Matthew 23:35 - Ohiatonhseratokénti

³⁵ Naeseȣateriȣaketate tsinikon ionekiren nonȣentsia ne kanekȣensanoron, tiotasaȣe tsi thonȣario nʼAbel, tsiniiore ne Zakari Barachi roienkenha, akta tsi ietsienharakȣa hetsiseȣario.

Neh Nase Tsi Shokȣatakȣen 1880 (4 Gospels by Joseph Onasakenrat)

³⁵ Naeseȣateriȣaketate tsinikon ionekiren nonȣen-tsia no kanokȣensanoron, tiotasaȣe tsi thonȣario nʼAbel, tsiniiore ne Zakari Barachi roienkenha, akta t…i ietsienharakȣa hetsiseȣario.

Matthew 23:35 ပူးပေါင်းရင်းမြစ်များ

Genesis 4:8

Cain wahawénhahse ne iatatekén꞉ʼa Abel, “Ánion kahéntake niétene.” Tánon nó꞉nen kahéntake sí꞉neʼs, ne Cain iahotiaʼtón꞉ti ne iatateʼkén꞉ʼa Abel, tánon wahononʼwariá꞉kon.

2 Kings 21:16

Ne Manasseh tsi niʼiakotsokowánen sakononwariakónhnion ne iáh othènen teiakoníkon ne tsi tekanatokenhá꞉tons ne Jerusalem kwáh watneʼkwenhsíne; né kí꞉ken iahá꞉ieste tsi niesakosaríhnon nonkweʼshón꞉as ne Judah tsi nakonwatisénhnaien ne kaiatonhnisónhas, né wakarihón꞉ni wahatirihwánerake tsi nòkwah ne Roiá꞉ner.

2 Kings 24:4

tánon sén꞉ha ne aoríhwa tsi niʼiákon ne iáh othènen teiakoníkon tsi ionthatenonwariákon. Né Roiá꞉ner iáh tehothontháton nahonsahonikónrenhse ne Manasseh.

Isaiah 14:21

Seweienénhtan ne tsi konwarhiósta ne ne raoʼnekenteronhtserashónhas raotirihwàke tsioríhwa tsi nihoníkons ne shakotiʼnihokónhas. Tó꞉sa nonwènhton seríhon ne tahontahontʼkétsko nahonsahontiénawasʼte nonhóntsa khés né꞉ne hahatiróhrokste tsi kakónshonʼte ne tsi ionhontsáte ne kanatowánens.

Isaiah 26:21

Asèken ne Roiá꞉ner thahiákens tsi nón꞉we thénteron ne nasakoréwaʼte ne ratinákereh nonhontsàke ne raoʼtirihwaneraháktsheras entkarihónhniaʼte; nonwenhtsa kwáh enweneste nó꞉nekwenhsa nètho ionekwáhon, tánon iáh shé꞉kon tahonsahiakoróhroke ne ronhwatíʼrio.

Jeremiah 2:30

Kwáh rewáhthon, ók iáh èh tehiorihonthákwen; iáh teskwahriwáhwi nahonshaʼkwahthakwaríshion. Tsi ní꞉ioht ne kahsehró꞉hen kénreks, wáhseh hiásehthe ne shonkwétah rothitó꞉kense.

Jeremiah 2:34

Ne satʼtserónniat ne ioráhkwah ne rothíten rahothinekwénsas tánon ne iáh othèʼnenh tehothiníkonh, ók iáh ne rahothinekwénsas ne rahthinénhskwas. Ók iawehrohátien tsi akwékon ne kíʼ íken,

Jeremiah 26:15

Ók kwáh sehwahriwaʼhienteríhak kí꞉ken: tó꞉ka enskwahnonhwahrhiákon, i꞉se tánon ne kíʼ kanathakonhró꞉nons tsi ensehwáhniʼke tsi wahtsiʼsehwaʼnonhwarhiákon ne iáh thènen tehosthónton, tsioríhwa tsi ne ne Roiá꞉ner thakathó꞉rion nakwahronkáten kí꞉ken.”

Jeremiah 26:23

Sahonwahiáthiʼwe rahohénton ne Ronnonhtí꞉io Jehoiakim, wahathénnhaʼne nahonhwahnonhwarhiákon tánon ne rahohierónta tsi tionʼthatsathatahástha iehonáhti.)

Jeremiah 26:8

tánon kwáh tsi niʼiostó꞉re wáksa tsi nahkatáti tsi nihakenáhon nètho Roiá꞉ner, wahontiéna tánon wathotihénreʼthe, “Ahówennhk nahieshaʼnonhwahrhiákon ne kíʼ aoriwáhke!

Zechariah 1:1

Ne satekonháton sihwenhnì꞉tahre ne tekeníhaton shihioserahtáhtshe, né꞉tho Darius shihakó꞉ra ne Persia, ne Roiá꞉ner taháwenh ne raotheriwahnhothátshera ne rotokenshéhakwe Zechariah (b), né꞉ne roʼní꞉ha Berechiah né꞉ne roʼní꞉ha ne Iddo:

Numbers 35:33

Tó꞉ka kíʼ thóh nenhsewáiere, kwáh kíʼ tenhsewénhtsionste nonhóntsa tsi nónhwe nisewanákere. Né sakonaséhtha tehatitsónstha nohóntsas, ók iáh nènhne ne ronhwanonhwariákon ne sakoséhton kwáh iáh othènen tetsóien nahionterihwaténhtiate norihwakahionhnéha ne tsontonhʼnakanonhnitákwah íken né tsi ionhonhtsáien tsi nónhwe né ónhkak hionhthataséhton.

Luke 11:51

Abel raonekȣensa enteȣatasaȣen tsiniiore ne Zakari raonekȣensa, neh nakȣa akta tsi iontienkȣaronniatakȣa ononsatokentike ronȣario: Tokenske tsi kȣaroris tsi rononha enhonteriȣaketate nonȣa kenh kaȣatsirate.

Acts 5:28

“Kwáh ioníron tsi nih hionkwariwáston ne tóhsa ahonsaietʼtsirihón꞉nien thóh rahosénʼnakon kí꞉ken rónkwe,” wahénron; “nók satkátho tsi niseníʼiere! Kwáh watiʼtiaréniaʼte tsi waʼheʼtsirihónʼnien ne Jerusalem, tánon í꞉seneʼre i꞉i ahontaskwáraʼse tsi rawenhéion!”

Hebrews 11:4

Tewehtákwenh seh waʼhahón꞉nien ne Abel nahotát꞉tshe ne Rawenni꞉io sénha iohiánereh ne iontienkwahronniatáhkwa tsi ní꞉ioht ne Cain. Rawehtakwénhtshera nonʼnontáwe tsi wahaiéna ne Rawenni꞉io raorihwahnirátʼtshera tsi tronkwetaiéri, tioríhwah tsi kwáh rahónha ne Rawenni꞉io waharihwahnírathe ne raotathawíhtshera. Tsi nikéntons ne rawehtakwáhtshera ne Abel shékon nihatátis, iawehrohátien tsi ónen rawenhéion.

Hebrews 12:24

Rahonháke ne Ié꞉sos nontáh꞉se, rahónha shokwahtákwen náse aterihwahseronniátshera, tánon tsi tekanekwenhsentónʼon ne warahrátstha sénha ioiáneres tsi ní꞉ioht ne Abel raonekwénsa.

Revelation 18:24

Tánon í꞉seke nón꞉we nikatsénrion ne raotinekwénsas ne roʼtitokenséhakwe tánon ne rotiiatatokéntiskwe, tánon ratikwé꞉kon ne ronwatinonwarhià꞉khon ne tsi ionwenhtsá꞉te.”