Matthew 7:11 - Ohiatonhseratokénti

¹¹ Tokat nonȣa ise ne tsionkȣetaksenhokonha eh niiore tsi seȣakȣenion nʼioianere aontaietsiion ne ietsiienhokonha; okkati onte akȣat niiot ne Karonhiake Tetsiseȣaniha tsi entesakaon tsiniiakon ronȣariȣanontonni I

Neh Nase Tsi Shokȣatakȣen 1880 (4 Gospels by Joseph Onasakenrat)

¹¹ Tokat nonȣa ise ne tsionkȣetaksenhokonha eh niiore tsi Seȣakȣenion nʼioianere aontaietsiion ne ietsii-enhokonha; okkati onte akȣat niiot ne Karonhiake Tetsiseȣaniha tsi entesakaon tsiniiakon ronȣariȣanon-tonni I

Matthew 7:11 ပူးပေါင်းရင်းမြစ်များ

Genesis 6:5

Nó꞉nen ne Roiá꞉ner wahatká꞉tho tsi nihonnonkweʼtahétkenʼs nonkwé꞉shon꞉ʼa ne tsi ionwentsá꞉te, tánon ó꞉ni kwáh thotikontáhkwen tsi nihatiʼnikonhrahétkenʼs.

Genesis 8:21

Tánon nó꞉nen ne Roiá꞉ner shahoienʼkwaráhsho tsi naʼtewenserateníhonhs tsi niwenhserá꞉kon, ne Roiá꞉ner, raonhá꞉ke khók tsi wahén꞉ron, “Kwáh iáh nonwén꞉ton shé꞉kon thaonsakatkón꞉ten nonhwentsà꞉ke ne nonkwehshón꞉ʼa akorihwá꞉ke, asèkenh tsi nikarihwáksen tsi nihonnonhtónnions ne raonerià꞉ne kwáh kenʼk nentiakó꞉ionke; Iáh ó꞉ni shé꞉kon nonwén꞉ton thaonsakheiáhtonʼte ne ronnonhnhénions, tsi nón꞉wa ná꞉tiere.

2 Samuel 7:19

Tánon iekaníhare kí꞉ken tsi ken niiorihwá꞉a tsi nateská꞉nere, O Saiá꞉ner Ní꞉io; ní꞉se kwáh ó꞉ni shetahrákwen natwá꞉tsire ne ne kwáh ahí꞉non ít꞉ken neh naiá꞉wenhne. Aiá꞉wenhs kíʼ neh kí꞉ken aotirihón꞉nien nonkweʼó꞉kons, O Saiá꞉ner Ní꞉io!

Job Tánon ne Raoronhiakensera 15:16

thóh ónte ní꞉ioht tsi sénha káronh nahontasakawétakwe tsi niká꞉ien ne iakotehenserá꞉re tánon ionkweʼtahétken; tsi niká꞉ien né꞉ne iakohióthens karihahetkénhsera ranekí꞉ra ne karihwaneraháktshera tsi ní꞉ioht nohnékanos!

Psalms 84:11

Hen, ne Rawenni꞉io, né꞉ne Roiá꞉ner, rahónha ne karáhkwa í꞉ken, teshonkwáhwis ne kaswatʼthétshera tánon natónnhets. Rahónha teshonkwatiatáton, rahónha teshonkwáhnes. Teshonkwáhwis ne kanoronkwáhtshera tánon kakwenienstatserákon tsi shonkwaiénas, né꞉ne tsi niʼiákon ne iáh othènon teiakoníkon tsi iakónnhe né tesakówis ne kowánen í꞉ken ne ioiánere kaiataterítshera.

Psalms 85:12

Né Roiá꞉ner kwáh nenhné꞉e ne entʼtháhawe nahó꞉ten ne kaiatateríhtshera í꞉ken, tánon nontsionhóntsa kwáh nenhné꞉e enhiokwáts꞉thonke tsi enkaientʼwákwen.

Psalms 86:15

Ók í꞉se, Ó Sewenní꞉io, né꞉ne sanithenráts꞉kon tánon thiʼsarihwaiéri, iáh tesenakwastó꞉re tánon titkahé꞉re ne iorihwaʼtó꞉ken kanoronkwáhtshera tánon karihwaʼtokentítshera.

Psalms 86:5

Asèken ní꞉se, O Saiá꞉ner, thiʼsarihwaʼiéri tánon sehseténhras, kwáh enhiakoiénhtaʼne ne kanáh꞉non iorihwaʼtó꞉ken kanoronkwáhtsera tsi niʼiákon ní꞉seke iehionterénhnaien.

Isaiah 49:15

Ahkakwé꞉ni kén ne iónkwe ahiakohiaʼtanikónren ne iakostarónt꞉tha ieksá꞉a, khés ne iáh tawénesʼte nahontahiotenonwát꞉then nahiakoténhre ne ieksá꞉a né kwáh ahónha tsi watewiraʼrá꞉kwah nitsakawénon? Iekaníhare kí꞉ken ahónton nahiotinikónren, kwáh kí ní꞉i iáh takonhiatanikónren.

Isaiah 63:7

Kwáh enskatʼró꞉ri tsi niʼkanoronhkwahtsenhrénhaʼwe ne raoʼhioténhseras ne Roiá꞉ner, tehiotonhontsóhon ne tahiontenonweráton tsi nihó꞉ienhre ne Roiá꞉ner, tsioríh꞉wa né norihwaʼkwékon nètho Roiá꞉ner tsi nishonʼkwahtiéraʼse, tánon né teiotenonʼianíton wahatenóronste tsi kanónshoʼte ne Israerʼronónke né tsi nisakonatón꞉ni né tsoianénha né raoʼtaniténhrat, né tsoianénha né iaʼwetatsáni né iorihwatóken raonoronkwáhtshera.

Jeremiah 17:9

“Ónhka ahiekwéni naʼiakonikonhraiéntaʼne ne ónhkwe akawéri? Iáh tekáien ne ó꞉ia sénha akanikonhráhthaʼke; sóhtsi iohnonhwáktani nahonshaʼkonhwátsenthe.

Jeremiah 33:14

Ne Roiá꞉ner wahénron, “Táwe ne kawistáheks nónenh ne enkénhaʼne tsi niʼkhehiarahratsʼténni nonhkweshón꞉a ne Israeronónhke ó꞉ni ne Judah nónhwe.

Hosea 14:2

Iasewáhaf nowén꞉nas tánon rahonhà꞉ke ne Roiá꞉ner nionshá꞉sewe; tsi sewénhas, “Akwé꞉kon é꞉ren sáwit ne kanhí꞉tshera; ne tséna nahó꞉then ne ioiánere, tánon kwáh kí ienhiakwáhthate tsi nitsakwahtateriwastá꞉ni.

Micah 7:18

Ónhka ne Ní꞉io akénhake thóh nahahiatoténhake tsi ní꞉se ní꞉ioht, sehsenikónrenhse ne karihwaneraháktsheras tánon tehatkarohestháhkwa ne ratiriwanón꞉we ne iatahonathaténronke ne raonkweʼtashón꞉as? Iáh tehatienawástha ne raonhakwáhtshera ne iahokonhtakwénhake, tiorì꞉wa tsi ne rawerientí꞉iostha tsi renéstha natanitenhrátshera.

Malachi 1:6

Ne raksá꞉ʼa rokweniènhstha ne roʼníha, tánon ne rahnhá꞉tshera rokweniènhstha ne raiaʼtakweʼní꞉io. Tókaʼ kaʼníhsera ní꞉ʼi í꞉ken, káʼne kakwenienhstáhtshera tsi ní꞉ʼi naʼtewakatèn꞉tshon? Rá꞉ton ne Sakoiá꞉ner ne ratironhiaʼkehró꞉nonʼs ne tsonhá꞉ke, Oh sewatsihènhstatsiʼs, Í꞉se wesewakèn꞉ron nakhsèn꞉na. Sewá꞉ton, “Oh ní꞉ioht tsi waʼakwakèn꞉ron ne sahsèn꞉na?”

Matthew 23:9

Tosa oni onka shenatonkȣak ne kentho onȣentsiake iahniha: Aseken enskat ok Sanisen, nehne Karonhiake thenteron.

Matthew 7:10

Nok ne kentsionk enhariȣanonton oniare ontekenh henthaon?

John 3:16

Aseken ne Niio tsini sakohnoronkȣahon nonkȣe, iah tatesakohnonhianiheki nʼenskat ok roȣiraien, asakaon tosa aiahiheie tsini iakon tiakaȣetakon raonhake, ok eken tanon neh aiakoientake ne raonhake aietsenri atsennonniat.

Romans 3:19

Kén nónwa ionkwateriéntare kwáh oriwakwékon ne kaianerénsera niehéken tsi niháti ne thóh nónwe ne kaianerénsera ronastonhátie, neh akakwéni onhkwetaʼkwékon taiakótaste ne tóhsa ahonsahatirahiátakwe tánon nawéneste tsi Rawenni꞉io seh tenhaiatórete nohontsiakwékon.

Romans 3:9

Neh káti꞉ontèken, ne tewasitaerónons sénha tionʼníʼios tsi ní꞉ioht neh iáh tehatisitaeronons? Kwáh iáh! Ónenk wakenéston neh Sitaeró꞉nons tánon ne iáh tehatisitaerónons kwáh neh sahonónhʼna ratikwékon thóh non nihathiʼiatóron nahosastenserákon ne kariwáneren.

Romans 8:32

Sékon ó꞉ni neh kwáh roiénha iáh kih tehonónsthaton ne tóhsa aharoniáken, nók wahahónnien nahonthasónkwaʼne! Tsi wahshóntion neh Roiénha—iáh káti onhtèken ó꞉ni kwáh skenénstsi tsi entesóntion nohiáshon nihiorihoténsons?

Galatians 3:22

Nók nʼoriwatokénti wáton kwáh ohontsiakwékon thóh iakohiathotaréʼon ahosatsʼtenserákon ne kariwáneren; káti tsi nahóten ne Rawenni꞉io sakorahratsʼténni entesakáwen tóhkaʼ enthonwétakwe ne Ié꞉sos Kerístos.

Ne꞉ne Sák Rohiaton 1:17

Ákwe tsi nahótens ne iohiánere ne kahieʼnahwaséhtseras ó꞉ni ne tkariwahiéris karonhiáke nithewétha; Rawenniʼióke nón nithewétha, né rohsahánion tsi naʼteioswátʼthes tsi karonhiátes, raónha, ne tiókonte ne sahahiáta íken iáh ó꞉ni né tetiókaras ne takarihónni ne ó꞉ia nahonsahaʼhiathótenʼne.

1 Sawátis 3:1

Satkátho tsi niʼiawetatsáni ne Kanísera sonkwanoronkwáʼon! Tohʼnióre tsi tehiotenonnianíton ne rahononronkwátsera thóh ní꞉ioht tsi ionkihientéri Rawenni꞉io sonkwaienhokónha—tánon kíʼ kwá tóhʼkenske thoʼ ní꞉ioht. Neh kíʼ aoríwa ne ronnonwentsiakerónon iáh tehionkiʼientéri: iáh tehonwaientheráʼon ne Rawenni꞉io.

1 Sawátis 4:10

Kén kíʼ ní꞉ioht ne kanoronkwátsera: iáh neh tèken tsi atsitewanoronkwáʼon ne Rawenni꞉io, nók ne tsi sonkwanoronkwáʼon tánon thoteniénton ne Roiénha tsi nahiotónhake nahonsakanikonrén꞉en nonkwariwaneraháktsera.