Matthew 16:18 - Ohiatonhseratokénti

¹⁸ Nok ȣakonrori oni: ise ne Tier, nok etho oststenrake enkenonsonni nakenonsatokenti; iah oni nonȣenton tiiakonȣasenni nonatkonseraksen.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁸ Nok ȣakonrori oni: ise ne Tier, nok etho oststenrake enkenonsonni nakononsatokenti; iah oni noriȣunton tiiakonȣasenni nonatkonseraksen.

Matthew 16:18 ပူးပေါင်းရင်းမြစ်များ

Genesis 22:17

kwáh kíʼ eniokwátstonke tsi enkoniaʼtaté꞉riste, tánon thóh niió꞉re tsi enkhetiohkó꞉wanahte tsi nienhsathwatsí꞉rine tsi ní꞉ioht tsi iotsistohkwahrónnion ne tsi karonhiá꞉te tánon tsi ní꞉ioht tsi tekatsiʼnehtarotáhrhonʼs noʼnehsarónhkwas naʼtsaʼktónties. Tánon tsi nienhsathwatsí꞉rine kwáh kíʼ enhsatiénawahste ne raotinataʼshón꞉ʼahs ne tehontátswenhs.

2 Samuel 18:4

Ne ronnontí꞉io wasakawénhase, “Tsi nahó꞉ten í꞉sewere ioiá꞉nere ne sewariwáhke thóh kíʼ nénhtiere.” Káti ne ronnontí꞉io tho wathá꞉tane ákta tsi iotenhenrakáronhte, tsi nikaríwes ne ronterí꞉io iahatiʼnenrehnékenʼne ne ne tehonhnienhniáwes tánon tehonnienniawehetseráhsens nihá꞉ti.

Job Tánon ne Raoronhiakensera 38:17

Ne tsi iotenhenrentón꞉nions ne kenhé꞉ion sarihotashién꞉ni ken, khés nahisatkátonhke ne tsi iothenhenrentón꞉nions ne kwáh tetioʼkaraskó꞉wa?

Psalms 107:18

kwáh rononhnatsátakwe ne kwáh tsitʼnikakhóten ahontʼkátho, tánon ákta roʼnetonhátie tsi iotenhenrahkáronhte ne kenhéion.

Psalms 127:5

Rotáskats ne rónhkwe ne titká꞉here ne tsi rahienkwirahrá꞉kwah. Iáh tahonwatéhaʼte nó꞉nen thenhatithá꞉ren ne ronhwásons ne tsi iothenhenrakáronhte.

Psalms 129:2

“Iotkatátse tionkatsatónhtion ne shiʼtewatiónha, nek kík shá꞉ka iáh tehionkesénhnion.

Psalms 69:12

Í꞉ih tiókonte otsahonskwáhkon iontʼtharákwen tsi nihiákon ne tsi iothenhenrakáronhte ne kanatowanénhke iétskote, tánon ne ratinekakás꞉tha né ronhterenhnonniátha ne tsi kónhnhe.

Psalms 9:13

Takithénhrek, Ó Saiá꞉ner! Satkátho tsi nahóten waʼkeronhiáken tsi nòkwah ne iónkswens; í꞉se sestiathatákwen ne tsi tsiotenhenrakáronhte ne kenhéiatʼne,

Proverbs 24:7

Owennaʼshón꞉ʼa ne wattokhahtsherí꞉io iáh thahotiʼnikonhraién꞉taʼne ne iáh thaʼtehotiʼnikonhráthe iáh oʼthé꞉nen tehotí꞉ien nahò꞉ten ahonní꞉ron nó꞉nen iorihowá꞉nen nahò꞉ten tekatharáhkwen.

Isaiah 28:16

Ne káti wahón꞉ni tsi nihatónhnions ne Roiá꞉ner Ní꞉io, Satkátho, watsiéntatse tho nón꞉we Zion nahonhnitskwará꞉kwe onénhia, ne ne watenenhiátʼkenhse, ne ne kanenhianóron thenwatʼiosaién꞉taʼkwe, ne ne ioníron tsi enwaʼnitskwáhraʼkwe: “Ne tionkwé꞉ta nón꞉ka nentsiaʼkétakwe kwáh kíʼ iáh thaʼtahiakahonhnaríkʼkhon.”

Isaiah 28:6

tánon ne akakenʼenniónhon ne kaiá꞉neren tsi nikáien nónhka enhá꞉tsien naharihwenhtàke, ó꞉ni ahotiʼshatstenhseraʼién꞉take tsi niháti nahonsahónkʼthate nateriʼióshera ne tsi iothenhenrakáronte.

Isaiah 38:10

Wakíron: Nénhtie nenhká꞉rake ne tsi wakatenhniseraténions ó꞉nenk tsi enkathénti; Iahonkaténieʼte ne tsi tsothenhenrakáronʼte ne kenhéion (Sheol) asèken iáh tsatewakókte tsi ní꞉kon iotathénronʼne nakoseraʼókons.

Isaiah 54:17

Iáh thaʼhóthen ne ionteriʼiostákwah ne kasahá꞉nion nahonteshatsiatónhti nahionhianerásthen, tánon kwáh sakʼthensehiónhni ne niaʼtewenhnásake ne tahontahatítaʼne naʼiesahnontánaʼke ne kariwenhthatsherákon. Né kí꞉ken ne raoʼnawenhkónwe ne raonhaʼtserashón꞉has ne Roiá꞉ner tánon né꞉ne raoʼnatesenhniétshera tsi nitsawénon nakonháke, rá꞉ton ne Roiá꞉ner.

Jonah 2:6

Kwáh eʼtho nón꞉we iaʼkatenón꞉waien tsi katsinonhiataté꞉nions ne ionontowá꞉nenʼs. Onkwatehnhó꞉tonʼse ne atónhnhets tánon waonʼkehnhó꞉ton ne tsi tiohwentsáien ne kenhé꞉ion. Ók Í꞉se, Ó Saiá꞉ner ne Akení꞉io, thotahstiaʼtatihéntho tsi nateiotskará꞉wen ne kenhé꞉ion ne naonsakónhnheke.

Matthew 10:2

Kentho ratisennare ne tekeni iaȣenre nihati: Simon tonȣakoȣanen, tier shonȣanatonkȣen; tanon nʼiatatekenha San.

Matthew 11:23

Nok nise Capernaiim, ise enskat ne iatosaketotakȣe tsi teiesarensaronskȣe, tentesenonkȣihse nʼones-son. Aseken tsinikon satkathon nʼioriȣakerakȣate-nion, aiotkathon ne Sodome sekon nah neh nonȣa nakanataientake.

Matthew 18:17

Tokat iah othenon oriȣa tasakaonni, kentiokȣa srori; nok nesekon iah tenhataonsatatire ne kentiokȣa, satennikonranentasi tosa oni serhek roriȣiioston kenh.

Matthew 4:18

Tsi tehoteniataratasehatie ne Iesos tsi kaniatare ne Galilé, etho Sasakoken iatatekenhaha nehne Simon, Tier ronȣanatonkȣen, tanon André teiatennontere, iataharoskȣe, aseken nitsiaskȣaskȣe.

Matthew 7:24

Onkakiok rothonte tsinahoten katon, nok enhateȣeienton, neh tenthiiatenientenste ne ronkȣe oststenrake rotenonsonni;

John 1:42

Nok eh niiahoiatenhaȣe tsi ihtres ne Iesos: ȣahenron ne Iesos nonen sahoken: Ise ne Simon Jonas iahienha; Cephas entsiesanatonkȣake (neh sakat naiahiron oststenra).

Acts 2:47

Ronwasénʼnaiens ne Rawení꞉io, ó꞉ni ronatʼtsenón꞉ni tsi nitsiakoriwaiéris nonkwesónhas. Tánon kwáh niaʼtewenniseráke ne Roiá꞉ner sehsakotiokwaʼiesthonhátie tsi nihiákon nentiakéthakwe.

Acts 20:28

Kwáh káti sewatatennikonráren ó꞉ni kwáh kanenrakwékon tsi nitsisewatakweʼniaʼiénni ne Ronikonratokénti. Thóh nihiotónhak tsi sewatennikonráren ne Rawenni꞉io rahononsatokénti tsi ní꞉ioht tsi sakothinikónrare ne teiotinakarontón꞉a sakotinikónraʼre, tsi raónha rahówenk iotónʼon tsi ronekwáhon ne Roiénha.

Acts 8:1

Saul wahariwanírate tsi ronwaséhton ne Stephen. Kwáh neh sahenʼnísera neh Jerusalemró꞉nons thonʼtásawen wahathironhiáken. Akwékon ne tiakawetákwens tsiatehonarénion nahotonhontsiáke ne Judea ó꞉ni ne Samaria.

1 Corinthians 15:55

“Kanónwe, Kenhéion, ne shatesenniétshera? Kanónwe, Kenhéion, ne shasatsténsera nahiakokaréwahthe?”

Galatians 2:9

Sák, Tiér, tánon ne Sán, akénhake sakothihénthense, wahathiʼiéntherene ne Rawenni꞉io rakáwi kí꞉ken kahiotenseratóken; sók kíʼ wahonkhinéntʼtsa ní꞉i tánon ne Barnabas, neh nawenéhake tsi tionkwatenróʼon. Wahakwateriwaʼserónni Barnabas tánon ní꞉i nehne iáh tehathisitaeronons nón rahothitiókwakon non nenʼhionkenihióten nók neh ronnónha Sitaeró꞉non neh rahothitiókwakon non nenhothihióten.

Ephesians 3:10

ehnahontáwe nónwa nikaháwi, neh tsi ionterenʼnaientákwa neh ahkarihónni neh rathironhiakerónons nahontéweienste kí꞉ken, tsi nihatʼthóka ne Rawenni꞉io neh kwáh tsík nahóten ahkénhake.

Ephesians 5:32

Kwáh tsi tehionótens tsi nikariwashéton noriwihioʼónwe tsi niwakróris kí꞉ken oriwathokénti, tsi niwakenikonraiéntas kí꞉ken owenʼnasónha neh rohtharákwen ne Kerístos tánon nononsathokénti.

Colossians 1:18

Raónha nonóntsi í꞉ken ne ononsatokénti né꞉ne raierónke; raónha ne tiotasawákwen tsi iónhne natónnhets. Raónha ne takowá꞉nen Roiénha, tsi sonwahkéskwen ne kenheiat꞉ne, ehnahontáwe rahonhatsí꞉wak khók ohénton ahkénhake norihwakwé꞉kons.

1 Timothy 3:15

Nók tóhkaʼ enkatennískwaʼte, ne kí꞉ken kahiatónsera ensaróhri tsi ní꞉ioht tsi ahitewahthoriáneron ne Rawenni꞉io rahonónskon, neh꞉ne raónha rahonnonsatokénti ne ronnheʼónwe Ní꞉io, neh kanawaháthoʼthe ó꞉ni tioswahnónn e ne tewetákwen.

1 Timothy 3:5

Asèken tóhkaʼ ne rónkwe iáh tehotheriéntare onhní꞉ioht tsi ahsakotennikonráren ne rahowáhtsireh, ónh ní꞉ioht tsi ahakwéni nahateriwatsthériststhe ne Rawenni꞉io rahonnonsatokénti

Hebrews 12:28

Ánion kíʼ tethewahtenonwerátonsek, káti, tsoríhwa tsi entewahiéna ne kanakerásera né꞉ne iáh tahónton tahiotihéntonwe. Ánion ionkwatsennonníhak ó꞉ni tetsitewahnonweráton ne Rawenni꞉io né꞉ne ahkakwéni ahawerientí꞉io, aterennaientaʼtsherákon ó꞉ni kakwenienstátshera;

Revelation 11:15

Eʼthó꞉ne ne tsá꞉takhaton rarón꞉hiakeronon wahá꞉tatiste ne raowenk iehonrawatsta, tánon tsi nontontsaró꞉ko ne karonhiá꞉ke, rontón꞉nions, “Naonhnontiió꞉tshera ne tsi ionwenhtsá꞉te ne iahón꞉ton rahonhnontiiótshera ne Sonkwahiá꞉ner tánon ne Roiatarákwen, tánon raónha enthaniarotároke tsi nén꞉we ó꞉ni tsi niénhwe enkénhake.”

Revelation 21:14

Tánon tsi natewasón꞉tote ne kaʼnatowanenhke tekeni iawenhre niió꞉tinenhrá꞉ke tekaʼnenhiaseronhnion, tánon ne tsó꞉tinenhraktions thóh nón꞉we nihá꞉tisenhnaronhnions ne tekeniiá꞉wenhre nihá꞉tikwe ne ratikwé꞉konhne ne teiotinaká꞉rontonha owí꞉ra.