꞉ten wahtsien akíron!”

Psalms 11:4

Ne Roiá꞉ner rénhteron ne raononsatokentiʼkówane; ne Roiá꞉ner raonitskwáhra karonhiáke tkáien. Kwáh teshakokarenháwis, tánon né rakárake sakokenhenhiónhnions nonkweshón꞉ha.

Psalms 24:1

Né tsi ionwenhtsáte Roiá꞉ner sèh raówenk tánon akwé꞉kon tsi nahoténhsons né thóh í꞉wa, tsi ionwenhtsáte, tánon tsi niʼiákon né nón꞉we niʼienákere;

Psalms 28:2

Saʼthón꞉tek tsi niwaʼkewénhte tekaséntʼthos tsi niwaʼkanithénton, ne tsi iatekaséntʼthos ne shonháke nastiénawaʼse, tsi enkanenhtiakétsko tsi wakaterénhnaien thóh niewaʼkatieráton ne tsi nón꞉we ne kwáh tsiotokénti ne Sanonsatokentiʼkówa.

Psalms 50:1

Né Roshaststenhserowanenkó꞉wa, Rawenni꞉io rahónha ne Roiá꞉ner í꞉ken, iesakonatónnions niakahontsakeró꞉nons kwáh tsi nentkarahkwínekenʼne noronhkéne tsi tsenskaráhkwenhne nokarasnéha.

Psalms 50:12

“Asèken tó꞉ka akatonhkarhiákseke, iáh kí thakonró꞉ri, asèken ne tsi ionwenhtsáte tánon tsi níkon ne thokáien tsi Í꞉i akáwenk.

Psalms 50:7

“Sewaʼtahonsí꞉iost, Ó akonkwetashón꞉ha, tánon kwáh enkatáti, Ó Israel, kwáh enkonhiatanó꞉then. Í꞉i ne Ní꞉io í꞉ken, í꞉i ne Saní꞉io í꞉ken.

Proverbs 8:4

“Kwaʼnekén꞉nis sewakwé꞉kon tkwén꞉nonks ne onhwentsaʼkehró꞉non.

Isaiah 1:2

Sathóntek, Ó tsi karonhiáte, tánon satahón꞉satat Ó onwénhtsa; asèken ne Roiá꞉ner rotatíhon: Né ratiksahokónha ne khenónten ó꞉ni kheiehiáron, ók wahonkatkónten.

Isaiah 18:3

Sewakwékon ne tsi ionwentsá꞉te sewanákere, í꞉se ne ohontsàke sewanákere, nó꞉nen enkaniatarakétskwen ne tsi iononhtáhere, sewatʼkátho! Nó꞉nen ne iehonrawáts꞉tha enkonwatátiste, sewatahónsatat!

Isaiah 50:7

Né Roiá꞉ner Ní꞉io ratiénawahse; né ká꞉ti aoríhwa iáh kí tehionkatéhaton; né káti aoríhwa thóh nakatʼkonsanírate tsi ní꞉ioht nonénhia, tánon wakateriéntare tsi iáh kí tahionkatéhaʼte;

Jeremiah 22:29

O ohóntsa, ohóntsa, ohóntsa! Sewathahónsahtat tsi nahó꞉ten ráwen ne Roiá꞉ner:

Jeremiah 29:23

Ne ki tsi nenhotiʼhiáthawenh tsioríhwa tsi nihotiʼníkonh ne tehiotenonhianíthon karihwáhnerens—ronahtenahkwahieshá꞉ton tánon ronahnhowenhthánions raosénnakon ne Roiá꞉ner. Ne kí꞉ken ne iotkónhthe tsi nihonikonhró꞉ten ne Roiá꞉ner; rotheriénthare tsi nihonahtiéren, tánon rahonʼá shaʼkóken. Ne Roiá꞉ner rothatíhon.”

Jeremiah 42:5

Ethóhʼne wahonkwénhase, “Aiáwens ne Roiá꞉ner kwáh tóhske tánon oriwiʼiohónwe tsi asonkwahriwahníratʼtshe tó꞉ka iáh thaʼhiakwahtewénhnahrahkwe nowenhnahkwékon nètho Roiá꞉ner onhkwahʼNí꞉io tsi nénhtʼnion nonhkwahrihwáhke.

Jeremiah 6:19

Shathahónsahtat, onhwénhtsia! Né꞉ne kahrewahthátsheras norihwahkwékon tsi nihonahtenikonhrónni takháwi ne kahkaronniátshera rononháke kí꞉ken onhkweshón꞉ʼa, tsioríhwa tsi wahathikénron nahkerihonniennítshera tánon iáh tehonahtewenhnaráhkwen nakewénhnas.

Jonah 2:7

Nó꞉nen orihwakwé꞉kon shakaʼnikonhrókten, shé꞉kon énskaʼ ionsónteratste Roiá꞉ner ionsahiianonhtónnionhwe. Kwáh wakeriahsanòn꞉waks tsi iaʼkaténniehte ne akaterénnaien ne Iʼsè꞉ke eʼtho nón꞉we ne Sanonhsatokenhtí꞉ke tánon wahskewenná꞉ronke.

Jonah 2:8

Tsi niiá꞉kon ne kaiaʼtonnihshón꞉ʼa konwahsén꞉naiens ne iáh thé꞉nen tekarihwáhstha ronatswaté꞉nion ne orihwakwé꞉kon ne Rawenni꞉io raotén꞉rat.

Habakkuk 2:20

Ók kíʼ ne Roiá꞉ner thóh rénhteron ne raononsatokentikówane; Áhnion kíʼ ohontsakwé꞉kon sak tihiontatón꞉ni ne raohénton!

Malachi 2:14

Seriʼwanóntons, “Nontié꞉ren tsi iáh ó꞉nen teshaié꞉nas?” Ne tiorí꞉wa ne Roiá꞉ner tsi rorihwahnirá꞉ton tsi naʼtetsátere ní꞉se tánon ne satateniáktén꞉ni né sitisaión꞉ha, ne nahonhá꞉ke iáh tesarihwatokén꞉ne, eʼthó sá꞉ne tsi áonha ne titsatenróhon tánon ne tesení꞉teron í꞉ken aterihwahtseronniahtsherá꞉kon í꞉ken.

Malachi 3:5

Eʼthó꞉ne kiʼ kwáh sewaiaʼtákta én꞉kehte nakwarí꞉wenhte; kwáh entiaʼtahstó꞉reke tsi enkerihwahní꞉rate tsi nonwá ne rontenʼèn꞉naras, tsi nonkwá ne rontenahkwaiesáhtha, tsi nonkwá ne ratirihwahní꞉rats nonó꞉wenʼs, tsi nonkwá ne shakotironhiakèn꞉tha ne ratihnhá꞉tsheraʼs tsi nihonatkariá꞉kse, ne ionatehré꞉ʼons tánon ne tehontonhnhakárhias, tsi niiá꞉kon ne é꞉ren iehonwatí꞉reks ne thihonnonhontsá꞉te, tánon ne iáh teiontatkweniènhstha, rá꞉ton ne Sakoiá꞉ner ne ronterí꞉ios ratironhiaʼkehró꞉nonʼs.

Deuteronomy 32:1

“Tsi ionhontsá꞉te ó꞉ni tsi karonhià꞉te sewáronk nakewenhnahó꞉kons, ákta tsi sewatahónsatat tsi nahó꞉ten ká꞉ton.

Revelation 2:11

Ánion nónhka ne tehahontaká꞉ronhte ratahónshatat tsi nahó꞉ten ne Ronikonratokénhti sakoró꞉ris ne tsi ionterenhnaientákwas. Ónhka akénhake nahateshénhni kwáh kíʼ iáh tahokarónhniate ne tekéni há꞉ton kenhéiat.

Revelation 2:17

Ánion ne nónhka teionhontakáronhte iontahón꞉satat tsi nahó꞉ten ne Ronikonratokénhti ratónhnions ne tsi ionterenhnaientákwas. Ne nónhka ne rotesénhnion kwáh í꞉i enthí꞉ion ostón꞉ha ne washé꞉ton kanà꞉taro, tánon í꞉i kwáh enthí꞉ion ne kanenhiaráken, tánon thóh ne kanenhiará꞉kenʼne tsi kahiá꞉ton kaʼsénhnase ne né꞉tho iáh ónhka teiakoterénhtare ne khók rahonhatsí꞉wa tsi niká꞉ien nenhaié꞉na.

Revelation 2:29

Áhnion ónhka ne teionhontaká꞉ronhte iontahonsátat tsi nahó꞉ten ne Roʼnikonrí꞉ioston ratónhnions ononhà꞉ke nononsatokénhtis.

Revelation 2:7

Ánion nónhkak ne tehionhontakáronhte iontahón꞉satat tsi nahó꞉ten ne Roʼnikonrí꞉ioston ratón꞉nions rononhà꞉ke ne tsi ionterennaientákwas. Ne ne tsi niiá꞉kon nenhiontesénhniete, Í꞉i kwáh enkerí꞉on ne tahiontskà꞉on tsi iorón꞉tote ne atón꞉nhets ne ne thóh nón꞉we tsi rothé꞉taien ne Ní꞉io.

Revelation 3:13

Ánion nónhka teionhontaká꞉ronhte iontahónsatat tsi nahó꞉ten ne Ronikonrí꞉ioston sakawénhni ronón꞉hake ne tsi ionterenhnaientákwahs.

Revelation 3:22

Ánion nónhka tehionhontakaron꞉te naiakothonhtè꞉ne tsi nahó꞉ten ne Ronikonriióston saʼkawénhnis ne tsi ionterenhnaientáhkwas.”

Revelation 3:6

Ánion ónhka ne teionhontaká꞉ronhte iontaonsátat tsi nahó꞉ten ne Roʼnikonriióston ratónhnions ononhà꞉ke tsi ionterenhnaientáhkwas.

Judges 11:10

Wathatirihwasehráko, “Roiá꞉ner nonhkwahrihwanirátʼtsera í꞉ken. Kwáh oriwiʼiohónhwe tsi thóh nenhiakwáhiere tsi nenhshí꞉ron.”