Micah 1:12 - Ohiatonhseratokénti

¹² Asè꞉ken ne Maroth nón꞉we niienákere iakorarénion tsi nateiakostériens nahonsonterihwakwahtá꞉ko, tiorì꞉wa ne karihwahét꞉kens Roiá꞉ner nón꞉we nitsiostsnénton thóh ón꞉we tsi iotenhenrakà꞉ronte ne Jerusalem.

Micah 1:12 ပူးပေါင်းရင်းမြစ်များ

Job Tánon ne Raoronhiakensera 30:26

Nó꞉nen ne siwaʼké꞉rare ne ioiánere, karihwahétken ón꞉we; nó꞉nen ne siwaké꞉rare ne kaswathétshera tetiò꞉karas ón꞉we.

Isaiah 45:7

I꞉i wákshon ne teioswát꞉te tánon wák꞉shon ne tetsiókaras, I꞉i kónhnis ne kaiataterítsheras ó꞉ni kónhnis nateraswaksénhtshera; I꞉i ne Watiá꞉ner thóh nitié꞉ra ki naorihoténsons.

Jeremiah 14:19

Saiá꞉ner kwáh kén oriwiʼiohónwe tsi sehkenronníhon ne Judah? Nonhtiéren tsi niséhsons ne Zionró꞉nons? Onhnonhtiéren tsi éhtho nióre tsi niwahétken tsi niʼskwakarewáhthon ne ne iáh tahiakwahkwéni ne ahonshahionkwaʼtewihrónnien? Skénʼnon hiakwésaks, ók iáh othènen teiawénhon ne aiohianeréhake; hionkwaskanéhʼkon ne ahonshaʼhiakwahiewénhtahne, ók khèkenk kahterontserahónwe.

Jeremiah 8:15

Hiakwaskáneks ne skénnenh tánon iakáhewe ne ahonshontetiénton, ók iáh othènenh tehiorihonthákwen; khék kahteronkwahtsheraʼónhwe.

Amos 3:6

Rontatístha kenh ne iehonrawátstha ne kanatowanén꞉ke, tánon nonkwehó꞉konʼs iáh thaiakóhteronʼne? Ne karihwaiesáhtshera kaièn꞉tas kenh ne tsi kanatowanén꞉ke, nek khok tó꞉kaʼ ne Roiá꞉ner thóh nenháhsa?

Micah 1:9

Asè꞉ken tsi niiotkarewá꞉ton iáh tehsewatewirón꞉nis. Judah nón꞉tawe; thóh nió꞉re niahá꞉he tsi thonatenhenraká꞉ronte nakonkweʼtashón꞉as; kwáh ó꞉ni tsi nió꞉re ne Jerusalem.

Ruth 1:20

“Tóhsa Naomi takwaná꞉tonk,” waʼì꞉ron; “Marah, takwaná꞉tonk, ne kén꞉ton iotskà꞉ra ne tsi Rohsatstenhserowá꞉nen Rawenni꞉io wahakónnien tsi tewakatonhnhakárien tsi kónhnhe.

1 Samuel 4:13

Nó꞉nenh sáraʼwe, Eli renskwáhere raoʼnitshkwáraʼne ohahákta roʼrá꞉re, asèken tehaweriasiʼshón꞉kwa ne aoriwá꞉ke ne raoneró꞉kwa Ní꞉io. Nó꞉nenh ne rón꞉kwe sahanatáraʼne ne kanatowanénhne tánon wahakró꞉ri noríhwase, kanatakwé꞉kon ne kanatowaʼkènke watiaʼkohénrehte.