Matthew 7:2 - Ohiatonhseratokénti

² Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

Neh Nase Tsi Shokȣatakȣen 1880 (4 Gospels by Joseph Onasakenrat)

² Aseken, ok eh nentsiesaierase tsinensheierase; oni tsi ontsiehsatenienthase nensheiatenienthase

Matthew 7:2 ပူးပေါင်းရင်းမြစ်များ

2 Samuel 21:5

Wahonwénhase ne ronnontí꞉io, “Ne rónkwe ne shonkwaronhiakénton ó꞉ni rotenikonrón꞉nikwe nashonkwátonhte, ne káti ne kwáh tó꞉sa othenènon ahionkwanaktaién꞉take akwé tsi niwatenáskwa NIsraerʼronónke—

Psalms 109:17

Raʼnónweskwe ne tasakahonhnakáriaʼte; ánion kíʼ nateraswaksénhtsera rohiató꞉ren. Iáh tehanónswekwe nasakoiathatérisʼte; aiáwens kíʼ ne kaiatateríhtsera ahínonh nió꞉re ahontakénhake ne rahonháke.

Exodus 21:24

nʼokára, iaʼtènsʼkene nʼokára, nʼonawíra, iaʼtènsʼkene nonawíra,

Isaiah 33:1

Áh, í꞉se ne sehiatónhtha, ní꞉se iateshiá꞉ti khók iáh teiesatónhton; í꞉se nènska ne satonkwetátʼteron, iáh ónhka ní꞉se teiesathenhnínon! Nó꞉nen ensát꞉kaʼwe tsi sehiathón꞉tha, kwáh kí thó꞉ne ní꞉se eniesathón꞉te; tánon nó꞉nen ensát꞉kaʼwe tsi né saterihwahthéntsaton naʼsehiathenhnínon, kwáh kí thó꞉ne ní꞉se entsesathenhnínon.

Jeremiah 34:17

Káti ónenh, Í꞉i, ne Watiá꞉ner, enkíron tsi iáh teskwahwenhnahráhkwen; tsi iáh thaʼtetsitsihiáwi rahtiʼkwékon ne Israerʼró꞉non ne rahonaʼthawewenhnihiótshera. Kwáh ioiánereh, néki, enkwáhion naʼthatewenhnihiótshera: ne naʼthatewenhnihiótshera ne ne tsi wahterí꞉io nónhwe nenhsehwénheʼie, kannrahtharinhetsherákon, ó꞉ni naʼthonkarhiákon. Kwáh tsi niaʼteienahkerahseráhke ne tsi ionwenhtsiáte tsi enietʼtsanísehke tsi nenhʼkwahiérahse.

Jeremiah 51:24

“Tsi nenh shaʼteróhroke, kwáh ensetʼkhárhiaʼse ne Babylon ó꞉ni nonhkweshón꞉a ne Babylonia nónhwe ne tsi niwahétken tsi nishaʼkonahtiérahse nakonkwetaʼshón꞉a ne Jerusalem nónhwe,” ráton ne Roiá꞉ner.

Obadiah 1:15

Asè꞉ken ne rawenhní꞉sera ne Roiá꞉ner ó꞉nen ákta í꞉weʼs niahonatiaʼtón꞉ti onkweʼtakwé꞉kon. Tsi nihsheierá꞉se, kwáh kiʼ tho nentiesaié꞉raʼse; tsi nihseweiennó꞉ten senontsì꞉ne enská꞉raʼne.

Matthew 6:14

Aseken nentsiseȣanikonrhen tsinikon iotsinikonraksaton nonkȣe, enshonikonrhen ki oni nise tsinikon hetsiseȣanikonraksaton ne Etsiseȣaniha Karonhiake thenteron.

St. Mark 4:24

Sekon are sasakaȣenhase: ise seȣanikonrarak nonȣa kenh seȣathonte. Ok eh nentsetsiierase tsi nenhietsiierase, nok tanon nise ne seȣathonte ientsetsiioheststen.

Luke 6:38

Sheion, entsieson; akȣa oni enȣatoniententseriiohake tsi entsiesatenienthase, enȣatsioron, akȣa oni tenhiontaniraton nok sekon onȣataȣenratseke, aseken ok ki keh natentiesaierase tsi entiesatennietase tsinise nensheierase.

2 Corinthians 9:6

Sewehiá꞉rak kí꞉ken owén꞉na: “Ne tóhkara nikanénhake kenʼk ní꞉kon kaienthókwas, nok kiʼ tóka iaweʼtowá꞉nen ne kanenhaʼshón꞉ʼa wé꞉so kiʼ ienká꞉ko.”

Ne꞉ne Sák Rohiaton 2:13

Asèken ne Rawenni꞉io iáh taréneste nataniténron nónen tensakoiatórete nónkwe ne iáh teiakoienʼnataniténron; nók ataniténron iosénnies ne kaiatoretátsera.

Revelation 18:6

Thóh nonsatiéras nahón꞉ha tsi ne niiakoiérase nakorénhsons, tánon tetsá꞉ser tsi saská꞉rhias tsi ne niiotiéren ne ahón꞉ha; tétsests sénha kanekashátstet nahoriwà꞉ke kaksákon nahón꞉ha teioiéston.

Judges 1:7

Ne Adonibezek wahénron, “Iehioteratsʼton tsáta niwáhsenh niháti ró꞉tinonhtiios khetsiwehionkariá꞉kon ó꞉ni ne ronhhiakwirowánen, nes rónhneks nakatekhwaʼratieróhkon tehiótharons. Ónenh kíʼ ne Rawenni꞉io thóh nonhsahatiéraʼse tsi kíʼ nikheiérashe ne ronónha.” Jerusalem niahonwahiaténhaʼwe, thóh nónhwe iarénheʼie.

Judges 5:27

Waʼthoterónhthosthe, wahahiatiénenhne tánon washitákʼtha wahahiathakwénhtaraʼne. Tsi iatewashí꞉taien thóh waʼthoterónhthosthe tánon wahahiatiénenhne; ohontsáke wahahiatakwénhtaraʼne, rawenhehionhkówa.

1 Samuel 15:33

Ók kíʼne Samuel wahén꞉ron, “Tsi né꞉eh ne sahsarehkó꞉wa iakahonhniénhni néne konnón꞉kwe tsi iáh tahiotiwiraiéntahne, sanísten kwáh ó꞉ni iáh taiaowiraientane.” Tánon ne Samuel wahó꞉tsowe ne Agag kenkníwas rahohénton ne Roiá꞉ner thóh nón꞉we Gilgal.