Matthew 4:15 - Ohiatonhseratokénti

¹⁵ Tsi ȣatonȣentsiate ne Zabulon oni ne Nephtali tsi ȣahohatatie ne teioniataroien, isinonkȣati ne Jourdain, nehne Galilé niah teiakoriȣiioston.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁵ Tsi ȣatonȣentsiate no Zabulon oni no Nephtali tsi ȣahohatatie ne teioniataroien, isinonkȣati no Jourdain, nehne Galilé niah teiakoriȣiioston.

Matthew 4:15 ပူးပေါင်းရင်းမြစ်များ

1 Kings 9:11

Né Ronhnontí꞉io Hiram né Tyre nónhwe tahotkáwaʼse akwékon nonenhthakwénhte ó꞉ni nonénhtas ohkonhré꞉tsas ó꞉ni akwékon nowistanórons tsi natahotonhotsoníhake tsi ahohióten. Nó꞉nen nakwékon sonhtésa, Ronhnonhtí꞉io Solomon tewásenh nikanáthakes wahá꞉wen ne Hiram né꞉ne tsi watonhontsáien ne Galilee nónhwe.

2 Kings 15:29

Kwáh tsi nikaríhwes ne Pekah ronnontí꞉iokwe nètho Tiglath Pileser, né ronhnonhtí꞉io ne Assyria, wahatiénawaste ne kanatowánens ne Ijon, Abel Beth Maacah, Janoah, Kedesh, tánon ne Hazor, ó꞉ni ne raoʼtinakeráseras ne Gilead, Galilee, tánon ne Naphtali, tánon Assyria niashakoiatenháseron nonkweʼshón꞉as tsi ní꞉ioht ne ratinótons.

Isaiah 9:1

Ók iáh kíʼ tahontahiakohkárawe nakahonháke tsi niʼiákon ne iakohnikonrahronhiákenhkwe. Ne tsi nitsiotohétston taháhawe wahanontánake ne tsi ionhontsáien ne Zebulun ó꞉ni ne tsi ionhóntsaien ne Naphtali, ók tsi niahawenonhátie kwáh kí ne enhrón꞉niate nahionerakwahtón꞉hake tsi niahawenonhátie ne kaniatarakekówa, ne ne í꞉se nokwáti ne Jordan, thóh nón꞉we Galilee ne ne ronhnonʼhontsakerónons.

Matthew 4:13

Ehren oni Sarete ne Nazaretne, Capernaiim niionsare eh ionsahatien, kaniatarakta kanataien, tsi tetiatonȣentsianekhenhatie ne Zabulon tanon Nephtali.

Matthew 4:14

Ne are nehne niakaierite tsi nihatonhakȣe ne Rotokensehakȣe Esai, raton.

Matthew 4:25

Nok kentiokoȣanon tahonȣanonteratiete ne Galilé, Décapolis, oni ne Jerusalem, Judée, nok oni nisinonkȣati ne Jourdain.

Luke 24:27

Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.

Joshua 20:7

Káti nonhkweshón꞉as ne Israerʼró꞉nonhke iá꞉iak nikaná꞉thakes wahonthaterákwahse, áhsen nikaná꞉thake né꞉ne tsi iaʼtewatsénhtos nòkwah ne Jordan Kaniataratátie né꞉ne Kedesh né꞉ne Galilee nón꞉we, ne tsi ionhniarónhnions kanakerahseraké꞉rons né꞉ne Naphtali; Shechem, ne tsi iononhtharónhnions ne kanakerahseraké꞉rons né꞉ne Ephraim; tánon ne Hebron, né꞉ne tsi ionhniarónhnions kanakerahseraké꞉rons ne Judah.

Joshua 21:32

Ne tsi kanakerahserá꞉ien ne Naphtali áhsen nikaná꞉thakes kanatowá꞉nens thonwaná꞉wi: né꞉ne Kedesh ne Galilee nón꞉we, eʼí꞉kare ne watenhenrowá꞉nens tsi ronhwatiʼteronhtáhkwa rahotiʼtshenenhó꞉kons (ne ná꞉re nénska ne kanatowanénhke ronhthasetháhkwakwe ne sohnaterihwatewá꞉tons), ó꞉ni ne Hammoth Dor, tánon ne Kartan, eʼí꞉kare ne watenhenrowá꞉nens tsi konhwatiʼteronhtáhkwa ne rahotiʼtshenenhó꞉kons.