Matthew 24:35 - Ohiatonhseratokénti

³⁵ Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Neh Nase Tsi Shokȣatakȣen 1880 (4 Gospels by Joseph Onasakenrat)

³⁵ Karonhia Onȣentsia entiatohestste, kenh kaien nakeȣenna iah neneh nonȣenton tiiaontohestste.

Matthew 24:35 ပူးပေါင်းရင်းမြစ်များ

Psalms 102:26

Né tsi karonhiáte ó꞉ni tsi ionwentsiáte enwatohéstste, ók ní꞉se tsi né nénhwe ensónnheke; kwáh akwékon enwaʼkáionʼne ó꞉ni iahothènhnon tahonsakarihwasthátonhke tsi ní꞉ioht nathakwénia. Thensehténi tsi ní꞉ioht natakwénia, tánon enhontóhestste;

Psalms 119:89

Ne sawénhna Saiá꞉ner, tsi nénwe enkátake; kwáh tsi nénhwe enkénhake ne karonhiáke.

Psalms 19:7

Né raoianerénsera ne Rawenni꞉io tsi nihiorihwatóken, á꞉se tioshaststenseráwis natónnhets; ne raoianerénhseras ne Roiá꞉ner oriwí꞉io í꞉ken. Tiakó꞉wis atʼthokhátsera tsi niʼiákon ne tsakototʼtáni;

Psalms 89:34

Kwáh iáh tathá꞉tiaʼke nakaterihwasehronʼniátshera, khés ne tahonsatʼténi tsowénhna tsi nitewaʼkewenhnanikéhen né ksáke.

Proverbs 30:5

“Rawenni꞉io iáh nonwén꞉ton thaonsahoʼnikónhrhen nahò꞉ten enhahrhá꞉ratsteʼ. Tho kiʼ í꞉rate nahshakoiaʼtanónhstate nónhka ionhská꞉neks.

Isaiah 34:4

Akwékon tsi nihioteriwatiéren ne tsi karonhiáke kwáh enhiotishatstenhserónhti, tánon ne tsi karonhiáte kwáh enwatʼwenónhni tsi ní꞉ioht nohorótha. Akwékon nahoshatsténhsera kwáh enhiotistatáse kwáh tsi ní꞉ioht nónerate iostatʼtenhenhátie ne tsi watenenharíseres, khés ne káhik iostatʼthenhénhase ne tionnionwarontonhakówa tsi kérite.

Isaiah 40:8

Nó꞉honte wastátʼthens, notsítsa watashó꞉kwas; ók ne raowénhna nónkwah Ní꞉io kwáh enkatàke tsi nénhwe enkénhaʼke.

Isaiah 51:6

Satarakétsko tsi karonhiáte niashatiérat, tánon iasatʼkátho nákon ne tsi ionwenhtsáte; asèken ne tsi karonhiáte enwatóhetste tsi ní꞉ioht noienkwáhra, ne tsi ionwenhtsáte enwakáhionhne tsi ní꞉ioht natserón꞉nia, tánon tsi niʼiá꞉kon né nón꞉we niʼienákere kwáh kí enhiaʼiéheie tsi ní꞉ioht ne kén nikatsinonwásas; ók naʼkatanithenrá꞉tshera kwáh kí nenhnéʼe tsi nénhwe enkénhake, tánon naʼkatesenhniéntshera kwáh iáh nonwénton tsiahontókten.

Isaiah 54:10

Asèken ne tsi iononténions ahónton nèhren akónhneʼte tánon ne ionhniarónhnions éhren akahawítonʼke, ók nakáwenk ne iorihwatóken kanoronkwáhtshera tsi kwáh iáh éhren takahawítonʼke ne shonháke, tánon naʼkateriwaseronhniátshera ne skénnon í꞉ken kwáh kí iah éhren takahawítonhke, rá꞉ton ne Roiá꞉ner, tsi rahónha ianorónkwah.

Isaiah 55:11

Eʼká꞉ti nónhne nenhiáwenhne nakewénhna tsi nitkaiá꞉kens né tsiʼtshaʼkáronhte; iáh akonháke thaʼtahontáwe nowenhnós꞉kon akénhake, ók kwáh kí enkarihwakanónhni tsi niwakatenikonrónhni, tánon enhioterihwaténtiaʼse tsi kí nahó꞉ten aorihwá꞉ke tsi iekateniéton.

Daniel 4:28

Né kí norihwakwé꞉kon tsi nihoiatawénhseron ne Ronnontí꞉io Nebuchadnezzar.

Numbers 23:19

Ne Rawenni꞉io iáh né thóh tehahiatóʼten tsi ní꞉ioht nonhkweshón꞉ʼas, tsi nihotinówenhs; Iáh né ónhkwe tèken ne tahonshaʼhoterihwaténien. Tsi nahó꞉ten nenharárasthe, ehʼnihaiérha; Enhthatáti, tánon thóh nenhiáwenhne.

Matthew 5:18

Aseken kȣarori, ohenton naonsontonȣentsiarisi, iahtekonte tsi ienkaierite tsinikaiaton akȣa ok oni eh niiaȣensere.

St. Mark 13:31

Ȣatohestane tsi karonhiate oni ionȣentsiate, nok nakeȣenna iah neneh nonȣenton tiiakontohestste.

Luke 21:33

Karonhia, onȣentsia enȣatohestste, nok nakeȣenna iah neneh nonȣenton tiiakontohestste.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

1 Tiér 1:25

nók ne Roiá꞉ner rahowénna tsi nénwe enkátake.” Kíʼ owénna nehne kariwí꞉io nètho iesaronkaténni.

Revelation 20:11

Eʼthó꞉ne wakatkáto kowá꞉nen wanitskwaratserará꞉ken tánon tsi niká꞉ien ne thóh renskó꞉te; nohón꞉tsa tánon ne tsi karonhiá꞉te tsiatkontí꞉ten ne raohén꞉ton, tánon iáh ká꞉neka tahonsaiontʼká꞉tho.

Revelation 3:14

“Tánon raonhá꞉ke ne raronhiakeró꞉non ne tsi ionterenhnaientáhkwa thóh nón꞉we Laodicea shiá꞉ton: Ne nowenhnaó꞉kons ne é꞉tho naiá꞉wenhne, né꞉ne ioriwató꞉ken ó꞉ni norihwiioʼón꞉we kariwahní꞉rats, tsi nitsotasawáhnion tsi nahoʼténhsons ne Ní꞉io rosaʼhánion:

Revelation 6:14

Ne tsi karonhiá꞉te tót thonsónton tsi ní꞉iot ne kahorohtónhni kaiatónhsera, tánon kwáh tsi ní꞉konhs ionontarónhnion ó꞉ni kawehnhó꞉ton tsi é꞉ren kahawí꞉ton tsi nón꞉we nihiotinák꞉te.