Matthew 4:4 - Ohiatonhseratokénti

⁴ Iesos tontahoȣennaȣeron, nok ȣahenron: Kaiaton: iah kanatarok ok tenronnhekȣen ne ronkȣe, nese oni tsinithaȣenninekens ne Niio,

Neh Nase Tsi Shokȣatakȣen 1880 (4 Gospels by Joseph Onasakenrat)

⁴ Iesos tontahoȣennaȣeron, nok ȣahenron: Kaia-ton: iah kanatarok ok tenronnhekȣen no ronkȣe, nese oni tsinithaȣenninekens ne Niio,

Matthew 4:4 ပူးပေါင်းရင်းမြစ်များ

Exodus 16:15

Nónen ne lsraerʼró꞉nons sahontkáto, iáh tehonahteriéntare nahó꞉ten nènhneʼe tánon wathontateriwanonhtónhaʼse, “Nahó꞉ten thí꞉ken?” Mahís wasakawénhaʼse, “Né kí꞉ken ne káʼkhwa ne Roiá꞉ner thaʼtsition nahisewá꞉ke.

Exodus 16:35

NʼIsraerʼró꞉nons né꞉ne kaiéri niwáhsen niioseràke nikaríwes né wahonhné꞉ke, tsi nióre iahónhneʼwe ne tsi wathonwenhtsáʼien ne Canaan, tsi nónhwe nahonthaʼtíteron. (

Exodus 16:8

Ethòne ne Mahís wahénron, “Kwáh seh Roiá꞉ner enteʼtshítion nowáhron nahísehwake nʼokarasnéha tánon kwáh tsi níkon tesewatonwenhtsóni ne kanátaro noronhkène, tsoríwa tsi wahoʼthóntene tsi nisewariwakátenʼen tsi nókwah ne rahonhàke. Nó꞉nen ensewariwakathate nonhkenonhàke, kwáh seh rahonhàke ne Roiá꞉ner sewariwaká꞉tats”

Exodus 23:15

Tsi niwenhnítes ne Abib, né wenhnitarákwe shaʼthontesewahiáʼkenhne ne Egypt, sewatenikonhró꞉ri ne katkhwáhere ne iáh tewatʼthenkwáhton kanátaro né꞉ne tsi ní꞉ioht tsi kwanháhon. Tó꞉sa othènen sewanáhtarak ne takaiéstonke ne iontʼtenkwáhtha tsi nikaríwes ne kí꞉ken tsáta nónhta kaʼkhwáhere. Tó꞉sa nonhwénhton tásehwe naskwasénhnaien ne iáh othènen tástsion.

Matthew 15:11

Iah se neh tehoiatakhsatha tohokaronniatha oni ne ronkȣe tsi nahoten rennekȣanons, neh tanon tsinikon tkaiakens tsi rasakaronte neh roiataksata oni rokaronniatha.

Matthew 4:10

Nok tanon tontahenron ne Iesos: ehrenset, satkonseraksen! Aseken kaiaton, tsi entsennaien ne Roianer, ia Niio, raonha ok oni hentseȣenniiostake.

Matthew 4:7

Iesos tontahaȣenhase: Kaiaton nah oni: Tsi iah tatatsenikonraseren ne Iaianer, ia Niio.

St. Mark 7:20

Ratonhakȣe kati, neso roiataksata tsinitkaiakens ne raonhake.

Luke 4:12

Tontahenron ne Iesos: Sekon are neneh kaiaton: tsi iah tatsenikonrotako ne Iaianer oni Ianiio.

Luke 4:4

Tontahaȣennaȣeron ne Iesos, nok ȣahenron: kaiaton tsi iah kanatarok ok taronnhekȣen ne ronkȣe, henronnhekȣen oni ne Niio Raoȣenna.

Luke 4:8

Tontahenron ne Iesos: Ehren iset Satkonseraksen! Aseken kaiaton ne ȣaton: saiatat ok ne Niio Raȣenniio hentseȣenniiostake, nok raonhaa hentseniahesenhake.

John 15:26

Nok tanon nonen henraȣe ne Sakohnikonriiosta, nehne Rakenineha enthiiatenniete, nehne Ronikonriioston, Rakenineha oni thoientakon, raonha enhakeriȣaniratse.

John 6:63

Kanikonra se iakaonnhests nok noȣaronk iah neneh othenon tekastak: kehiken nikaȣennoten kȣaroris neh nakȣa aoskon kanikonra oni ionnhe.

Romans 15:4

Kwáh tsi niateioriwáke kaiatónnion nohiathonseratokentíke neh kahiathónkwen naionkwariʼhónnien, ehnaʼontáwe nonʼtiérenk aionkwarahratieraiéntaʼne tsi nitsionkwáwis noriwatokénti naionkwanikonkátsʼteke tánon ó꞉ni ionkwaretiárons.

Ephesians 6:17

Tánon tsiéna ne kaiathakenátshera tsi shíken ní꞉ioht nanónwaroreh, tánon tsi nitʼthiáwis ne Rohnikonriʼióston ne Rawenni꞉io rahowénʼna kwáh thóh ní꞉ioht kwáh nehne asarekówa.

Deuteronomy 8:3

Tsi nió꞉re tsi waʼtsitionhkarià꞉the, tánon ethò꞉ne kákhwa thatsí꞉tson nahí꞉sewake, né꞉ne kákhwa ne ietsisoʼthonkonhkén꞉en iáh nonhwénton tehoné꞉kon ne tiotierénhton. Ne ki aorí꞉wa thóh nahá꞉iere ne naʼtsisewarihón꞉nien né꞉ne tó꞉sa ki kákhwa kók sewaniahesénhak nahitsónhetste, ók né꞉ne kwáh orihwakwé꞉kon tsi nahoʼténhsons ne Roiá꞉ner ratón꞉nions.