Matthew 13:19 - Ohiatonhseratokénti

¹⁹ Ne tsi rotaonsate ne ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

Neh Nase Tsi Shokȣatakȣen 1880 (4 Gospels by Joseph Onasakenrat)

¹⁹ Ne tsi rotaonsate no ronkȣe ne Niio raoȣenna, nok iah tehonikonraientas, Ranikonraksen tare nok ȣahanensko tsinikon kaienthonne raȣeriane: neh ȣahi neneh roton, nohahakta ionatsiakerontaon.

Matthew 13:19 ပူးပေါင်းရင်းမြစ်များ

Proverbs 1:7

Tókaʼ íhsehre aiesaʼnikonhrowanénhake teiotonhwentsóhon atskweniénhsthake ne Roiá꞉ner. Kí꞉ken ronátiaʼke tehonatenonhwarorí꞉tonte tánon iáh tehatikweniénhstha ne raottokháhtshera tánon iáh tehonthón꞉tats nahontéweienhste.

Proverbs 17:16

Iáh thetekáhsta ahshatwistakarón꞉ni ahtsheweientéhten ne rononhwaró꞉ri aseʼkénh iáh tehoʼnikonhraientá꞉tskon.

Ezekiel 31:18

“Ne karónhta né꞉ne Ronhnontí꞉io ne Egypt tánon ratikwékon ne rahonkwetashón꞉ʼa. Shé꞉kon iáh ne karonhtasónhas ne Eden et tekaronhthésonhne ó꞉ni ahionerahkwáhthonke. Ók kíʼ ónenh, tsi ní꞉ioht ne karonhtasónhas ne Eden, kwáh thóh niénwe tsi tionhontsáien ne kenhéion tánon ienhiakonahtsátarahse ne iáh tehiakoniʼiosehráien tánon tsi nihiákon ne iontatenonhwahrhiákon tsi wahterí꞉io. Í꞉i wahkatáti,” ráton ne Ronhnontí꞉io Roiá꞉ner.

Matthew 12:26

Nekati kehiken, nonȣa; Rotkonseraksen ahonsahoiatinekenȣe ne ratkonseraksen, akȣakati ȣahi tatehotiriȣate: oh kati nenhiotonhatie tsi onhninakereke?

Matthew 13:20

Nok kenh kaien noststenrakȣentarake ieioientaseron, neneh roton, ne rataonsatasts noȣenna, akȣa oni ȣahatonnharen tsi ȣahaiena.

Matthew 13:38

Nok ne kaehta neh tsi ionȣentsiate; kanenhiio Niio sakoienhokonha, kanenhaksen otkon sakoienhokonha.

Matthew 4:23

Nok ne Iesos tehoststekafenhatieskȣe, tsini ȣatonȣentsia ne Galilé, Sakotatihaties tsi kanonsoton nʼononsatokenti, rorihotasionhaties Oriȣatokenti Karonhiakeka, nok Sesakotsientonhaties nʼiatokannrotenson, tsi ok naiakoiataȣenseke nʼonkȣeokon.

Matthew 5:37

Neok tanon kenhak ne saȣenna: enh, enh, iah, iah; aseken nisinonh kariȣaksen.

St. Mark 4:15

Nok kenh kaien nohahakta iokerontaon, neneh iakoton ne iontataronkatenni! nʼoȣenna; nok ki tanon nonen iakoronken, ok saok nʼotkonseraksen tontahotakȣenhatie tsi niiekaienthonne nʼakaȣeriane.

Luke 10:9

Nok saietsitsient ne iakohnonȣaktanionni nok iestsirori, seȣenron: Onen akta iaȣetonhatie ne Niio raonakerasera.

Luke 9:2

Iasakotori asakotirionniennira ne Niio raonakerasera, nok aonsasakotitsiente niakononȣaktanionnis.

John 18:38

Pilat tontahenron: nahoten nehneh nʼOriȣiio? Nok neh sahenron, ionsahaiakenne tsi thatiteron ne Sitaeronon niionsare, nok ȣasakaȣenhase: iah othenon teketsenries nahonnhikon.

John 8:43

Oh kati niiotieren tsi iah teseȣanikonraientas tsini keȣennoten? neki tsi iah taeseȣakȣeni naeseȣataonsatate nakeȣenna.

Acts 17:32

Sahonatʼthóntene ne Kór rotharákwen tsi tentsiontʼkétsko ne kenheiát꞉ne, ótsiake tahonwaiéron, nók ótsiake wahéron, “Séhkon tehionkwatonwentióni neh ahonsasthárakwe.”

Acts 18:15

Nók tsi náhe neh tekariwakenáhthon nowennasónhas ó꞉ni ne kasennasónhas tánon ne sewaianerénsera, íseh tsionháʼak khók ensewariwaserónni, Iáh I꞉i tathatsiatórete neh nikarihótens!”

Acts 20:25

“Ónen kwáh oriwiʼio tsi katʼtóhkas kwáh iáh ónhka tsi nítion neh tionháke nieʼwakénon ne tsi niwakerihowanáton ne Rawenni꞉io rahonakerásera. Kwáh iáh ónhka tsi nítion, iáh nonwénton sékon tahonsaskwáken.

Acts 28:23

Sók kíʼ wahonwenniserahrákwase ne Kór, tánon iakotsokowánen táien neh siwenniseráte tsi nónwe nihotawehiáthonne ne Kór. Oronkéne tsi nióre nokarasnéha wahsakonikonraientáten ne rahoteriwanothátsera ne Rawenni꞉io rahonakerásera, tánon wahateniénten niasakonikonrénhawe tsi nòkwa ne Ié꞉sos tsi nahatárakwe ne Mahís raoianerénsera tánon tsi nihothihiatónnions ne roʼnatiatatkonʼkwe.

Romans 1:28

Nonkwesónha tsi ratiriwásons nahonʼnonthónnionwe ne kwáh thokénʼen ahonwanikonraiéntaʼne ne Rawenni꞉io. Tóh nòkwa iesakotʼkáwen tsi nòkwa neh rathinikonrahétkens, neh tsi éhʼtho nihathiʼiéra tsi nahoténsons neh iáh tatehiotonwentióhon neh nahathiʼiéreh.

Romans 14:17

Ne Rawenni꞉io rahoianerénsera iáh ne tatekeníneren noriwasónhas tsi tethewatskáons ó꞉ni tewanekíra, nók nehʼne kariwakwarisióntseras, skénnen, tánon natonnharátsera tsi nitatkáwas ne Ronikonriʼióston.

Romans 2:8

Ótiakhes ne ronʼnónkwe ronatétʼtsen tánon ratiriwásons ne tkariwaiéris, neh enhathísere neh kariwáksen; rathiʼiátake ne Rawenni꞉io entʼtáweron ne rahonahkwáhtsera.

Ephesians 3:8

Í꞉i tshiahonhá꞉a kén nitká꞉a tsi niháti ne Rawenni꞉io rahonkwetaʼsónha; tánon kíʼ Rawenni꞉io takáwi kí꞉ken kakweniensthátsera nehne hiakehawítase neh iáh tehathisitaerónons ne kariwí꞉ios tsi niwatʼrhoriátha iáh tsehiótokʼte ne Kerístos rahohiathanerakwátsera,

2 Thessalonians 2:12

Tsi neniáwenhne tsi nihiákon ne iáh tetiakawetákwen noriwiʼioʼónwe, nók iakotenikonroríhon ne kariwahʼnerahaktsherákon, tsi enhiontatʼréwahthe.

Hebrews 2:1

Ne aoríwah ónenk tsi enhiorihwahníronke tsi entewahtiénawasʼte norihwiʼioʼón꞉we tsi nahoténson ionkwahrónken, né꞉ne tósa kénk tiaionkwahiaténhawe.

1 Sawátis 3:12

Iáh tateiothonwentióʼon nahonsatsitewaiéren ne Cain; neh꞉ne ranikonráksen rahonkwéta kèn꞉ne tánon wahoséh꞉te ne kwá rahónha iatatekénha Abel. Onʼnihiotiéren ne Cain tsi wahoséh꞉te? Neh tsi nihotieránion tánon tsi natehoterientawénrie, nók ne iatatekénha tkariwaiéri ne tsi nihotiéren.

1 Sawátis 5:18

Ionkwateriéntare iáh ónka ne Rawenni꞉io sakoienʼokónhas tsehontashóntera nahonsahatiriwánerake, Neh seh ne Rawenni꞉io Roiénha sakonónstats, tánon ne ranikonráksen iáh tahakwéni nasakokarónni.

1 Sawátis 5:20

Ionkwateriéntare ne Rawenni꞉io Roiénha tsi thawénon ó꞉ni teshonkwáwi ne kanikonraienthátsera, neh꞉ne ahtsitewaientérahʼne ne kwá tókenske nʼoriwí꞉io Rawenni꞉io. Thóhnon nitión꞉ne tsi tehionkwateriwasóntere ne kwá tókenske Rawenni꞉io—ne ó꞉ni tehionkwateriwashóntere ne Roiénha Ié꞉sos Kerístos. Neh kí꞉ken ne kwá tókenske Rawenni꞉io, ó꞉ni ne kí꞉ken ne ionnheʼónwe natónnhets.