Matthew 13:57 - Ohiatonhseratokénti

⁵⁷ Akȣa ihken tsi rontateriȣaientatennihake ne raonhake, nok tanon ne Iesos ȣahenron: akȣa raonakeraserakon ok tanon raononskon iah tehonȣakonniensta ne Rotokense.

Neh Nase Tsi Shokȣatakȣen 1880 (4 Gospels by Joseph Onasakenrat)

⁵⁷ Akȣa ihken tsi rontateriȣaientatennihako no raonhake, nok tanon no Iesos ȣahenron: akȣa raona-keraserakon ok tanon raononskon iah tehonȣakonni-ensta ne Rotokense.

Matthew 13:57 ပူးပေါင်းရင်းမြစ်များ

Isaiah 49:7

Né aoríhwa rá꞉ton ne Roiá꞉ner, né꞉ne sehsakoniaʼkénton NʼIsraerʼró꞉nons tánon né énska ne Roiatatoʼkénti í꞉ken, né꞉ne rahonháhak né kwáh í꞉ken tsi ronwahthaʼkwaswénhon, ronwashónhon ne ronhnonhontsaʼkeró꞉nons, ronwatenaskonhniá꞉ton ne ratiʼkoráhsons, “Né Rontinontí꞉ios nenhonwá꞉ken tánon kwáh kí thenhatítaʼne, né ronaterihóntons, ó꞉ni kwáh enhatiʼiatakerónhtaʼne tsenhatiʼkonsótane nonhontsáke, né enkarihónhni ne Roiá꞉ner, rahónha ne roriwatóken, Rahonháhak khók ne Roiatatokénti í꞉ken NʼIsraerʼronónke, né꞉ne rahónha iahiaʼtarákwen.”

Isaiah 53:3

Ronwashónhon tánon ronwahtewentéton nakorénshons; né꞉ne rónhkwe ne roronhiáken tánon rarihwaientéris ne kanonwaténtshera; tánon kwáh shí꞉ken tsi ní꞉ioht ne ronatsákes tsi ronatkonshaʼsétons ronwashón꞉hon, tánon tsi naʼtsitewaiéraʼse tsi shí꞉ken ní꞉ioht iáh othènon satanáske.

Isaiah 8:14

Kwáh raón꞉ha ne kanatatokénti enkén꞉hake, né nonénhia néh thóh tehiakaónkwas nonkweókons; asèken ne tehotinonsàkes NʼIsraerʼronónke kwáh ne enháton nosténhra ne tsakositsiátstha—né꞉ne waterístaien tánon tewanikárare ne tsi ratinákere ne Jerusalem.

Matthew 11:6

Iakotaska ne iah tenhiontateriȣaientatennire nii akeriȣake.

Matthew 13:58

Iah oni ken eso tatehoieronnion neh nonȣe, sotsi ronatennoȣentastskon.

St. Mark 6:1

Iesos sahatenti neh nonȣe, tsi thanakere niionsare, ronȣanonteratie ne rahotiokȣa.

St. Mark 6:14

Kare onen nʼOnontiio Herod ȣahosennaronke ne Iesos, aseken rosennoȣannhaonhatie, ȣahenron kati: tohiken Saȣatis sakonekȣahestakȣe shotonnheton, nese ȣaonni rokȣeniatseraien ne karonhiakekha.

St. Mark 6:3

Iah kenh naha neh teken ne rasȣenkaraketas, Onȣari roienha, Sak, Sose, Jude tanon Simon rontatekenha? Iah oni kenhnaha teiethiienteri ne rotennosenha? Akȣa ki ok tihontateriȣaientatennihakȣe ne raonha raiatatake.

St. Mark 6:4

Nok tanon tahenron ne Iesos: Akȣa se naha ne Rotokense rahonakeraserakon ok ronȣakenronni, raȣatsirake, ieiohe oni nakȣa rahononskon.

Luke 4:24

Sekon are tontahenron: oriȣiio tsi kȣarori, tsi rahonakeraserakon ok iah tateharensaron oni ronȣariȣakenronni ne Rotokense.

Luke 7:23

Nok iakotaskat nonka iah tonhiakotateriȣaientatenni nii akeriȣake.

John 4:44

Aseken onen shihotrori ne Iesos tsi raonakeraserakon ok iah tatehonȣarensarons ne Rotokense.

John 6:42

Aseken rontonhakȣe: iah kenh naha neh teken ne Sose Roienha akȣekon niietsiteȣaienteri ne roniha oni ne ronistenha? Oh kati naha niiotieren ne raonha tsi raton: karonhiake niteȣakenon?

John 6:61

Roterientaratsion se ne Iesos tsini hotinikonraȣenskȣe ne raotiokȣa ȣasakaȣenhase kati: Seȣariȣaientatenni kati kenh tsinahoten katon?