Matthew 25:40 - Ohiatonhseratokénti

⁴⁰ Tentesakoȣennaȣeron ne Ronontiio enhenron: Oriȣiio, Oriȣiio tsi kȣarori tsi niioriȣake etho niietsiierase nʼakȣa niieiakaha nakatatekenha iise eh niskȣaierase.

Neh Nase Tsi Shokȣatakȣen 1880 (4 Gospels by Joseph Onasakenrat)

⁴⁰ Tentesakoȣennaȣeron ne Ronontiio enhenron: Oriȣiio, Oriȣiio tsi k…arori tsi niioriȣake etho niie-tsiierase nʼakȣa niieiakaha nakatatekenha iise eh niskȣaierase.

Matthew 25:40 ပူးပေါင်းရင်းမြစ်များ

2 Samuel 9:1

Táwit waharihwanónton, “Shé꞉kon kén ón꞉kak iatetsakotaténhron tsi rawatsiratátsie ne Saul ne rononháke nahón꞉ton akéneste nathanitenhrá꞉tshera ne Jonathan raorihwáke?”

2 Samuel 9:7

Ne Táwit wahawénhase ne raón꞉ha, “Tó꞉sa sateronníhak, asèken enkonhnatón꞉hase ne kenténhrat ne raoriwá꞉ke ne ianíha Jonathan; Ní꞉i kwáh tentʼkónhion akwé꞉kon ne raohontsakénʼen ne iashothkénʼen Saul, tánon ní꞉se iateshiá꞉ti khók tenshatskáon nakatekwáhraʼne tiotkonhón꞉we.”

2 Kings 4:10

Ánion nikanakʼtháha tsi thininatʼthónhnien ne karonhkwenáke, teninákʼthaien, anitskwáhra, tánon kahásera teníhien, tánon thóh nónhwe nahatiénhseke nónen enteshonhkeniʼnatharénhsera.”

Proverbs 14:31

Tókaʼ enhshetenhstéhten ne iakotenhténion, enhtsheʼnikonhrakaré꞉wahte Rawenni꞉io ne shakoiaʼtíson; tókaʼ tenhsheiahrhó꞉ton ne iakó꞉ten Rawenni꞉io enhtshennó꞉wanahte.

Proverbs 19:17

Nó꞉nen enshé꞉ion ne iakó꞉ten, ne shá꞉oriwa ne ahtshé꞉ni ne Roiá꞉ner tánon Roiá꞉ner enhshiakáriaʼkse.

Jeremiah 39:17

Ók Í꞉i, ne Watiá꞉ner, kwáh entkónhne, tánon iáh tsiahiesátkaʼwe ronónhake ne setʼtsánis.

Matthew 10:40

Onka tenhiahrhoton, tenhakarhoton; nok ne tenhakarhoton tenhorton ki ne takatennieton.

Matthew 10:42

Nok oni ne skaȣisa ok onekanos aonȣanekanonten saiatat nakitiokȣa; oriȣiio tsi kȣarori tsi iatekakonte tenhoteriȣaserakȣase.

Matthew 18:10

Seȣanikonrarak, tosa ietsikenron ne niieksatasa, aseken ȣakȣarori: kehiken raotironhiakeronon, tiotkon onȣe tehonȣakonsakanere ne Rakeniha karonhiake thenteron.

Matthew 25:34

Ethone ne Ronontiio ensakaȣenhase tsiniiakon tsi raȣeientetakon iakoiatontieton: karo kasene ise ne Rakeniha hetsiseȣaiatateriston, seȣataȣeiat tsi nonȣe niietsinaktaseronnienni sontontonȣentsiatasaȣen.

Matthew 25:39

Katke nikȣaken aesanonȣaktaniheke, ok ne ens asennhotonke nok akȣatkenseron!

Matthew 25:45

Tentesakoȣennaȣeron, enthenron: Oriȣiio tsi kȣarori tsi iah enskatha eh teietsiiatierase enskat ne niiakasa, iah ki oni nii eh teskȣatierase.

Matthew 28:10

Ethone ȣahenron ne Iesos: tosa seniteronn; ȣasene, nok ietsirori nonkȣatatekenha Galile niiehonne ethononȣe ientsionkhen.

St. Mark 9:41

Nok oni ne skaȣisa onekanos onkakiok aietsinekanonte netsi Keristos raonkȣeta, oriȣiio tsi ȣakȣarori tsi iah tehotonsere ne tekariȣaserakȣen.

Luke 19:38

Rontonnionne: Tahonȣanonȣeraton ne Ronontiio tare Raosennakon ne Raȣenniio! Skennen kenhak karonhiakon, nok ahonȣanenton Ehnekentsi!

John 20:17

Tontahenron ne Iesos tosa kenh niiatatier: aseken areko Rakenineha tiieseȣakenon; ȣas tanon seroriana nʼiakȣatatekenha: Rakenineha sake, nok etsiseȣanineha oni nise; Ake-Niione, Etsiseȣa-Niione oni nise.

Romans 8:29

Tsi nihʼiákon ne Rawenni꞉io ónenk sakohiatarákwen tánon ó꞉ni sakokwatakwenʼni kwáh thoʼnahatiʼiatotenhake tsi ní꞉ioht ne Roiénha, neh káti neh Roiénha entakowanénke tsi nihátis nathatekénseras.

2 Corinthians 4:5

Iáh í꞉ʼi teiakwataterihwahnotá꞉nis. Nonkwaterihwahnotáhtshera ne tho Ié꞉sos Kerístos, raónha ne Roiá꞉ner. Raónha ó꞉ni iahshonkwató꞉ri nakwaioʼténhse.

Galatians 5:13

Nók níse, tewatenrosónhas, ieietʼtsiʼnónkon nahonsehsewatatewenní꞉ioʼke. Nók tóhsa sewaríʼon kí꞉ken ahtatewenniʼiótsera nahontesewaniarótaroke ó꞉ni tsi nahontonskanékseke ne sewaiéronke. Kék, sewaríhon ne kanoronkwátsera nahonteriwathentsate tsi natesewátere.

Galatians 5:22

Nók neh Ronikonriʼióston tatʼkáwas ne kanonronkwátsera, atʼtsennónniat, skénnen, kanikonkasthéntsera, ahtaniténron, tkariwaiéri, ahiakoriwatokénhake,

Galatians 5:6

Asèken ne nónen Kerístos Ié꞉sos tehionkwateriwasóntere, kwáh nèn꞉ne iáh thènen thatekatíhas aiontatewarakwétaronke tóhkaʼ ó꞉ni iáh, kwáh iáh thènen tewatsterístha; tsi nahóten iorihowánen nehne tewetákwen tsi iohiótens ne kanoronkwaʼtserákon.

Ephesians 5:30

asèken tewakwékon ne rahiéronke.)

Hebrews 6:10

Rawenni꞉io iáh tehanikonráhtha. Iáh tahonikónren tsi nisaiotén꞉en khés tsi nihshenéston tsi nitienorónhkwah tsi nishasʼnié꞉non ó꞉ni sékon tasheiawihátie nakorénshons ne iakorihwiʼióstons.

1 Tiér 1:22

Nónwa ne tsi sewatewennarákwen ne oriwiʼioʼónwe níse iatesewaiáti tsi sehsewatonnakanónni ó꞉ni ne iahátkene naisewaháwake ne naioriwatokénhake tsi aietʼtsinorónkwake ne ronatiakhésons ne thoʼnetákwen, tesewatatenorónkwak tasewanikonrakontakwénhak kwáh seweriasakwékon.

1 Sawátis 4:20

Tóhkaʼ entewénron tsi tewanorónkwa ne Rawenni꞉io, nók ietʼthísons nakorénsons, ionkwanówens kíʼ. Asèken iáh tahónton natsitewanóronkwe ne Rawenni꞉io, tsi nikáien ne iáh thetsitewáken, tóhkaʼ iáh teietʼthinorónkwa nakorénsons, tsi nikáien neh ietʼthíken.

Revelation 17:14

ne ronón꞉ha kwáh enhonterihioserónhni rahonhà꞉ke ne teonakaronhtón꞉ha, tánon ne teonakaronhtón꞉ha kwáh kíʼ ensakosénhni, asè꞉ken raón꞉ha ne Sakoiá꞉ner ne Roʼtiiá꞉ners ó꞉ni Sakonontí꞉ios ne Rontinontí꞉ios, tánon tsi nihiá꞉kon ne raónha ratikwekonháties né꞉ne ronwatinaʼtónhkwa ne ronwatiiatarákwen tánon rotiriwatóken.”

Revelation 19:16

Raʼotewehiarákwahke tánon ranhí꞉tsake thóh kasenhná꞉re, “Sakonontí꞉ios ne Rontinontí꞉ios ó꞉ni Sakoiá꞉ner ne Rotiiá꞉ners.”