Matthew 26:28 - Ohiatonhseratokénti

²⁸ Aseken neh kehiken nakenekȣensa, neh nonekȣensa nʼase Kariȣaniraststakȣen, kentiokoȣanen iontatenekȣensarise, naonsonterakeȣate tsi iakoriȣaneren.

Neh Nase Tsi Shokȣatakȣen 1880 (4 Gospels by Joseph Onasakenrat)

²⁸ Aseken neh kehiken nakenekȣensa, neh none-kȣensa nʼase Kariȣaniraststakȣen, kentiokoȣanen iontatenekȣensarise, naoiisonterakeȣate tsi iakoriȣa-neren.

Matthew 26:28 ပူးပေါင်းရင်းမြစ်များ

Jeremiah 31:31

Ne Roiá꞉ner ráton, “Táh꞉we nenníseras nónen á꞉se enshekheʼhiónnien naʼterihwahsheronniátshera ne onhkweshónha ne Israeronónke tánon né onkwesónha ne Judah.

Leviticus 17:11

Ne tsi konhnónhnhe ne kwáh tsikʼniatekónhti onekwenhsáke nónhwe nikonhnónhnhe, tánon né kíʼ ahoríhwa ne Roiá꞉ner rotenhnáhon kwáh akwékon nonekwénhsa ietsienharákwahke ahonthonwerónhtake né nahéren ahonsakahawíthonke nonhkweshón꞉as akorihwanerahák꞉tsheras. Nonekwénhsa, né natónhnets, é꞉ren kahawítha ne karihwánerens.

Zechariah 9:11

Ne Roiá꞉ner ráton, “Ne aorì꞉wa ne tsi iontiateriwahserón꞉ni ne tehionehtorará꞉kon nonhekwénhsa ne karihwiiosehokón꞉as, kwáh ensetʼkhehiathatewenhní꞉ioste ne shonkweʼtahshón꞉ʼa— setʼkhehiakháwenh ne shonkweʼtahshón꞉ʼa ne tsi ronwathinhotónkwe nákʼthe nón꞉we tkanakerahserá꞉ien, ne tsi iontahtenhothónkwa thóh ní꞉ioht thónʼne tsi ní꞉ioht ne iáh tahkanhekóhkwe nhosonwáhkon.

Matthew 20:28

Tsi ki niiot, nʼOnkȣe Roienha, iah neh tehaniente nahonȣakonnienste; asakokonnienste tanon, nok oni kentiokoȣanen asakaȣenheiase.

Matthew 26:27

Katse oni tonsarakȣe nok ȣahaiatateriste, iashakaon, ȣahenron: seȣakȣekon seȣanekira.

Matthew 26:29

Onen kati ȣakȣarori tsi iah sekon taonsaknekira nonenharakeri tsiniiore ienȣatenniseriheȣe entsiteȣanekira raonakeraserakon ne Rakeniha.

Matthew 6:12

Sasanikonrhen ne ionkȣariȣaneren tsi niiot nii tsionkȣanikonrhens nothenon ionkhinikonraksata.

St. Mark 1:4

Karhakon sakohnekȣahestakȣe ne Saȣatis, nok Sakoretsiaronskȣe naonsaiontatreȣate oni aonsaiakoterakeȣase ne Kariȣaneren.

St. Mark 14:24

Nok ȣahenron: neh kehiken nakenekȣensa, neh noriȣase onekȣensa skakȣatakȣaton, oni kentiokoȣanen iontatenekȣensarise.

Luke 22:19

Ethone onen kanatarok saharako, ȣahaiatateriste oni neneh, ȣathaiake, tasakaon nok ȣahenron: Neh kehiken nakieronta ne iestsiiateȣentetase; eh naseȣaier nii akeiaratserakon.

Luke 22:20

Etho oni neneh nahaiere ne kastse nonen sahatikkȣentane, tasakaon, ȣahenron: Kehiken kastse neh nase tsi kakȣatakȣen akonekȣensake ne oni ne ietsinekȣensarise.

Romans 5:15

Nók kíʼ teʼnihiáse thaténite. Asèken neh Rawenni꞉io iáh nènʼne thènen tehakaráiens, iáh tsi ní꞉ioht ne Á꞉ton rahoriwaneraháktsera. Kwáh oriwihioʼónwe ronatiokowánen rohnenhéion neh iorihonníʼon ne thóh sahiata rahoriwanerahákʼtsera. Nók kíʼ ne Rawenni꞉io rahoténrat sénha ne kasátste, tánon kíʼ ó꞉ni tsi iáh thènen tehiokaráien kwáh iakotiokowánen nonkwesónha rahonháke niehiakawénon, ne Ié꞉sos Kerístos.

Romans 5:19

Tanon kwáh tsi ní꞉ioht nonkwesónha tsi iontateriwanerahaktén꞉nis ne tsi nihoiérehn nètho iáh tehotewennarákwen, kwáh éhʼthoh ní꞉ioht tsi entiontateriwiʼiósten tsi nòkwáh ne Rawenni꞉io ne tsi nihoiéren neh Ié꞉sos Kerístos.

1 Corinthians 11:25

Kwáh ne sahoríwah, nónen sahatikwéntaʼne wathatsétaʼkwe tánon wahénron, “Kí꞉ken kátshe né꞉ne Rawenni꞉io áse rahoteriwahseronniátshera, né ioriwahniráhton nahkenekwénsa. Nónen skát꞉ke ne ensewanekírahte, tsi thóh nenshié꞉re tahkehiarasʼtákwat.”

Ephesians 1:7

Neh꞉ne rahonekwénsa ne Kerístos tsi nihoronhiakénton tsi rahwenhéion ne Kerístos tionkwatatewenʼnihióʼon, ne ken ton skanikonrénhen nonkwariwaneraháktsera. Tsi nikowánen ne Rawenni꞉io rahoténrat,

Colossians 1:14

né꞉ne rahonháke nón꞉we nitsitewahtatewenní꞉io, ne tsi, skanikonrén꞉en nonkwariwahneraháktsera.

Colossians 1:20

Rahonhá꞉ke ne Roiénha, káti non, ne Rawenni꞉io iathoriwahiéntase orihwakwé꞉kon ahonsahariwaseronhni ne rahónha raorihwà꞉ke. Kaiá꞉sake raonekwénsake ne Roiénha non skén꞉non wahrón꞉ni ne Rawenni꞉io, tánon káti orihwakwé꞉kon rahonhà꞉ke nón꞉we nathontáwe, kenikwé꞉kon nonwentsiá꞉ke oni ne tsi karonhiá꞉te.

Hebrews 10:29

Nahó꞉ten, káti ónen, tsi niháti ronwahkenronni ne Rawenni꞉io Roiénha? Tóh꞉ní꞉ioht tsi ronnonthonnions iáh thenen tekastha nohnekwénhsa ne Rawenni꞉io rahoterihwahseronniennitshera tsi ní꞉ioht tsi tiakahonnahkanonni tsi nókwa ne karihwahneren? Rohnónha konwahnikonratsaton ne Kashastensera ne kentenron? Kwáh sehwahnonthonnionf tóh ní꞉ioht tsi sénha kowahnen ne karewahthatshera enhatiʼié꞉na!

Hebrews 13:20

Rawenni꞉io shoketskwenh ne kenheiátʼne ne Sonkwahʼiáner Ié꞉sos, rahónha ne Rohshatsʼtenserowáhnen Shakonónhne ne teiotinakarontónha ne tsi niaʼteionénon ne raonekwénhsa, ehnónwe tsi nénwe nahterihwahseronniátshera tsi kanakentóron. Aiáwens ne Rawenni꞉io né skén꞉nonk tíken ahontáhion kwáh tsík nahoténsons ne ioiánere tahishatonwenhtió꞉nike nahishaióten tsi nitonikonriʼióʼon, tánon aiáwens ne rahónha, rahonháke ne Ié꞉sos Kerístos otionháke ahoióten tsi nitohnikonriʼióʼon. Tánon rahonháke ne Kerístos nón nikáien ne kahiatanerahkwáhtshera tsi nénwe ó꞉ni tiókonthe! Éʼtho naiá꞉wenhne.

Hebrews 9:28

Kwáh ne sahoríhwah Kerístos ó꞉ni rothatátkawen naharonhiáken nénska iakaiénthe ne iakotiokowáhnen akoriwaneraháktsera. Sékon tekeníhaton ienkaiénthe enshatotáshion, iáh tahastéristhe ne karihwáhneren, nók né nasakoniákenthe tsi nihiákon ne ronwáhrahre.

1 Sawátis 2:2

Tánon Kerístos rahonháke nón nitewétha tsi tsionkwatnerenshion nonkwariwanerahákʼtshera, tánon iáh í꞉i khók onkwariwaneraháktsera tèken, nók neh ó꞉ni ne ronatiakhésons rahotiriwaneraháktsheras.

Revelation 7:14

Wahiiénhase, “Sénhshon, í꞉se khók saterièn꞉tare.” Ethò꞉ne wahakénhase, “Né꞉ne ronón꞉ha tontahonhnótkawe ne tsi nateiotenonhianì꞉ton tsi niioteriwatiérenhkwe; shotinhoharéhnion ne teontewehiarákwas tánon sahatirakénste thóh raonekwénhsake ne teiotinaʼkaronhtónha owí꞉ra.

Revelation 7:9

Shontóhetste kí꞉ken iakatkáto, tánon wakhé꞉ken kwáh í꞉ken tsi kanenhrowá꞉nen né꞉ne iáh thaón꞉ton nahonwanaséhte, né꞉ne kwáh tsi niateiakahontsá꞉ke, né꞉ne kwáh tsi niateiakotará꞉kes ó꞉ni nonkwehó꞉kons ó꞉ni nakoronkhá꞉tsheras, thóh ronhné꞉te ohén꞉ton tsi wanitskwaratseró꞉te ó꞉ni raohén꞉ton ne teiotinaʼkarontón꞉ha owí꞉ra, teonateweiá꞉here kará꞉ken, ne rathihawáhnion ne ionerá꞉tes onenhrashón꞉as.