Matthew 20:15 - Ohiatonhseratokénti

¹⁵ Kanekhere ȣahi entkanonton tsini ienhenkhaȣe tsi nahoten ȣakien? ohia ken nitisatierase tsi teȣakeriȣaieri?

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁵ Kanekhere ȣahi entkanonton tsini ienhenkhaȣe tsi nahoten ȣakien? ohia ken nitisatieraso tsi leȣake-riȣaieri?

Matthew 20:15 ပူးပေါင်းရင်းမြစ်များ

Exodus 33:19

Ne Roiá꞉ner watariwaseráko, “Kwáh enkónhni akwékon naʼtsiatanerakwáhtsera sahénton enwatohétsthe tánon tsi nónhwe níses kwáh enkerihó꞉wanathe naksenhnató꞉kenti. Í꞉i ne Watiá꞉ner, tánon kenéstha ne kentènrat ó꞉ni ne kenténhron tsi niháti enkhehiataráro.

Proverbs 23:6

Tóhsa tesatská꞉hon raotekhwahraʼtsherákta ne roní꞉ʼon, tóhsa ó꞉ni kwéskwes satatón꞉ni ne kakhwí꞉io enhiá꞉tatshe.

Proverbs 28:22

Ne ronnónhaʼk khók rontaté꞉iahre tehotisteríhens nahotikwáhtsheʼne, iáh tehonttókhas kátke kententéhtshera tahotíhkwahte.

Jeremiah 18:6

“Iáh kén tewahkateriwahiénni thóh nakwahiérahse kíʼ tiónkwe Israerʼró꞉nons tsi naháiere ne thóh ionawatatsʼtakarí꞉io ne ratshetònni? Katshaʼnáhke sewahthatéron kwáh tsi ní꞉ioht nètho ionawatstaʼkarí꞉io rahtshanáhke ráhaweh ne ratʼtsetón꞉ni.

Matthew 11:25

Ethone ne Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣontsiate, ne tsi sheriȣasetenni neh nikarihotens ne iontokhas oni ne ienikonrasson, nok neh ne kenniiakasa shetokatenni.

Matthew 20:14

Seȣaiena ne tsiaȣenk nok satsiatenti, Kenonȣes nii neh oni neneh nakhekariakse ne kenh kaieri tsiki nise niiot.

Matthew 6:23

Neh kati ne iah tentioriȣaierike ne sakara, tsiatakȣekon kitentiokarasheke; toka kati nonȣa neh saien ne tetiokaras, oh kati onte akȣa niiatenhiaȣenne tsinonȣe tetiokaraskoȣa.

St. Mark 7:22

Kanenskȣen, aiontatkaronni nonkȣe kaserohensera, kanikonrhaton, askennhatsera, atatkenronniatsera, kanaiesera.

John 17:2

Tsiniiot tsi hetskȣeniatseraȣi nonkȣene, nasakaonnhete onȣe tsiniiakon hetserakȣenni.

Acts 13:45

Nónen ne Sitaeró꞉nons sahsakothíken nonkwesónhas kwáh wahatihiatánane ne kanosáhtsera; wahtathiriwatirónten ne Kór tsi nahóten rotharákwenne tánon wahonwakenrenserónni.

1 Corinthians 4:7

Ónhka ietsihionniénni ne sénha ahontesewátʼtehke tsi ní꞉ioht nahkorénshon? Iáh kén Rawenni꞉io tetʼhiáwi tsi nahoténshon sháh꞉ien? Ánion, káti, onhʼní꞉ioht tsi askwéni tahshahtaterénsaron, tsi shí꞉ken ní꞉ioht nahóten sáien ne iáh taiesháh꞉wi?

Ephesians 1:11

Oriwakwékon thóh niʼiawén꞉en tsi nihotenikonrónni ne Rawení꞉io ó꞉ni iatehoriwaiéntase; tánon Rawenni꞉io sonkwahiatarákwen ne rahónha rahonkwétha ahkénhake tahionkwateriwasónterake ne Kerístos ne tsioríhwa tsi rahónha ehnihotenikonrónni, neh rokenserákwen tsi nahóten hiatehoriwaiéntase neh kwáh sonthontásawen.

Ephesians 2:1

Tsi nithisènon kwáh tsi shíken ní꞉ioht nahisenhéion tioríwa tsi iáh tesatewenʼnarákwakwe tánon waseriwánerake.

Ephesians 2:5

shé꞉kon kíʼ nonʼné꞉e nó꞉nen karihwanerahaktsherákon nónwe naionkwenhéionke, thonʼtashónʼtion nahtónnhets nó꞉nen sonshahokétsko ne Kerístos ne kenheiátʼne. Kwáh nek khók wahkarihónni tsi Rawenni꞉io thóh nontahanónwehne nahonshahianiákenthe.

Deuteronomy 15:9

Tó꞉sa sewateʼnikonráksat ne tsík nahoʼténhsons aieʼtsíni, né꞉ne ahisewateriwahkèn꞉serahkwe tsi ó꞉nen tó꞉wa iahonsakáhewe nóhsera nó꞉nen tsi nón꞉we nihiakotkaró꞉tons ne tenskanakónhke. Tó꞉sa sewatʼthontat ne niwanonhtonʼnionhtseráksen iahontáwehiaʼte ne sewanikonhrá꞉ke. Tó꞉ka ensaterihwaié꞉saʼte nasewístani, iaʼtenhonsèn꞉tho raonhà꞉ke ne Roiá꞉ner tsi nokwáh ní꞉se ók kwáh enshaʼnonhtà꞉nake.

Deuteronomy 28:54

Iekaníhare ne kwáh rothonkwetatkwéniens ó꞉ni thoriwaié꞉ri tsi ní꞉ioht tsi rawenhnakerá꞉ton tho nió꞉re tsi enhaʼnikonhrókten tsi nikarì꞉wes tehonwatiná꞉thanen kwáh otià꞉ke ne sakohioʼokón꞉as enshakowárake tiorì꞉wa tsi iáh thahó꞉ten teshokhwáien. Akwé꞉kon iáh tahahohétsthase ne iathateʼkénha tó꞉ka ó꞉ni ne kwáh sakonorónhkwa ró꞉ne tó꞉ka ó꞉ni tsi nihá꞉ti iateshonathaténron ne sakohioʼokón꞉a.

Ne꞉ne Sák Rohiaton 1:18

Ne tsi kwáh raónha ehnihonikonrhótenʼne thóʼnon nashontiónnhete noriwihioʼónwe nowénna, né꞉ne hiathetewahiáti ohénton ahkénhake tsi niatheʼháti ne sakohiathísons.

Ne꞉ne Sák Rohiaton 5:9

Tóhsa sewariwakátat tsi natesewátere, tewatenrosónhas, ne káti ne tóhsa ne Rawenni꞉io tahiaʼiatórete. Áktha íhrese ne Rariwénta, rohtateweienʼnentáhon nahathotáshon.