Matthew 7:25 - Ohiatonhseratokénti

²⁵ Enhiokennore, nok etho tenhiohnonke nenkanaȣaronnionne, tenhioȣeratase oni, iah othenon taiaȣenne aseken ioniron tsi kentskȣahere.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁵ Enhiokennore, nok etho tenhiohnonke nenkana-ȣaronnionne, tenhioȣeratase oni, iah othenon taia-ȣenne aseken ioniron tsi kentskȣahere.

Matthew 7:25 ပူးပေါင်းရင်းမြစ်များ

Proverbs 10:25

Nó꞉nen tekaweratá꞉ses éntewe, ówera ienhotiʼiaʼténhawe ne iáh tethotirihwaié꞉ri iáh káneka thenshoné꞉sheke, ók ne thotirihwaié꞉ri tiótkon skén꞉nen enhonnónhnheke.

Malachi 3:3

kwáh ʼeh enhátien tsi ní꞉ioht ne raristanawènhtha tánon tesastarát꞉theta kahwistarà꞉ken, tánon ensehshakaonhnahkanón꞉ni ne tsi ratihwatsiratátie ne Levi tánon ensehshakaonhnhahserón꞉ni tsi ní꞉ioht ne kahwistarà꞉ken tánon nohwistanó꞉ron, tsi niió꞉re ienhonwá꞉tatshe nenthón꞉ion raonhá꞉ke ne Roiá꞉ner tho raorihwakwarihshionhtsherá꞉kon.

Matthew 16:18

Nok ȣakonrori oni: ise ne Tier, nok etho oststenrake enkenonsonni nakenonsatokenti; iah oni nonȣenton tiiakonȣasenni nonatkonseraksen.

Matthew 7:24

Onkakiok rothonte tsinahoten katon, nok enhateȣeienton, neh tenthiiatenientenste ne ronkȣe oststenrake rotenonsonni;

Matthew 7:26

Nok tanon nonȣa ne rothonte tsinahoten katon nok iah tahateȣeienton, neh tenthiiatenientenste, ne iah tehonikonra onesaronkȣake rotenonsonni.

Matthew 7:27

Nok nentiokennore, etho tenhiononko nʼoneka, tentioȣeratase oni, enkanonsienenne akȣa ihken ionerakȣat tsi enȣatkenrenseronni.

Acts 14:22

Wahsakothisatsténseron ne iakoriwiʼióstons ó꞉ni wasakothinikonráreke naʼiontsénawasthe ne tewethákwen. Tsi wahsakothirihónnien “Kwáh iawethowánen tsi ní꞉ioht tsi thetewathohesthánions ne karonhiakénseras niaʼitewatáwehiate ne Rawení꞉io rahonakeraserákon.”

Ephesians 3:17

Tánon wakaterénʼnaien ne Kerístos ne hiahatenakthónʼni ne sewerianésons taʼiahonkóton ne tewethákwen. Wakaterénʼnaien neh kwáh taiahoserénhen ó꞉ni ne ahionniáton ne kanoronkwátsera.

Colossians 2:7

Kwáh teshohsérast ne saterahshón꞉as ne raonháke, rahonháke nón꞉we nasahtiatón꞉ni, tanón kahsástet tsi tisetákwen, tsi niiesahrihonhnién꞉ni. Tanón kwáh tiatanahnónhak ne kanonweratóntsera.

Ne꞉ne Sák Rohiaton 1:12

Ronatháskat tsi niháti enhathiháwake ne tewetákwen tsi nikaríwes tehonwanaskótanis, Asèken nónen hiatenhonʼnótkawe tsi ní꞉ioht tsi enhonwanateniénten, neh tenhonateriwaserákwase natónhnhes tsi nisakorahrastén꞉ni neh Rawenni꞉io tsi niháti ne ronwanorónkwa.

1 Tiér 1:5

Í꞉se sáwenk, tsioríhwa tsi tieniahésen ne Kerístos rahónha ne raosatsʼténsera ne Rawenni꞉io kanikónrare tsi nióre iensèna kí꞉ken kaiatakeʼnhátsera. Kwáh enhiotáshionke nonàken tewenniserónthe nakwékon enhiontʼkátho.

1 Tiér 1:7

Kíʼ nahorihoténsons nehne akariwaniráton tsi thetsetákwen ne Kerístos tsi kwáh oriwí꞉io íken. Ieʼióhe nowistanóron, nónkwe eniekwéni taieríthe, neh nótsire wátston tsi watʼkénse; neh káti nahonkátsʼteke. Ehʼthó꞉ne enshèna ne karensaróntshera ó꞉ni ne kahiathaterítsera ó꞉ni ne kakweniensthátsera nentewenniseráteke nónen ne Ié꞉sos Kerístos enhathotáshion.

1 Sawátis 2:19

Nètho onkwesónha kwá iáh tetʼthonetákwenʼne nahionkiʼiatiátarase, neh tioríwa sahionkiʼiatiatarákwase; Tánon tóhkaʼ síken neh sahonkweʼtiókwa akénhake, kén kíʼ aihtewakwekónhake. Nók sahionkihiatiathontákwen neh꞉ne ahwénehne tsi kwá iáh neh sahonkwentiókwa tèken.