Matthew 25:21 - Ohiatonhseratokénti

²¹ Nok ne Roianer ȣahenron: ioianere tsi seȣeienniio; kenh sane niioriȣaha nok ki taseriȣaierite eso kati enkonrihonten: satonnharen raotonnharatserakon ne Saianer!

Neh Nase Tsi Shokȣatakȣen 1880 (4 Gospels by Joseph Onasakenrat)

²¹ Nok ne Roianer Sahenron: ioianere tsi seȣeien-niio; kenh sane niioriȣaha nok ki taseriȣaierite eso kati enkonrihonten: satonnharen raotonnharatsera-kon ne Saianer!

Matthew 25:21 ပူးပေါင်းရင်းမြစ်များ

Proverbs 14:35

Rotinontí꞉ios ronatshennón꞉ni nó꞉nen ne ronateríhonte thatiié꞉rits tsi nihontiéhrha, nok ne iáh tethatiié꞉rits enhshakotihré꞉wahte.

Proverbs 28:20

Nón꞉kwe ne iakorihwakwaríhshion tiótkon eniakotonhnhá꞉rake tánon enká꞉nahne tsi iakónhnhe. Tókaʼ tesasteríhens naiesakwáhtsheʼne tsi nonkwá꞉ti iáh tetkariwaié꞉ri ensatré꞉wahte.

Matthew 24:45

Kah nihenteron nonȣa tohiken ne rannhatseriio roriȣatoken oni, nene Roianer rorihonte nasakoststeriste ne raonnhatseraokon, neoni nasakohnonte tsi nonȣe nateiotonȣentsiohon?

Matthew 24:47

Oriȣiio tsi kȣarori, tsi akȣekon enhorihonten tsi nihoien.

Matthew 25:23

Nok ne Roianer ȣahenron: tsi sennhatseriio, kenh sane niioriȣaha nok ki sariȣatoken, eso kati enkonrihonten: satonnharen raotonnharaserakon ne Saianer:

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

Luke 12:44

Oriȣiio tsi kȣarori: tsi enhorihonten ahaststeriste tsini hoien.

Luke 16:10

Onka roriȣatoken tsinonȣe niioriȣaha roriȣatoken ki tsinonȣe niiorihoȣanens; nok ne iah tehoriȣatoken tsinonȣe niioriȣaha, iah ki tehoriȣatoken tsinonȣe niiorihoȣanens.

John 12:26

Onka rakeriȣaȣase raknonteratie ki, nok tsinonȣe nenkeseke etho oni nehne enreseke nakennhatsera, nok nenhakeriȣaȣase enhokonnienste ne Rakeniha.

John 14:3

Nok nonen enseȣakatention, enkȣanaktaseronnienni oni, tentke nok ienskȣaiatenhaȣe: nʼetho ki oni nise nonȣe naesehȣenterontake tsinonȣe nenkiterontake.

John 17:24

Rakeni! Kaskaneks ne tsinihati takonkȣetaȣi, ne tsinonȣe nikiteron etho oni neneh ahatiterontake aiakȣakȣekonhake; naontkatho nakiatanerakȣatsera, neh nise takaȣi aseken ok siskehnonȣehon ohenton saontontonȣentsiatasaȣen.

Romans 2:29

Neh꞉ne kwáh tokén꞉en ronwahwarakwétaron, tsi niʼiáwens, ne kwáh Sitaeró꞉non neh꞉ne kwáh raweriá꞉ne íken, neh kíʼ tsi kwáh raweriáne thoʼtákwen tsi ronwahwarakwétaron, neh꞉ne Rawenni꞉io Rahonikónra thóh nihióson, nók iáh tsi nahóten ne kahiatónʼnion neh kaianerenserákons. Kíʼ rónkwe raiénas ne rahorensaróntsera neh꞉ne Rawenní꞉ioke néntewe, iáh nonkwé꞉ne.

1 Corinthians 4:5

Káti iáh tesateriwahiénni nónka tashehiatórethe nohénton ne iakáhewe. Nonakènkha ne karewahtátshera ónenk tsi enwahterahráton tsi naténtʼre ne Roiá꞉ner; tenhaswátʼtethe ne tetiókaras kariwahshetánions tánon enrotashiónko ne ronahtenikonrahsehtánions nonkweshónʼa. Tánon etʼthó꞉ne onkwetaʼkwékon eniehiéna tsi néntewe ne Ni꞉ióʼne ne kanonweratóntshera tsi nahtahiakoténtion.

2 Corinthians 10:18

Enwá꞉ton ne í꞉se tenhsataterénhsaron, nok né꞉ʼe khók watahsé꞉tas tsi nahò꞉ten Roiá꞉ner enharihwahní꞉rate.

2 Corinthians 5:9

Ók ó꞉ni tóka skátne aitewenʼterón꞉take ne Roiá꞉ner, tóka ó꞉ni, í꞉non niió꞉re naʼtaietewátereke, shé꞉kon kiʼ nen né꞉ʼe tewateʼnién꞉tha naontatshitewaʼnikonhraié꞉rite.

Philippians 1:23

Kwá íken tsi iohníron tsi enkathaterákwase. Tewakathonwentióni nakiheie tanon Kerístos iahiakinikwékhaʼne, Asèken iawehthatsiáni ne iohiánere.

1 Timothy 3:13

Nètho rontsniénons tsi nikáien ne ratihiotenserí꞉io tehontentiáhas ne karensarontséras tánon ratikwénies nahotiriwahníronke tsi ahontáti tsi nòkwa tsi thonwetákwen ne Kerístos Ié꞉sos.

2 Timothy 2:12

Tóhkaʼ ienkakóntakwe nahionkwakátstehke, skátke káti ó꞉ni tsi entewatkórasthe. Tóhkaʼ entsiʼtewatonnhíhaʼse, rahónha ó꞉ni ensesonkwatonnhíhaʼse.

Hebrews 12:2

Áhnion Ié꞉sos thetsitewatʼkáneren, rahonháke non nitewahniahésen tsi nitionkwetákwenh ne tsi tiotásawenh tsi nío꞉re tsi ieiotók꞉the. Iáh tehotiakwahríshion ne kaiásha ahiorihónnike! Khé꞉khok thiʼioriwáhthe iorihónni, ne atsiennonniátshera rohráhrekwe, iáh thènen tehononthonnión꞉on ne kakenronniátshera tsi kaiasháke rawenhéion, tánon ónen thoʼnónwe iesenhskwáheʼre tsi rahweienthetákwenh ne Rawenni꞉io rahonitskwahratsherákʼtha.

Revelation 2:10

Tó꞉sa shá꞉teron tsi nahoʼténhsons aseronhiáken. Thasatatehnikón꞉raren, ne ranikonraʼsen skanó꞉rons iatsisewahiatónhti tohkára nítion tsi ionthatenotónhkwah ne káti ní꞉se naietsiiateʼniénten, tánon oié꞉ri nón꞉ta ní꞉se kwáh tensewaterientakári. Ók sewariwatokénhak tsi nió꞉re kenhé꞉iatne, tánon í꞉i entkwáhion ne oronhónkwa ne iónhne.

Revelation 21:7

Tsi niiá꞉kon nenhiontesénhni eniehié꞉na kíʼ naorihoʼténsons, tánon í꞉ih ne raoti Ní꞉io enkénhake tánon ronón꞉ha keienhokónha enhón꞉ton.

Revelation 3:21

Né꞉ne tsi niká꞉ien nenhatesén꞉ni enhinákton skátne ní꞉i enhiatiá꞉tsen nakanitskwá꞉rane. Kwáh tsi ní꞉iot ní꞉i tsi wakatesén꞉nion tánon wakaʼtsien ne Rakeʼní꞉ha raonitskwáhrá꞉ne.

Revelation 7:17

séken ne teiotinaʼkarontón꞉a owí꞉ra ne thóh í꞉res nashén꞉non tsi niwanitskwaratseró꞉te kwáh raónha enshekonónhna, tánon raónha kwáh iensakohéntenhse ne tsi tioné꞉kote ne iónhne, tánon Ní꞉io kwáh enshakokaseró꞉kewe ne niatekakahserá꞉ke ne ratiká꞉rakes.”