Matthew 5:5 - Ohiatonhseratokénti

⁵ Iakotaskat nʼok tiiakaȣeron iaȣeronhatie; aseken akoȣenk enȣaton nonȣentsia.

Neh Nase Tsi Shokȣatakȣen 1880 (4 Gospels by Joseph Onasakenrat)

⁵ Iakotaskat nʼok tiiakaȣeron iaȣeronhatie; aseken akoȣonk enȣaton nonȣonlsia.

Matthew 5:5 ပူးပေါင်းရင်းမြစ်များ

Psalms 147:6

Né Roiá꞉ner sesakokétswas ne tehiontonhnakárias; ne hionkwetahétkens ohontsáke iesakoiatónhtses.

Psalms 149:4

Asèken ne Roiá꞉ner ronwatsenhnonhniathénhnis ne rahonkwetaʼshón꞉has; shaʼkokweniénstha tsi niʼiákon ne éʼtake ionhtatónhnis ne teshakówis natesenhniétsera.

Psalms 22:26

Né iakó꞉then kwáh thenhiontskáon tánon enhiakó꞉tane; tsi nihiákon ne ronwahiatísaks kwáh thenhonwaʼnonweráton ne Roiá꞉ner. Aiáwenhs ahitiónnheke tsi nénhwe enkénhake!

Psalms 25:13

Né Roiá꞉ner tiotʼkonhónwe tsi ensahkohiataterístonke ioiánere tsi aʼhonnónnheke, tánon ne sakotiʼiohokónhas enhonhnonhontsaiénthake.

Psalms 25:9

Sakohéntenhse né tá꞉ke ionhtatónhnis tsi nón꞉we ne nahó꞉ten tkarihwaiéri, tánon sakorihonhniénhnis ne tá꞉ke ionthatónhnis né raohá꞉a.

Psalms 37:11

Ók kíʼ ne iakonikonhrí꞉io akó꞉wenk enwáʼton nonwéntsia, tánon kí ne enhontaterientí꞉iosten ne iawetowánen í꞉ken kakwaséhtsheras.

Psalms 37:22

Tsi niʼiákon ne Roiá꞉ner shakoiatateríston enhonawenkhónweke nowéntsia, nók tsi niʼiákon ne shakorewáhton kwáh kíʼ nenhné꞉e enhonwaʼnátonhte.

Psalms 37:29

Ók ne tionkwetaiéri enhonawenhkhónhweke nenhné꞉e nonwéntsia tánon tsi nénwe tsi éhtho enhatiʼnákerehke.

Psalms 37:34

Roiá꞉ner nòkwah shariwahnirónhak tánon shatewénhnarak ne raotiawenráhtshera; enhiakwéniensthe tsi éntʼthion nonwéntsia, tánon enshé꞉ken ne rotiʼriwahneraʼákskon tsi enhonwaʼnátonhte.

Psalms 37:9

Asèken ne ronhnonkwetahét꞉kens kwáh kíʼ nenhné꞉e enhonwaʼnátonʼte, ók tsi nihiákon ne Roiá꞉ner thonwethákwen kwáh kíʼ enhontsatakweʼní꞉ioste nonwéntsia.

Psalms 69:32

Ánion ne ionhthateronhiakéntha iontʼkátho tánon ionhthonnáren; í꞉se ne tsi sewaʼhiatísaks ne Rawenni꞉io, sasehwaʼnikonhranírah.

Isaiah 11:4

ók Karihwakwarihshionʼtsherákon tsi kwáh tensakoiatórehte ne iakóten, tánon thenhaiatóreʼte kwáh sathenhiotónhake ne tsakorihwaiéri ne tsi ionwenhtsáte; kwáh ne enhaiénte ne tsi ionwenhtsáte ne kánia rohnón꞉te tsi rasakarón꞉te, tánon né tsi nihatón꞉ries ne raskwenhtàke kwáh ensakononwarákon ne ronhnonkwetaʼhétkens.

Isaiah 29:19

Né tiʼiakawé꞉ron iaweronhátie enhieiéna náse atonhnarát꞉tshera rahonhàke ne Roiá꞉ner, tánon ne kwáh iakotenhténion nonkwehókons kwáh kí enhiontonhnáren rahonhàke tsi nikáien ne Roiatatokénti khók í꞉ken ne Israerʼronónke.

Isaiah 60:21

Né shonkwetaʼshónhas kwáh kí enotiʼiánereʼke; kwáh enhontiénawasʼte nonhóntsa né tsi nénhwe enkénhake. Ronónha né tehiorenhá꞉ron í꞉ken ne watsiénthon, né naoʼhioténhsera ne katshanáke, né kí nahón꞉ton ahiontiaʼtanerákwahte.

Isaiah 61:1

Ne Raoshatsʼténhsera ne Roiá꞉ner Rawenni꞉io onhtiaʼtórenhne, tsioríhwa ne Roiá꞉ner tsi ratiaʼtarákwen; thaʼkateniéton nahontátʼkhawe ne karihwí꞉ios rononhá꞉ke ne ronwatiʼwí꞉shaton, nahonshakhétienhte ne teiakawerhiaʼsaríhon, naʼkerihowanátenh natatewenhniʼiósera rononhá꞉ke ne ratinhó꞉tons, tánon nahonsahonwahtiʼnhotónhko ne ratiʼnhó꞉tons;

Zephaniah 2:3

Tsi sewahiatí꞉sak ne Roiá꞉ner í꞉se seweriasí꞉ios ne tsi nionhontsá꞉te, ronónha ratísehre ne raorihwataʼtsheras; sewésak ne karihwakwahrihsónhtsheras; sewésak ne skén꞉non nonhtié꞉rek kwáh enietsihiataséhte nenhtewenhniseráteke ne Roiá꞉ner.

Numbers 12:3

Ne Mahís kwáh íken tsi tiókonhte ronitenhthonháties, sénha rahónha roʼnitenhtónhakwe tsi ní꞉ioht nónhkak akóren ne tsi hiohontsáte.)

Matthew 11:29

Seȣatketat nakȣatientaniakt, seȣariȣaienterhann oni tsi teȣakeriȣaieri oni keriasiio, oni enseȣatsenri aotorisensera ne seȣatonnhests.

Matthew 21:5

Ietsirori ne Sion-ronon Seȣenron: Onen tare ne Ianontiio ȣatonsere Kenseri tahose.

Romans 4:13

Rawenni꞉io rhorahrastén꞉ni ne Abraham tánon ne sakotereʼonkónhas ronónha rahonáwenk watónsere tsi ionwentsiáte, Ne karahratsthátsera tsi iothéson, iáh neh tehiorihónni ne Abraham tsi ratewennarákwaʼkwe ne kaianerénsera, nók neh iorihónni ne tsi tawethákwenʼne ne Rawenni꞉io ó꞉ni wahonwakwéniensʼte tsi síken ní꞉ioht nahothonkwetakwarísion.

Galatians 5:23

tiakoriwaiéri, akahóna tiakoniarótaron. Iáh tahóten tekaianerenseráien nahiotʼkónten kí꞉ken nahorihóten.

Ephesians 4:2

Tóhsa sewatatonníhek, tasewariwaiérik, tánon sewanikonkátstek. Sewénest ne sewanoronkwátsera ne tsi ietʼtsiʼiatenikonriʼióston nakorénsons.

Colossians 3:12

I꞉se ne Rawenni꞉io rahonkweʼtashón꞉a; wahʼhianó꞉ronkwe tánon waʼhiaiatará꞉ko ne rahonhatsí꞉wa rahonkwè꞉ta ahsáton. Kwáh káti, ó꞉nenk tsi ne ensewahiatóronke ne weriasí꞉io, ahontesewariwahié꞉rike, ataniténron, tóhsa sewahní꞉ronk, tánon sewahnikonkástet.

1 Timothy 6:11

Onk kíʼ níse, Rawenni꞉io rahonkwéta, satsiatatískwak akwékon kíʼ nahorihoténsons. Sewaskènha ne karihwakwarihshióntsera, karihwiʼióston, tewetákwen, kanoronkwátsera, taiewisátstheke, tánon weriasí꞉io.

2 Timothy 2:25

tsi thoriwaiéri tsi nensetakwaríshion ne iesáswens, tóhkaʼ nónwa ne Rawenni꞉io sakotehsennáwis nahonsahontatʼréwathe ó꞉ni nahathiʼientéraʼne ne oriwiʼhioʼónwe.

Titus 3:2

Ietʼtsiróhri ne tóhsa thènen ne wahétken ahsakonénhase nónka hakénhake, nók saktakénhake ó꞉ni ahonterohserihióhake, tánon tiotkonʼónwe skénnon hakénhake tsi nihonnonʼnóten tsi natehóntereh.

Ne꞉ne Sák Rohiaton 1:21

Kwáh káti akwékon éhren sháwit tsi nahótens ne tehioweienʼnátsions ó꞉ni akwékon nahótens ne kariwahétkens. Rawenniʼióke nòkwati niaháse tánon tiéna nowennasónhas tsi nihaiéntos ne seriá꞉nes, né꞉ne iokwénion ahonsehsaniákente.

Ne꞉ne Sák Rohiaton 3:13

Ónhka kén tsi nítion naihsewatʼthókake ó꞉ni ahisewanikonraientáseke? Né seriwanírat tsi niʼioiánere tsi nishón꞉ne, tsi nikahiotenserí꞉io sahiotén꞉en né tsi nithisariwaiéri ó꞉ni sanikonraientáskon.

1 Tiér 3:15

Nók tsi sewasénnaien ne Kerístos ne seweriáne, tánon tsi sewakwéniens tsi Roiá꞉ner. Kwáh tiókonte tsi sewatateweiennentahónhak ne ónhka taientʼtsiriwaserákwaʼse tánon naietʼtsinikonraientáten tsi rahonháke nónwe nikáien ne sewarahrátʼtsera.

1 Tiér 3:4

Kék khók, ne sonkwetihiótsera neh akénhake tsi kwáh nisonkwetóten, ne iáh tatewathatáwis hiontʼkatotserí꞉io ne tiakoriwaiéri saktíken tsi iakónnhe, neh nahonhá꞉a tkanóron ó꞉ni tkhoʼwánen ne rahohénton ne Rawenni꞉io.