Matthew 6:13 - Ohiatonhseratokénti

¹³ Nok tosa aionkȣasenni ne kariȣaneron; ehren tanon takȣariȣakȣiten ne iotaksens, aseken ise ne tsiniienhenȣe ensenakereke, kasastensera oni Kanentonsera iah takariȣentane. Amen!

Neh Nase Tsi Shokȣatakȣen 1880 (4 Gospels by Joseph Onasakenrat)

¹³ Nok tosa amnkȣasenni no kariȣaneron; ehren tanon takȣariȣakȣiten no iotaksens, asoken ise no tsiniienhenȣe ensenakereko, kasastensera oni Kanontonsera iah takariȣentane. Amen!

Matthew 6:13 ပူးပေါင်းရင်းမြစ်များ

Genesis 22:1

Shontóheste kí꞉ken nahorihoʼtén꞉shons ne Rawenni꞉io wahoteʼnién꞉ten ne Abraham; iahoná꞉ton, “Abraham!” Tánon waʼtharihwaʼserá꞉ko nʼAbraham, “Kén꞉en í꞉keʼs!”

1 Kings 1:36

“Kwáh thóh nenhiáwenhne,” tsi watharihwaʼsehráko ne Benaiah, “tánon aiáwens ne Roiá꞉ner Saní꞉io aharihwaníratsʼthe!

1 Chronicles 16:36

Tehonwaʼnonhweráton ne Roiá꞉ner, né꞉ne sakoní꞉io í꞉ken nʼIsraerʼró꞉nons, né꞉ne tsi nienhénwe tánon tsi nénhwe enkénhake. Tánon onhkweʼtakwé꞉kon ahiaiéron, “Éhʼtho niʼiáwenh.” Tehonwaʼnonhweráton ne Roiá꞉ner!

1 Chronicles 29:11

Í꞉se ne sesátsʼte ó꞉ni shaʼsatsʼtenhserowánen í꞉ken, sahiatanerákwat, iorá꞉se, tánon sanontí꞉io í꞉ken. Orihwaʼkwé꞉kon ne karonhiáke ó꞉ni nonwenhtsáke tsi í꞉se sáwenk, tánon í꞉se ne sanontí꞉io í꞉ken, né kwáh tishaʼsastenserowánen orihwaʼkwé꞉kon í꞉se tisaniaró꞉taron.

1 Chronicles 4:10

Ók kíʼ né Jabez rahonháke ne sakoʼNí꞉io Nisraeʼró꞉nons nón꞉we iahaterénhnaien, “Tatiatatérist, Sewenní꞉io, tánon wé꞉so nohóntsa táskon. Tenikweʼkónhak tánon takenóns꞉tat tsi nòkwah ne othénen karihwák꞉sen né tó꞉sa akakwé꞉ni ahonkeronhiakéntaʼkwe.” Tánon kíʼ ne Rawenni꞉io tahá꞉wen tsi nahó꞉ten wahaterenhnaiénthaʼkwe.

Psalms 10:16

Né Roiá꞉ner né꞉se Nonkwahnontí꞉io í꞉ken né꞉ne tsi nénhwe tánon iáh tsahontótʼten. Nonkweʼshónhas kwáh kíʼ éʼrenh enhiontatsatenháwite ne rahohontsáke.

Psalms 106:48

Tehonwaʼnonhweráton ne Roiá꞉ner, né꞉ne sakoní꞉io í꞉ken nʼIsraerʼró꞉nons, né꞉ne tsi nienhénwe tánon tsi nénhwe enkénhake. Tánon onhkweʼtakwé꞉kon ahiaiéron, “Éhʼtho niʼiáwenh.” Tehonwaʼnonhweráton ne Roiá꞉ner!

Psalms 22:28

Asèken ne kanontiʼiótsera Roiá꞉ner né꞉e raówenk, tánon sakokʼkoráston tsi ietarakéron.

Psalms 41:13

Tehonwaʼnonweráton ne Roiá꞉ner, né꞉ne Raotiʼní꞉io í꞉ken NʼIsraerʼró꞉non, né꞉ne tsi nénhwe enkénhake. Éhʼtho Naʼiáwenhne.

Psalms 47:2

Asèken ne Roiá꞉ner, né꞉ne kwáh tót꞉te, tsi rohiatanerákwat, ohontsakwékon tsi ronontiʼiotserowánen.

Psalms 47:7

Asèken Rawenni꞉io ne ronnontí꞉io í꞉ken nonhontsakwékon; tesewaʼríh꞉wak ne kanonweratón꞉tshera ne teierihwakwáhthas.

Psalms 72:19

Tehiontenonweráton tsi nihosenhnanerákwat né꞉ne tsi nénhwe enkénhake; wakaterénhnaien ne raohiatanerakwáhtshera ne akananón꞉hake nohontsakwékon. Éhʼtho naiáwenhne tánon éhʼtho naiáwenhne.

Psalms 89:52

Tehonwaʼnonweráton ne Roiá꞉ner né꞉ne tsi nénhwe enkénhake. Eʼthohʼnenhiáwenhne eʼthohʼnenhiáwenhne.

Exodus 15:18

Í꞉se, Saiá꞉ner, kwáh ensanontí꞉ioʼke tsi nienhénwe ó꞉ni tsi nènhwe.”

Proverbs 30:8

Tóhsa aonkenowénhake, tánon tóhsa aonkkwatshéhake tóhsa ó꞉ni aonkiténhton. Thok ní꞉kon aontáhskon atenná꞉tshera tsik ní꞉kon teiotonhwentsóhon.

Jeremiah 15:21

Kwáh enkonhniákente tsi nòkwa ne rahotishastsʼténseras ne ionkwetahétkens ó꞉ni ne ratinahthakárias. Í꞉i, ne Watiá꞉ner, wakatáhti.”

Jeremiah 28:6

“Ioneráhkwaht! Aiáwens ne Roiá꞉ner kwáh kí꞉ken éhtho nenháiereh! Kwáh kaskáneks tsi niesharihwáhken kwáh orihwí꞉io aónton tánon tahonthaháhaʼwe akwékon ne Babylonia nón꞉we ne Ononhsatokentiʼkówa ahotsiokowáhtseras ó꞉ni onhkwetahkwékon ne iehonwahtihiaténha nahonwatiʼnhóton.

Daniel 4:25

Eniesanakerákwahte tsi nón nihón꞉nes nonkwehshón꞉ʼa tánon kontírio skátne entsiʼsewakwekonhatié꞉sheke. Tsá꞉tak niiohserá꞉ke óhonte khók ensesékʼsheke tsi ní꞉ioht ne teiotiná꞉kares tionhónskwaront ó꞉ni kenʼk nón꞉we tsi iówerare non nenhsanonhwétsheke, thoʼ ó꞉ni nón꞉we nensaʼáweiahste. Tsi niaʼtenhsókten ne tsá꞉ta niiohserá꞉ke enhserihwahní꞉rate ne kwáh Roʼshatstenhserowá꞉nen Rawenni꞉io tehshakoniarotárhon onkweʼtakwé꞉kon tsi nón꞉we ne kanontiioʼtsherakéron tsi ionhwentsià꞉te tánon ó꞉ni kwáh thenhanónhton ónkha ahshakoiaʼtará꞉ko naiontenontí꞉iohste.

Daniel 7:18

Eʼthó꞉ne ne raonkweʼtaʼshón꞉ʼa ne Roʼshatstenhsherowá꞉nen Rawenni꞉io enhatiié꞉na ne kanontiióʼtshera aoʼshatsténhsera ó꞉ni tsi nén꞉we enhonatienawaʼáhston.”

Numbers 5:22

Aiáwens kí꞉ken onékanos senekwénhtakon niáwe tánon ne akarihónhni naʼsatenekwénto tánon ne sheniʼtshake nahonkʼtóhkerihke.” Ne iónhkwe tsi tenhkarihwasehráko, “Waʼkerihwanónhwene; aiáwenhs ne Roiá꞉ner thóh nihá꞉ier.”

Matthew 26:41

Seȣatieȣaten nok seȣaterennaien ne tosa aeseȣanikonrasenni: Aseken kaiatasnore nonikonra nok ioiatakenheion noȣaron.

Matthew 28:20

Ietsirihonnien naieriȣanoronkȣake, aionteȣeienton oni tsinikon Kȣarihonte, nok tiotkon enteȣakȣekonhatie tsiniiore ienȣatonȣentsiokton. Amen!

Matthew 5:37

Neok tanon kenhak ne saȣenna: enh, enh, iah, iah; aseken nisinonh kariȣaksen.

Matthew 6:10

Aiesaȣenniiostake! aiesaȣennarakȣake nonȣentsiake tsinitiot ne Karonhiake tiesaȣennarakȣa.

John 17:15

Iah neh tekonnekennitha ne taonsaseiatakȣe nonȣentsiake, seiatanonstat tanon tsini iakokaronniatha.

1 Corinthians 10:13

Kwáh tsi nihioriwáhke shariwahienteréhʼon naieshateniénten kwáh thóh niʼiorennáhon tsi iakohiathóh꞉rens nónkwe. Nók ne Rawenni꞉io rateweiéntons ne raorahrátshera, tánon iáh tahiaríhon naieshatenikonrátkense niahontóhetsthe tsi nishasatsʼténsera ne ahiotátere tsi nishahiataníron; tsi nikaháwi wahieshatenikonrátʼkense, éntʼion ne kashatsʼténsera ne iatasótʼten, tánon káti enhiasniénon nahonshasatotarísi.

1 Corinthians 14:16

Nónen tentienonwehráhton ne Rawenni꞉io kwáh nék khók iéken ne satónnhets, onh ní꞉ioht tsi aiekwéni ne thiʼkénhak nónkwe né skátʼke sewatʼkenníson nahiaiéron “Éhʼtho niʼiáwen” ne shaʼterennaientatsheráhkon ne kanonwehrahthóntshera? Kwáh iáh tahóten tehonahteriéntare tsi nahóten sáhton.

2 Corinthians 1:20

Kerístos akwé꞉kon “Hen” niehé꞉ken tsi ní꞉kon rohrharátston ne Rawenni꞉io. Ne aorì꞉wa raónha ne Kerístos sonkwahró꞉ris “Eh tho neniá꞉wen.” Nok ní꞉ʼi entewèn꞉ron tho raoiaʼtanehrakwáhtshera ne Rawenni꞉io.

Galatians 1:4

Neh nahónton kwáh skénnen ahonsashonkwátʼkaʼwe tsi nikariwáneren nónwa nikaháwis, Kerístos iaʼtehahiáti iahatatátʼkaʼwe waharonhiáken nonkwariwanerahákʼtsera, wahatewénnaraʼkwe tsi nithonikonró꞉ten nonkwaNí꞉io ó꞉ni Sonkwaníha.

Deuteronomy 8:16

Ne iahonwentsathèn꞉ken nón꞉we wahiá꞉nonhthe, né꞉ne kákhwa ne iáh nonhwenton ne ietsisotʼthonkonhkenʼen tehó꞉nekon. Thatsisewatenié꞉then ne karonhiá꞉kensera natsisewatenién꞉ten, ne káti ne tsi ieiotót꞉the nahónton natsisewahiathatéristhe né꞉ne kwáh ioiáneres nahoténsonhs íken.

Deuteronomy 8:2

Sewehiárak tsi ní꞉ioht ne Roiá꞉ner sewaNí꞉io tsi waʼtsisewahéntenhse ne kí꞉ken iohá꞉hes ne iathitsótkaʼwe ne iahonwentsathèn꞉ke ki ne kaié꞉ri niwáhsen nihioserá꞉ke iotohétston, iatsisewateniéhten nahisewariʼwanorónhsten ne natsisewateʼniénte, ne nahónton nahoterienʼtarà꞉ne onhnahisewátiere tánon kaʼshí꞉ken ensewatewén꞉naraʼkwe kén ne rahoriwatà꞉tsheras.

1 Thessalonians 1:10

tánon nahonwahteráh꞉rathe ne Roiénha karonhiáke nahontáre—né꞉ne Roiénha Ié꞉sos, tsi nikáien sohkétskwen ne kenheiát꞉ne tánon sasonkwaniákente tsi nòkwa ne Rawenni꞉io rahonakwátshera ne táh꞉we.

2 Thessalonians 3:3

Nók kíʼ ne Roiá꞉ner rorihwahtóh꞉ken, tánon enhiashatsténseron ó꞉ni enhiaiatanónstathe tsi nòkwah ne Ranesonrónon.

1 Timothy 1:17

Raonháke ne ronnheʼónwe Ronontí꞉io, tsi nénwe tánon iáh tehohiatáken, raonhatsíwa ne Ní꞉io—raónha tahonwarénsaron ó꞉ni kahiatanerakwátsera tsi nenwe! Éhthoh naiáwen꞉ne.

Hebrews 11:36

Ótiakes tahonwahtiʼiéron ó꞉ni ókwire wahonwahthinonwáhreke, tánon ótiakes ó꞉ni waʼthonwatironkwahsánahke tánon tsi tiontatenothónkwah niahonwahthihiaténhawe.

1 Tiér 5:8

Sathateweiennentahónhak, thasaráhrek! Ne iáshons, ne ótkon, tehathawénries tsi ní꞉ioht ne kénreks, thoʼhatʼthónties ónhkat asakowéntho.

2 Tiér 2:9

Tánon káti ne Roiá꞉ner rohteriéntare onní꞉ioht tsi ahsakonónstate ne rohtiniʼioseráien tsi ní꞉ioht tsi tehonwanaskótanis ó꞉ni tsi ní꞉ioht tsi ensakorewátake ne ionkwetahétkens kwáh tsi nióre Entewenníseráh꞉teke ne tenhonwatihiatórente,

1 Sawátis 3:8

Ónka ieniontasónteren naieriwánerake ranesonrónon rahonkwéta, asèken ne ranesonrónon kwá tsitiotásawe thoriwáneren. Ne neh kwá ne aoriwáke tsi tawénon ne Rawenni꞉io Roiénha, ne nahariwáthonte tsi nihoiéren ne ranesonrónon.

Revelation 1:18

tánon ne kónhne. Wakihé꞉ionhne, tánon satkáto, shón꞉nhe ne ne tsi nén꞉we enkénhake tánon tsi nienhénwe; tánon í꞉i ítkhawe nahonontónhkwa ne kenhé꞉ion tánon ne tsi tionhontsá꞉ien ne kenhé꞉ion.

Revelation 19:1

Ne tionhnonteratsetá꞉ne onkathón꞉teʼne kwáh né꞉ne iotsarókwen thóh karonhiá꞉ke, rontón꞉nions, “Teonwanonwerá꞉ton Ní꞉io! Kaiatakennhátsera tánon kaiataneráhkwatsera tánon kaʼshatsténhsera raó꞉wenk nón꞉kwa Ní꞉io,

Revelation 19:4

Tánon ne tewáhsen-nihá꞉ti ratiretsá꞉rons tánon ne rononhénion wahatiiatsenénhne tánon wahonwashén꞉naien Ní꞉io raón꞉ha renskó꞉te nanitskwá꞉rane, rontón꞉nions, “Eʼtho naiá꞉wenhne. Teonwanonwerá꞉ton Ní꞉io!”

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Revelation 21:4

raón꞉ha kwáh tsi niateiokaserá꞉kes tsi enshakokaseró꞉kewe. Ne kenhé꞉iat iáh tahonsakaién꞉take; naiontiónhnion tánon ne taionsénhto ó꞉ni naieronhiá꞉ken iáh taonsakaién꞉take, asè꞉ken ne tsionatserénhton ionatohéston.”

Revelation 3:10

Tiorì꞉wa ní꞉se tsi satienawátston nakewén꞉na ne ioʼnikonhkátste tekawishátste, Ní꞉i kwáh enkonhnónsthate nó꞉nen enwá꞉we ne tsi nikawistá꞉hets né꞉tho taionhnikón꞉raren tsi nontaiawenonhátie ohontsakwé꞉kon ne nahiakoteʼnién꞉ten ne ronhnonhontsakeró꞉nons.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Revelation 5:13

Ethò꞉ne onkathón꞉teʼne kwáh tsi niatehá꞉ti ne rononhné꞉nion thóh karonhiá꞉ke ó꞉ni nonwenhtsá꞉ke ó꞉ni ne ná꞉kon tsi ionwenhtsá꞉te ó꞉ni ne kaniatarakeʼkowáhne, tanon ratikwé꞉kon né꞉tho nón꞉we nihathì꞉teron, teonwarihwákwahse, “Tsi niká꞉ien ne thóh renskwáhere nanitskwaráhne ó꞉ni raonhà꞉ke ne teiotinaʼkaronhtón꞉ha owí꞉ra ne naonwashén꞉naien ó꞉ni taonwarénhsaron ó꞉ni rohiatanerákwat ó꞉ni roshatstenhserá꞉ien né꞉ne tsi nienhénwe tanon tsi nén꞉we enkénhake!”