Matthew 12:7 - Ohiatonhseratokénti

⁷ Nese karihonni iah taietsiriȣenton ne iah teiakonnhikon naeseȣaterientarake tsinahoten kenton ne kenh Oȣenna: Atanitenrat teȣakatonȣentsioni iah nʼatateȣenniiosta,

Neh Nase Tsi Shokȣatakȣen 1880 (4 Gospels by Joseph Onasakenrat)

⁷ Nese karihonni iah taietsiriȣenton no iah teia-konnhikon naeseȣaterientarake tsinahoten kenton no kenh Oȣenna: Atanitenrat teȣakatonȣentsioni iah nʼatateȣenniiosta,

Matthew 12:7 ပူးပေါင်းရင်းမြစ်များ

Job Tánon ne Raoronhiakensera 32:3

Shakonhákwase nonhné꞉e ne áhsen nihá꞉ti raotoroseraʼshón꞉as tiorì꞉wa tsi iáh othé꞉non teotitsénron ne tahatirihwaʼserá꞉ko, ethosà꞉ne wahonwanontá꞉nake ne Job.

Psalms 109:31

Asèken thóh í꞉rate tsi ieweientetákwen ne tehiontʼkárias, né nasakonónsthate ne rononháke ne nontsèrek ahsakotiríhwenhte ahonnhí꞉heʼie.

Psalms 94:21

Iesakonatsatónhtses ne tionkwetaiéris, tánon sakotinonhtánats ne iáh tehiakoníkon nahonhníheʼie.

Proverbs 17:15

Tahsheiaʼtó꞉rehte ne iáh teiakohnhí꞉kon tókaʼ ó꞉ni aonsahsheiáhtkaʼwe ne iakorihwanéren—tetsá꞉ron ráhswens Roiá꞉ner.

Hosea 6:6

Asè꞉ken ne wakaskanékon ne iorihwató꞉ken kanoronkwáhtshera iáh ne kariwiioseokónhas, né꞉ne raothokhá꞉tshera ne Rawenni꞉io tsi ní꞉ioht ne wateskónte ahiontʼtatʼtse.

Matthew 22:29

Nok tanon ne Iesos ȣahenron; tsi tontasakoȣennaȣeron: seȣaiatatons netsi iah othenon teseȣaȣennaienteri ne Kaiatonseratokenti, iah oni ne Niio raokȣeniatsera.

Matthew 9:13

Ȣasene tanisa, oni ietsirori tsinahoten kenton ne kenh nikaȣennoten: atanitenron ikere, iah natateȣenniiotsera. Aseken iah neh tokheroriane ne tionkȣetaieri aonsaiontatreȣate, neh tanon ne iakoriȣaneraakskon.

St. Mark 12:33

Ne oni nahonȣanonȣehake, akaȣeriasakȣekon akonikonrakȣekon, akosastenserakȣekon oni, oni ne taiontatenonȣehake sateiakotikȣe tsi nakaonha niiontatenonȣes, neh onte tkasahatta ne kariȣiioseokonha.

Acts 13:27

Nonkwesónha ne thóh ratinákere ne Jerusalem ó꞉ni neh sakotihéntense iáh tehonaterientarakwe tsi raónha ne Sakohiatákwas, iáh ó꞉ni tehotinikonraientáʼon ne rotitokenséhakwe rahotiwennahókons tsi nihiotewenʼnánote nononsatokentíke niaʼtewentathokentiʼtseráke. Kwáh káti ó꞉ni neh wakarihónni ne rotitokenséhakwe raotiwennaʼókons ne thóʼkenske ahónton ne tsi wahonwaréwate ne Ié꞉sos.

Ne꞉ne Sák Rohiaton 5:6

Sherewáthon ó꞉ni sehiashéton ne iáh thènen tehothiníkon, tánon ó꞉ni iáh teiesakenrón꞉ni

1 Samuel 15:22

Tánon ne Samuel wahén꞉ron, “Ne Roiá꞉ner tóh kénh nihatsennonniátha ne watʼtsaháhtons iaiéthate ó꞉ni ne watéskonte, tsi naiontewennará꞉kwe ne raowennaó꞉kons ne Roiá꞉ner? Oriwiʼiohónwe, naiontewennará꞉kwe sénha ne ioiá꞉nere tsi ní꞉ioht ne kariwiʼiosehokónhas, tánon ahiontahón꞉sathaʼte tsi ní꞉ioht ne ronarésens teotinakarontón꞉ʼahs owirasón꞉ʼahs.