Matthew 19:16 - Ohiatonhseratokénti

¹⁶ Saiatat eh ȣahoketote, ȣahenron: Saianer! ise ne tisariȣaieri! oh nakiere tsi aontakeriȣaierite onen akataȣeiate Karonhiakon iaonsakonnhekeonȣe?

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Saiatat eh ȣahoketote, ȣahenron: Saianer! ise ne tisariȣaieri! oh naieiere tsi aontakeriȣaierito onen akataȣeiate Karonhiakon iaonsnkonnhekeonȣe?

Matthew 19:16 ပူးပေါင်းရင်းမြစ်များ

Daniel 12:2

Ronatiohkowá꞉nen ne ó꞉nen ronenhé꞉ion shé꞉kon enshontónnhete: ó꞉tiaʼke tsi nén꞉we enhonatonnhárake, ó꞉tiaʼke tsi né nén꞉we enhonatehénʼen.

Matthew 19:15

Ȣatesakonisnonsaronnionhase, nok sahatenti.

Matthew 19:26

Ȣasakotkatho ne Iesos nok ȣahenron: ethoneneh tsinonkȣati nonkȣene iah othenon taonton; nok ki tsinonkȣati ne Niio, oriȣakȣekon thiienȣaton.

Matthew 19:29

Nok onka kiok enhoteȣenteton, kanonsa, tehatennontere, iatennosenha roniha ronistenha, ok neʼsʼenʼs rone, sakoienhokonha toka onȣentsia nii akeriȣake oni aksennakon, teȣenniaȣe isinonȣe tsi nenshaiena, nok enhoientane nonronnheke onȣe onȣesentserakon.

Matthew 25:46

Nok neh kehiken tsi tiakoronhiakenonȣe niienhenhien; kenh kaien ne iakoianere enhiontonnharana tsi nonȣe ne tiakonnhe onȣe ne oni tsiniienhenȣe.

John 10:28

Nok nʼii neh kheiaȣis ne ionnheonȣe, iah oni nonȣenton tiiakontiiessa, iah oni onka tataonsaionkhsiotarisi.

John 12:25

Onka ranoronkȣa tsi ronnhe, enhotonse; nok ne iah tehononste tsi ronnhe ne kentho onȣentsiake, neh enhahaȣake tsiniienhenȣe! iah oni takariȣentane.

John 3:15

Netho naontaȣe tosa aiahiheie tsini iakon entiakaȣetakon ne raosennakon, aiakoientake tanon nʼaiontsennonni-onȣe.

John 4:14

Nok tanon nenhanekira nenhinekanonte iah nonȣenton tiiahonsahoniatathen, aseken ok nehe nenhinekanonte ienȣatnaȣeronni ne rahonhake ne iah taonsteske tiotkon tanon enhiohnekotake tsi niienhenȣe.

John 5:39

Seȣatennikonraren tsi seȣaȣennanotons ne kaiatonseratokenti, nese ȣahi seȣaniahesen aheseȣanatonhase tsiniieiothahinon ne Karonhiake, neh oni kariȣanirasts nakeriȣasonha.

John 6:47

Oriȣiio akȣa oriȣiio tsi kȣaroris, onka entretakȣe nʼaksennakon henronnheke onȣe.

John 6:68

Simon Tier tahatati, ȣahenron: Saianer! onka aonsaiakhiiateranentakten? ise ishaȣe noȣenna ne ionnhe onȣe.

Acts 16:30

Tánon shasakohiatínekenwe ó꞉ni wasakoriwanóntonse, “Thesenénshion, onhnátiere nakeniákenʼne?”

Romans 2:7

Rohnatiakhésons ne ronʼnónkwe nek rothiʼióte ne iohiánere, tánon ronʼnésaks neh kaiataterítsera, kakwenienstátsera, tánon ne hionʼnheónwe atónʼnhets; ronʼnónha ne Rawenni꞉io entesakáwen ne tsi nénwe enhonnónʼnheke.

Romans 5:21

Kwáh káti, tsi ní꞉ioht ne kariwáneren wakaiatakwenihió꞉ne ne kenhéion, thóh káti nòn꞉ne ní꞉ioht ne Rawenni꞉io rahoténrat tsi kaiatakwení꞉io neh kariwakwarishóntsera, thóh niehionkwahiaténhas tsi nónwe ne ionnheónhwe natónnhets rahonháke ne Ié꞉sos Kerístos sonkwaiáner.

1 Timothy 1:16

ónk Rawenni꞉io kwáh wahakhìtenre eh nahontáwe ne Kerístos Ié꞉sos nontiérenk ahréh꞉nesthe tsi kwáh rohnikonkátsʼthe tsi nihatiérase, né꞉ne kwáh tewahkenonkwísen sénha tsi ní꞉ioht ne kwáh rotiriwáhneren, tewathenienthénston tsi niháti nonakènke entʼthonwétakwe tánon enhatiʼiéna ne ionnheʼónwe atónnhets.

1 Timothy 6:12

Iatesatátʼtsahak tsi skát꞉ke tsi nathesaréron ne tewetákwen, tánon ne teshaténtsa ne ionnheʼónwe atónnhets ne iateshiá꞉ti; Asèken ne kí꞉ken ne iónnhe nètho Rawenni꞉io iahianáthon nónen kwáh thóh kén꞉en sahserihwanírathe tsi tisetákwen tsi nihiakotsiokowánen iakotahónsathekwe.

1 Timothy 6:19

Ne nen꞉ne ne kwáh enhioriwahníronke tenkenstenrótake tsi enhontateweientónhase natiokowátsera tsi niahawenonhátie. Tánon etʼthóhʼne enhatikwéni tahonténtia natónnhets ne kwáh oriwí꞉io iónnhe.

Titus 1:2

Tsi ne kakenserákwen ne karahrátshera ne ionnheʼónwe. Rawenni꞉io raónha ne iáh nonhwenton tahanowénthe, sonkwarahratsʼténni kíʼ tsi tsiónnhe nohénton nakwékon sonthontásawen,

Titus 3:7

nekáti nètho rahoténrat ionkwahrahratʼtieráien entionkwaianerásten tsi nòkwa ne Ní꞉io tánon entʼkáhawe naitewaiéna ne ionnheʼónwe atónnhets tsi nihtewaskáneks.

1 Sawátis 1:2

Shontotási kí꞉ken atónnets, wetewatkátho; neh kíʼ wetewatárakwe tánon kwaróris neh ionnheʼónwe atónnets neh꞉ne nikwékon ne Kanísera tánon wahonkhiʼienésten.

1 Sawátis 2:25

Kén káti ní꞉ioht tsi sonkwararasténni ne kwá rahónha ne Kerístos entesóntion ne ionnheónwe.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

Jude 1:21

tánon thónon nasewataténronk rahononronkwatsherákon ne Rawenni꞉io, tsi entsisewaterárate ne Sonkwaiáner Ié꞉sos Kerístos ne rahotenrahtserákon nahontáhion ne ionnheónwe atónnhets.