Matthew 25:41 - Ohiatonhseratokénti

⁴¹ Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseronnienni nʼotkonseraksen oni ne raotiokȣa.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴¹ Ethone oni neneh ensakaȣenhase ne sanekȣati iakoiatontieton: Seȣariȣaston! ehren iseȣet nok ȣasene tsi tiotekhaonȣe, eh nonȣe nihonȣanaktaseron-nienni notkonseraksen oni ne raotiokȣa.

Matthew 25:41 ပူးပေါင်းရင်းမြစ်များ

Psalms 119:115

Éhʼren í꞉sewek ne tiatátʼta í꞉se ne sewarihwanerahákskon tiónkwe, kwáh ne enkatewénhnarakwe ne rahotsiawenhráhtsera nakení꞉io.

Psalms 119:21

Wasehiatewenhnaiéntonhwe ne ronhthatónhni; sehrewátha tsi nihiákon ne iáh tehiontewenhnarákwah ne sahtsiawenhrátsera.

Psalms 139:19

Ó né nasehnonhwarhiákon ne ionhwetahétkens, Ó Sewenní꞉io, tánon nètho ratinekwenhsanónhwe éhren ahónhnete ne tsatákʼta—

Psalms 6:8

Éhʼren í꞉sewet ne tiatátʼta, sehwaʼkwé꞉kon né karihwáksen tsi nisewatsiérah. Asèken ne Roiá꞉ner wahothóntene tsi niwakenikonráksens.

Isaiah 66:24

Tánon kwáh ienhatiʼiákenhne tánon enhotkátho né ronenhehiónkwen raotiʼieronhtashónhas né nonkweshón꞉has né iáh tehionkewenhnará꞉kwen; asèken né raotiʼtsinonwanhétas kwáh iáh tahkonhníheie, né raotiʼtsíres kwáh iah tahonswát꞉tonhke, tánon kwáh tsi niaʼtehionkwétake tsi enhonwatíswenh.

Jeremiah 17:5

Ne Roiá꞉ner ráton, “Enkheréwahthe tsi nihiákon nenhionkatkarahténi tánon onhkweshón꞉a enhonwatiʼniahesénhake, ne ne ahoshastsʼtenseráhkon ne kenhéion.

Matthew 13:40

Tsi kati niiot tsi teieiestasions ne kanenhaksen nok otsirake iakoties, etho oni nehneh nenkaieren nʼonen enȣatonȣentsiokten.

Matthew 13:42

Nok tsi tkanonkȣaien nʼonesson iensakotiiatonti, etho nonȣe natenhionsenthoseke oni tenhionnokaraniehonheke.

Matthew 13:50

Nok tsi tkanonkȣaien nʼonesson ienshakotiiatonti, eh nonȣe natenhionsenthoseke oni tenhionnokaraniehonheke.

Matthew 18:8

Nene toka sasnonsa ok neʼsʼne sasita sariȣaientatenni, stoskar, nok ihnon iasatieseron: aseken senha ioianere, asastsinokatane, skati oni asenentsontatie iasataȣeiate ne Karonhiake, tsiniiot ne tetsiaron tasasitontake oni tasenenstsontonke nok otsirake iaiesaiatonti.

Matthew 25:42

Aseken ȣakatonkariakon, nok iah teskȣanonten, ȣakeniatathenhon nokiah teskȣanekanonten.

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

Matthew 3:12

Rahaȣe ne rasheȣata, akȣekon enhaseȣe ne rahonatsia, rahononsoharake ienhateȣeienton; nok ne kaȣahe otsirake nʼiah teȣasȣas ienhoti.

Matthew 4:10

Nok tanon tontahenron ne Iesos: ehrenset, satkonseraksen! Aseken kaiaton, tsi entsennaien ne Roianer, ia Niio, raonha ok oni hentseȣenniiostake.

Matthew 5:22

Nok nii, katon, enhostonte nonka kiok ok tenhorihose enhonakȣase ne teiatennontere; nok tokat enhaȣenhase: iah tesanikonra, enhonȣariȣente tsi katsienhaien; nok nenhaȣenhase; tesanonȣaraȣenrie, roreȣatatseraien nʼonesson ahonȣaiatonti.

Matthew 7:23

Ethone tanon nii onen tentekheienhase; iah nonȣenton tetkȣaienterine ehren kati iseȣet tsi nonȣe nikiteron, ise ne seȣariȣaneraakskonkoȣa.

Luke 13:27

Tentetsiseȣenhase: katon ki ȣahi iah tekȣaienteri ehren saseȣet.

Luke 16:24

Ȣathohenrete, ȣahenron: Rakeni Abraham, askitenre, ahontastsiatori ne Lazar, aȣenke iatahanisnonsoȣe nok ahatieȣenthotakȣe kennasake; aseken iah tiiaieriȣaheȣe tsini ȣakeronhiaken kehiken kenh nonȣe otonkokon.

John 8:44

Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.

2 Thessalonians 1:7

tánon ént꞉hion naisatʼrákwase tsi nítion ne sewahronhiáken ó꞉ni nonkwahtiakhéson. Thó꞉ne kíʼ thóh nenháiere nónen ne Roiá꞉ner Ié꞉sos éntʼtho kéh꞉thote tsi karonhiáte skát꞉ke ne rotisatsʼtenserowáhnen raoroniakerononʼókons,

2 Thessalonians 1:9

Né꞉e enhatironhiákente ne karihwahieshátshera tsi nénweh enkariwahiesáton, tenhiakhokʼkháshion raiaták꞉ta ne Roiá꞉ner ó꞉ni tsi nòkwa ne ioriwahnerákwak raosatsʼténsera.

Hebrews 6:8

Nók tóhka né tkánios nohíkta tánon kahontátsens, kwáh kíʼ né iáh thènen tehioríhonthe; thiiotʼteronhón꞉we Rawenni꞉io enharéwahthe tánon ó꞉ni ótsire enkarihwáhthonthe.

2 Tiér 2:4

Rawení꞉io iáh tesakononstáton ne ratironhiakerónons ne rotiriwanerahákskon, ók onéson iasakohiatónti, tsi nónwe ne oronkwása tathinerénkston tsi tetiókaras, rohtiráhre nentewenniseráteke tenhonwatihiatórete.

1 Sawátis 3:10

Kén nónwe kwá teioswátʼte tsi natetsiatʼtíhen tsi natehóntere ne Rawenni꞉io sakoienokónha tánon ne ranesonrónon sakoienʼokónha: tsi niʼiákon ne iáh thóh teiehiéra nahóten ne ioiánere tóhka ó꞉ni iáh tesakotinorónkwa nakorénsons iáh Rawenni꞉io tesakoienʼokónha.