Matthew 16:16 - Ohiatonhseratokénti

¹⁶ Simon tahatati; ȣahenron: ise ne Keristos Niio Ronnheonȣe Iaienha.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁶ Simon tahatati; ȣahenron: ise ne Keristos Niio Ronnheonȣe Iaienha.

Matthew 16:16 ပူးပေါင်းရင်းမြစ်များ

Psalms 2:7

Kwáh enkerihó꞉wanate ne Roiá꞉ner tsi nitsisewarihwatáti: Wahakénhase, “I꞉se ne konhiénha; ónhwa wenhniseráte í꞉ih ne ianíha wakáton.

Psalms 42:2

Kwáh tsi ní꞉ioht ne rónhkwe tsi nihoniatátʼtens nahanekíra nonékanos kwáh thóh natekonhiatonhontsóni Sewenní꞉io, né꞉ne ronnhehónwe Ní꞉io. Kátʼke ahontáke nakatkáto ne tsi rakonshón꞉te ne Rawenni꞉io?

Daniel 6:26

Waʼtianerenhserón꞉ni kwáh tsik nonwéhshon né akeʼshatsténshera iekaníharaʼs tánon né tiaʼtakweʼní꞉io kwáh ioterihwí꞉son tsi niaʼteionkwè꞉take ahonwakwenién꞉stake ó꞉ni tahonwarenhsarónhsheke ne Daniel Raoʼní꞉io. Raónha ne Rawenni꞉io né ronhnheʼónʼwe, iáh ó꞉ni nonwén꞉ton thiaontókten. Iáh nonhka nonwén꞉ton thaiekwé꞉ni né aiónhtonʼte né raonakeráhsera, tánon iáh ó꞉ni nonwén꞉ton ne raoʼshatsténhsera thiaonʼtókten.

Matthew 1:16

Nok ne Jacob roienha ne Sose nʼOnȣari rone nok aonha ionkȣateȣetonni ne Iesos-keristos ronȣanatonkȣen.

Matthew 14:33

Ethone oni onen ne kaonȣakon ratiiatit ȣahonȣaiatorenne rontonne: tiakariȣakenniate Niio ȣahi Iaienha.

Matthew 16:15

Tontahenron; nok kati nise onka onte iseȣere?

Matthew 26:63

Iah oh tahenron ne Iesos Nok ne Ratsihenstoȣanen tontahenron: ȣakonriȣaneken raosennakon ne Niio, naskȣarori ise kenh ne Keristos, Niio Roienha.

Matthew 27:54

Kenh kaien ne Sotar-koȣa oni tsinihati ronȣanennhakȣe ne Iesos, ȣahontkatto ȣatiaonȣentsishonkȣe tsi oni nikon ontotasionko, ȣahonateronhienten nok ȣahonniron: Oriȣiio tsi Niio Roienha kenhne kehiken.

Matthew 4:3

Ethone oni onen ne sakonikonrotakȣas ȣahoteranentakten, ȣahenron: Toka Niio Iaienha akenhake, tsiron kanatarok ȣaton kehiken Kanenhiakeron.

St. Mark 14:61

Ok tatehotote ne Iesos iah othenon tahenron. Sekon ne Ratsihenstatsikoȣa Sahoriȣanontonse, ȣahenron: Ise ken ne Keristos Niio Iaienha?

Luke 2:11

Ne tsi onȣa konh ȣenniserate, Taȣit raonatakon etsiseȣennakerati ne Sesakoskontakohe ne oni ne Keristos, Roianer.

John 1:49

Nathanael tontahoȣennaȣeron, nok ȣahenron: Saianer! ise ne Niio Iaienha, ise iesanontiio nʼIsraerhaka.

John 11:27

Tontakenron: Tokenske Saianer! Teȣaketakon tsi ise ne Keristos, Niio Iaienha karharastston entesete tsi ionȣentsiate.

John 20:31

Nok tsi kaiaton ne kenh kaien, neh ki naonteseȣetakȣe tsi Keristos ne Iesos, Niio Roienha, nok tsi entihseȣetakȣe ne raosennakon enseȣaientane naetsionnheke onȣe.

John 6:57

Tsikiniiot ne Rakeniha ne takatorion Ronnhe nok raonhake konnhe, eh kati oni nii nenhiionnhete nenhakeȣarake.

John 6:68

Simon Tier tahatati, ȣahenron: Saianer! onka aonsaiakhiiateranentakten? ise ishaȣe noȣenna ne ionnhe onȣe.

John 6:69

Nok tionkȣetakȣen ionkȣaterientare oni tsi ise ne Keristos Niio Roienha.

Acts 14:15

“Onhnontiéren tsi éhʼtho naisewáiere? Í꞉i kwáh thóh naʼtehiakénonwe tsi kíʼ niseni꞉ióht! Kén꞉en hiákenes nahiakenirihówanaʼte ne kariwí꞉ios, nehne tahonsakwakaraténi tsi nisewasénnaiens ne iáh thènen tekariwástas nók kíʼ neh nahónton neh ahonsahtsisewasénnaien ne ronnhehónwe Ní꞉io, tsi nikáien ne rosahánion ne tsi karonhiátes ó꞉ni tsi ionwentsiáte, kaniatarakekówa, tánon kwáh tsi nahoténsons neh non nikonónnhes.

Acts 8:36

Tsi nihonatʼthaʼítake, hiahánewe tsi nónwe tkanèko, nók wahénron ne rasennowánen, “Kén꞉en kahnèʼko. Nahóten nahontsiotát꞉tie nakatenekwáheste?”

Acts 9:20

Kwáh hiahatʼthakwaríshate nonʼnonsatokentíke tánon tahatásawen wahateriwanóten nètho Ié꞉sos tsi Rawenni꞉io roiénha.

Romans 1:4

tsi nitóha neh Niió꞉ne ne Rahohiatatokentítshera, Rawenni꞉io warhotáshon neh kasastenserowánen tsi raónha seh ne Kanísera tsi sonwakétskwen ne Roiénha ne kenheiátne.

2 Corinthians 1:19

Ne Ié꞉sos Kerístos Rawenni꞉io roién꞉ʼa tiotkonhón꞉we “rotateweiennén꞉taʼon ó꞉ni iáh nowén꞉ton tehoterihwaiesáhton.” Ó꞉ni raónha ne Silas, Timothy, tánon ní꞉ʼi tsi kwahró꞉ri.

2 Corinthians 3:3

Akwah tho nisewaiaʼtò꞉tens tsi shí꞉ken ní꞉ioht ne Kerístos ahohiá꞉tonke, tánon í꞉ʼi taionkwaterihwareniá꞉ton. Nok iáh né꞉ʼe teiehtshihiatónhkwen ne tókaʼs ó꞉ni otstenhrà꞉ke nón꞉we nakahiá꞉tonke. Onkweriahnéhshon nón꞉we nisewathiatónnion ne rohiá꞉ton ne Roʼnikonhratokénhti ne ronhnheʼón꞉we Rawenni꞉io.

2 Corinthians 6:16

Thó: ónhte kenʼ tiónakte ne Rawenni꞉io raononhsatokenhtí꞉ke ne kaiaʼtonniʼshón꞉ʼa? Onnonhsatokénhti ne wáhi tsi tiónhnhe ó꞉ni otionhà꞉ke nón꞉we nihèn꞉teron ne ronhnheʼón꞉we Rawenni꞉io. Ne seʼ aorì꞉wa rá꞉ton: “Eniakwakwekonhatié꞉sheke Iʼi ne raotiní꞉io enkénhake tánon akwé꞉kon I꞉ʼí akonkwé꞉ta enkénhake.”

Deuteronomy 5:26

Ónhka kén nónhkwe nonhwén꞉ton shé꞉kon ahiakónhnheke nó꞉nen iakothontè꞉hon ne rónhnhe Rawenni꞉io ahontahatá꞉ti ne tsi ioʼtékha?

1 Thessalonians 1:9

Kwá onkwetakwékon iakotarákwen tsi ní꞉ioht tsi wahteskwaróton ne siakwanatarénase, tánon tsi ní꞉ioht tsi thonsehsewatkaraténi tsi nòkwa ne kahiatonnisónhas tánon Rawenní꞉ioke ionséhsewe, nasisewahiótense ne oriwiʼiohónwe ó꞉ni ne ronnhehónwe Ní꞉io

1 Timothy 3:15

Nók tóhkaʼ enkatennískwaʼte, ne kí꞉ken kahiatónsera ensaróhri tsi ní꞉ioht tsi ahitewahthoriáneron ne Rawenni꞉io rahonónskon, neh꞉ne raónha rahonnonsatokénti ne ronnheʼónwe Ní꞉io, neh kanawaháthoʼthe ó꞉ni tioswahnónn e ne tewetákwen.

1 Timothy 4:10

Tehionkwaniotátie ó꞉ni hionkwatátre tsi hionkwáhiothe, tsioríhwa tsi thóh nón nihionkwáien nonkwarahrátʼtshera rahonháke ne ronnheʼónwe Ní꞉io, tsi rahónha ne sakohiatákwas nonkwetaʼkwékon tánon sénha tsi nihiákon ne tiakawetákwen.

Hebrews 10:31

Kwáh íken tsi ioʼteronkó꞉wa ne ronnhehonwe Rawenni꞉io raotiana aisewahiena!

Hebrews 12:22

Khé꞉khok, Tsi ionontáhere ne Zion nontáh꞉se tánon ne rahonátakon ne ronhnheʼónwe Ní꞉io, ne karonhiakékha Jerusalem, skát꞉ke ne tewenniawehetsheráksens niháti ratironhiakerónons.

Hebrews 3:12

Tewatenroshón꞉a, sewanikonráhrat tóhsa ónka tsi nítion thoʼnióre tsi aiseweriaskatsénhake ó꞉ni aisewahtenowéntake kwáh ahtsisewatswahténien ne ronnheónwe Ní꞉io.

Hebrews 9:14

Tsi kwáh kí꞉ken orihwí꞉io íken, tohʼniwéso tsi sénha karihwahkwahtákwas ne Kerístos raonekwénsa! Thóh nónwe ne ionnheónwe kashatsʼténsera raónha iahatatátʼkaʼwe né꞉ne ahontakarihwahiérike ne karonhiakénshera raohénton ne Rawenni꞉io. Né raonekwénsa né entionkweriashaserón꞉ni tsi nòkwa ne iáh thènen thekarihwásthas tsi nikarihótenne, ne káti nahónton atsitewaiótense ne ronnheón꞉we Ní꞉io.

1 Sawátis 4:15

Tóhkaʼ entewatróri ne Ié꞉sos tsi Rawenni꞉io Roʼníha, tsi kwá tehionkwateriwasóntere ne Rawenni꞉io ó꞉ni ne ronnheʼónwe Rawenni꞉io tsi tehionkwateriwasóntere ne ronónha.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.

1 Sawátis 5:5

Ónka akonwasénni ne tsi ionwentsiáte? Kwáh nék khók tsi nikáien ne tiakawetákwen ne Ié꞉sos tsi Rawenni꞉io Roiénha.

Revelation 7:2

Wahí꞉ken ó꞉ia raronhiakeró꞉non thóh nontahawenonhátie tsiʼkarahkwí꞉nekens, ne rahá꞉we ne ratsikwentáhkwa ne ronhnheón꞉we Ní꞉io, tánon wahatewenhnhowá꞉nate tsi iasakoná꞉ton ne kaié꞉ri nihá꞉ti ratironhiakeró꞉nons né꞉ne ronónha thonwaná꞉wi ne kaʼshatsténhsera ne ahatikarónhni tsi ionwenhtsá꞉te o꞉ni ne kaniatarakeʼkowáhne,